8 Հոկտեմբեր 2019-ին, Ն.Ս.Օ.Տ.Տ. Արամ Ա. Կաթողիկոս ընդունեց Լիբանանի մէջ Հայաստանի Հանրապետութեան դեսպան Վահագն Աթաբէկեանը։ Այցելութեան նպատակն էր Վեհափառ Հայրապետին բարի գալուստ մաղթել վերջին օրերուն Հոլանտա եւ Զուիցերիա կատարած պաշտօնական այցելութիւններուն վերադարձին առիթով, ինչպէս նաեւ Նորին Սրբութեան փոխանցել Արցախի Հանրապետութեան Վսեմաշուք նախագահ Բակօ Սահակեանին կողմէն նամակ մը։ Հանդիպումը առիթ մը եղաւ նաեւ ընդհանուր անդրադարձ…
Կիրակի, 6 Հոկտեմբեր 2019-ին, յընթացս Սուրբ եւ Անմահ Պատարագին, Հալէպի Սրբոց Քառասնից Մանկանց մայր եկեղեցւոյ մէջ, թեմի առաջնորդ Գերշ. Տ. Մասիս Եպս. Զօպուեան, աբեղայական ձեռնադրութիւն եւ օծում կատարեց Մեծի Տանն Կիլիկիոյ Կաթողիկոսութան Դպրեվանքի շրջանաւարտներէն Բարշ. Ճորճ Սրկ. Պրիխանեանին՝ վերանուանելով Տ. Մանուկ աբեղայ։ Մեծի Տանն Կիլիկիոյ Կաթողիկոսութեան աւանդութեան համաձայն, միաբանութեան կապուած բոլոր ձեռնադրութիւնները եւ վարդապետական…
Կիրակի, 6 Հոկտեմբեր 2019-ին, Ժընեւի մէջ հանդիպում մը տեղի ունեցաւ Հայաստանի Հանրապետութեան Վսեմաշուք նախագահ Արմէն Սարգիսեանի եւ Ն.Ս.Օ.Տ.Տ. Արամ Ա. Կաթողիկոսին միջեւ։ Հանդիպումէն ետք Վեհափառ Հայրապետը ճաշի հիւրը եղաւ նախագահ Սարգիսեանին։
Շաբաթ, 5 Հոկտեմբեր 2019-ին, Ն.Ս.Օ.Տ.Տ. Արամ Ա. Կաթողիկոս Ժընեւի մէջ երկար հանդիպում մը ունեցաւ Սուրիոյ հարցի Միացեալ Ազգերու Կազմակերպութեան (Մ.Ա.Կ.) պատասխանատու խմբակին հետ՝ ընդառաջելով անոր փափաքին։ Խմբակի ղեկավար Ճ. Փիթըրսըն անակնկալ կերպով հանդիպումէն առաջ ճամբորդած ըլլալով, հանդիպումին ներկայ եղան իր փոխանորդն ու անմիջական խորհրդականը։ Անոնք յայտնեցին Վեհափառ Հայրապետին, որ 30 Հոկտեմբեր 2019-ին սկիզբ պիտի առնէ…
Երէկ, Հոլանտայի Իւթրեխթ քաղաքին մէջ, Ն.Ս.Օ.Տ.Տ. Արամ Ա. Կաթողիկոս տուաւ իր երկրորդ դասախօսութիւնը՝ «Միջ-եկեղեցական Շարժումը Նոր Մարտահրաւէրներու Դիմաց» խորագիրով։ Վեհափառ Հայրապետը դասախօսութենէն առաջ հանդիպում մը ունեցաւ Հոլանտայի միջ-եկեղեցական կառոյցներու պատասխանատուներուն հետ։ Հանդիպման ընթացքին քննարկուեցան միջ-եկեղեցական շարժումին ներկայ ժամանակներուն առնչուած շարք մը հարցեր, որոնց նկատմամբ Վեհափառ Հայրապետը ներկաներուն փոխանցեց իր տեսակէտները։ Ապա, անցնելով իր…
Վերջին երկու օրերու ընթացքին, Իւթրեխթի (Հոլանտա) մէջ տեղի ունեցող աստուածաբանական քննարկումները այսօր յետ միջօրէին հասան իրենց աւարտին։ Յայտնենք, որ երկու տարիներ առաջ Հին Կաթոլիկ Եկեղեցւոյ առաջարկով աստուածաբանական ու բարոյագիտական այժմէական հարցերու քննարկումներուն նուիրուած խորհրդակցական գործընթացք մը սկսած էր Մեծի Տանն Կիլիկիոյ Կաթողիկոսութեան եւ յիշեալ եկեղեցւոյ ներկայացուցիչներուն միջեւ։ Գործընթացքին նպատակն էր քննարկումներու ճամբով յստակեցումներ կատարել ու…
Շարունակելով իր պաշտօնական այցելութիւնը Հոլանտա, Ն.Ս.Օ.Տ.Տ. Արամ Ա. Կաթողիկոս այսօր առաւօտեան Իւթրեխթէն մեկնեցաւ Լահէյ՝ Հոլանտայի քաղաքական մայրաքաղաքը, Հին Կաթոլիկ Եկեղեցւոյ պետ Ճորիս Վերքամեն Արքեպիսկոպոսին հետ միասին եւ հանդիպում ունեցաւ իշխող կուսակցութեան արտաքին յարաբերութեանց խորհրդարանի յանձնախումբի ատենապետին հետ, քաղաքաի կառավարական շէնքին մէջ։ Խորհրդակցութեան առանցքը Միջին Արեւելքն էր, որուն ծիրէն ներս անդրադարձ կատարուեցաւ Հայաստանի ու Հոլանտայի յարաբերութեանց։…
Հրաւէրով Հին Կաթոլիկ Եկեղեցւոյ հոգեւոր պետ Ճորիս Վերքամեն Արքեպիսկոպոսին, Ն.Ս.Օ.Տ.Տ. Արամ Ա. Կաթողիկոս մեկնեցաւ Հոլանտա։ Օդակայանին մէջ արքեպիսկոպոսը դիմաւորեց Վեհափառ Հայրապետը եւ ապա անոնք ուղղուեցան Իւթրեխթ, ուր կը գտնուի յիշեալ եկեղեցւոյ կեդրոնատեղին։ Նորին Սրբութիւնը այցելեց Հին Կաթոլիկ Եկեղեցւոյ մայր տաճարը՝ իր պատուիրակութեան անդամներուն հետ միասին, եւ հանդիպում ունեցաւ արքեպիսկոպոսին հետ՝ անոր օգնականներուն ներկայութեան։ …
Ընդառաջելով Հոլանտայի Հին Կաթոլիկ Եկեղեցւոյ պետին հրաւէրին, Ն.Ս.Օ.Տ.Տ Արամ Ա. Վեհափառ Հայրապետը այսօր մեկնեցաւ Հոլանտա։ Նորին Սրբութեան այցելութիւնը պիտի տեւէ երեք օր, որու ընթացքին ան երկու դասախօսութիւններ պիտի տայ տարբեր համալսարաններու մէջ եւ պիտի նախագահէ աստուածաբանական ու բարոյագիտական նիւթերու քննարկումներու նուիրուած հանդիպումին։ Հոլանտա կատարելիք այցելութեան Հայրապետին պիտի ընկերանան Կաթողիկոսարանի միջ-եկեղեցական յարաբերութեանց բաժանմունքի վարիչ Հոգշ.…
Երէկ՝ Ուրբաթ, 27 Սեպտեմբեր 2019-ի երեկոյեան, Ն.Ս.Օ.Տ.Տ. Արամ Ա. Կաթողիկոսի նախագահութեամբ տեղի ունեցաւ միաբանական հաւաք, որուն ներկայ էին վանաբնակ հինգ եպիսկոպոսներ եւ քսան վարդապետներ: Վեհափառ Հայրապետը հայրաբար ողջունելով միաբան հայրերը՝ իր ուրախութիւնը յայտնեց, որ ամրան շրջանին թէ՛ Անթիլիասի Մայրավանքին եւ թէ՛ Ս. Աստուածածին Վանքին մէջ Կաթողիկոսարանը իր ժողովրդանուէր առաքելութիւնը շարունակած է՝ միաբան հայրերուն գործօն…
Երեքշաբթի, 24 Սեպտեմբեր 2019-ին, Ն.Ս.Օ.Տ.Տ. Արամ Ա. Վեհափառ Հայրապետին այցելեց Լիբանանի մօտ Հայաստանի դեսպան Վահագն Աթապէկեան: Հանդիպման նպատակն էր Նորին Սրբութեան ցաւակցութիւն յայտնել Վեհամօր՝ Լուսին Քէշիշեանի մահուան տխուր առիթով։ Հանդիպումը առիթ մը եղաւ անդրադարձ կատարելու Հայաստան-Սփիւռք յարաբերութեան առնչուած նիւթերու շուրջ:
Ն.Ս.Օ.Տ.Տ. Արամ Ա. Կաթողիկոս մօտէն կը հետեւի շուրջ ամիս մը առաջ սկիզբ առած Անթիլիասի Մայրավանքի Ս. Գրիգոր Լուսաւորիչ Մայր Տաճարին եւ «Կիլիկիա» թանգարանին վերանորոգութեան աշխատանքներուն, որոնք կ՚իրագործուին բարերարութեամբ Հիւսիսային Ամերիկայի Արեւմտեան Թեմի ազգայիններէն Տէր եւ Տիկին Յովսէփ եւ Էլիզապէթ Պոյաճեաններու եւ Տէր եւ Տիկին Կարօ եւ Սօսէ Էշկիեաններու։ Յայտնենք, որ ձեռագիրներու առնչուած աշխատանքները հասան…
Երկու օրեր առաջ, Մարոնիթ եկեղեցւոյ պատրիարքութեան կազմակերպութեամբ, տեղի ունեցաւ միջազգային համագումար մը «Ղաննուպիններու հովիտի» կրօնական մշակոյթին մասին: Յիշեալ շրջանին մէջ յունական եւ ասորական մշակոյթներու ազդու ներկայութիւն եղած է դարերու ընթացքին, որ հետագային նպաստած է երկխօսութեան ու փոխներգործութեան: Շրջանէն ներս կը խօսուի նաեւ հայկական ներկայութեան մասին: Համագումարին նպատակն էր վերբերել Քրիստոնէական առաջին դարերու քրիստոնէական վկայութիւնը Լիբանանէն…
Հինգշաբթի, 19 Սեպտեմբեր 2019-ին, ամբողջ օրը Ն.Ս.Օ.Տ.Տ. Արամ Ա. Կաթողիկոս ցաւակցութիւններ ընդունեց Վեհամօր մահուան առիթով: Ցաւակցութեան համար Անթիլիասի Մայրավանք եկան նախարարներ, դեսպաններ, բարձրաստիճան պետական պաշտօնեաներ եւ հայ համայնքի ներկայացուցիչներ: Վեհափառ Հայրապետին այցելեց նաեւ Սէուտական Արաբիոյ դեսպան Ուալիտ Պըն Ապտալլահ Ալ Պուխարին: Հանդիպումը առիթ մը եղաւ տեսակէտներ փոխանակելու ընդհանրապէս Միջին Արեւելքը յուզող հարցերուն շուրջ:
Յուզումնախառն մթնոլորտի մէջ եւ ներկայութեամբ Լիբանանի Հանրապետութեան նախագահին, Խորհրդարանի նախագահին եւ վարչապետին ներկայացուցիչներուն, հոգեւոր պետերու ու ներկայացուցիչներու, միաբանութեան, Ազգային Կեդրոնական Վարչութեան, ինչպէս նաեւ Լիբանանի հայ կեանքէն ներս գործող բոլոր կազմակերպութիւններուն, ընտանիքի անդամներուն եւ հաւատացեալներու, Չորեքշաբթի, 18 Սեպտեմբեր 2019-ին, Անթիլիասի Մայրավանքին մէջ տեղի ունեցաւ Տիրամայր Լուսին Քէշիշեանի թաղման կարգը։ Իր դամբանականին մէջ, Լիբանանի հայոց թեմի…
Երեքշաբթի, 17 Սեպտեմբեր 2019-ին, Ն.Ս.Օ.Տ.Տ. Արամ Ա. Վեհափառ Հայրապետը ընդունեց այցելութիւնը Ասորի քոյր եկեղեցւոյ հոգեւոր պետ Ն.Ս. Իգնատիոս Աֆրամ Բ. Պատրիարքին: Այցելութեան նպատակը ցաւակցութիւն յայտնել էր Նորին Սրբութեան՝ անոր մօր մահուան առիթով: Հանդիպումը առիթ մը եղաւ անդրադառնալու հայ եւ ասորի եկեղեցիներու գործակցութեան եւ ընդհանրապէս միջ-եկեղեցական ու շրջանային հարցերու:
Համազգայինի «Լիւսի Թիւթիւնճեան» ցուցասրահին 10-ամեակին առիթով, ընդառաջելով Համազգայինի ընտանիքին խնդրանքին, Ուրբաթ, 13 Սեպտեմբեր 2019-ին, Դպրեվանքի «Բրաբիոն Տումանեան» հանդիսասրահին մէջ, Ն.Ս.Օ.Տ.Տ. Արամ Ա. Վեհափառ Հայրապետը Մեծի Տանն Կիլիկիոյ Կաթողիկոսութեան «Ս. Մեսրոպ Մաշտոց» շքանշանով պարգեւատրեց լիբանանահայութեան ազգային, եկեղեցական, մշակութային ու ընկերային կեանքէն ներս իր ներդրումը ու մասնակցութիւնը բերած Տէր եւ Տիկին Կարպիս եւ Լիւսի Թիւթիւնճեան ամոլը։ …
Ուրախութեամբ կը յայտնենք, որ լոյս տեսաւ Ն.Ս.Օ.Տ.Տ. Արամ Ա. Կաթողիկոսին “The Armenian Church” հատորին պարսկերէն թարգմանութիւնը՝ «كليساى ارمنى» (Հայ Եկեղեցին)՝ թարգմանութեամբ՝ Վեր. Միշել Աղամալեանի։ Գործը նախաձեռնած է Թեհրանի հայոց թեմի առաջնորդ Գերշ. Տ. Սեպուհ Արք. Սարգիսեանը, իսկ մեկենասութիւնը ստանձնած է Տ. եւ Տիկ. Ասպետ Հայկազ Թահմազեանը։ Յայտնենք, որ յիշեալ գիրքին գերմաներէն, արաբերէ ու ռուսերէն…
Երեքշաբթի, 10 Սեպտեմբեր 2019-ին, Ս. Աստուածածին Վանքին մէջ, Ն.Ս.Օ.Տ.Տ. Արամ Ա. Վեհափառ Հայրապետին այցելեց Միացեալ Ազգերու Կազմակերպութեան ընդհանուր քարտուղարի ներկայացուցիչ Եան Քիւպիշ։ Հանդիպումը առիթ մը հանդիսացաւ արծարծելու հետեւեալ հարցերը.- Լիբանանի այժմու կացութիւն, Միջին Արեւելքի դիմագրաւած մարտահրաւէրներ, քրիստոնէական ներկայութիւնը շրջանէն ներս, քրիստոնեայ-իսլամ երկխօսութիւն, Մ.Ա.Կ.ի դերը միջազգային գետնի վրայ։ Յիշեալ հարցերուն շուրջ աւելի քան ժամ…
Յաճախակի առիթներով, նոյնիսկ առօրեայ դրութեամբ, հայ թէ օտար հիւրեր եւ ուխտաւորներ կ’այցելեն թէ՛ Անթիլիասի Մայրավանքը եւ թէ՛ Պիքֆայայի Ս. Աստուածածին վանքը: Անոնք մօտէն կը ծանօթանան Մեծի Տանն Կիլիկիոյ Կաթողիկոսութեան առաքելութեան զանզան բնագաւառներուն: Երէկ, Անթիլիասի մայրավանք այցելեցին Տանիմարքայէն խումբ մը Լուտերական եկեղեցւոյ պատկանող հոգեւոր հովիւներ, ապա ուղղուեցան «Թռչնոց Բոյն»: Յայտնենք, որ Մեծի Տանն Կիլիկիոյ Կաթողիկոսութեան…
Շաբաթ, 7 Սեպտեմբեր 2019-ին, Մեծի Տանն Կիլիկիոյ Կաթողիկոսութեան Դպրեվանքի սրահին մէջ, Վեհափառ Հայրապետին ներկայութեամբ, իւրայատուկ հաւաք մը տեղի ունեցաւ՝ նուիրուած ձեռագիրներու պահպանման կարեւորութեան ու կարելիութեան: Ներկայ էին միաբան հայրեր, Դպրեվանքի սարկաւագներ, թանգարանի յանձնախումբի անդամներ եւ օտար հիւրեր: Հաւաքին յաջորդաբար խօսք առին Անթիլիասի մայրավանքէն ներս նոյն աշխատանքին լծուած գերմանացի մասնագէտները: Անոնք ներկաներուն պարզեցին ձեռագիրները պահպանելու ազդու…
Ուրբաթ, 6 Սեպտեմբեր 2019-ին, Վեհափառ Հայրապետը ընդունեց այցելութիւնը ԻՒՆԻՖԻԼ-ի՝ Միացեալ Ազգերու Կազմակերպութեան հարաւային Լիբանանի խաղաղարար ոյժերու հրամանատար զօր. Փիշիոթայի՝ ընկերակցութեամբ զանազան բաժանմունքներու պատասխանատու իր երկու օգնականներուն։ Հանդիպումը առիթ մը եղաւ անդրադարձ կատարելու հարաւային Լիբանանի մէջ խաղաղութիւնը պահպանելու կոչուած Միացեալ Ազգերու ոյժերու առաքելութեան: Յայտնենք, որ յիշեալ առաքելութեան մաս կը կազմեն նաեւ Հայաստանի Հանրապետութեան ազգային բանակէն…
Վեհափառ Հայրապետը Զուիցերիա եւ Հոլանտա տուած իր աշխատանքային այցելութենէն այսօր վերադարձաւ Անթիլիասի Մայրավանք։ Յիշեալ այցելութեան ընթացքին Հայրապետը մօտէն հետեւեցաւ Սիսի Կաթողիկոսարանի դատի վերջին զարգացումներուն առնչուած աշխատանքներուն՝ մնայուն կապի մէջ ըլլալով իրաւական յանձնախումբի անդամներուն հետ։ Նորին Սրբութիւնը նաեւ հետապնդեց Հոկտեմբերի սկիզբը Հոլանտա կատարելիք իր այցելութեան առնչուած եւ Նոյեմբերին Անթիլիասի Մայրավանքին մէջ տեղի ունենալիք միջ-եկեղեցական համագումարի…
Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԿԸ ՇՆՈՐՀԱՒՈՐԷ ԱՐՑԱԽԻ ՀԱՆՐԱՊԵՏՈՒԹԵԱՆ ՆԱԽԱԳԱՀ ՏԻԱՐ ԲԱԿՕ ՍԱՀԱԿԵԱՆԸ ԵՒ ԱՐՑԱԽԻ ԺՈՂՈՎՈՒՐԴԸ՝ ԱՐՑԱԽԻ ՀԱՆՐԱՊԵՏՈՒԹԵԱՆ ՕՐՈՒԱՆ ԱՌԻԹՈՎ Ստորեւ Նորին Սրբութեան նամակը.- Մեծայարգ Տիար Բակօ Սահակեան Նախագահ Արցախի Հանրապետութեան Ստեփանակերտ Մեծայարգ եւ Սիրելի Պարոն Նախագահ, Հայրապետական օրհնութեամբ եւ անհուն ուրախութեամբ կ՚ողջունենք Արցախի Հանրապետութեան Օրը՝ Մեծի Տանն Կիլիկիոյ Կաթողիկոսութեան Անթիլիասի Մայրավանքէն։…
Անցնող շաբթուան ընթացքին, Անթիլիասի Մայրավանքին մէջ տեղի ունեցաւ խորհրդակցական հանդիպում մը՝ Լիբանանի Ընդհանուր Առողջապահութեան Նախարարութեան հովանիին տակ գործող NOD-LB (National Organization of Organ Donation and Tissue Transplantation) մասնագիտական կազմակերպութեան ներկայացուցիչներուն հետ։ Հանդիպման ներկայ էին Մայր Տաճարի լուսարարապետ Գերշ. Տ. Մակար Եպս. Աշգարեան, Արժ. Տ. Մկրտիչ Քհնյ. Քէշիշեան եւ Կաթողիկոսարանի դիւանապետ Խաչիկ Տէտէեան։ Կազմակերպութեան հիմնական…
Մեծի Տանն Կիլիկիոյ Կաթողիկոսութեան միաբանութեան մաս կազմող միաբաններ կը ծառայեն թէ՛ Անթիլիասի Մայրավանքէն եւ թէ՛ թեմերէն ներս: Անոնց ծառայութեան վայրն ու բնոյթը, ինչպէս նաեւ ժամանակաշրջանը մնայուն հանգամանք չունին, կը ճշդուին Վեհափառ Հայրապետի տնօրինութեամբ՝ ըստ կարիքի ու յարմարութեան: Միաբանութեան ծառայութեան դաշտէն ներս հետեւեալ փոփոխութիւններն ու նշանակումները կատարուեցան.- — Գերշ. Տ. Տիրայր Արք. Փանոսեան երկար…
Անթիլիասի Մայրավանքէն ներս երկրորդ տարին ըլլալով Ն.Ս.Օ.Տ.Տ. Արամ Ա. Վեհափառ Հայրապետին նախաձեռնութեամբ ու անմիջական հսկողութեամբ տեղի ունեցաւ համալսարանական ուսանողներու ու համալսարանաւարտ երիտասարդներու խտացեալ դասընթացք: Հիւսիսային Ամերիկայի մեր թեմերուն յատուկ յիշեալ դասընթացքին կը մասնակցին առաւելագոյնը 22 երիտասարդներ՝ ընտրուած թեմերուն կողմէ: Դասընթացքը տեղի կ՚ունենայ անգլերէն լեզուով եւ կը քննարկէ հայ եկեղեցւոյ ու ժողովուրդին, ինչպէս նաեւ ներկայ ժամանակներու…
Ն.Ս.Օ.Տ.Տ. Արամ Ա. Կաթողիկոսի Հայրապետական տնօրինումով, Հոգշ. Տ. Պետրոս Վրդ. Մանուէլեան Կաթողիկոսական Փոխանորդ նշանակուեցաւ Քուէյթի եւ շրջակայից Հայոց Թեմին։ Հայր սուրբը շուտով պիտի մեկնի Քուէյթ թեմական ծառայութեան լծուելու։ Պետրոս Վրդ. Մանուէլեան Անթիլիասի Մայրավանքէն ներս վարած է զանազան պաշտօններ եւ վերջին տարիներուն յատկապէս ստանձնած էր Կաթողիկոսարանի Տեղեկատուական բաժանմունքի վարիչի պաշտօնը։
Մեծի Տանն Կիլիկիոյ Կաթողիկոսութիւնը30 Յուլիս 2019-ին դա՛րձեալ դիմեց թրքական դատարան, օրինական հայցներկայացնելով Սիսի նախադատատեանին մօտ՝ պահանջելով Սիսիպատմական Կաթողիկոսարանի վերադարձը: Արդարեւ, Ն.Ս.Օ.Տ.Տ. Արամ Ա Կաթողիկոսի հովանաւորութեամբ Կաթողիկոսարանի հետ աշխատակցող միջազգային եւ թուրք իրաւաբաններու զոյգ յանձնախումբերու ունեցած աշխատանքային եւ խորհրդակցական հանդիպումներու լոյսին տակ, որոշուեցաւ Սիսի Կաթողիկոսարանի վերադարձի պահանջը ներկայացնել Թուրքիոյ Սիս (Քոզան) քաղաքի նախադատ ատեանին մօտ: Շուրջ հազար…
Ընդառաջելով Ն.Ս.Օ.Տ.Տ. Արամ Ա. Կաթողիկոսի փափաքին, Հիւսիսային Ամերիկայի Արեւմտեան Թեմի ազգայիններէն Տէր եւ Տիկին Կարօ եւ Սօսէ Էշկիեան ամոլը ստանձնեց Անթիլիասի Մայրավանքի «Կիլիկիա» թանգարանի վերանորոգութեան ծախսերը. իսկ դարձեալ նոյն թեմի ազգայիններէն Տէր եւ Տիկին Յովսէփ եւ Էլիզապէթ Պոյաճեան ամոլը ստանձնեց Մայր Տաճարի վերանորոգութեան ծախսերը։ Երկու կառոյցներուն վերանորոգութեան աշխատանքները արդէն իսկ սկսած են եւ պիտի…
2020 թուականը Ն.Ս.Օ.Տ.Տ. Արամ Ա. Կաթողիկոսին Հայրապետական գահակալութեան 25-ամեակն է: Այս առիթով, Ազգային Կեդրոնական Վարչութիւնը յատուկ յանձնախումբ մը նշանակած է հանդիսաւոր կերպով նշելու Նորին Սրբութեան 25 տարիներու վրայ տարածուած հովուապետական առաքելութիւնն ու ծառայութիւնը: Յանձնախումբին մաս կը կազմեն Ազգ. Կեդր. Վարչութեան Կրօնական Ժողովի համա-ատենապետներ Գերշ. Տ. Օշական Արք. Չօլոյեան եւ Գերշ. Տ. Նարեկ Արք. Ալեէմէզեան…
Սոյն գրութիւնը խտացումն է Սուրբ Աստուածածնայ Վերափոխման տօնին, Պիքֆայայի «Ուխտի Օր»ուան առիթով Ն.Ս.Օ.Տ.Տ. Արամ Ա. Վեհափառ Հայրապետին տուած պատգամին, ուղղուած Ս. Աստուածածին Վանքի շրջափակին մէջ հաւաքուած հոծ բազմութեան. Շաբաթ գիշեր, 17 Օգոստոս, 2019։ ԴԷՊԻ ԱՌՈՂՋ ՀԱՅ ԸՆՏԱՆԻՔ ՈՒ ՅԱՆՁՆԱՌՈՒ ՀԱՅ ԴՊՐՈՑ Սուրբ Աստուածածնի Վերափոխման տօնին, այս հոգեպարար մթնոլորտին մէջ, մեր ժողովուրդի զաւակներու խուռներամ…
Մեծի Տանն Կիլիկիոյ Կաթողիկոսութեան Անթիլիասի Մայրավանքի Ս. Գրիգոր Լուսաւորիչ Մայր Տաճարի վերանորոգման աշխատանքները սկիզբ առին 20 Օգոստոս 2019-ին եւ պիտի տեւեն շուրջ երկու ամիս։ Վերանորոգման ծախսերը ստանձնած են հիւսիսային Ամերիկայի արեւմտեան թեմի ազգայիններ Տէր եւ Տիկ. Յովսէփ եւ Էլիզապէթ Պոյաճեան։ Ն.Ս.Օ.Տ.Տ. Արամ Ա. Վեհափառ Հայրապետին գահակալութեան շուրջ 25 տարիներուն ընթացքին երրորդ անգամ ըլլալով Մայր…
Կիրակի, 8 Յունիս 2019-ին, Բերիոյ Հայոց Թեմի Ազգային Երեսփոխանական Ժողովը առաջնորդ ընտրեց Մեծի Տանն Կիլիկիոյ Կաթողիկոսութեան միաբաններէն Գերշ. Տ. Մասիս Եպս. Զոպույեան։ Ն.Ս.Օ.Տ.Տ. Արամ Ա. Կաթողիկոս Ազգային Երեսփոխանական Ժողովին ուղղած իր հայրապետական գիրով վաւերացուց առաջնորդի ընտրութիւնը եւ յաջողութիւն մաղթեց նորընտիր առաջնորդ սրբազան հօր անոր վստահուած առաքելութեան մէջ։ Միաժամանակ, Վեհափառ Հայրապետը իր բարձր գնահատանքը յայտնեց…
Սուրբ Աստուածածնի ուխտի օրուան բազմահազար ժողովուրդին ուղղած իր Հայրապետական պատգամին մէջ, խօսելով հայ ընտանիքին հոգեւոր, բարոյական ու ազգային արժէքները պահելու հրամայական անհրաժեշտութեան մասին, Ն.Ս.Օ.Տ.Տ. Արամ Ա. Կաթողիկոս իր յստակ տեսակէտը պարզեց, այսպէս կոչուած, «Իստանպուլի Գոնվենցիայ»ին մասին: Նորին Սրբութիւնը հետեւեալ չորս կէտերուն մէջ ամփոփեց իր մօտեցումը.- 1) «Հայ ընտանիքին, անոր արժէքներուն, ինքնութեան ու կոչումին ուղղակի…
Ս. Աստուածամօր վերափոխման տօնը հայ եկեղեցւոյ համար առանձնայատուկ նշանակութիւն ունի, որովհետեւ ան իր մէջ կը պարփակէ կրօնական ու ազգային դիմագիծերը։ Ան եկեղեցւոյ հինգ տաղաւար տօներէն մէկը կը հանդիսանայ: Վերափոխման տօնին առիթով, որուն ընթացքին Մեծի Տանն Կիլիկիոյ Կաթողիկոսութիւնը կը նշէ Ս. Աստուածածին Վանքի ուխտի օրը, տեղի կ՚ունենայ Աստուածաշունչին եւ մեր հայերու աւանդութեան համաձայն երախայրիքի եւ ոչխարի…
Ուրբաթ, 16 Օգոստոս 2019-ի երեկոյեան, Ս. Աստուածածնայ վերափոխման տօնին եւ Ս. Աստուածածին Վանքի ուխտի օրուան առիթով, աղօթասացութեամբ եւ շարականի երգեցողութեամբ, երրորդ տարին ըլլալով, աւելի քան 1000 ուխտաւորներ ուխտեցին քալել Անթիլիասի Մայրավանքէն դէպի Ս. Աստուածածին Վանք։ Արդարեւ, Աստուծոյ կամքով եւ օրհնութեամբ, ուխտերթը ընթացք առաւ երեկոյեան ժամը 6:00-ին։ Հաւատացեալներու շարքերուն մէջ կային հայ թէ օտար ուխտաւորներ, ինչպէս…
Հովանաւորութեամբ Ն.Ս.Օ.Տ.Տ. Արամ Ա. Կաթողիկոսին եւ կազմակերպութեամբ Կաթողիկոսարանի Քրիստոնէական Դաստիրակութեան բաժանմունքին, 12-16 Օգոստոս 2019-ին Ս. Աստուածածին Վանքի ուխտի տօնին առիթով տեղի ունեցան Աստուածամօր նուիրուած հոգեպարար դասախօսութիւններու, խորհրդածութիւններու եւ աղօթասացութիւններու շարք մը, ինչպէս նաեւ օրական դրութեամբ մատուցուեցաւ Ս. եւ Անմահ Պատարագ։ Երկուշաբթի առաւօտուն ուխտաւորները հաղորդուեցան «Մարիամ Աստուածածնի Կուսութիւնը» նիւթով, որ ներկայացուց Հոգշ. Տ. Աշոտ Աբղ.…
Երկուշաբթի, 12 Օգոստոս 2019-ին, Վեհափառ Հայրապետը յաջորդաբար ընդունեց Լիբանանի մօտ Հայաստանի դեսպան Վահագն Աթաբէկեանն ու Վատիկանի մօտ Լիբանանի դեսպան Դոկտ. Ֆարիտ Ալ-Խազենը։ Հայաստանի դեսպանին հետ խօսակցութիւնները կեդրոնացան Հայաստան-Սփիւռք գործակցութեան առնչուած նիւթերու շուրջ, իսկ Լիբանանի դեսպանին հետ անդրադարձ կատարուեցաւ յառաջիկային տեղի ունենալիք քրիստոնեայ-իսլամ համագումարին։ Յայտնենք, որ շաբաթ մը առաջ դարձեալ այս ուղղութեամբ հանդիպում մը…
Մեծի Տանն Կիլիկիոյ Կաթողիկոսութեան Անթիլիասի Մայրավանքի ձեռագիրներու վերանորոգման աշխատանքները սկսած են Մայրավանքէն ներս։ Այս յոյժ կարեւոր ծրագիրը կը վայելէ Գերմանիոյ կառավարութեան հովանաւորութիւնը՝ «Աշխարհի Մշակութային Ժառանգութեան Պահպանումը» ծրագիրին ծիրէն ներս եւ կը կրէ «Մեծի Տանն Կիլիկիոյ Կաթողիկոսութեան Սիսի Կաթողիկոսարանէն փրկուած գանձերու պահպանում. հնատիպերու պահպանում եւ վերանորոգութիւն» վերնագիրը։ Ծրագիրը նախաձեռնուած է համագործակցութեամբ Կիլիկիոյ Կաթողիկոսութեան, Գերմիանիոյ մէջ «Հայկական…
Երեքշաբթի, 6 Օգոստոս 2019-ին, Վեհափառ Հայրապետը ընդունեց այցելութիւնը Վատիկանի մօտ Լիբանանի դեսպան Դոկտ. Ֆարիտ Ալ-Խազենին։ Դեսպանը Հայրապետը տեղեակ պահեց Վատիկանի եւ Լիբանանի յարաբերութեան առնչուած կարգ մը ծրագիրներու ու նոր զարգացումներու շուրջ։ Յայտնենք, որ Դոկտ. Ֆարիտ Ալ-Խազեն Լիբանանի Խորհրդարանէն ներս եղած է երեսփոխան, ինչպէս նաեւ քաղաքական գիտութեանց դասախօս՝ Պէյրութի ամերիկեան համալսարանին մէջ։
Նկատի ունենալով ընդհանրապէս երիտասարդութեան ու յատկապէս համալսարանական երիտասարդներու կարեւոր դերակատարութիւնը մեր ազգային-եկեղեցական կեանքէն ներս եւ այս գծով Մեծի Տանն Կիլիկիոյ Կաթողիկոսութեան նախանձախնդրութիւնը, երկրորդ տարին ըլլալով, Կաթողիկոսարանը՝ Քրիստոնէական Դաստիարակութեան բաժանմունքին ու Դպրեվանքին միացեալ ճիգով, կը կազմակերպէ երիտասարդական խտացեալ դասընթացք։ Յիշեալ դասընթացքը կ՚ընդգրկէ երկու շաբթուան վրայ երկարող Աստուածաշնչական, հայ եկեղեցւոյ պատմութեան, միջ-եկեղեցական, քրիստոնեայ-իսլամ երկխօսութեան, հայ դատի,…
Կիրակի, 4 Օգոստոս 2019-ին, Վեհափառ Հայրապետը ցաւով իմացաւ Փրոֆ. Վահագն Տատրեանի մահուան գոյժը, որուն համար յայտնեց, թէ անոր կորուստը մեծ է մանաւանդ Հայ Դատի աշխատանքներուն առնչութեամբ։ Յայտնենք, որ 1999 թուականին Նորին Սրբութիւնը Փրոֆ. Տատրեանը Անթիլիասի Մայրավանքէն ներս պարգեւատրած էր Մեծի Տանն Կիլիկիոյ Կաթողիկոսութեան «Ս. Մեսրոպ Մաշտոց» շքանշանով եւ վեր առնելով անոր ազգանուէր գործունէութիւնը՝ ըսած…
Կիրակի, 4 Օգոստոս 2019-ին, յընթացս Անթիլիասի Մայրավանքին Ս. Գրիգոր Լուսաւորիչ Մայր Տաճարին մէջ մատուցուած Ս. Եւ Անմահ Պատարագին, Մեծի Տանն Կիլիկիոյ Կաթողիկոսութեան երիտասարդ միաբաններէն Հոգշ. Տ. Պսակ Աբղ. Թէփիրճեան, Հոգշ. Տ. Յովակիմ Աբղ. Բանճարճեան, Հոգշ. Տ. Զաւէն Աբղ. Նաճարեան եւ Հոգշ. Տ. Արտաւազդ Աբղ. Շարոյեան ստացան Վարդապետական մասնաւոր իշխանութեան չորս աստիճաններ՝ ձեռամբ Գերշ. Տ. Վարուժան…
Շաբաթ, 3 Օգոստոս 2019-ի երեկոյեան, Դպրեվանքի հանդիսասրահին մէջ, Ն.Ս.Օ.Տ.Տ. Արամ Ա. Կաթողիկոսին ներկայութեան, Մեծի Տանն Կիլիկիոյ Կաթողիկոսութեան միաբանութեան մաս կազմող երիտասարդ չորս աբեղաները՝ Հոգշ. Տ. Պսակ Աբղ. Թէփիրճեան, Հոգշ. Տ. Յովակիմ Աբղ. Բանճարճեան, Հոգշ. Տ. Զաւէն Աբղ. Նաճարեան եւ Հոգշ. Տ. Արտաւազդ Աբղ. Շարոյեան, պաշտպանեցին իրենց վարդապետական աստիճանի աւարտաճառերը: Պսակ Վարդապետին աւարտաճառի նիւթն էր…
Ուրբաթ, 2 Օգոստոս 2019-ին, Վեհափառ Հայրապետին այցելեց Վատիկանի դեսպան Կարէն Նազարեան իր տիկնոջ հետ միասին: Դեսպան Նազարեան Հայաստանի Հանրապետութիւնը կը ներկայացնէ նաեւ Մալթայի մօտ: Այցելութիւնը առիթ մը հանդիսաացաւ, անդրադառնալու յատկապէս Վատիկանի հետ հայ եկեղեցւոյ ու մասնաւորաբար Մեծի Տանն Կիլիկիոյ Կաթողիկոսութեան սերտ յարաբերութեան: Ապա, տէր եւ տիկին Նազարեաններ ճաշի հիւրը եղան Նորին Սրբութեան: Յայտնենք,…
Երեքշաբթի, 30 Յուլիս 2019-ին, Պէյրութի տիւրզի համայնքի կեդրոնատեղիին մէջ, ներկայութեամբ Ն.Ս.Օ.Տ.Տ. Արամ Ա. Կաթողիկոսին տեղի ունեցաւ քրիստոնեայ եւ իսլամ հոգեւոր պետերու համաժողով մը: Սոյն համաժողովին, Նորին Սրբութեան կողքին ներկայ էր նաեւ Լիբանանի Հայոց թեմի առաջնորդ՝ Գերշ. Տ. Նարեկ Արք. Ալեէմեզեան: Համաժողովին բացումը կատարելով տիւրզի համայնքի հոգեւոր պետ շէյխ Նայիմ Հասան, ան կարեւոր նկատեց ներկայ…
Երկուշաբթի, 29 Յուլիս 2019-ի երեկոյեան, Պիքֆայայի Ս. Աստուածածին Վանքի Դպրեվանքի հանդիսասրահին մէջ, յատուկ հանդիսութեան մը ընթացքին, Վեհափառ Հայրապետը «Ս. Մեսրոպ Մաշտոց» շքանշանով պարգեւատրեց նկարչական արուեստին մէջ նուաճումներ արձանագրած Գրիգոր Ակոբեանը։ Այս առիթով արուեստագէտին տուած իր Սրբատառ Կոնդակին մէջ Նորին Սրբութիւնը ըսաւ. «Հոգեկան ուրախութիւն է Մեզի համար լուսարձակի տակ բերել Ձեր անձն ու վաստակը, ընդհանրապէս…
Ուրբաթ, 26 Յուլիս 2019-ին, Վեհափառ Հայրապետը ընդունեց այցելութիւնը Համաշխարհային Բարեկարգեալ Եկեղեցիներու Խորհուրդի նախագահ Դոկտ. Ն. Քասսապին, ընկերակցութեամբ Մերձաւոր Արեւելքի Հայ Աւետարանական Եկեղեցիներու Միութեան նախագահ Վեր. Մկրտիչ Գարակէօզեանի։ Վերոյիշեալ Բարեկարգեալ Միութեան մաս կը կազմեն 233 եկեղեցիներ, 110 երկիրներու մէջ հաստատուած եւ շուրջ 100 միլիոն հաւատացեալներ ունեցող։ Ան ունի երկու կեդրոններ՝ Ժընեւի եւ Հաննովըրի մէջ։ Անոր…
Ուրբաթ, 12 Յուլիս 2019-ի առաւօտեան, Վեհափառ Հայրապետը ընդունեց այցելութիւնը Պէյրութի Ամերիկեան համալսարանին (AUB) արուեստի ու գիտութեանց բաժանմունքի տնօրէնուհի Դոկտ. Նատիա Էլ Շէյխի, ընկերակցութեամբ նոյն բաժանմունքին քաղաքական գիտութեանց ճիւղի դասախօս Դոկտ. Ժան Կէօքճեանի: Այցելութեան նպատակն էր Նորին Սրբութեան հետ խորհրդակցիլ համալսարանէն ներս հայագիտական ուսմանց ծրագիր մը հաստատելու գծով: Մօտէն իմանալէ ետք ծրագիրին մանրամասնութիւնները, Վեհափառ Հայրապետը,…
Ուրբաթ, 26 Յուլիս 2019-ին, Վեհափառ Հայրապետին այցելեց տիւրզի համայնքը ներկայացնող պատուիրակութիւն մը: Այցելութեան նպատակն էր տիւրզի համայնքի հոգեւոր պետ Շէյխ Աքլ Տրուզի անունով՝ Նորին Սրբութիւնը հրաւիրել Երեքշաբթի օր տեղի ունենալիք իսլամ եւ քրիստոնեայ ժողովին: Տիւրզի համայնքի հոգեւոր պետին ողջոյնները փոխանցելով, պատուիրակութիւնը իր գնահատանքը յայտնեց քրիստոնեայ-իսլամ համակեցութեան գծով Վեհափառ Հայրապետին տարած աշխատանքներուն թէ՛ Լիբանանէն ներս…
16-19 Յուլիս 2019-ին, Ասիոյ Եկեղեցիներու Խորհուրդի Գործադիր Վարչութիւնը իր տարեկան հերթական ժողովը գումարեց Քամպոտիոյ մայրաքաղաք Փնոմ-Փէնի մէջ: Ասիոյ Եկեղեցիներու Խորհուրդը կ՚ընդգրկէ Ասիոյ բոլոր եկեղեցիները, որոնք կը գործեն աւելի քան 27 երկիրներու մէջ, ներառեալ Իրանը: Իրանի հայոց եկեղեցին 2010 թուականի Ապրիլ ամիսէն սկսեալ մաս կը կազմէ այս խորհուրդին եւ իր գործօն մասնակցութիւնը կը բերէ անոր…
Չորեքշաբթի, 24 Յուլիս 2019-ի երեկոյեան, Վեհափառ Հայրապետը ընդունեց Պէյրութի Լիբանանեան Ոյժեր կուսակցութեան վարչութիւնը։ Այցելութեան նպատակն էր փոխանցել կուսակցութեան ղեկավար Տոքթ. Սամիր Ժահժահին ողջոյններն ու յարգանքը հայ համայնքին նկատմամբ, ինչպէս նաեւ Նորին Սրբութիւնը տեղեակ պահել վերջին շրջանին երկրէն ներս տեղի ունեցող զարգացումներուն շուրջ եւ պարզել կուսակցութեան տեսակէտը։ Հանդիպումը առիթ մը եղաւ նաեւ ընդհանուր արժեւորումի ենթարկելու…
Պարսկաստանի Ատրպատական նահանգին մէջ հաստատուած Ս. Թադէի Վանքը իր դարաւոր անցեալով եղած է հայ ժողովուրդի ճառագայթող հոգեւոր կեդրոններէն մէկը: Ամէն տարի Յուլիս ամսուան վերջերը ուխտագնացութիւններ տեղի կ’ունենան՝ մասնակցութեամբ մեր ժողովուրդի բազմահազար զաւակներուն: Այս առիթով Թեմի Առաջնորդ սրբազանին՝ Գերշ. Տ. Գրիգոր Եպս. Չիֆթճեանին ճամբով ուխտաւոր ժողովուրդին ուղղած իր հայրապետական օրհնութեան գիրին մէջ, Վեհափառ Հայրապետը կ’ըսէ.…
Այս առաւօտ, Ուրուկուէյի հայկական ռատիօժամին հետ ունեցած իր հարցազրոյցին Վեհափառ Հայրապետը անդրադառնալով վերջերս Անթիլիասի Մայրավանքին մէջ տեղի ունեցած Հայ Մամուլի Համահայկական Համագումարին, կոչ ուղղեց մամլոյ մշակներուն համագումարը վերածել մնայուն գործընթացքի: Ան ըսաւ, որ որեւէ համագումար (ինչպէս որեւէ յեղափոխութիւն), իր լիարատ իմաստը կը ստանայ ու նպատակը կ’իրագործէ երբ վերածուի գործընթացքի: Այլ խօսքով, յստակ ծրագիրներ մշակելու ու…
Ուրբաթ, 19 Յուլիս 2019-ին, Պիքֆայայի Սուրբ Աստուածածին Վանքին մէջ Վեհափառ Հայրապետը ընդունեց այցելութիւնը Ռամկավար Ազատական Կուսակցութեան Կեդրոնական Վարչութեան ներկայացուցիչ Տոքթ. Աւետիս Տաքէսեանին: Հանդիպումը առիթ մը հանդիսացաւ խորհրդակցելու ընդհանրապէս Հայաստան-Սփիւռք յարաբերութեան ու յատկապէս կուսակցութեան առնչուած հարցերուն մասին: Տոքթ. Տաքէսեան, յանուն կեդրոնական վարչութեան, Նորին Սրբութեան պարզեց կուսակցութեան վերջին ընդհանուր ժողովին առած որոշումները, ինչպէս նաեւ կուսակցութեան յառաջիկայ…
Հինգշաբթի, 18 Յուլիս 2019-ի առաւօտուն, «Ի Պաշտպանութիւն Միջին Արեւելքի Քրիստոնեայ Համայնքներուն» խմբաւորումի ատենապետ Թուֆիք Պաաքլինիի ուղղած խօսքին մէջ, Վեհափառ Հայրապետը ողջունեց յիշեալ կազմակերպութեան կողմէ կատարուած աշխատանքները՝ ի նպաստ Միջին Արեւելքի քրիստոնէութեան։ Յայտնենք, որ երէկ՝ Չորեքշաբթի, 17 Յուլիս 2019-ին, նոյն կազմակերպութեան նախաձեռնութեամբ, Ամերիկայի Միացեալ Նահանգներու քոնկրէսին մէջ տեղի ունեցաւ աղօթքի հանդիպում մը, որուն յանուն Մեծի Տանն Կիլիկիոյ Կաթողիկոսութան մասնակցեցան Արեւելեան հայոց թեմի առաջնորդ Գերշ. Տ. Անուշաւան Արք. Դանիէլեան եւ Արեւմտեան հայոց թեմի առաջնորդ Գերշ. Տ. Մուշեղ Արք. Մարտիրոսեան։ Նոյն օրը երեկոյեան, Ամերիկայի Միացեալ Նահանգներու Արտաքին Գործոց Նախարարութեան կազմակերպութեամբ միօրեայ հանդիպում մը տեղի ունեցաւ խղճի ազատութեան առնչուած։ Վեհափառ Հայրապետը անձնապէս հրաւիրուած էր մասնակցելու յիշեալ երկու հաւաքներուն։ Նշենք, որ «Ի Պաշտպանութիւն Միջին…
Ն.Ս.Օ.Տ.Տ. Արամ Ա. Վեհափառ Հայրապետը Երկուշաբթի, 15 Յուլիս 2019-ին, Ս. Աստուածածին Վանքին մէջ, ողջունեց այցելութիւնը խումբ մը արուեստագիտուհիներու, որոնք Հայաստանէն եկած էին «Հմայիչ Հայաստանը Պիքֆայայի Մէջ» թեմայով հայ ժողովուրդի մշակութային արժէքները ներկայացնելու շրջանի ժողովուրդին։ «Մշակոյթը ժողովուրդի մը ինքնութեան ու ինքնահասկացողութեան շօշափելի արտայայտութիւններէն մէկն է։ Ան զօրեղ գործօն է ո՛չ միայն ժողովուրդի ինքնութեան պահպանման, այլ…
Վեհափառ Հայրապետին այցելեց Լիբանանի մօտ Հայաստանի Հանրապետութեան դեսպան Վահագն Աթաբէկեան, Պիքֆայայի Ս. Աստուածածին Վանքին մէջ: Վեհափառ Հայրապետին եւ դեսպանին հանդիպումը առիթ հանդիսացաւ վերարժեւորումի ենթարկելու Անթիլիասի Մայրավանքին մէջ քանի մը օրեր առաջ տեղի ունեցած հայ մամուլի համահայկական համագումարը: Անոնք կարեւորութեամբ ընդգծեցին յիշեալ համագումարին եզակի կարեւորութիւնը՝ թէ՛ իր ունեցած համահայկական տարողութեամբ եւ թէ հարցերու անկեղծ եւ…
Ուրբաթ, 12 Յուլիս 2019-ի երեկոյեան, Ս. Աստուածածին Վանքին մէջ Վեհափառ Հայրապետը դասախօսութիւն մը տուաւ «Եկեղեցին ներկայ աշխարհին մէջ» նիւթին շուրջ։ Միջին Արեւելքի եկեղեցիներու երիտասարդ ներկայացուցիչները, շուրջ 50 անձերէ բաղկացած, իրենց դասախօսներով եկած էին լսելու Վեհափառ Հայրապետը: Անոնք երկու շաբաթներու վրայ երկարաձգուած խտացեալ յատուկ աստուածաբանական դասընթացքի հետեւելու եկած էին Լիբանան՝ զանազան երկիրներէ: Նորին Սրբութիւնը նախ…
Ուրբաթ, 28 Յունիս 2019 թուականը Ն.Ս.Օ.Տ.Տ. Արամ Ա. Կաթողիկոսին կեանքին մէջ իւրայատուկ նշանակութիւն ունեցող օր մը դարձաւ, երբ Վեհափառ Հայրապետը, ամէն տեսակ դժուարութիւն յանձն առնելով, անցաւ Թուրքիոյ կողմէ բռնագրաւեալ հիւսիսային Կիպրոս՝ այցելելու համար մեր ժողովուրդին ու եկեղեցւոյ կեանքին մէջ յատուկ կարեւորութիւն ունեցող հոգեւոր կեդրոնները։ Վեհափառ Հայրապետը, ընկերակցութեամբ Կիպրոսի թեմի Կաթողիկոսական փոխանորդ Գերշ. Տ. Խորէն…
Կաթողիկոսարանի «Կիլիկիա» թանգարանի վերանորոգութեան աշխատանքները արդէն ընթացք առին։ Արդարեւ, 1996 թուականին բացուած «Կիլիկիա» թանգարանի վերանորոգութիւնը դարձած էր հրամայական՝ մէկ կողմէ նկատի ունենալով ներքին փոփոխութիւններու ու նորոգութիւններու, եւ միւս կողէն նոր ստացուած իրերու դասաւորման անհրաժեշտութիւնը։ Ընդառաջելով Ն.Ս.Օ.Տ.Տ. Արամ Ա. Վեհափառ Հայրապետին փափաքին, վերանորոգութեան աշխատանքներուն բարերարութիւնը ստանձնած է Հիւսիսային Ամերիկայի Արեւմտեան թեմի Ազգային Վարչութեան ատենապետ Կարօ…
Երեքշաբթի, 9 Յուլիս 2019-ին, ընդունելով վարչութիւնը Մեծի Տանն Կիլիկիոյ Կաթողիկոսութեան Անթիլիասի Մայրավանքի աւելի քան 45 տարիներու ծառայութիւն ունեցող «ՇՆՈՐՀԱԼԻ» երգչախումբին, Վեհափառ Հայրապետը իր ջերմ գնահատանքը յայտնեց երգչախումբին ծաւալած հոգեւոր ու մշակութային առաքելութեան։ Ան յատկապէս ողջունեց երգչախումբի ներկայ խմբավար Հոգշ. Տ. Զաւէն Աբղ. Նաճարեանին կողմէ կատարուող հետեւողական աշխատանքը, խումբին որակին ու քանակին ապահովման գծով։ Այսօր…
Երեքշաբթի, 9 Յուլիս 2019-ին, Վեհափառ Հայրապետը ընդունեց Հաճնոյ Հայրենակցական Միութեան Վարչութեան եւ Հաճնոյ հերոսամարտի 100-ամեակի յանձնախումբի անդամները՝ Փօլ Եագուպեան, Արամ Մալեան, Ժիրայր Դանիէլեան, Դոկտ. Անդրանիկ Տագէսեան եւ Հայկ Օղուլլուգեան։ Այցելութեան նպատակն էր Նորին Սրբութիւնը տեղեակ պահել յառաջիկայ տարի Հաճնոյ հերոսամարտի 100-ամեակին առիթով իրագործուելիք ծրագիրները՝ Լիբանանի, Հայաստանի եւ Սփիւռքի այլ գաղութներէն ներս։ Հայրապետը գնահատեց…
Երկուշաբթի, 8 Յուլիս 2019-ին, Պիքֆայայի Սուրբ Աստուածածին Վանքին մէջ Ն.Ս.Օ.Տ.Տ. Արամ Ա. Վեհափառ Հայրապետը ընդունեց այցելութիւնը Նոր Սերունդ մշակութային միութեան «Արեգ», Համազգայինի «Քնար» եւ Հ.Բ.Ը.Մ. Հ.Ե.Ը.ի «Արին» պարախումբերու վարչութիւնները։ Յայտնենք, որ վերոյիշեալ երեք միութիւններու պարախումբերը, անցնող շաբաթ Ս. Աստուածածին Վանքի շրջափակէն ներս, միասնաբար հանդէս եկան Անթիլիասի Մայրավանքին մէջ տեղի ունեցած Հայ Մամուլի Համահայկական Համագումարին…
Սոյն յօդուածը խտացումն է Ն.Ս.Օ.Տ.Տ. Արամ Ա. Կաթողիկոսի եզրափակիչ պատգամին, արտասանուած հայ մամուլի տարուան առթիւ Կաթողիկոսարանէն ներս կազմակերպուած համագումարի փակման նիստին, 4 Յուլիս, 2019-ին Հայ մամուլին նուիրուած համահայկական համագումարը իր աւարտին հասաւ։ Արդարեւ, քննարկուած նիւթերը այնքա՜ն բազմազան էին ու այլազան, արծարծուած խնդիրները այնքա՜ն այժմէական էին ու հրատապ, հայ մամուլին դիմագրաւած մտահոգութիւններն ու մարտահրաւէրները այնքա՜ն…
Ն.Ս.Օ.Տ.Տ. Արամ Ա. Վեհափառ հայրապետին կողմէ հայ մամուլի տարուան հռչակման առիթով կազմակերպուած Համահայկական համաժողովը տեղի ունեցաւ 2-4 Յուլիս 2019-ին, Անթիլիասի մայրավանքին մէջ, նախագահութեամբ ու ներկայութեամբ Վեհափառ Հայրապետին։ Համաժողովին իրենց մասնակցութիւնը բերին Հայաստանի, Արցախի եւ Սփիւռքի զանազան երկիրներու մէջ գործող տպագիր եւ ելեկտրոնային մամուլի շուրջ 100 տնօրէններ, գլխաւոր խմբագիրներ եւ մամուլի գործիչներ։ Նորին Սրբութեան…
Շաբաթ, 6 Յուլիս 2019-ին, Պիքֆայայի Սուրբ Աստուածածին Վանքի Վեհարանին մէջ, Վեհափառ Հայրապետին այցելեց Մեծի Տանն Կիլիկիոյ Կաթողիկոսութեան ազգային կեդրոնական վարչութեան համաատենապետ Գրիգոր Մահսերէճեանը: Ապու Տապիի մէջ բնակող տիար Մահսերէճեան, երկար տարիներ թեմի ազգային իշխանութեան մաս կազմած է եւ իր նիւթական աջակցութիւնը բերած է՝ Ապու Տապիի եկեղեցւոյ ու համալիրի շինութեան: Ան նաեւ, վերջերս Պիքֆայայի Դպրեվանքին դաշտին…
Շաբաթ, 6 Յուլիս 2019-ին, Պիքֆայայի Սուրբ Աստուածածին Վանքի Վեհարանին մէջ, Վեհափառ Հայրապետը ընդունեց այցելութիւնը Իրանի Իսլամական Հանրապետութեան դեսպանատան մշակոյթի եւ յարաբերութեանց պատասխանատու՝ Դոկտ. Մէհտի Շարիաթմատարին: Այցելութեան նպատակն էր չորս տարիներու ծառայութենէն ետք, ողջերթ եւ շնորհակալութիւնը յայտնել Նորին Սրբութեան: Հանդիպումը առիթ հանդիսացաւ նաեւ անդրադառնալու ընդհանրապէս Միջին Արեւելքը եւ յատկապէս Իրանը յուզող ներկայ հարցերուն: Դոկտ. Մէհտին…
Ուրբաթ, 5 Յուլիս 2019-ին, Պիքֆայայի Սուրբ Աստուածածին Վանքի Վեհարանէն ներս, Վեհափառ Հայրապետը ընդունեց այցելութիւնը Վեր. Եումուշաքճեանին եւ դոկտ. Էմիլսընին: Վեր. Եումուշաքճեան անդրադարձաւ Աւստրիալիոյ հայ գաղութին եւ ընդհանրապէս միջ-եկեղեցական յարաբերութեանց առնչուած կարգ մը հարցերու, իսկ դոկտ. Էմիլսըն խօսեցաւ աստուածաբանական եւ քրիստոնեայ-իսլամ յարաբերութեանց հետ աղերս ունեցող նիւթերու շուրջ: Նորին Սրբութիւնը ողջունելով անոնց այցելութիւնը, շեշտեց յատկապէս եկեղեցիներու…
Ուրբաթ, 5 Յուլիս 2019-ին, Պիքֆայայի Ս. Աստուածածին Վանքին մէջ, հանդիպում մը տեղի ունեցաւ Վեհափառ Հայրապետին եւ Ռամկավար Ազատական Կուսակցութեան Գերագոյն Խորհուրդի ներկայացուցիչներուն միջեւ: Գերագոյն խորհուրդի կազմէն ներկայ էին՝ Երուանդ Ազատեան, Յակոբ Վարդիվառեան, Դոկտ. Հրաչ գույումճեան եւ Արտաւազդ Մելքիսեդեկեան: Շուրջ երկու ժամ տեւող հանդիպումը առիթ հանդիսացաւ արծարծելու Հայաստանը, Սփիւռքը եւ ընդհանրապէս մեր ազգը յուզող ներկայ…
Նախագահութեամբ Ն.Ս.Օ.Տ.Տ. Արամ Ա. Կաթողիկոսին, Հինգշաբթի, 4 Յուլիս 2019-ին, Անթիլիասի Մայրավանքին մէջ ընթացք առած Հայ Մամուլի Համահայկական համաժողովը եզրափակեց իր եռօրեայ աշխատանքները։ Նախքան Եզրափակման նիստը, Համաժողովը կայացուց իր վերջին նիստը՝ «Հայ մամուլը եւ ազգային պահանջատիրութիւնը» թեմայով։ Առաջին հերթին, նիստի ատենապետ Սեդա Խտըշեան ըսաւ, որ պահանջատիրութեան բաղադրիչներն են հայ ազգային քաղաքական տարրը եւ հայ ժողովուրդի…
Հայ Մամուլի Համահայկական Համագումարը իր աշխատանքները շարունակեց 3 Յուլիս 2019-ին, առաւօտեան ժամը 9։30-ին, նախագահութեամբ Ն.Ս.Օ.Տ.Տ. Արամ Ա. Կաթողիկոսին։ Համագումարի Ե. նիստին նիւթն էր «Տեղեկատուական անվտանգութիւնը եւ լրատուութեան հաւաստիութիւնը»։ Նիստին ատենապետն Արա Պուլուզեան հակիրճ տողերով ներկայացուց նիւթը ու դիտել տուաւ, թէ տեղեկատուութիւնը զէնք է, որ կարելի է օգտագործել քաղաքական, ազգային եւ տարբեր նպատակներով եւս՝ միշտ…
Չորեքշաբթի, 3 Յուլիս 2019-ին, Ն.Ս.Օ.Տ.Տ. Արամ Ա. Կաթողիկոս ցաւակցագիր նամակ մը յղեց Արաբական Միացեալ Էմիրութեանց Շարժայի Շէյխ Սուլթան Պըն Մուհամմատ Ալ-Քասիմին` յայտնելով իր խորազգաց ցաւակցութիւնը անոր որդւոյն` Խալետ Պըն Սուլթան Ալ-Քասիմին մահուան առիթով։ Ցաւակցագիրին մէջ Նորին Սրբութիւնը ցաւ յայտնեց երիտասարդ տարիքին անակնկալ կերպով հեռացած տաղանդաւոր Ալ-Քասեմի մահուան համար՝ աղօթելով, որ Աստուած օրհնէ…
Մեծի Տանն Կիլիկիոյ Կաթողիկոսութեան Տեղեկատուական Բաժանմունքին կազմակերպութեամբ, Երեքշաբթի, 2 Յուլիս 2019-ի երեկոյեան ժամը 8:00-ին, Պիքֆայայի Ս. Աստուածածին Վանքի շրջափակը նոր շունչով տրոփեց իր ազգային ու հոգեւոր առաքելութիւնը, որովհետեւ իր շուրջ համախմբեց լիբանանահայ երեք մշակութային միութիւններու պարախումբերը՝ բան մը որ աննախադէպ էր։ Նոր Սերունդ մշակութային միութեան «Արեգ», Համազգայինի «Քնար» եւ Հ.Բ.Ը.Մ.-Հ.Ե.Ը.-ի «Արին» պարախումբերու պատանի եւ…
Երեքշաբթի, 2 Յուլիս 2019-ին, Մեծի Տանն Կիլիկիոյ Կաթողիկոսութեան Անթիլիասի Մայրավանքի յարկին տակ ի մի խմբուած էին Հայաստանէն, Արցախէն եւ Սփիւռքի զանազան գաղութներէն ժամանած մամուլի մշակներ՝ մասնակցելու Մեծի Տանն Կիլիկիոյ Կաթողիկոսութեան կազմակերպած Հայ Մամուլի Համահայկական Համագումարին, որ տեղի ունեցաւ նախագահութեամբ Ն.Ս.Օ.Տ.Տ. Արամ Ա. Կաթողիկոսին։ Սոյն համագումարին պաշտօնական բացումը տեղի ունեցաւ առաւօտեան ժամը 09:30-ին, Վեհարանի դահլիճին…
Երեքշաբթի, 2 Յուլիս 2019-ին առաւօտեան, տեղի ունեցաւ Հայ Մամուլի Համահայկական Համաժողովի բացման հանդիսութիւնը՝ նախագահութեամբ Ն.Ս.Օ.Տ.Տ. Արամ Ա. Կաթողիկոսին։ Համաժողովին կը մասնակցին շուրջ 100 մամուլի մշակներ, լրագրողներ եւ աշխատակիցներ՝ Հայաստանէն, Արցախէն եւ Սփիւռքի զանազան գաղութներէն։ «Տէրունական Աղօթք»ին, Հայաստանի եւ Արցախի հանրապետութեանց ու «Կիլիկիա» քայլերգներու ունկնդրութենէն ետք, իր Հայրապետական պատգամը ուղղեց Նորին Սրբութիւնը, որմէ ետք Լիբանանի…
ԵՐԵՔՇԱԲԹԻ, 2 ՅՈՒԼԻՍ 9:30 — 11:00 Ա. ՆԻՍՏ՝ Պաշտօնական բացում Հայր մեր Հայաստանի Քայլերգ Արցախի Քայլերգ Կիլիկիոյ Քայլերգ Ն.Ս.Օ.Տ.Տ. Արամ Ա. Կաթողիկոսի Պատգամը Հ.Հ. Վարչապետ Նիկոլ Փաշինեանի ողջոյնի խօսքը Տիկին Աննա Յակոբեանի (Պատուոյ հիւր) խօսքը 11:00 — 11:30 Դադար 11:30 — 13:00 Բ. ՆԻՍՏ Նիւթ՝ Հայաստան-Արցախ-Սփիւռք համագործակցութիւն — խնդիրներ եւ…
Կիրակի, 30 Յունիս 2019-ին, Անթիլիասի Մայրավանքի Ս. Գրիգոր Լուսաւորիչ Մայր Տաճարին մէջ մատուցուած Ս. եւ Անմահ Պատարագի ընթացքին տեղի ունեցաւ Հայրապետական Մաղթանք՝ Ս. Աթոռոյս Գահակալ Ն.Ս.Օ.Տ.Տ. Արամ Ա. Կաթողիկոսին ընտրութեան եւ օծման 24-րդ տարեդարձին առիթով։ Հայրապետական Մաղթանքի ընթացքին Միաբան Հայրեր աւետարանական հատուածներու եւ աղօթքներու ու շարականներու ընդմէջէն աղօթեցին Վեհափառ Հայրապետին արեւշատութեան, առողջութեան եւ երկար գահակալութեան…
Կիպրոս կատարած իր միօրեայ այցելութեան ծիրին մէջ, Ուրբաթ, 28 Յունիս 2019-ի երեկոյեան, Վեհափառ Հայրապետը նախագահեց Երեսփոխանական, Ազգային Վարչութեան ու Կրօնական ժողովներու միացեալ նիստին։ Նորին Սրբութիւնը նախ լսեց սրբազան հօր եւ երկու մարմիններու ատենապետերուն կողմէ ներկայացուած զեկոյցները եւ մօտէն իրազեկ դարձաւ թեմին կողմէ կատարուող աշխատանքներուն, ինչպէս նաեւ թեմին դիմագրաւած մտահոգութիւններուն ու մարտահրաւէրներուն։ Հայրապետը իր…
Ուրբաթ, 28 Յունիս 2019-ին, Նիկոսիոյ Արքեպիսկոպոսարանին մէջ հանդիպում մը տեղի ունեցաւ Վեհափառ Հայրապետին եւ Կիպրոսի ուղղափառ եկեղեցւոյ հոգեւոր պետ Խրիսոսթոմոս Բ. Արքեպիսկոպոսին միջեւ։ Նորին Սրբութեան կողքին հանդիպումին ներկայ էին Կիպրոսի Կաթողիկոսական Փոխանորդ Գերշ. Տ. Խորէն Արք. Տողրամաճեան, հայկական երեսփոխանական պլոքի ներկայացուցիչ Յակոբ Բագրատունի, Կիպրոսի հայ համայնքի պետական ներկայացուցիչ Վարդգէս Մահտեսեան եւ Հայրապետին գաւազանակիր Հոգշ. Տ.…
Ուրբաթ, 28 Յունիս 2019-ին, Կիպրոսի մայրաքաղաք Նիկոսիոյ նախագահական ապարանքին մէջ հանդիպում մը տեղի ունեցաւ Ն.Ս.Օ.Տ.Տ. Արամ Ա. Վեհափառ Հայրապետին եւ Կիպրոսի նախագահ Նիքոս Անասթասիատիսի միջեւ։ Հանդիպումին Նորին Սրբութեան կողքին ներկայ էին Կիպրոսի Կաթողիկոսական Փոխանորդ Գերշ. Տ. Խորէն Արք. Տողրամաճեան, հայկական երեսփոխանական պլոքի ներկայացուցիչ Յակոբ Բագրատունի, Կիպրոսի հայ համայնքի պետական ներկայացուցիչ Վարդգէս Մահտեսեան եւ Հայրապետին գաւազանակիր…
Երկուշաբթի, 24 Յունիս 2019-ին, Պիքֆայայի Սուրբ Աստուածածին Վանքի Վեհարանին մէջ, Վեհափառ Հայրապետին այցելեց Համազգայինի Կեդրոնական Վարչութիւնը, առաջնորդութեամբ վարչութեան ատենապետ Դոկտ. Մկրտիչ Մկրտիչեանի: Վարչութիւնը Նորին Սրբութիւնը տեղեակ պահեց Համազգայինի աշխատանքներուն մասին Հայաստանի, Արցախի եւ Սփիւռքի մէջ, յատկապէս պարզելով Համազգայինի ծրագիրները: Հայրապետը իր գնահատանքը յայտնեց Համազգայինի գործունէութեան նկատմամբ՝ յիշեցնելով, որ Մեծի Տանն Կիլիկիոյ Կաթողիկոսութիւնը միշտ զօրավիգ…
Շաբաթ, 22 Յունիս 2019-ին, Պիքֆայայի Սուրբ Աստուածածին Վանքի Վեհարանին մէջ, Վեհափառ Հայրապետին այցելեց Լիբանանի մօտ Հայաստանի Հանրապետութեան դեսպան՝ Վահագն Աթաբէկեան: Հանդիպումը առիթ մը եղաւ անդրադառնալու Սփիւռք-Հայաստան գործակցութեան առնչուած հարցերուն: Անոնք նաեւ խորհրդակցեցան, յառաջիկայ շաբաթ, Անթիլիասի Մայրավանքէն ներս տեղի ունենալիք հայ մամուլին նուիրուած համազգային համագումարին մասին: Յայտնենք, որ յիշեալ համագումարին անձամբ ներկայ պիտի գտնուի…
«ԴՊՐԵՎԱՆՔԸ ՆԿԱՐԱԳԻՐ ԿԵՐՏՈՂ ՈՒ ՄԱՐԴ ՊԱՏՐԱՍՏՈՂ ՀՆՈՑ Է, ՈՒՐԿԷ ԿԸ ԾՆԻՆ ԵԿԵՂԵՑԻԻՆ ՈՒ ԱԶԳԻՆ ԾԱՌԱՅՈՂՆԵՐԸ» Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ Մեծի Տանն Կիլիկիոյ Կաթողիկոսութեան Դպրեվանքը ամբողջացուց 2018-2019 կրթական տարեշրջանը` ազգին նուիրաբերելով նոր դպիրներ, կիսասարկաւագներ եւ աբեղաներ։ Եւ թէեւ Դպրեվանքին համար կրթական տարեվերջը սովորական իմաստով ուսումնական տարեշրջանի մը փակումը չէ՝ նկատի ունենալով Դպրեվանքին կրթական-դաստիարակչական ծրագիրին…
Հինգշաբթի, 20 Յունիս 2019-ին, Վեհափառ Հայրապետը աշխատանքային հանդիպում մը ունեցաւ Միացեալ Ազգերու Կազմակերպութեան սուրիական գրասենեակի փոխ պատասխանատու Անթուան Լահհամի հետ։ Հանդիպումին ներկայ էր նաեւ Եկեղեցիներու Համաշխարհային Խորհուրդի դարձեալ Սուրիոյ հարցով զբաղող պատասխանատու Դոկտ. Միշէլ Նսէյրը։ Շուրջ երկու ժամ տեւած աշխատանքային հանդիպումին նպատակն էր Սուրիոյ քրիստոնեայ ու իսլամ համայնքներուն միջեւ երկխօսութեան ու գործակցութեան հարթակ մը…
Այսօր՝ Չորեքշաբթի, 19 Յունիս 2019-ին, Մեծի Տանն Կիլիկիոյ Կաթողիկոսութեան Դպրեվանքէն ներս տեղի ունեցաւ Դպրեվանքի ուսուցչաց հանդիպումը կրթական տարեփակին առիթով: Բնականաբար, հանդիպման նպատակն էր ընդհանուր արժեւորումի ենթարկել Դպրեվանքի 2018-2019 կրթական տարեշրջանի ուսումնական աշխատանքը, աշակերտներու՝ դասարան առ դասարան եւ աշակերտ առ աշակերտ կատարած աշխատանքը եւ ապա ճշդել յառաջիկայ կրթական շրջանին ծրագիրին ու կատարուելիք աշխատանքին ընդհանուր ուրուագիծը: …
ա. Երեքշաբթի, 18 Յունիս 2019-ին, Պիքֆայայի Սուրբ Աստուածածին Վանքի Վեհարանին մէջ, իր աշխատանքային հանդիպումներու ծիրին մէջ, Վեհափառ Հայրապետը ընդունեց այցելութիւնը Գարակէօզեան բարեսիրական հաստատութեան տնօրէն Սերոբ Օհանեանին: Ան տեղեակ պահեց Նորին Սրբութիւնը հաստատութեան բարեսիրական, ընկերային ու առողջապահական գործունէութեան, ինչպէս նաեւ յառաջիկայ ծրագիրներուն մասին: Վեհափառ Հայրապետը իր գնահատանքը յայտնեց մօտէն իմանալով հաստատութեան հետզհետէ ծաւալող աշխատանքը հայահոծ շրջաններէն…
Հայ Եկեղեցւոյ դարաւոր աւանդութեան համաձայն, քահանայական ձեռնադրութենէն եւ օծումէն անմիջապէս ետք, ձեռնադրեալը հետեւելով Քրիստոսի օրինակին Քառասնօրեայ պահեցողութեան շրջան մը կը բոլորէ իր հոգեւոր առաքելութեան սկսելէ առաջ: Երկուշաբթի, 17 Յունիս 2019-ին, Ն.Ս.Օ.Տ.Տ. Արամ Ա. Կաթողիկոս իր մօտ հրաւիրեց նորընծաները՝ Հոգշ. Տ. Սարգիս Աբղ. Աբրահամեանը, Հոգշ. Տ. Գէորգ Աբղ. Գարակէօզեանը եւ Հոգշ. Տ. Յակոբ Աբղ. Եագուպեանը։…
Երեւանի մէջ Հայաստանի Հանրապետութեան Նախագահ Արմէն Սարգիսեանին հրաւէրով ու նախագահութեամբ տեղի պիտի ունենայ «Հայաստան» Համահայկական հիմնադրամի հոգաբարձուներու խորհուրդին նիստը: Յանուն Վեհափառ Հայրապետին եւ Մեծի Տանն Կիլիկիոյ Կաթողիկոսութեան յիշեալ նիստին իր մասնակցութիւնը պիտի բերէ Գերշ. Տ. Շահան Արք. Սարգիսեանը: Յայտնենք նաեւ, որ Մեծի Տանն Կիլիկիոյ Կաթողիկոսութեան երիտասարդ միաբաններէն Հոգշ. Տ. Պետրոս Վրդ. Մանուէլեանը եւ Հոգշ.…
Երկուշաբթի, 17 Յունիս 2019-ին, Վեհափառ Հայրապետը իր այցելուներու շարքին նաեւ ընդունեց գրագէտ Պօղոս Շահմելիքեանը: Լիբանանի հայութեան մշակութային կեանքին մաս կազմած եւ այժմ ընտանիքով Լոս Անճելըս հաստատուած տիար Պօղոս Շահմելիքեան, Գերշ. Տ. Եփրեմ Արք. Թապագեանին եւ իր ընտանիքին հետ միասին այցելեց Նորին Սրբութեան՝ իր խորին շնորհակալութիւնը յայտնելու վերջերս Մեծի Տանն Կիլիկիոյ Կաթողիկոսութեան կողմէ լոյս ընծայուած «Ճամբորդութիւն…
Ուրբաթ, 14 Յունիս 2019-ին, Ն.Ս.Օ.Տ.Տ. Արամ Ա. Վեհափառ Հայրապետին այցելեցին Արցախէն ժամանած խումբ մը գեղանկարիչներ: Անոնք Նորին Սրբութեան պարզեցին իրենց կատարած աշխատանքները Արցախի մէջ: Հայրապետը ողջունելով անոնց այցելութիւնը՝ գնահատեց մշակութային բնագաւառէն ներս իրենց կատարած աշխատանքը։ Ապա, կարեւորութեամբ շեշտեց ընդհանրապէս մեր ժողովուրդի ու յատկապէս Հայաստանի եւ Արցախի մէջ հայ մշակոյթին յատուկ կարեւորութիւն տալու անհրաժեշտութիւնը։ Ան…
Մեծի Տանն Կիլիկիոյ Կաթողիկոսութիւնը կը հզօրանայ եւ կ՚ամրանայ շնորհիւ իր փաղանգին, եւ թէեւ եկեղեցին ժողովուրդը ինքն է, բայց եւ այնպէս եկեղեցւոյ հիմերը խրուած են անոր միաբանութեան աւիւնին մէջ։ Այս կրթական տարեշրջանի աւարտին, Դպրեվանքը ազգին եւ եկեղեցիին նուիրեց երեք նոր անշահախնդիր ծառայող կուսակրօն քահանաներ, որոնց ձեռնադրութիւնն ու օծումը տեղի ունեցաւ Անթիլիասի Մայրավանքին մէջ՝ ձեռամբ Ամերիկայի Միացեալ…
Շաբաթ, 15 Յունիս 2019-ին, Պիքֆայայի Սուրբ Աստուածածին Վանքի Վեհարանին մէջ, Վեհափառ Հայրապետը յաջորդաբար ընդունեց հետեւեալ անձերը.- ա) Դոկտ. Ալեքս Մուքարզէլ, եկած էր Նորին Սրբութեան պաշտօնական հրաւէր փոխանցելու՝ մասնակցելու յառաջիկայ շաբաթներուն Միացեալ Նահանգներու մէջ տեղի ունենալիք համագումարի մը: բ) Դոկտ. Գոհար Գրիգորեան-Սավարի, հայ արուեստի հետազօտող Զուիցերիոյ Ֆրիպուրկ համալսարանին մէջ, որ եկած է Անթիլիասի Մայրավանքի…
Ուրբաթ, 14 Յունիս 2019-ին, Անթիլիասի Մայրավանքի Վեհարանին մէջ, ներկայութեամբ միաբան հայրերու եւ Կաթողիկոսարանի պաշտօնէութեան, Վեհափառ Հայրապետը Մեծի Տանն Կիլիկիոյ Կաթողիկոսութեան «Կիլիկեան Ասպետ»ի շքանշանով պարգեւատրեց վերջերս Լոս Անճելըսի մէջ մահացած Պետրոս Աճէմեանը, շքանշանը յանձնելով իր այրիին՝ Տիկ. Անի Աճէմեանին՝ իր զաւակներուն ներկայութեան: Պետրոս Աճէմեան Անթիլիասի Մայրավանքի Վեհարանին գլխաւոր ճարտարապետներէն մէկը եղած է եւ որպէս Հայկական…
Ուրբաթ, 14 Յունիս 2019-ին, նախապէս ճշդուած ժամադրութեան համաձայն, Անթիլիասի Մայրավանք այցելեցին Գերմանիոյ զանազան համալսարաններէ եկած խումբ մը՝ բաղկացած դասախօսներէ եւ դոկտորայի աստիճանի պատրաստուող ուսանողներէ։ Այցելութեան նպատակն էր լսել Վեհափառ Հայրապետը կրօնքին եւ քաղաքականութեան առնչութեան մասին՝ նկատի ունենալով, որ ներկաներուն մասնագիտութիւնը յիշեալ բնագաւառն է։ Նորին Սրբութիւնը ընդհանուր ներածականէ մը ետք, կեդրոնացաւ պատմութեան Արեւելքի ու Արեւմուտքի…
Հինգշաբթի, 13 Յունիս 2019-ին, Վեհափառ Հայրապետին այցելեց Արժանթինի մօտ Լիբանանի դեսպան Ճոնի Իպրահիմ, ընկերակցութեամբ Ֆրեզնոյի Լիբանանի պատուոյ հիւպատոս Հերի Նաճարեանին: Յայտնենք, որ դեսպանը նախապէս Լոս Անճելըսի մէջ հիւպատոս էր եւ հետեւաբար մօտէն ծանօթ էր հայ համայնքին: Այցելութիւնը առիթ մը եղաւ խօսելու Միացեալ Նահանգներու ու Արժանթինի մէջ հաստատուած հայ համայնքները, ինչպէս նաեւ ընդհանրապէս Միջին Արեւելքը…
Չորեքշաբթի, 12 Յունիս 2019-ին, Պիքֆայայի Ս. Աստուածածին Վանքի Վեհարանին մէջ, Վեհափառ Հայրապետը ընդունեց այցելութիւնը Ֆրեզնոյի Լիբանանի հիւպատոս Հերի Նաճարեանին: Հիւպատոսը Նորին Սրբութիւնը տեղեակ պահեց, որպէս պատուոյ հիւպատոս, իր կատարած աշխատանքներուն մասին, մասնաւորաբար Ֆրեզնոյի եւ Այնճարի միջեւ գործակցութիւն հաստատելու գծով: Ան նաեւ անդրադարձաւ Գալիֆորնիոյ հայութեան առնչուած կարգ մը երեւոյթներու եւ զարգացումներու մասին: Յայտնենք, որ Հերի…
Մեծի Տանն Կիլիկիոյ Կաթողիկոսութեան Քրիստոնէական Դաստիարակութեան Բաժանմունքին կազմակերպած «Կանանց Լսարան»-ը եզրափակեց 2018-2019 տարեշրջանի իր սերտողութիւնները Անթիլիասի Մայրավանքի Վեհարանի դահլիճին մէջ՝ Ն.Ս.Օ.Տ.Տ. Արամ Կաթողիկոսին Հայրապետական պատգամով։ Աւանդութեան համաձայն, տարեշրջանի եզրափակիչ պատգամը կը փոխանցէ Նորին Սրբութիւնը, իսկ աւարտին, ներկաները առիթ կ՚ունենան Հայրապետին ուղղելու իրենց հարցումներն ու առաջարկները։ Բարի գալուստի խօսքը արտասանեց Բաժանմունքին վարիչ Հոգշ. Տ. Զարեհ…
