Քահանայութեան պաշտօնը եկեղեցւոյ կեանքին մէջ կարեւորագոյն պաշտօններէն մին է: Պաշտօն մը, որ ըստ էութեան զՔրիստոս կը ներկայացնէ ամէն Ս. Պատարագի ընթացքին աստուածապարգեւ «ընծաներուն» դիմաց: Պաշտօն մը, որ շատ աւելի խոր իմաստ ունի եւ որուն գիտակցումը մեծ պարտաւորութիւններու տակ կը դնէ քահանան: Պաշտօն մը, որ մարդկութեան տրուած մեծագոյն պատիւներէն մին է՝ Սուրբ Բարսեղ Հայրապետի բացատրութեամբ. «Բայց…
Օքսֆորտ Համալսարանի Հայագիտական ամպիոնի կազմակերպութեամբ եւ Գալուստ Կիւլպէնկեան Հիմնարկութեան նիւթական աջակցութեամբ, 21-23 Յունուար 2016-ին տեղի ունեցաւ «աշխատանքային» հաւաք մը, որ մէկտեղած էր արեւմտահայերէն գրողներ, մտաւորականներ, մասնագէտներ, մամուլի գործիչներ եւ հրատարակիչներ։ Հաւաքին առաջնորդներն էին Օքսֆորտ Համալսարանի «Գալուստ Կիւլպէնկեան Հայագիտական Ուսումնասիրութիւններու Փրոֆէսօր» հոլանտացի հայագէտ Թէօ Մաարթըն Վան Լինթ եւ Օքսֆորտ Համալսարանի Հայագիտական ամպիոնի վարիչ Դոկտ. Հրաչ Չիլինկիրեան։…
Իւրաքանչիւր տարուայ Բուն Բարեկենդանը կանխող Կիրակիին, Մեծի Տանն Կիլիկիոյ Կաթողիկոսութեան Միաբանութիւնը յատուկ հոգեհանգստեան պաշտօն կը կատարէ՝ Մեծի Տանն Կիլիկիոյ Կաթողիկոսութեան Սուրբ Ուխտին ճամբով՝ Աստուծոյ, Հայ Եկեղեցւոյ ու ժողովուրդին իրենց ծառայութիւնը մատուցած եւ առ յաւէտ բաժնուած երջանկայիշատակ հայրապետներուն ու հոգելոյս միաբան հայրերուն: Կիրակի, 31 Յունուար 2016-ի առաւօտուն, Ս. եւ Անմահ Պատարագի աւարտին, Դպրեվանքի ուսանողներէ եւ…
Հինգշաբթի, 28 Յունուար 2016-ին, Անթիլիասի Մայրավանքէն ներս Սուրիոյ հայութեան վերականգնումի գծով տեղի ունեցած խորհրդակցութեան որպէս շարունակութիւն, Ուրբաթ, 29 Յունուար 2016-ի առաւօտուն, Ն.Ս.Օ.Տ.Տ. Արամ Ա. Կաթողիկոսի նախագահութեամբ տեղի ունեցաւ հոգեւոր առաջնորդներու հանդիպումը, մասնակցութեամբ Բերիոյ Հայոց Թեմի Առաջնորդ Գերշ. Տ. Շահան Արք. Սարգիսեանի, Հալէպի Թեմի Հայ Կաթողիկէ Առաջնորդ Գերապայծառ Պետրոս Արք. Միրիաթեանի եւ Սուրիոյ Հայ Աւետարանական Եկեղեցւոյ…
ՀԱՍԿ Նոյեմբեր եւ Դեկտեմբեր կարդալ հոս
Մեր ժողովուրդի զաւակներուն եւ յատկապէս երիտասարդ՝ ապագայ սերունդին հայեցի առողջ դաստիարակութիւնը Մեծի Տանն Կիլիկիոյ Կաթողիկոսութեան առաջնահերթ առաքելութիւններէն մին կը հանդիսանայ: Ներկայ արհեստագիտական զարգացումները եւ մանաւանդ ընկերային լրատուամիջոցները, որոնք լայն չափով կ’օգտագործուին մեր երիտասարդ սերունդին կողմէ, ունին իրենց դրական ու ժխտական երեսները եւ պայման է անոնց ճշգրիտ գործածութեան մասին ծրագիրներ մշակել՝ յատկապէս ընդհանրական հարցերու գծով: …
Հինգշաբթի, 28 Յունուար 2016-ի առաւօտուն, Ն.Ս.Օ.Տ.Տ. Արամ Ա. Կաթողիկոսի նախագահութեամբ, Անթիլիասի Մայրավանքին մէջ տեղի ունեցաւ խորհրդակցական հանդիպում մը, որուն նպատակն էր Սուրիոյ հայութեան վերականգնումի յառաջիկայ աշխատանքները կազմակերպել։ Ժողովին իրենց մասնակցութիւնը բերին Բերիոյ Հայոց Թեմի Առաջնորդ Գերշ. Տ. Շահան Արք. Սարգիսեան, ինչպէս նաեւ Ազգային Կեդրոնական Վարչութեան ու Բերիոյ Թեմի Ազգային Վարչութեան ներկայացուցիչները։ Վեհափառ Հայրապետը նախ…
Ն.Ս.Օ.Տ.Տ. Արամ Ա. Վեհափառ Հայրապետին oրհնութեամբ ու տնoրինումով, Բերիոյ Հայոց Թեմի Առաջնորդ Գերաշնորհ Տ. Շահան Արք. Սարգիսեան Իտալիա մեկնեցաւ, ընդառաջելով ՍԷնթ Էճիտիo համայնքի հրաւԷրին, 20-24 Յունուար 2016-ին: Սրբազան Հայրը նախ եղաւ Նափոլիի մԷջ, ուր նոյն համայնքին նախաձեռնութեամբ կազմակերպուած դասախoսութեան ներկայացուց Միջին Արեւելքի քրիստոնԷութեան իրավիճակը եւ սուրիահայութեան ու մասնաւորաբար ՀալԷպի տագնապալի կացութիւնը, ընդգծելով յատկապԷս շրջանին մԷջ…
Արաբական Միացեալ Էմիրութեանց եւ Քաթարի Կաթողիկոսական Փոխանորդ Հոգշ. Տ. Մեսրոպ Վրդ. Սարգիսեան ներկայացնելով Մեծի Տանն Կիլիկիոյ Կաթողիկոսութիւնը, 18-19 Յունուար 2016-ին իր մասնակցութիւնը բերաւ Ապու Տապիի մէջ տեղի ունեցած Արաբական Ծոցի Երկիրներու Եկեղեցիներու Խորհուրդի ժողովներուն: Արաբական Ծոցի Երկիրներու Եկեղեցիներու Խորհուրդը վերջին տարիներու ընթացքին ստեղծուած է շրջանէն ներս պետական ճանաչում ունեցող բոլոր քրիստոնեայ համայնքներուն կարիքները քննարկելու…
Հինգշաբթի, 21 Յունուար 2016-ի առաւօտուն, Ն.Ս.Օ.Տ.Տ. Արամ Ա. Կաթողիկոս ընդունեց Ա.Մ. Նահանգներու, Անգլիոյ, Գերմանիոյ եւ Զուիցերիոյ տարբեր համալսարաններու աստուածաբանութեան ուսանողներ, որոնք Լիբանան այցելած են ծանօթանալու Միջին Արեւելքի զանազան եկեղեցիներուն: Ուսանողներուն կողքին հանդիպումին նաեւ ներկայ գտնուեցան անոնց ընկերացող դասախօսները: Վեհափառ Հայրապետը հանդիպումի ընթացքին Միջին Արեւելքի պատմականը կատարեց եւ անդրադարձաւ միաստուածեան կրօններուն ու Միջին Արեւելքի…
Երկուշաբթի, 18 Յունուար 2016-ի առաւօտուն, Ն.Ս.Օ.Տ.Տ. Արամ Ա. Վեհափառ Հայրապետը ընդունեց Մ.Ա. Նահանգներու Կաթոլիկ Եպիսկոպոսներու Համագումարը ներկայացնող պատուիրակութիւն մը՝ գլխաւորութեամբ Օսքար Գանթու Եպիսկոպոսին: Պատուիրակութեան մաս կը կազմէին Խորհուրդի Արդարութիւն եւ Խաղաղութիւն գրասենեակին տնօրէնը՝ Դոկտ. Սթէֆըն Գոլէքի եւ Կաթոլիկ Նպաստի Ծառայութիւններ կազմակերպութեան Լիբանանի գրասենեակի պատասխանատուն՝ Տիար Տէյվիտ Պէրնոքի: Պատուիրակութեան այս հանդիպումը կ’իյնար Միջին Արեւելքի…
3-rd International Theological Colloquium for Transformative Ecumenism Theme: Growing Together in Transformative Ecumenism 11-16 Յունուար 2016-ին, Թանզանիոյ Մոշի քաղաքի Լուտերական Եկեղեցւոյ համագումարներու կեդրոնին մէջ կայացաւ «Փոխակերպող Էքիւմէնիզմի 3-րդ Միջազգային Աստուածաբանական Համագումարը»: Քորիայի Եկեղեցիներու նախաձեռնութեամբ կազմակերպուած այս համագումարը կու գար շարունակելու Յուլիս 2013-ին Քորիայի մայրաքաղաք Սէյուլի եւ Յունիս 2014-ին Ֆիլիփեան Կղզիներու մայրաքաղաք Մանիլլայի ժողովներուն…
Չորեքշաբթի, 13 Յունուար 2016-ի երեկոյեան, Ն.Ս.Օ.Տ.Տ. Արամ Ա. Վեհափառ Հայրապետին այցելեց Լիբանանի Խորհրդարանի Նախագահ Նապիհ Պըրիի ներկայացուցիչ եւ Ամալ Կուսակցութեան քաղաքական դիւանի Ատենապետ Շէյխ Հասան Նասրի պատուիրակութեան մը ընկերակցութեամբ: Պատուիրակութիւնը Նորին Սրբութեան փոխանցեց Նախագահ Պըրիի եւ Ամալ կուսակցութեան բարեմաղթութիւնները: Հանդիպումը առիթ մը հանդիսացաւ ընդհանուր քննարկումի ենթարկելու Միջին Արեւելքի ու յատկապէս Լիբանանի առնչուած հարցեր:…
Շաբաթ, 9 Յունուար 2016-ի առաւօտուն, Մայրավանք այցելեց եւ Ն.Ս.Օ.Տ.Տ. Արամ Ա. Վեհափառ Հայրապետին հետ հանդիպում ունեցաւ Լիբանանի մէջ Իրանի Իսլամական Հանրապետութեան Դեսպան Ֆաթըհ Մուհամմատ Ալին: Դեսպանին կ’ընկերանային դեսպանատան քաղաքական գրասենեակին ղեկավարը եւ աշխատակազմի այլ դիւանագէտներ: Վեհափառ Հայրապետին եւ Դեսպանին խորհրդակցութիւնը ընդգրկեց Միջին Արեւելքէն ներս վերջին շրջանի քաղաքական զարգացումները եւ Իրանի ու Սէուտական Արապիոյ…
Հինգշաբթի, 7 Յունուար 2016-ի երեկոյեան ժամը 6-ին, Հայ Կաթողիկէ Հոգեւոր Տէրը շնորհաւորական այցելութիւն մը տուաւ Արամ Ա. Վեհափառ Հայրապետին: Հոգեւոր Տիրոջ կ’ընկերանային Մանուէլ Պաթագեան եւ Գէորգ Ասատուրեան եպիսկոպոսները: Վեհափառ Հայրապետը ընդունելէ ետք Հոգեւոր Տիրոջ Ս. Ծննդեան եւ Աստուածայայտնութեան տօնին բարեմաղթութիւնները, քննարկեցին Սուրիոյ հայ համայնքին դժուարութիւնները, Լիբանանի նախագահական ընտրութիւնները, ինչպէս նաեւ Միջին Արեւելքի վերջին զարգացումները:…
Հինգշաբթի, 7 Յունուար 2016-ի կէսօրէ ետք ժամը 4-ին, Լիբանանեան Հզպալլա Կուսակցութիւնը ներկայացնող բարձրաստիճան պատուիրակութիւն մը այցելեց Ն.Ս.Օ.Տ.Տ. Արամ Ա. Վեհափառ Հայրապետին: Պատուիրակութիւնը կը գլխաւորէր Կուսակցութեան քաղաքական դիւանի ատենապետը, որուն կ’ընկերանային Լիբանանեան Խորհրդարանին մէջ Հզպալլան ներկայացնող երեսփոխաններ եւ բարձրաստիճան պատասխանատուներ: Պատուիրակութիւնը Հզպալլա Կուսակցութեան Ընդհանուր Քարտուղար Սէյիտ Հասան Նասրալլայի անունով շնորհաւորեց Նորին Սրբութիւնն ու հայ համայնքը Ս.…
Չորեքշաբթի, 6 Յունուար 2016-ին կէսօրէ ետք ժամը 1:30-ին, Անթիլիասի Մայրավանք այցելեց Լիբանանի Վարչապետ Ն.Վ. Թամմամ Սալամ: Վարչապետը, Ս. Ծննդեան եւ Աստուածայատնութեան տօնին եկեղեցական արարողութեան աւարտին, անձամբ Նորին Սրբութեան փոխանցեց իր շնորհաւորութիւնները: Այցելութիւնը առիթ մը հանդիսացաւ Վարչապետին եւ Նորին Սրբութեան միջեւ խորհրդակցական հանդիպման, որուն ընթացքին քննարկուեցան Միջին Արեւելքի վերջին զարգացումները, Լիբանանի ներկայ կացութիւնը եւ Լիբանանի…
«ԱՍՏՈՒԾՈՅ ՈՐԴՒՈՅՆ ԾՆՈՒՆԴԸ ՊԱՏԳԱՄ ՄԸՆ Է ՈՒՂՂՈՒԱԾ ՀԱՄԱՅՆ ԱՇԽԱՐՀԻՆ ԹԷ՝ ԱՍՏՈՒԾՈՅ ՃԱՄԲԱՆ ՍԻՐՈՅ, ՓՈԽԱԴԱՐՁ ՀԱՍԿԱՑՈՂՈՒԹԵԱՆ ՈՒ ԽԱՂԱՂ ԳՈՅԱԿՑՈՒԹԵԱՆ ՃԱՄԲԱՆ Է» Պատգամեց Ն.Ս.Օ.Տ.Տ. Արամ Ա. Կաթողիկոս Չորեքշաբթի, 6 Յունուար 2016-ի առաւօտուն ժամը 10-ին, Ս. Գրիգոր Լուսաւորիչ Մայր Տաճարի զանգերու ղօղանջներուն ներքոյ Հայրապետական թափօրը Վեհարանէն ուղղուեցաւ դէպի Մայր Տաճար, Ս. եւ Անմահ Պատարագով տօնախմբելու մեր Տիրոջ…
Երեքշաբթի, 5 Յունուար 2016-ի կէսօրին, Ն.Ս.Օ.Տ.Տ. Արամ Ա. Վեհափառ Հայրապետը, Վեհարանի հիւրասրահին մէջ ընդունեց Ասորի Կաթոլիկներու Եունան Պատրիարքը, որուն կ’ընկերակցէին Պատրիարքական Ընդհանուր Փոխանորդ Քաս-Մուսա Եպիսկոպոսը եւ այլ հոգեւորականներ: Հանդիպումին ներկայ էր նաեւ Կաթողիկոսարանի Միջ-եկեղեցական բաժանմունքի վարիչ Գերպ. Տ. Յուսիկ Ծ. Վրդ. Մարտիրոսեան: Խորհրդակցական այս հանդիպման ընթացքին արծարծուեցան Միջին Արեւելքէն ներս տեղի ունեցող վերջին զարգացումները:…
Երեքշաբթի, 5 Յունուար 2016-ի առաւօտուն, Ն.Ս.Օ.Տ.Տ. Արամ Ա. Վեհափառ Հայրապետին այցելեց Պապական Նուիրակ Կապրիէլ Քաչիա Եպիսկոպոսը եւ յանձնեց Հայոց Ծննդեան տօնին առիթով Վեհափառ Հայրապետին շնորհաւորութիւններ յայտնող Ն.Ս. Ֆրանսիս Պապին նամակը: Պապական Նուիրակը նաեւ Արամ Ա. Կաթողիկոսին փոխանցեց Վատիկանի գլխաւոր պատասխանատուներուն շնորհաւորութիւնները: Այս առիթով Վեհափառ Հայրապետը իր գնահատանքն ու շնորհակալութիւնը յայտնեց Հայոց Ցեղասպանութան 100-ամեակին առիթով ընդհանրապէս…
Armenian Catholicosate of Cilicia Communication and Information Department Tel: (04) 410001, 410003 Fax: (04) 419724 E- mail: info@ArmenianOrthodoxChurch.org Web: http://www.ArmenianOrthodoxChurch.org/ PO Box 70 317 Antelias-Lebanon LIVE TELEVISION BROADCAST OF CHRISTMAS MASS VIA SATELLITE FROM ANTELIAS — JANUARY 6TH, 2016 The Lebanese Broadcasting Corporation International (LBCI) will broadcast LIVE via satellite the Christmas Mass presided over…
3 Յունուար 2016-ի առաւօտուն, Ս. եւ Անմահ Պատարագի ընթացքին, ընթերցուեցաւ Ն.Ս.Օ.Տ.Տ. Արամ Ա. Կաթողիկոսի 2016 թուականը «Ծառայութեան Տարի» հռչակող պատգամը: Ամբողջ տարուան ընթացքին Հայրապետական այս պատգամը ուղեցոյց պիտի ծառայէ լուսարձակի տակ առնելու ծառայութեան կարեւորութիւնը մեր եկեղեցւոյ ու ազգին կեանքէն ներս: Կիլիկիոյ Կաթողիկոսութեան թեմերն ու ազգային կառոյցները, անսալով Նորին Սրբութեան կոչին վերարժեւորումի պիտի ենթարկեն եւ յատուկ…
ԲԱՑՈՒՈՂ ՆՈՐ ՏԱՐՈՒԱՆ ԴԻՄԱՑ՝ ՀԱՄԱՀԱՅԿԱԿԱՆ ՉՈՐՍ ԱՌԱՋՆԱՀԵՐԹՈՒԹԻՒՆՆԵՐ Սոյն գրութիւնը խտացումն է Ն.Ս.Օ.Տ.Տ. Արամ Ա. Կաթողիկոսի 2016 տարուան անդրանիկ պատգամին, տրուած Վեհարանի դահլիճին մէջ, Ամանորի պատարագէն ետք, 1 Յունուար 2016։ Նոր Տարին նկատուած է հաշուետուութեան ու միաժամանակ՝ մեր կեանքի յառաջիկայ հանգրուանը ծրագրելու եւ առաջնահերթութիւնները ճշդելու առիթ։ Այսօր, երբ 2015 թուականը այլեւս…
Մեծի Տանն Կիլիկիոյ Կաթողիկոսութեան առաքելութեան դաշտը ընդարձակ ու տարածուն է: Կաթողիկոսութիւնը ո՛չ միայն հետամուտ է հոգեւոր սնունդ մատակարարելու, այլ հոգեւորին կողքին՝ մշակութային, ազգային, պահանջատիրական, ընկերային ծառայութեան, երիտասարդական, միջ-եկեղեցական ու միջ-կրօնական եւ այլ բնագաւառներէ ներս ծաւալուն աշխատանք կը տանի, ծրագիրներ կը մշակէ եւ իրագործումներ կ’արձանագրէ: «Շնորհալի» երգչախումբին եւ Հայ Եկեղեցւոյ Համալսարանական Ուսանողներու Միութեան (ՀԵՀՈՄ)…
Կ’ուզենք յայտնել մեր ժողովուրդի զաւակներուն, որ Նոր Տարուան գիշերը՝ Հինգշաբթի, 31 Դեկտեմբեր 2015-ի կէս գիշերին, յատուկ արարողութիւն պիտի կատարուի Անթիլիասի Ս. Գրիգոր Լուսաւորիչ Մայր Տաճարին մէջ, նախագահութեամբ Ն.Ս.Օ.Տ.Տ Արամ Ա. Կաթողիկոսի։ Իսկ Ս. եւ Անմահ Պատարագ պիտի մատուցուի յաջորդ օր՝ Ուրբաթ, Յունուար 1-ին, առաւօտեան ժամը 10։00-ին։ Պատարագէն անմիջապէս ետք, Վեհափառ Հայրապետը Վեհարանի դահլիճին մէջ…
«Դպրեվանքը աստուածաբանական ու հայագիտական կեդրոն ըլլալուն կողքին, հայ մշակոյթը ծաղկեցնող աղբիւր է» Հաստատեց Արամ Ա. Կաթողիկոս Նոր Տարուան եւ Սուրբ Ծննդեան բարեբեր տօներուն նախօրեակին, բարձր հովանաւորութեամբ՝ Ն.Ս.Օ.Տ.Տ. Արամ Ա. Վեհափառ Կաթողիկոսին եւ կազմակերպութեամբ՝ Մեծի Տանն Կիլիկիոյ Կաթողիկոսութեան Դպրեվանքի Տեսչութեան, Երկուշաբթի, 28 Դեկտեմբեր 2015-ի երեկոյեան ժամը 8-ին, Դպրեվանքի ԱՐՄԱՇ երգչախումբը, Անթիլիասի Սուրբ Գրիգոր Լուսաւորիչ…
Երկուշաբթի, 28 Դեկտեմբեր 2015-ի առաւօտուն, Ն.Ս.Օ.Տ.Տ. Արամ Ա. Կաթողիկոս, որպէս նախագահ Միջին Արեւելքի Եկեղեցիներու Խորհուրդի, իր գրասենեակին մէջ աշխատանքային հանդիպում մը ունեցաւ նոյն խորհուրդի ընհանուր քարտուղար Հայր Միշէլ Ժալըխի եւ փոխ քարտուղար Տիար Իլիաս Հալապիի, ինչպէս նաեւ տեղեկատուական եւ մարդասիրական բաժանմունքներու տնօրէններուն հետ։ Հանդիպման ընթացքին լայնօրէն քննարկուեցան Սուրիոյ քրիստոնեայ համայնքներուն կատարուող մարդասիրական օժանդակութիւնը…
Սարկաւագութիւնը, որ կը յատկանշուի ծառայութեամբ, եկեղեցւոյ բարձր աստիճաններուն խոնարհագոյնն է: Սարկաւագութեան աւանդութիւնը սկսած է առաքելական շրջանին, երբ քրիստոնէական առաջին համայնքը, հոգատարութեան եւ սպասաւորութեան պաշտօններուն համար, կարիքը կը զգայ ընտրելու եօթը սարկաւագներ: Ահաւասիկ այդ խումբին մէջ էր նաեւ Սուրբ Ստեփանոս, որ նաեւ դարձաւ Քրիստոնէական Եկեղեցւոյ առաջին մարտիրոսն ու նահատակը: Շաբաթ, 26 Դեկտեմբեր 2015-ին, Հայ Եկեղեցին…
Մեծի Տանն Կիլկիկիոյ Կաթողիկոսութիւնը իր առաքելութեան մէջ կը ներառնէ մեր ժողովուրդի բոլոր խաւերը՝ որբեր ու ծնողազուրկներ, տարեցներ ու հիւանդներ, երէցներ ու անկարներ: Ն.Ս.Օ.Տ.Տ. Արամ Ա. Կաթողիկոս անձամբ օրինակ կը հանդիսանայ եւ կը քաջալերէ Միաբան Հայրերը, որ յատուկ ուշադրութիւն դարձնեն ընկերային ծառայութեան: Արդարեւ, Նոր Տարուան եւ Սուրբ Ծննդեան տօներուն առթիւ Վեհափառ Հայրապետը կը շարունակէ այցելել ազգային…
Հինգշաբթի, 24 Դեկտեմբեր 2015-ի առաւօտուն, Նոր Տարուան եւ Ս. Ծննդեան տօներու նախօրեակին, Ն.Ս.Օ.Տ.Տ. Արամ Ա. Վեհափառ Հայրապետ ընկերային ծառայութիւններ մատուցող հաստատութիւններուն կատարած այցելութիւններու ծիրէն ներս, այցելեց նաեւ Կաթողիկոսարանի հաստատութիւններէն՝ Ազունիէի Ազգային Բուժարանը: Վեհափառ Հայրապետին կ’ընկերակցէին Միաբան Հայրեր: Նորին Սրբութիւնը հիւանդանոցի մուտքին դիմաւորուեցաւ Բուժարանի տնօրէնին եւ պատասխանատու բժիշկներուն կողմէ: Վեհափառ Հայրապետը նախ հանդիպում ունեցաւ անոնց…
Չորեքշաբթի, 23 Դեկտեմբեր 2015-ը վառ յիշատակներով արձանագրուեցաւ «Թռչնոց Բոյն» հաստատութենէն ներս պատսպարուած հայ որբերու յիշողութեան մէջ: Արդարեւ, «Թռչնոց Բոյն»ի մանուկները, պաշտօնէութիւնը, խնամակալութեան ներկայացուցիչները եւ Գայեանեան Քոյրերու միաբանութիւնը այցելութիւն տուին Մայրավանք: Նոր Տարուան եւ Սուրբ Ծննդեան տօներու նախօրեակին, աւանդութիւն դարձած է անոնց հանդիպումը Ն.Ս.Օ.Տ.Տ. Արամ Ա. Վեհափառ Հայրապետին հետ: Մանուկները Նորին Սրբութեան ներկայացուցին Նոր Տարուան…
Հինգշաբթի, 17 Դեկտեմբեր 2015-ի առաւօտուն, Ն.Ս.Օ.Տ.Տ. Արամ Ա. Կաթողիկոս Վեհարանի իր գրասենեակին մէջ ընդունեց Իրաքի Նաժաֆ քաղաքի կրօնապետը ներկայացնող պատուիրակութիւն մը՝ գլխաւորութեամբ Սուրիոյ եւ Լիբանանի ներկայացուցիչ Շէյխ Ալի Քամալ Պահսունի: Նշենք, որ Նաժաֆ քաղաքը Շիիթ համայնքի կարեւորագոյն հոգեւոր կեդրոններէն մէկն է: Հանդիպումին նաեւ ներկայ էր Կաթողիկոսարանի Միջ-եկեղեցական բաժանմունքի վարիչ Գերպ. Տ. Յուսիկ Ծ. Վրդ. Մարտիրոսեան:…
Լիբանանի մէջ Հայաստանի Հանրապետութեան դեսպանութեան նախաձեռնութեամբ, 10 Դեկտեմբեր 2015-ին, Լիբանանի մէջ Արժանթինի, Գերմանիոյ, Դանիոյ, Լեհաստանի, Յունաստանի, Չեխիոյ, Ռուսիոյ, Վատիկանի դեսպանները, Լիբանանի մէջ ՄԱԿ-ի մնայուն համակարգող Սիկրիտ Քաակ, Լիբանանի մէջ Կիպրոսի դեսպանին տեղակալը, Լիբանանի Հայոց Թեմի Առաջնորդ Գերշ. Տ. Շահէ Եպս. Փանոսեան, Պէյրութի դիւանագիտական անձնակազմի ղեկավարը, Լիբանանի Արտաքին Գործոց եւ Մշակոյթի նախարարներու ներկայացուցիչները, Հայոց Ցեղասպանութեան Լիբանանի կեդրոնական…
Չորեքշաբթի, 9 Դեկտեմբեր 2015-ին, Պոլսոյ «Ճազայիր» մամլոյ ասուլիսներու եւ համագումարներու յատուկ կեդրոնին մէջ տեղի ունեցաւ Սիսի Կաթողիկոսարանի վերադարձի դատին նուիրուած մամլոյ ասուլիս, կազմակերպութեամբ դատի յանձնախումբի անդամ թուրք փաստաբաններու: Մամլոյ ասուլիսին Մեծի Տանն Կիլիկիոյ Կաթողիկոսութիւնը կը ներկայացնէին Գերպ. Տ. Յուսիկ Ծ. Վրդ. Մարտիրոսեան՝ վարիչ Կաթողիկոսարանի Միջ-եկեղեցական եւ Տեղեկատուական բաժանմունքներու եւ Հոգշ. Տ. Պետրոս Վրդ. Մանուէլեան՝ վարիչ…
Ուրբաթ, 11 Դեկտեմբեր 2015-ի երեկոյեան ժամը 7:00-ին, Անթիլիասի Մայրավանքէն ներս տեղի ունեցաւ բացումը Հայ Եկեղեցւոյ Համալսարանական Ուսանողներու Միութեան կողմէ կազմակերպուած Նոր Տարուան Ցուցահանդէս-Տօնավաճառին, ձեռամբ՝ Ն.Ս.Օ.Տ.Տ. Արամ Ա. Կաթողիկոսին: Ցուցադրութեան ու վաճառքի համար դրուած էին հայկական արուեստի գործեր, ամանորեայ զարդարանքներ, հայկական խոհանոցը ներկայացնող ուտեստեղէններ, հայկական գինիներ եւ քոնեակներ, տուրմեր, խտասալիկներ, հայկական մրգեղէններ, ձեռագործներ, տնային գործնական պիտոյքներ…
Ուրբաթ, 11 Դեկտեմբեր 2015-ի առաւօտուն, Ն.Ս.Օ.Տ.Տ. Արամ Ա. Կաթողիկոս հարցազրոյց ունեցաւ Գերմանիոյ ամէնէն կարեւոր օրաթերթէն Ֆրանքֆուրթըր Ալմայնի հետ։ Հարցազրոյցի ընթացքին Վեհափառ Հայրապետը Սիսի Կաթողիկոսարանի վերադարձի գծով Մեծի Տանն Կիլիկիոյ Կաթողիկոսութեան Թուրքիոյ Սահմանադրական դատարանի մօտ բացած դատին կարեւորութիւնը շեշտելով ըսաւ. «Հայոց Ցեղասպանութեան ճանաչման աշխատանքներուն առընթեր, իրաւական գործընթացի նախաձեռնութիւնը հրամայական անհրաժեշտութիւն է 100 տարիներ յետոյ։ Այս…
Երկուշաբթի երեկոյեան, Վեհափառ Հայրապետը իր գրասենեակին մէջ ընդունեց մտքով թերաճ հայ մանուկներու Զուարթնոց Կեդրոնի վարչութիւնը։ Յիշեալ վարչութիւնը կը բաղկանայ Լիբանանի ընկերային ծառայութեան նուիրուած կառոյցներու ներկայացուցիչներէ եւ մօտէն կը հետեւի մտքով թերաճ մանուկներու դաստիարակութեան աշխատանքներուն։ Ներկայիս 40 մանուկներ ու պատանիներ կը յաճախեն Զուարթնոց Կեդրոն, ուր կազմակերպուած, հետեւողական եւ արդի մեթոտներով աշխատանք կը տարուի։ Զուարթնոց Կեդրոնի Վարչութիւնը…
Ն.Ս.Օ.Տ.Տ. Արամ Ա. Կաթողիկոս Շաբաթ, 5 Դեկտեմբեր 2015-ի առաւօտուն, ընդունեց այցելութիւնը Քուէյթի եւ Շրջակայից հայոց թեմի Առաջնորդ Գերապատիւ Տ. Մասիս Ծ. Վրդ. Զօպուեանի գլխաւորութեամբ պատուիրակութիւն մը, որուն մաս կը կազմէին թեմի Ազգ. Վարչութեան եւ Երեսփոխանական Ժողովի ներկայացուցիչները։ Պատուիրակութիւնը տեղեակ պահեց Վեհափառ Հայրապետը, որ շնորհիւ իրենց յարատեւ աշխատանքին, թեմը գնած է լայն կարելիութիւններ ունեցող…
Այս առաւօտ Վեհափառ Հայրապետը Հայաստանի Հանրապետութեան Նախագահ Վսեմաշուք Սերժ Սարգսեանին հետ ունեցած հեռաձայնային խօսակցութեան ընթացքին ողջունեց սահմանադրութեան փոփոխութիւնները Հայաստանէն ներս եւ յոյս յայտնեց, որ «այս կարեւոր քայլը աւելի պիտի ամրապնդէ ժողովրդավարութիւնը, առիթ պիտի ստեղծէ ժողովուրդը ներկայացնող քաղաքական կուսակցութիւններու աւելի լայն ու գործօն մասնակցութեան, ինչպէս նաեւ հայրենիքը յուզող հիմնահարցերը հաւաքական ճիգով դիմագրաւելու կարելիութիւնը պիտի ընձեռէ ու…
Ուրբաթ, 4 Դեկտեմբեր 2015-ի առաւօտեան ժամը 9:00-ին, Ն.Ս.Օ.Տ.Տ. Արամ Ա. Կաթողիկոս Մայրավանքի Վեհարանի գրասենեակին մէջ ընդունեց Թէլէ Լիւմյէր-Նուր Սաթ պատկերասփիւռի կայանի կեդրոնական վարչութեան ներկայացուցիչները, ընկերակցութեամբ նոյն պատկերասփիւռի հովանիին տակ գործող Նուր ալ Շարք հեռատեսիլի կայանին յանձնախումբը: Սոյն յանձնախումբին մէջ Մեծի Տանն Կիլիկիոյ Կաթողիկոսութիւնը կը ներկայացնէ Դոկտ. Ժան Սալմանեանը: Շուրջ տարի մը առաջ հաստատուած Նուր…
Կիրակի, 29 Նոյեմբեր 2015-ին, յաւարտ Ս. եւ Անմահ Պատարագին, Վեհարանի դահլիճին մէջ տեղի ունեցաւ Մեծի Տանն Կիլիկիոյ Կաթողիկոսութեան «Կիլիկիա» Թանգարանին կազմակերպութեամբ հայ սրբանկարչութեան խտացեալ դասընթացքի փակման հանդիսութիւնը: Դասընթացքին մասնակից ուսանողները, իրենց գծած սրբապատկերներով դիմաւորեցին Վեհափառ Հայրապետը: Բացման խօսքը կատարեց «Կիլիկիա» Թանգարանի տեսուչ Հոգշ. Տ. Պարոյր Վրդ. Շէրնէզեան, որ Նորին Սրբութեան շնորհակալութիւն յայտնեց աննախընթաց այս դասընթացքին…
Հայոց Ցեղասպանութեամբ հայ ժողովուրդը բնաջինջ ընելու ծրագրին կողքին, ցեղասպան թուրքը նաեւ նպատակ ունէր արմատախիլ ընել ու կործանել հայուն ստեղծագործ միտքը եւ մշակոյթը: Արդարեւ, 24 Ապրիլ 1915-ին, հայ ժողովուրդի ղեկավարութեան ձերբակալութեան ընթացքին, չխնայուեցան հայ մշակոյթի եկեղեցական թէ աշխարհական սպասաւորները, որոնց մէջ ակնյայտ դէմքերէն էր Կոմիտաս Վարդապետ, որուն ներաշխարհը խանգարուեցաւ եւ հանճարեղ ստեղծագործ միտքը ամլացաւ ի տես…
16-17 Նոյեմբեր 2015-ին, Ժընեւի մէջ, Եկեղեցիներու Համաշխարհային Խորհուրդին եւ Իրանի Իսլամական Հանրապետութեան Մշակոյթի եւ Իսլամական միջազգային կեդրոնին միջեւ տեղի ունեցաւ քրիստոնեայ-իսլամ միջազգային համագումար մը՝ «Կրօն, խաղաղութիւն եւ բռնութիւն» թեմայով: Համագումարին իրենց մասնակցութիւնը բերին Ամերիկայի Միացեալ Նահանգներէն, Անգլիայէն, Գերմանիայէն, Իրանէն, Լիբանանէն եւ Փաքիստանէն իսլամագէտներ եւ համալսարաններու դասախօսներ, որոնք համագումարին թեմային շուրջ ներկայացուցին զանազան…
Հայոց Ցեղասպանութեան 100-ամեակին առիթով, Մեծի Տանն Կիլիկիոյ Կաթողիկոսութեան 27 Ապրիլ 2015-ին Թուրքիոյ Սահմանադրական Դատարանին մօտ յարուցած՝ Սիսի Կաթողիկոսարանի կալուածի վերադարձի դատը, որ իր տեսակին մէջ եզակի քայլ մըն էր՝ Հայ Դատի իբր շօշափելի ու գործնական նախաձեռնութիւն, ցնցում պատճառեց հայ եկեղեցական թէ քաղաքական իրականութենէն ներս: Ն.Ս.Օ.Տ.Տ. Արամ Ա. Վեհափառ Հայրապետին անմիջական հսկողողութեամբ, երեք տարիներու ընթացքին դատի…
Հասկ կարդալ հոս
Հայ եւ զուիցերիացի ժողովուրդներու բարեկամական յարաբերութիւնը կ’երթայ Հայոց Ցեղասպանութեան օրերը եւ ապա, երբ զուիցերիացի միսիոնարներ Կիլիկիայէն հազարաւոր որբերու խնամք տածած են, Միջին Արեւելեան զանազան երկիրներու ինչպէս նաեւ Զուիցերիոյ մէջ: Մեծի Տանն Կիլիկիոյ Կաթողիկոսութիւնը յատկապէս, սերտ յարաբերութիւն ու գործակցութիւն ունի Զուիցերիոյ Եկեղեցիներուն հետ: Արդարեւ, Սեպտեմբեր 2015-ին Ն.Ս.Օ.Տ.Տ. Արամ Ա. Կաթողիկոս հրաւիրուած էր Զուիցերիա եւ տարբեր քաղաքներու…
Կազմակերպութեամբ Մեծի Տանն Կիլիկիոյ Կաթողիկոսութեան Երիտասարդական բաժանմունքին եւ գործակցութեամբ Լիբանանի Հայոց Թեմին, Շաբաթ, 21 Նոյեմբեր 2015-ի երեկոյեան ժամը 5-էն սկսեալ, Ազգային Եղիշէ Մանուկեան Քոլէճի «Սիրան Մանուկեան» սրահին մէջ տեղի ունեցաւ Լիբանանի Հայոց Թեմի միջ-դպրաց դասերու միօրեայ երիտասարդական սեմինար «Կամաւոր Աշխատանքը եւ Եկեղեցին» թեմայով։ Սեմինարին նպատակն էր համախմբել Լիբանանի Հայոց Թեմի կամաւոր ծառայող երիտասարդները,…
Երկուշաբթի, 23 Նոյեմբեր 2015-ի առաւօտուն, Հայ Կաթողիկէ Գրիգոր Պետրոս Ի. նորընտիր Պատրիարքը ընկերակցութեամբ եպիսկոպոսներու եւ պետական երեսփոխաններու պաշտօնական այցելութիւն տուաւ Ն.Ս.Օ.Տ.Տ. Արամ Ա. Կաթողիկոսին: Հոգեւոր Տէրն ու իրեն ընկերացող շքախումբը Կաթողիկոսարանի Վեհարանին մուտքին դիմաւորուեցան Վեհափառ Հայրապետին եւ Միաբան Հայրերուն կողմէ, որոնք առաջնորդեցին Վեհափառ Հայրապետն ու Պատրիարքը Ս. Գրիգոր Լուսաւորիչ Մայր Տաճարի աւագ խորան, ուր կատարուեցաւ…
20 Նոյեմբեր 2015-ի երեկոյեան, Ն.Ս.Օ.Տ.Տ. Արամ Ա. Կաթողիկոս պաշտօնական բացումը կատարեց Մեծի Տանն Կիլիկիոյ Կաթողիկոսութեան Կրթական-Հայագիտական բաժանմունքին կողմէ ձեռնարկուած հայագիտական դասընթացքին: Վեհափառ Հայրապետը բաժանմունքի գործավար Տիար Ժիրայր Դանիէլեանի, դասաւանդողներու եւ Միաբան Հայրերու ներկայութեան հանդիպում ունեցաւ դասընթացքին արձանագրուած երեսունէ աւելի ուսանողներուն հետ: Նորին Սրբութիւնը յիշեցուց, թէ Մեծի Տանն Կիլիկիոյ Կաթողիկոսութեան համար կարեւոր բնագաւառ է…
Ուրբաթ, 20 Նոյեմբեր 2015-ին, Ն.Ս.Օ.Տ.Տ. Արամ Ա. Վեհափառ Հայրապետը, իր գրասենեակին մէջ ընդունեց Միջին Արեւելքի Եկեղեցիներու Ընդհանուր Քարտուղար Դոկտ. Հայր Միշէլ Ժալըխը: Ընդհանուր Քարտուղարը Վեհափառ Հայրապետին շնորհակալութիւն յայտնեց, 3-4 Նոյեմբեր 2015-ին Գահիրէի մէջ, իբր Խորհուրդին Նախագահ, Գործադիր Վարչութեան ժողովին մասնակցութեան համար: Վեհափառ Հայրապետը յայտնեց, թէ Միջին Արեւելքի դիմագրաւած այս տագնապին դիմաց ՄԱԵԽ-ը կարեւոր դերակատարութիւն ունի,…
ԵԿԵՂԵՑԻՆԵՐՈՒ ՀԱՄԱՇԽԱՐՀԱՅԻՆ ԽՈՐՀՈՒՐԴԻ ԳՈՐԾԱԴԻՐ ՎԱՐՉՈՒԹԵԱՆ ԺՈՂՈՎ 12-19 Նոյեմբեր 2015-ին, Ժընեւի մէջ, գումարուեցաւ Եկեղեցիներու Համաշխարհային Խորհուրդի Գործադիր Վարչութեան ժողովը, որուն յանուն Մեծի Տանն Կիլիկիոյ Կաթողիկոսութեան մասնակցեցաւ Կիպրոսի Հայոց Կաթողիկոսական Փոխանորդ՝ Գերշ. Տ. Նարեկ Արք. Ալեէմէզեան։ Ի պաշտօնէ, ժողովին մասնակցեցաւ նաեւ Գերշ. Տ. Վիգէն Արք. Այքազեան (Ս. Էջմիածնի Ամենայն Հայոց Կաթողիկոսութիւն)։ Ժողովականներ լսեցին եւ քննարկեցին…
«Որբը Տուն Շինեց» Ֆիլիբ Զաքարեանի հեղինակած 3 հատորներուն վերնագիրը, Հինգշաբթի, 19 Նոյեմբեր 2015-ին թանձրացեալ իրականութիւն դարձաւ եւ մատուցուեցաւ Լիբանանի հայ թէ օտար հանրութեան: Արդարեւ, Պէյրութի հիւղաւաններուն, որբութեան, աղքատութեան եւ տնանկութեան դառն բաժակը ցմրուր ըմպած, սակայն կեանքի բոլոր ալեկոծութեանց դիմաց անխորտակելի հայու կամքին ուժը լաւագոյնս իր մէջ արտայայտած «Թռչնոց Բոյն»ի նախկին որբը՝ Վարդան Մելքոնեան, իր կեանքին…
Երկուշաբթի, 16 Նոյեմբեր 2015-ի երեկոյեան, Վեհափառ Հայրապետը հանդիպում մը ունեցաւ հայ սրբանկարչութեան դասընթացքի հետեւողներուն հետ։ Այս երկրորդ տարին է, որ Մեծի Տանն Կիլիկիոյ Կաթողիկոսութեան «Կիլիկիա» Թանգարանը հայ սրբանկարչութեան յատուկ դասընթացք կը կազմակերպէ Կաթողիկոսարանէն ներս, Հայր Յովսէփ Վրդ. Աշգարեանի ուսուցողութեամբ։ Այս տարի եւս, աշակերտներ պիտի ծանօթանան հայ սրբանկարչութեան արուեստին եւ գործնապէս պիտի սորվին սրբանկարներ պատրաստելու արուեստը:…
The Armenian Catholicosate of Cilicia History, Mission, treasures Public Presentation, Antelias, Monday November 9, 2015 Editor’s Word Seta B. Dadoyan Your Holiness, Eminences, Holy fathers, Excellencies, ladies and gentlemen. We have the pleasure of presenting to you The Armenian Catholicosate of Cilicia History, Mission, Treasures, a unique volume in form, content and…
12-13 Նոյեմբեր 2015-ին, Լիբանանի Սէնթ Ճոզէֆ Համալսարանին մէջ տեղի ունեցաւ միջազգային համագումար մը՝ «“Մէկ” Եկեղեցւոյ Մարտահրաւէրը՝ Միջ-եկեղեցական Շարժումի Ֆրանսական Պարբերաթերթերու Առաքելութիւնը» խորագրով: Համագումարը կազմակերպուած էր Սէնթ Ճոզէֆ Համալսարանին (USJ), Սէնթ Ճոզէֆ Համալսարանի Կրօնական Գիտութիւններու Ամպիոնին (FSR), Proche-Orient Chrétien աստուածաբանական պարբերաթերթին եւ Le Centre de Recherche et de Publications de l’Orient Chrétien-ի միասնական ճիգերով: Սոյն…
Անթիլիաս 14 Նոյեմբեր 2015 Նորին Վսեմութիւն Ֆրանսուա Հոլլանտ Նախագահ Ֆրանսայի Հանրապետութեան Փարիզ Յարգելի՛ Պրն. Նախագահ, Խոր ցաւով ու ընդվզումով երէկ գիշեր հետեւեցանք Փարիզի ահաբեկչական դէպքերուն։ Արդարեւ, հաւաքական ահաբեկչութեան, այլ խօսքով՝ ցեղասպանութեան ենթարկուած հայ ժողովուրդը ու հայ եկեղեցին գոյութենական փորձառութեամբ գիտեն թէ ինչ կը նշանակէ անմեղ մարդոց արիւնը թափել։ Ահաբեկչութիւնը համամարդկային…
Չորեքշաբթի, 11 Նոյեմբեր 2015-ին, երեկոյեան ժամը 4:30-ին, հովանաւորութեամբ եւ քաջալերանքով՝ Ն.Ս.Օ.Տ.Տ. Արամ Ա. Վեհափառ Հայրապետին եւ կազմակերպութեամբ՝ Մեծի Տանն Կիլիկիոյ Կաթողիկոսութեան «Կիլիկիա» Թանգարանին, բացումը կատարուեցաւ Հայ Սրբանկարչութեան դասընթացքի երկրորդ հանգրուանին: Առաջին անգամ ըլլալով, Լիբանանի եւ ընդահանրապէս Սփիւռքի իրականութեան մէջ, այս աննախադէպ դասընթացքը սկիզբ առաւ անցնող 2014-ի Սեպտեմբերին, «Կիլիկիա» Թանգարանի կազմակերպութեամբ եւ Իտալիայէն յատուկ կերպով հրաւիրուած՝…
Երկուշաբթի, 9 Նոյեմբեր 2015-ի երեկոյեան, Մեծի Տանն Կիլիկիոյ Կաթողիկոսութեան կողմէ հրատարակուած Հայոց Ցեղասպանութեան 100-ամեակին նուիրուած երեք հատորներու շնորհահանդէսը տեղի ունեցաւ Կաթողիկոսարանէն ներս, նախագահութեամբ Ն.Ս.Օ.Տ.Տ. Արամ Ա. Կաթողիկոսին: Հանդիսութեան ներկայ էին Ասորի Կաթոլիկ Իգնատիոս Եուսըֆ Գ. Պատրիարքը, պատրիարքներու ներկայացուցիչներ, հոգեւոր առաջնորդներ, նախարարներ, երեսփոխաններ, դեսպաններ, լիբանանեան ու հայկական կուսակցութեանց ներկայացուցիչներ եւ շուրջ երկու հարիւր հրաւիրեալներ: …
Կիրակի, 8 Նոյեմբեր 2015-ին, Վեհարանի դահլիճին մէջ, յատուկ հանդիսութեան մը ընթացքին, Ն.Ս.Օ.Տ.Տ. Արամ Ա. Վեհափառ Հայրապետը «Ս. Մեսրոպ Մաշտոց»ի շքանշանով պարգեւատրեց մտաւորական Փրոֆ. Դոկտ. Սեդա Տատոյեանը: Հանդիսութեան բացման խօսքը կատարեց Կաթողիկոսարանի Դիւանապետ Տիար Խաչիկ Տէտէեանը, որ ներկայացուց պարգեւատրեալին մտաւորական արգասիքը եւ կրթական վաստակը: Դոկտ. Տատոյեան տիրացած է Փիլիսոփայութեան մէջ Գիտութիւններու Դոկտորի աստիճանին՝ մասնագիտանալով…
1-5 Նոյեմբեր 2015-ին, Ալպանիոյ մայրաքաղաք Թիրանայի մէջ տեղի ունեցաւ կրօնի ազատութեան եւ մարդկային իրաւունքներու նուիրուած միջազգային համագումար մը՝ «Խտրականութիւն, Հալածանք, Նահատակութիւն՝ Միասնաբար Հետեւիլ Քրիստոսի» խորագրով: Համագումարը կազմակերպուած էր Կլոպըլ Քրիսթյըն Ֆորում-ի կողմէ, համագործակցութեամբ Ալպանիոյ Ուղղափառ, Կաթոլիկ եւ Աւետարանական եկեղեցիներուն: 170 եկեղեցական եւ զանազան կազմակերպութիւններու ներկայացուցիչներ իրենց մասնակցութիւնը բերին սոյն համագումարին: Մեծի Տանն Կիլիկիոյ Կաթողիկոսութիւնը ներկայացուցին՝…
Հինգշաբթի, 5 Նոյեմբեր 2015-ի առաւօտուն, Գահիրէի մէջ հանդիպում մը տեղի ունեցաւ Ն.Ս.Օ.Տ.Տ. Արամ Ա. Կաթողիկոսի և Ղպտի եկեղեցւոյ հոգեւոր պետ՝ Նորին Ամենապատուութիւն Թաւատրոս Բ. Պատրիարքի միջեւ։ Հանդիպման ներկայ էր նաեւ Ղպտի եկեղեցւոյ Միջ-Եկեղեցական յարաբերութեանց պատասխանատու՝ Մետրոպոլիտ Անպա Պիշոյ։ Եղբայրական սիրոյ մթնոլորտին մէջ տեղի ունեցած այս հանդիպումը առիթ մը հանդիսացաւ երկու հոգեւոր պետերուն քննարկելու Հայ և…
Երեքշաբթի, 3 Նոյեմբեր 2015-ի առաւօտուն, Գահիրէի (Եգիպտոս) Ղպտի Ուղղափառ Եկեղեցւոյ Ս. Մարկոս կեդրոնին մէջ ընթացք առաւ Միջին Արեւելքի Եկեղեցիներու Խորհուրդի Գործադիր Վարչութեան ժողովը՝ ներկայութեամբ Միջին Արեւելքի զանազան եկեղեցիներու ներկայացուցիչներուն: Բացման խօսքը կատարեց Ն.Ս.Օ.Տ.Տ. Արամ Ա. Վեհափառ Հայրապետը: Ան նշեց, թէ որպէս Քրիստոնեայ համայնքներ եւ որպէս եկեղեցի մենք անմիջական մէկ մասը կը կազմենք Միջին Արեւելքին եւ…
Ընդառաջելով Ն.Ս.Օ.Տ.Տ. Արամ Ա. Կաթողիկոս փափաքին, Գարօլան Հիմնադրամը 125,000 տոլար նուիրեց Սուրիոյ հայ համայնքին, յատկացուելու համար կարիքաւոր ընտանիքներուն։ Գարօլան Հիմնադրամը կը ղեկավարուի Տիկին Թինա Գարօլանի եւ իր զաւկին՝ Ռիչըրտին կողմէ։ Յիշեալ ընտանիքը Մեծի Տանն Կիլիկիոյ Կաթողիկոսութեան բարերարներէն մէկն է։
Երէկ գիշեր, գլխաւորութեամբ Հայ Յեղափոխական Դաշնակցութեան բիւրոյի ատենապետ Հրանդ Մարգարեանի, բիւրոն ներկայացնող պատուիրակութիւն մը այցելեց Վեհափառ Հայրապետին։ Նորին Սրբութեան ու բիւրոյի ներկայացուցիչներուն խորհրդակցութիւնները ընդգրկեցին Հայաստանի ու Ղարաբաղի ներքին կեանքին առնչուած հարցեր, Հայաստան-Սփիւռք գործակցութիւնը աւելի ամրացնելու ձգտող կարելիութիւններ, ինչպէս նաեւ Սուրիոյ տագնապը եւ այդ ծիրէն ներս Սուրիոյ հայութեան զօրակցութիւնը շարունակելու հնարաւորութիւնները։
Երկուշաբթի, 2 Նոյեմբեր 2015-ի յետ միջօրէին Ն.Ս.Օ.Տ.Տ. Արամ Ա. Կաթողիկոս մեկնեցաւ Եգիպտոս նախագահելու Միջին Արեւելիքի Եկեղեցիներու Խորհուրդի Գործադիր Վարչութեան ժողովին։ Այս առիթով Վեհափառ Հայրապետը նաեւ հանդիպում պիտի ունենայ Ղպտի Եկեղեցւոյ պետ Նորին Սրբութիւն Թաւատրոս Պատրիարքին հետ։ Վեհափառ Հայրապետը Անթիլիաս պիտի վերադառնայ Հինգշաբթի, 5 Նոյեմբերին։
Երկուշաբթի, 2 Նոյեմբեր 2015-ի առաւօտուն, ԳՈՀԱՐ երգչախումբին մաս կազմող շուրջ 200 անդամ-անդամուհիները այցելեցին Անթիլիասի Մայրավանք, առաջնորդութեամբ երգչախումբի հիմնադիր Տիկին Գոհար Խաչատուրեանին եւ իր երեք զաւակներուն՝ Յարութ, Շահէ եւ Նար Խաչատուրեաններու։ Հանդիպումին նաեւ ներկայ էին Լիբանանի պետական հայ երեսփոխանները։ Վեհափառ Հայրապետը ողջունելով ԳՈՀԱՐ երգչախումբին ներկայութիւնը Անթիլիասի Մայրավանքէն ներս, բարձր գնահատեց հայ երաժշտութեան գոհարները մեր ժողովուրդին…
Շաբաթ, 31 Հոկտեմբեր 2015-ի առաւօտուն, Ն.Ս.Օ.Տ.Տ. Արամ Ա. Կաթողիկոս իր գրասենեակին մէջ ընդունեց Մարոնիթ Եկեղեցւոյ Րայի Պատրիարքին Պատրիարքական փոխանորդ՝ Փոլ Արքեպիսկոպոս Սայեահը։ Արքեպիսկոպոս Փօլ Սայեահ Րայի Պատրիարքին կողմէ յատուկ առաքելութեամբ Վեհափառ Հայրապետին այցելած էր Լիբանանի ու Միջին Արեւելքի առնչուած կարգ մը միջ-եկեղեցական ու քաղաքական հարցերու գծով տեղեակ պահելու Նորին Սրբութիւնը և ունենալու իր տեսակէտը։…
Հինգշաբթի, 29 Հոկտեմբեր 2015-ի երկոյեան, Ասորի Կաթոլիկ եկեղեցւոյ վանքին մէջ տեղի ունեցաւ հոգեւոր պետերու հանդիպում, որուն ներկայ էին Միջին Արեւելքի հոգեւոր պետերը եւ իրենց ներկայացուցիչները։ Յիշեալ հանդիպման նպատակն էր միասնաբար քննել Միջին Արեւելքէն ներս եկեղեցիներու դիմագրաւած հարցերը եւ որոնել զանոնք լուծելու կարելիութիւնները։ Իր խօսքին մէջ Վեհափառ Հայրապետը ընդհանուր ակնարկ մը նետելով շրջանէն ներս տեղի ունեցող…
Չորեքշաբթի, 28 Հոկտեմբեր 2015-ի երեկոյեան, Ն.Ս.Օ.Տ.Տ. Արամ Ա. Վեհափառ Հայրապետին այցելեց Լիբանանի մօտ Գերմանիոյ դեսպան Մարթին Հութ։ Հանդիպման ներկայ էր նաեւ Ազգային Կեդրոնական Վարչութեան ատենապետ Տոքթ. Պետրոս Գարաճրճեան։ Հանդիպման ընթացքին լայնօրէն քննարկուեցան յատկապէս Լիբանանի ու Սուրիոյ առնչուած քաղաքական հարցեր, և այդ ծիրէն ներս հայ համայնքին դերը ու դիմագրաւած մարտահրաւէրները։ Վեհափառ Հայրապետը նաեւ անդրադարձաւ Մեծի Տանն…
Չորեքշաբթի, 28 Հոկտեմբեր 2015-ի առաւօտուն, Ն.Ս.Օ.Տ.Տ. Արամ Ա. Վեհափառ Հայրապետը իր գրասենեակին մէջ ընդունեց Սոցիալ Դեմոկրատ Հնչակեան Կուսակցութեան Կեդրոնական Վարչութիւնը ներկայացնող պատուիրակութիւնը, գլխաւորութեամբ Կեդրոնական Վարչութեան ատենապետ Յակոբ Տիգրանեանին և ներկայութեամբ փոխ ատենապետ պետական երեսփոխան Սեպուհ Գալփաքեանի և Կեդրոնական Վարչութեան անդամ Եղիկ Ճէրէճեանի: Տեսակցութեան ընթացքին քննարկուեցան ազգային կեանքը յուզող հարցեր, ինչպէս նաեւ Հայաստան-Սփիւռք գործակցութիւնը աւելի ամրապնդելու…
Հովանաւորութեամբ Միջին Արեւելքի Եկեղեցիներու Խորհուրդին եւ կազմակերպութեամբ Մեծի Տանն Կիլիկիոյ Կաթողիկոսութեան Երիտասարդական Բաժանմունքին, Շաբաթ, 24 Հոկտեմբեր 2015-ին, «Կիլիկիա» Թանգարանի Կիւլպէնկեան սրահէն ներս տեղի ունեցաւ «Ցեղասպանութիւններու Ճանաչում եւ Կանխարգիլում» թեմայով երիտասարդական միօրեայ համագումար, որուն մասնակից դարձան հայկական եւ օտար երիտասարդական ու եկեղեցական միութիւններու ներկայացուցիչները: Համագումարին բացումը կատարեց Ն.Ս.Օ.Տ.Տ. Արամ Ա. Վեհափառ Հայրապետը: Ողջունելէ ետք Մեծի Տանն…
Համաշխարհային Ա. պատերազմի ընթացքին, Օսմանեան Թուրք կառավարութեան կողմէ ծրագրուած ու գործադրուած Հայոց Ցեղասպանութեան առընթեր, նաեւ ցեղասպանութեան ենթարկուեցան քաղդէական եւ ասորական մշակոյթներու հետեւող եկեղեցիներու զաւակները, որոնց զոհերուն թիւը կը հասնի շուրջ կէս միլիոնի: Շաբաթ, 24 Հոկտեմբեր 2015-ին, Ն.Ս.Օ.Տ.Տ. Արամ Ա. Կաթողիկոս հրաւիրուած էր Քաղդէացիներու Պէյրութի Առաջնորդ Միշէլ Քասարժիի կողմէ, ներկայ գտնուելու 1915-ի քաղդէացի նահատակներուն նուիրուած եկեղեցական…
Չորեքշաբթի, 21 Նոյեմբեր 2015-ի երեկոյեան, Ն.Ս.Օ.Տ.Տ. Արամ Ա. Վեհափառ Հայրապետը, ընկերակցութեամբ Յունաստանի Հայոց Թեմի Առաջնորդ Գերշ. Տ. Խորէն Արք. Տողրամաճեանի եւ Կաթողիկոսարանի Միջ-եկեղեցական բաժանմունքի վարիչ Գերպ. Տ. Յուսիկ Ծ. Վրդ. Մարտիրոսեանի այցելեց Աթէնքի Նէոս Գոզմոս-Ֆիքս շրջանի Սուրբ Կարապետ եկեղեցին, ուր դիմաւորուեցաւ եկեղեցական դասուն, Յունաստանի Ազգային Վարչութեան անդամներուն եւ ժողովուրդին կողմէ: Աւանդական աղի եւ հացի օրհնութենէն…
Ուրբաթ, 23 Հոկտեմբեր 2015-ի առաւօտուն, Ն.Ս.Օ.Տ.Տ. Արամ Ա. Կաթողիկոս Վեհարանի դահլիճին մէջ ընդունեց Հաուըրտ Գարակէօզեան հաստատութեան վարչութիւնը։ Հանդիպումին նաեւ ներկայ էին հաստատութեան Նիւ Եորքի կեդրոնական գրասենեակի ընդհանուր տնօրէնուհի՝ Իրինա Լազարեան և Լիբանանի Գարակէօզեան կեդրոնի տնօրէն՝ Սերոբ Օհանեան։ Գարակէօզեան հաստատութեան պատասխանատուները եկած էին Նորին Սրբութեան իրենց շնորհակալութիւնը յայտնելու հաստատութեան տարած գործունէութեան նկատմամբ անոր…
18-22 Հոկտեմբեր 2015-ին, Աթէնք կեցութեան իր կարճ շրջանին, «Կրօններու ու մշակոյթներու խաղաղ գոյակցութիւնը Միջին Արեւելքէն ներս» համագումարին առընթեր, Ն.Ս.Օ.Տ.Տ. Արամ Ա. Վեհափառ Հայրապետը կարեւոր հանդիպումներ ունեցաւ Յունաստանի Արտաքին Գործոց Նախարարին հետ, ողջունելով սոյն համագումարը կազմակերպելու նախարարութեան նախաձեռնութիւնը: Վեհափառ Հայրապետին հետ հանդիպումներ ունեցան Հրէական Միջազգային Կրօնական-Մշակութային Կազմակերպութեան նախագահը, Իրաքի խորհրդարանի քրիստոնեայ պլոքին նախագահը, Շուէտի խորհրդարանի Ասորի…
«Միջին Արեւելքը այսօր վերստին դարձած է տագնապներով լեցուն շրջան մը: Տագնապներ որոնք կը հրահրուին արտաքին ուժերու կողմէ ի շահ իրենց աշխարհաքաղաքական ծրագիրներուն: Այս տագնապները ամբողջական ու մնայուն լուծում կրնան գտնել միայն քաղաքական գործընթացով՝ մասնակցութեամբ տեղական ուժերու եւ մեկնելով քրիստոնեայ-իսլամ գոյակցութիւնը ամուր պահող յանձնառութենէն», այս շեշտաւորումով Ն.Ս.Օ.Տ.Տ. Արամ Ա. Կաթողիկոս իր խօսքը ներկայացուց Աթէնքի մէջ 18-20…
Երեքշաբթի, 20 Հոկտեմբեր 2015-ին, Ն.Ս.Օ.Տ.Տ. Արամ Ա. Կաթողիկոս շուրջ ժամ մը տեւողութեամբ հանդիպում ունեցաւ Սուրիոյ հարցով Միացեալ Ազգերու Կազմակերպութեան յատուկ պատուիրակ Սթեֆան Տը Միսթուրայի հետ: Սուրիայէն ներս տիրող ընդհանուր կացութեան ու վերջին զարգացումներուն շուրջ տեղեկութիւններու եւ տեսակէտներու փոխանցումէ ետք, Վեհափառ Հայրապետը Սուրիական հարցին խաղաղ լուծման իր պատկերացումը ներկայացուց հետեւեալ ձեւով: …
Երկուշաբթի, 19 Հոկտեմբեր 2015-ին, Աթէնք ժամանման յաջորդ օրը, Ն.Ս.Օ.Տ.Տ. Արամ Ա. Վեհափառ Հայրապետը հանդիպում ունեցաւ Յունաստանի Հանրապետութեան Նախագահ Տիար Փրոքոփիս Փաւլոբուլոսի հետ: Վեհափառ Հայրապետին կ’ընկերանային Յունաստանի Հայոց Թեմի Առաջնորդ Գերշ. Տ. Խորէն Արք. Տողրամաճեան եւ Ազգային Վարչութեան ատենապետ Տիար Արա Մանկոյեան: Նորին Սրբութիւնը նախ ողջունեց Յունաստանի պետութեան կազմակերպած համագումարը՝ «Կրօններու ու մշակոյթներու խաղաղ գոյակցութիւնը Միջին…
Կիրակի, 18 Հոկտեմբեր 2015-ի երեկոյեան, Ն.Ս.Օ.Տ.Տ. Արամ Ա. Կաթողիկոս մեկնեցաւ Աթէնք, ընդառաջելով Յունաստանի Արտաքին Գործոց նախարարին հրաւէրին, մասնակցելու Յունաստանի պետութեան կողմէ կազմակերպուած քրիստոնեայ եւ իսլամ առաջնորդները համախմբող համագումարին: Համագումարին ընդհանուր խորագիրն է «Կրօններու ու մշակոյթներու խաղաղ գոյակցութիւնը Միջին Արեւելքէն ներս»: Համագումարի ընթացքին Վեհափառ Հայրապետը խօսք պիտի առնէ: Վեհափառ Հայրապետը ժամանեց Աթէնքի օդակայան ընկերակցութեամբ Անտիոքի Յոյն…
Ուրբաթ, 16 Հոկտեմբեր 2015-ի երեկոյեան, Պիքֆայայի Ս. Աստուածածին Վանքի Վեհարանի գրասենեակին մէջ, Ն.Ս.Օ.Տ.Տ. Արամ Կաթողիկոս ընդունեց ՀԵՀՈՄ-ի նորընտիր վարչութիւնը: Հանդիպման ընթացքին ՀԵՀՈՄ-ի հոգեւոր խորհրդատու Հոգշ. Տ. Նշան Վրդ. Լախոյեան, ընդհանուր գծերու մէջ ներկայացուց ընտրութեան գործընթացն ու նոր վարչական անդամներուն պարտականութիւնները: Ապա, միութեան ատենպետ Յովիկ Յակոբեան, Նորին Սրբութեան ներկայացուց ՀԵՀՈՄ-ի տարեկան ծրագիրը: Վեհափառ Հայրապետը ողջունեց նոր…
Մեծի Տանն Կիլիկիոյ Վեհափառ Հայրապետ՝ Ն.Ս.Օ.Տ.Տ. Արամ Ա. Կաթողիկոսի թելադրութեամբ, Ատրպատականի Հայոց Թեմի Առաջնորդ՝ Գերշ. Տ. Գրիգոր Ս. Եպս. Չիֆթճեանը, Հինգշաբթի 15 Հոկտեմբեր 2015-ին, Հայաստանի Հանրապետութեան գիտութիւններու Ազգային Ակադեմիայի դահլիճին մէջ ընթերցեց Վեհափառ Հայրապետին պատգամը, ուղղուած, «Հայոց Ցեղասպանութիւն. Ճանաչումէ Հատուցում» միջազգային գիտաժողովին ներկայ, աշխարհի տարբեր երկիրներէ եկած հայ թէ օտար մասնակիցներուն: Հայաստանի Հանրապետութեան նախագահ Ն.Վ.…
Այսպէս յայտարարեց Ն.Ս.Օ.Տ.Տ. Արամ Ա. Կաթողիկոս, Դպրեվանքի «Բրաբիոն Տումանեան» հանդիսասրահէն ներս տեղի ունեցած Մեծի Տանն Կիլիկիոյ Կաթողիկոսութեան Անթիլիասի Դպրեվանքի բացման հանդէսին։ Երկուշաբթի, 12 Հոկտեմբեր 2015-ի առաւօտուն, նախագահութեամբ Ն.Ս.Օ.Տ.Տ. Արամ Ա. Վեհափառ Հայրապետին, ներկայութեամբ միաբան հայրերու եւ ուսուցիչներու, պաշտօնական հանդիսութեամբ բացումը կատարուեցաւ Դպրեվանքի 86-րդ ուսումնական-կրթական տարեշրջանին։ Այս առիթով, դպրեվանեցիներ ներկայացուցին գեղարուեստական կոկիկ յայտագիր մը, որուն ընթացքին…
Սոյն գրութիւնը խտացումն է Ն.Ս.Օ.Տ.Տ. Արամ Ա. Կաթողիկոսի պատգամին՝ արտասանուած Հայ Գիրքի 36-րդ Ցուցահանդէսի բացման առթիւ. Անթիլիասի Մայրավանքի շաջափակին մէջ, Կիրակի 11 Հոկտեմբեր 2015-ին։ 24 Ապրիլ 1915… Սկիզբ 20-րդ դարու առաջին ցեղասպանութեան՝ Հայոց Ցեղասպանութեան։ Հայ ժողովուրդին ցեղասպանութիւնը ծրագրող ցեղասպան թուրքը քաջ գիտէր, թէ ազգ մը բնաջնջելու առաջին եւ ամէնէն ազդու միջոցը…
Կիրակի, 11 Հոկտեմբեր 2015-ին, Ս. եւ Անմահ Պատարագի աւարտին, Սրբոց Թարգմանիչ Վարդապետներու նուիրուած «Որք զարդարեցին» շարականի երգեցողութեամբ, Հայրապետական թափօրը ուղղուեցաւ Կաթողիկոսարանի շրջափակին մէջ զետեղուած յատուկ տաղաւարը, ուր Ն.Ս.Օ.Տ.Տ. Արամ Ա. Վեհափառ Հայրապետը կատարեց Հայ Գիրքի 36-րդ ցուցահանդէսի բացումը: Աւանդութիւն դարձած, Մեծի Տանն Կիլիկիոյ Կաթողիկոսութեան կազմակերպութեամբ Հայ Գիրքի ցուցահանդէսը ի մի կը բերէ Լիբանանի զանազան…
Հինգշաբթի, 8 Հոկտեմբեր 2015-ի առաւօտուն, Պիքֆայայի Սուրբ Աստուածածին Վանքի Վեհարանէն ներս, Ն.Ս.Օ.Տ.Տ. Արամ Ա. Վեհափառ Հայրապետը ընդունեց «Աքսիոն Քրէթիէն»-ը ներկայացնող և շուրջ 20 հոգիներէ բաղկացած պատուիրակութիւն մը՝ առաջնորդութեամբ յիշեալ կազմակերպութեան նախագահին։ Պատուիրակութեան մաս կը կազմէին Վերապատուելի Մկրտիչ Քարակէօզեան և Ծերանոցի տնօրէն Պատուելի Սեպուհ Թէրզեան, ինչպէս նաեւ Եւրոպայի զանազան երկիրներու «Աքսիոն Քրէթիէն»-ի ներկայացուցիչները։ Վեհափառ Հայրապետը…
22-27 Սեպտեմբեր 2015-ին, Ն.Ս.Օ.Տ.Տ. Արամ Ա. Վեհափառ Հայրապետը ընդառաջելով Զուիցերիոյ Բողոքական Եկեղեցիներու Խորհուրդին եւ Արմէնօֆաս Հիմնարկին հրաւէրներուն պաշտօնական այցելութիւն մը տուաւ Զուիցերիա: Սոյն այցելութեան ընթացքին Վեհափառ Հայրապետին ընկերացող պատուիրակութեան մաս կը կազմէին Յունաստանի Հայոց Թեմի Առաջնորդ Գերշ. Տ. Խորէն Արք. Տողրամաճեան, Կաթողիկոսարանի Միջ-եկեղեցական բաժանմունքի վարիչ Գերպ. Տ. Յուսիկ Ծ. Վրդ. Մարտիրոսեան, Լսատեսողական բաժանմունքի վարիչ Հոգշ.…
Զուիցերիա կատարած իր պաշտօնական այցելութեան ծիրէն ներս, Ն.Ս.Օ.Տ.Տ. Արամ Ա. Վեհափառ Հայրապետը ներկայ գտնուեցաւ եւ իր պատգամը փոխանցեց Ուօլցընհաուսընի եկեղեցւոյ մէջ կազմակերպուած Փափա Քիւնցլէրի յիշատակի ձեռնարկին: Փափա Քիւնցլէր այս գիւղին մէջ անցուցած էր իր պատանեկութեան եւ երիտասարդութեան տարիները, նախքան հայ ժողովուրդին օգնութեան համար իբր կամաւոր բժիշկ Ուրֆա մեկնիլը: Հանդիսութեան ընթացքին խօսք առին Ուօլցընհաուսի Քաղաքապետ…
Անցնող օրերուն Սէուտական Արաբիոյ մէջ «Հաժժ»ի ուխտագնացութեան ընթացքին, արկածի հետեւանքով մահացած Իրանի Իսլամական Հանրապետութեան քաղաքացի ուխտաւորներու մահուան առիթով, Ն.Ս.Օ.Տ.Տ. Արամ Ա. Կաթողիկոս սոյն ցաւակցագիր նամակը յղեց Իրանի Իսլամական Հանրապետութեան Նախագահին, զորս կը ներկայացնենք ստորեւ։ 2 Հոկտեմբեր, 2015 Անթիլիաս-Լիբանան Վսեմաշուք Դոկտ. Հասան Րուհանի Նախագահ Իրանի Իսլամական Հանրապետութեան Թեհրան Խոր…
Ն.Ս.Օ.Տ.Տ. Արամ Ա. Վեհափառ Հայրապետը, ընկերակցութեամբ Զուիցերիա տուած պաշտօնական այցելութեան պատուիրակութեան անդամներուն՝ Յունաստանի Հայոց Թեմի Առաջնորդ Գերշ. Տ. Խորէն Արք. Տողրամաճեանի, Կաթողիկոսարանի Միջ-եկեղեցական բաժանմունքի վարիչ Գերպ. Տ. Յուսիկ Ծ. Վրդ. Մարտիրոսեանի, Լսատեսողական բաժանմունքի վարիչ Հոգշ. Տ. Պետրոս Վրդ. Մանուէլեանի, Պետական Երեսփոխան Տիար Յակոբ Բագրատունիի, Արմէնօֆաս Հիմնարկի Նախագահ Տիկ. Թենի Փիրրի-Սիմոնեանի եւ Արմէնօֆաս յանձնախումբի ներկայացուցիչներուն հետ…
Զուիցերիոյ Բողոքական Եկեղեցիներու Խորհուրդը, Ն.Ս.Օ.Տ.Տ. Արամ Ա. Վեհափառ Հայրապետին ի պատիւ պաշտօնական ընթրիք մը տուաւ, Հովուապետին Զուիցերիա կատարած այցելութեան ընթացքին: Պաշտօնական ճաշկերոյթին ներկայ էին Զուիցերիոյ Բողոքական Եկեղեցիներու Խորհուրդի Նախագահ Դոկտ. Լոխըր, Գերմանիոյ Կաթոլիկ Եկեղեցւոյ Եպիսկոպոսներու Նախագահը, Հին Կաթոլիկ Եկեղեցւոյ Եպիսկոպոսը, Զուիցերիոյ մէջ Ֆրանսայի դեսպանը, Հայաստանի ու Լիբանանի հիւպատոսները, զուիցերիացի ծերակուտականներ եւ երեսփոխաններ, Վեհափառ Հայրապետին ընկերացող…
Զուիցերիոյ Բողոքական Եկեղեցիներու Խորհուրդի հրաւէրով Ն.Ս.Օ.Տ.Տ. Արամ Ա. Կաթողիկոսի Զուիցերիա կատարած պաշտօնական այցելութեան ընթացքին, Պէռնի Մայր Տաճարին մէջ տեղի ունեցաւ միջ-եկեղեցական արարողութիւն,ուր Վեհափառ Հայրապետը իր պատգամը փոխանցեց: Միջ-եկեղեցական արարողութեան ներկայ էին Զուիցերիոյ Բողոքական Եկեղեցիներու Խորհուրդի Նախագահ Դոկտ. Կոտֆրիտ Լոխըր եւ իրեն ընկերացող խումբ մը կղերականներ, Զուիցերիոյ մէջ Հայաստանի ու Լիբանանի հիւպատոսները, զուիցերիացի ծերակուտականներ եւ…
Զուիցերիա կատարած իր այցելութեան պետական տեսակցութիւններու ծիրէն ներս, Ն.Ս.Օ.Տ.Տ. Արամ Ա. Վեհափառ Հայրապետը հանդիպում ունեցաւ Զուիցերիոյ Ծերակոյտի Նախագահ Քլոտ Հէշի հետ: Նորին Սրբութեան կ’ընկերանային Զուիցերիոյ Բողոքական Եկեղեցիներու Նախագահ Կոտֆրիտ Լոխըր, Լիբանանի Խորհրդարանի Երեսփոխան Տիար Յակոբ Բագրատունի եւ Արմէնօֆասի Նախագահ Տիկ. Թենի-Փիրրի Սիմոնեան: Աւելի քան ժամ մը տեւող հանդիպումի ընթացքին, Վեհափառ Հայրապետը նախ շնորհակալութիւն յայտնեց Զուիցերիոյ…
Զուիցերիա կատարած իր պաշտօնական այցելութեան ընթացքին, իմանալով Ղարաբաղի ու Հայ Ատրպէյճանական սահմանագիծին վրայ բախումներու ընթացքին ինկած Հայոց բանակի զոհերուն մասին, Արամ Ա. Վեհափառ Հայրապետը հետեւեալ յայտարարութիւնը կատարեց.- «Խոր ցաւով իմացանք մեր զինուորներուն մահուան մասին։ Անոնց ընտանիքներուն կը յայտնենք մեր խորազգաց ցաւակցութիւնը և Հայրական սէրն ու օրհնութիւնը։ Մեր զինուորները հերոսներ են ու նահատակներ, որովհետեւ անոնք…
Երէկ գիշեր Պէռնի իր իջեւանած պանդոկին մէջ Ն.Ս.Օ.Տ.Տ. Արամ Ա. Վեհափառ Հայրապետը ընդունեց այցելութիւնը Զուիցերիոյ Բողոքական Եկեղեցիներու Խորհուրդի Նախագահ Դոկտ. Լոխըրին, ընկերակցութեամբ Խորհուրդի միջ-եկեղեցական յարաբերութեանց պատասխանատու Դոկտ. Սերժ Ֆորներոյի: Հոգեւոր Պետերուն առանձին հանդիպումէն եւ իրենց գործակիցներու ներկայութեան միացեալ հաղորդագրութիւն ստորագրելէ ետք, Վեհափառ Հայրապետը հետեւեալ յայտարարութիւնը կատարեց.- «Զուիցերիա Մեր այցելութիւնը տեղի ունեցաւ «100…
Ն.Վ. Սերժ ՍարգսեանՆախագահ Հայաստանի ՀանրապետութեանՆ.Վ. Բակօ ՍահակեանՆախագահ Լեռնային Ղարաբաղի ՀանրապետութեանՆ.Ս.Օ.Տ.Տ. Գարեգին Բ. Կաթողիկոս Ամենայն ՀայոցԳերերջանիկ Հոգեւոր Տէր,Վերապատուելի եւ Սիրելի ներկաներ, Հայրապետական օրհնութեամբ, քրիստոնէական ջերմ սիրով ու ազգային վառ ապրումներով կ’ողջունենք ձեզ։ Տարի մը առաջ ճշդուած ժամանակացոյցին համաձայն այս օրերուն կը գտնուինք Զուիցերիա, գնահատանքի ու երախտագիտութեան Մեր խօսքը ուղղելու Զուիցերիացի ժողովուրդին՝ գլխաւոր չորս քաղաքներուն մէջ իրենց…
24 Սեպտեմբեր 2015-ը միշտ վառ թուական պիտի մնայ հայ-զուեցերիական բարեկամութեան պատմութեան մէջ: Արդարեւ, Հայոց Ցեղասպանութենէն 100 տարիներ ետք, Ն.Ս.Օ.Տ.Տ. Արամ Ա. Կաթողիկոս Զուիցերիոյ Պէնյէն քաղաքին մէջ, յանուն հայ ժողովուրդին երախտագիտութիւն յայտնեց Զուիցերիոյ պետութեան, եկեղեցիներուն եւ ժողովուրդին, հայ ժողովուրդին նկատմամբ անոնց ցուցաբերած մարդասիրական վերաբերմունքին համար, Հայոց Ցեղասպանութեան ընթացքին եւ յաջորդող շրջանին: 1896 թուականին, Պէնյէն քաղաքի…
Շաբաթ, 26 Սեպտեմբերին, Երեւանի մէջ Հայաստանի Հանրապետութեան Նախագահ Ն.Վ. Սերժ Սարգիսեանի հրաւէրով ու նախագահութեամբ տեղի պիտի ունենայ Հայոց Ցեղասպանութեան 100-ամեակի յանձնաժողովին հանդիպումը։ Սոյն ժողովի ընթացքին պիտի կատարուի 100-ամեակի արժեւորումը, ինչպէս նաեւ պիտի ճշդուին հայ ժողովուրդի արդար իրաւունքներու վերատիրացման գծով կատարուելիք յառաջիկայ աշխատանքները։ Յիշեալ ժողովին Վեհափառ Հայրապետին պատգամը պիտի ընթերցէ Բերիոյ Հայոց Թեմի Առաջնորդ Գերշ. Տ.…
