«ՓԱՓԱ ՔԻՒՆՑԼԷՐԻ ԿԵԱՆՔԸ ՍԻՐՈՅ ԳՈՐԾՆԱԿԱՆ ԱՐՏԱՅԱՅՏՈՒԹԻՒՆՆ Է» Ն.Ս.Օ.Տ.Տ. Արամ Ա. Կաթողիկոս
Զուիցերիա կատարած իր պաշտօնական այցելութեան ծիրէն ներս, Ն.Ս.Օ.Տ.Տ. Արամ Ա. Վեհափառ Հայրապետը ներկայ գտնուեցաւ եւ իր պատգամը փոխանցեց Ուօլցընհաուսընի եկեղեցւոյ մէջ կազմակերպուած Փափա Քիւնցլէրի յիշատակի ձեռնարկին: Փափա Քիւնցլէր այս գիւղին մէջ անցուցած էր իր պատանեկութեան եւ երիտասարդութեան տարիները, նախքան հայ ժողովուրդին օգնութեան համար իբր կամաւոր բժիշկ Ուրֆա մեկնիլը: Հանդիսութեան ընթացքին խօսք առին Ուօլցընհաուսի Քաղաքապետ…
