Հալէպ, 3 Դեկտեմբեր 2024 Վեհափառ Հայրապետը հայրաբար մօտէն կը հետեւի Հալէպէն ներս տիրող իրավիճակին եւ մեր մտահոգութիւնները կը բաժնէ Նկատի ունենալով մեր ժողովուրդին ընկերա-տնտեսական ներկայ վիճակը, Մեծի Տանն Կիլիկիոյ Կաթողիկոս՝ Ն.Ս.Օ.Տ.Տ. Արամ Ա. Վեհափառ Հայրապետի հայրախնամ հովանաւորութեամբ ու տնօրինումով, Բերիոյ Հայոց Թեմի Ազգային Իշխանութիւնը յառաջիկայ օրերուն, իր կարելիութեան սահմաններուն մէջ, պիտի փորձէ նիւթապէս օժանդակել մեր…
Անթիլիասի Մայրավանքէն հայրական ջերմ սիրով կʼողջունենք Հալէպի մեր ժողովուրդի սիրելի զաւակները: Դարձեալ տագնապի մէջ է Հալէպը: Անցնող տասնամեակներու ընթացքին զանազան տագնապներ հարուածեցին Միջին Արեւելքի մշակոյթներու, կրօններու ու ազգերու համակեցութեան այս պատմական քաղաքը: Հալէպի հայութիւնը եւս ապրեցաւ բոլոր տագնապներուն ծանր հետեւանքները: Հայ ժողովուրդի պատմութեան մայր էջին վրայ միշտ կեդրոնական ներկայութիւն դարձած է Հալէպը՝ տնտեսական, մշակութային, կրօնական…
Ուրբաթ, 29 Նոյեմբեր 2024-ին, Անթիլիասի Մայրավանք այցելեց եւ Ն.Ս.Օ.Տ.Տ. Արամ Ա. Վեհափառ Հայրապետին օրհնութիւնը ստացաւ Ռամկավար Ազատական Կուսակցութեան (Ռ.Ա.Կ.) Լիբանանի շրջանային վարչութիւնը, առաջնորդութեամբ մարմինի ատենապետ տոքթ. Աւետիս Տագէսեանի: Հանդիպման ընթացքին տոքթ. Տագէսեան Հայրապետին հակիրճ կերպով ներկայացուց կուսակցութեան վերջին շրջանին տարած աշխատանքները եւ յառաջիկայ ծրագիրները։ Հանդիպումը առիթ եղաւ արծարծելու Լիբանանը, Հայաստանը, Սփիւռքը եւ ընդհանրապէս տարածաշրջանը յուզող…
Շաբաթ, 30 Նոյեմբեր 2024-ին, ամբողջ օրուան ընթացքին, Ն.Ս.Օ.Տ.Տ. Արամ Ա. Վեհափառ Հայրապետը շարունակեց մօտէն հետեւիլ Հալէպի մէջ զինեալ խմբաւորումներու յարձակումներու հետեւանքով ստեղծուած մտահոգիչ իրավիճակին։ Վեհափառ Հայրապետը, մնայուն կապի մէջ ըլլալով առաջնորդ սրբազանին եւ համայնքի պատասխանատուներուն հետ, իր բարձր գնահատանքը յայտնեց անոնց, որոնք բարձրագոյն աստիճանի պատասխանատու ոգիով մօտէն կը հետեւին հայ համայնքին բարօրութեան։ Յայտնենք, որ զինեալ…
Հրամանաւ եւ օրհնութեամբ Ն.Ս.Օ.Տ.Տ. Արամ Ա. Վեհափառ Հայրապետին, Անթիլիասի Մայրավանքի տպարանէն լոյս տեսան վերահրատարակութիւնները «Ժամագիրք Ատենի»ին եւ «Փոքրիկներու Ժամագիրք»ին։ «Ժամագիրք Ատենի»ն կը պարունակէ «Հրաժարիմք»ը, հայ եկեղեցւոյ եօթը ժամերգութիւնները եւ մեծ պահքի կիրակիներու Սուրբ Պատարագի սկիզբի ու աւարտի բաժինները։ Սոյն ժամագիրքին վերահրատարակութիւնը իրականացաւ հիւսիսային Ամերիկայի Արեւմտեան Հայոց Թեմին մեկենասութեամբ։ Իսկ «Փոքրիկներու Ժամագիրք»ը կը պարունակէ կիրակմուտքի եւ…
Նախագահութեամբ Ն.Ս.Օ.Տ.Տ. Արամ Ա. Սրբազնագոյն Կաթողիկոսին, Անթիլիասի Մայրավանքի Սուրբ Գրիգոր Լուսաւորիչ Մայր Տաճարին մէջ, Կիրակի, 24 Նոյեմբեր 2024-ին, յընթացս Սուրբ եւ Անմահ Պատարագին, երկու միաբան հայրեր՝ Հոգշ. Տ. Տաճատ Վրդ. Աշըգեան (դիւանապետ Կաթողիկոսարանի) եւ Հոգշ. Տ. Պարոյր Վրդ. Շէրնէզեան (տեսուչ Դպրեվանուց), արժանացան հայ եկեղեցւոյ ծայրագոյն վարդապետութեան աստիճաններուն։ Տուուչութիւնը կատարեց Լիբանանի հայոց թեմի առաջնորդ Գերշ. Տ.…
Օրհնութեամբ եւ նախագահութեամբ Ն.Ս.Օ.Տ.Տ. Արամ Ա. Վեհափառ Կաթողիկոսին, Շաբաթ, 23 Նոյեմբեր 2024-ին, «Կիլիկիա» թանգարանի սրահին մէջ տեղի ունեցաւ ծայրագոյն վարդապետութեան թեկնածու միաբան հայրերուն աւարտաճառերու ներկայացումը։ Թեկնածու հայր սուրբերն են Կաթողիկոսարանի դիւանապետ Հոգշ. Տ. Տաճատ Վրդ. Աշըգեան եւ Դպրեվանքի տեսուչ Հոգշ. Տ. Պարոյր Վրդ. Շէրնէզեան։ Ներկայացնելով իր աւարտաճառը՝ հայր Տաճատ նշեց, թէ ան Պօղոս սարկաւագ Գալէմեանի…
Ն.Ս.Օ.Տ.Տ. Արամ Ա. Վեհափառ Հայրապետին հրաւէրով, Հայ հոգեւոր պետերու եւ Լիբանանի հայ քաղաքական կուսակցութիւններու մարմիններու, ինչպէս նաեւ Մեծի Տանն Կիլիկիկոյ Կաթողիկսութեան Ազգային Կեդրոնական Վարչութեան Քաղաքական Ժողովի դիւանի ներկայացուցիչներուն մասնակցութեամբ, խորհրդակցական նիստ գումարուեցաւ Ուրբաթ, 22 Նոյեմբեր 2024-ին, Անթիլիասի Մայրավանքին մէջ։ Խորհրդակցութեան հիմնական թեման Լիբանանի մէջ տիրող իրավիճակն էր եւ անկէ բխած հետեւանքներու դիմագրաւման հաւանական միջոցները։ Արամ…
Մեծի Տանն Կիլիկիոյ Կաթողիկսութեան «Խաչիկ Պապիկեան» հրատարակչական հիմնադրամի 17-րդ հատորը լոյս տեսաւ Կաթողիկոսարանի տպարանէն։ Հատորին խորագիրն է «Armenian Cultural Genocide» (A Contribution For The Typification Of Cultural Genocide As An International Crime). հեղինակն է իրաւունքի եւ ընկերային գիտութիւններու դոկտոր, ուրուկուէյցի Օսքար Լոփէզ Կոլտարսենան, որ աշխատասիրութիւններ ունի մարդկութեան դէմ ոճիրի, ռազմական յանցագործութիւններուն եւ զանոնք միջազգային քրէական դատարանին…
Երկուշաբթի, 18 Նոյեմբեր 2024-ին, Կաթողիկոսարանի «Նարեկացի» մանկապատանեկան երգչախումբի նոր վարչութիւնն ու երիտասարդական խորհուրդը, գլխաւորութեամբ երգչախումբի ղեկավար Հոգշ. Տ. Զաւէն Վրդ. Նաճարեանի, այցելեցին Ն.Ս.Օ.Տ.Տ. Արամ Ա. Վեհափառ Հայրապետին եւ ստացան անոր հայրական օրհնութիւնը։ Հանդիպման ընթացքին խմբավար հայր սուրբը, Հայրապետին ուղղած իր շնորհակալական խօսքը արտասանելէ ետք, ընդհանուր գիծերու մէջ ներկայացուց նոր վարչութեան եւ երիտասարդական խորհուրդին աշխատանքային ծրագիրները։…
Երեքշաբթի, 19 Նոյեմբեր 2024-ին, Աթշանէի ասորւոց վանքին մէջ հանդիպում մը տեղի ունեցաւ Ն.Ս.Օ.Տ.Տ. Արամ Ա. Վեհափառ Հայրապետին եւ Ն.Ս. Իգնատիոս Աֆրամ Բ. Պատրիարքին միջեւ: Վեհափառ Հայրապետին կողքին ներկայ էին Գերշ. Տ. Շահան Արք. Սարգիսեան, Գերշ. Տ. Թորգոմ Արք. Տօնոյեան եւ Հոգշ. Տ. Սարգիս Վրդ. Աբրահամեան: Իսկ Աֆրամ Բ. Պատրիարքին կողքին ներկայ էին Պէյրութի, Զահլէի եւ…
Ուրբաթ, 15 Նոյեմբեր 2024-ին, Կաթողիկոսարանի «Շնորհալի» երգչախումբի նորանշանակ վարչութիւնը, գլխաւորութեամբ երգչախումբի ղեկավար Հոգշ. Տ. Զաւէն Վրդ. Նաճարեանի, այցելեց Ն.Ս.Օ.Տ.Տ. Արամ Ա. Կաթողիկոսին եւ ստացաւ անոր հայրական օրհնութիւնը։ Հայր սուրբը որդիական երախտագիտական իր խօսքը ուղղեց Հայրապետին՝ ընդգծելով, որ հակառակ բազմազբաղ ըլլալուն, Նորին Սրբութիւնը չի մոռնար իր շեշտը դնելու հայ երգին եւ երաժշտութեան վրայ: Հայր սուրբը ամփոփ…
Չորեքշաբթի, 13 Նոյեմբեր 2024-ին, Ն.Ս.Օ.Տ.Տ. Արամ Ա. Վեհափառ Հայրապետին այցելեց մարոնի եկեղեցւոյ պետ Ռայի Պատրիարքին ներկայացուցիչ Նժէյմ եպիսկոպոսը՝ իր օգնականին ընկերակցութեամբ։ Նորին Սրբութեան կողքին ներկայ էր Գերշ. Տ. Թորգոմ Արք. Տոնոյեան։ Նժէյմ եպիսկոպոս Հայրապետին փոխանցեց ներկայ կացութեան առնչուած Ռայի Պատրիարքին մտահոգութիւններն ու պատկերացումները։ Նորին Սուրբ Օծութիւնը, իր կարգին, շեշտեց նախագահական ընտրութիւն կատարելու, ինչպէս նաեւ ազդու…
Կիրակի, 10 Նոյեմբեր 2024-ին, Սուրբ եւ Անմահ Պատարագէն ետք, Ն.Ս.Օ.Տ.Տ. Արամ Ա. Կաթողիկոս վեհարանի դահլիճին մէջ ընդունեց Մայրավանքի կիրակնօրեայ վարժարանի աշակերտութիւնը, տնօրէնութիւնը, ուսուցչական կազմն ու ծնողները։ Առաջին հերթին, Մայրավանքի կիրակնօրեայ վարժարանի տնօրէն Ժանին Դանիէլեան իր որդիական երախտագիտութիւնը յայտնեց Հայրապետին, որ աւանդութեան համաձայն, իւրաքանչիւր տարուան վերամուտին, փոքրիկները կ՚ընդունի եւ անոնց կու տայ իր հայրական օրհնութիւնը։ Դանիէլեան…
Նկատի ունենալով 11-22 Նոյեմբեր 2024-ին Ազրպէյճանի մէջ կենսոլորտին նուիրուած միջազգային համագումարի կայացումը, Ն.Ս.Օ.Տ.Տ. Արամ Ա. Վեհափառ Հայրապետը առիթը լաւագոյնս օգտագործելով՝ միջազգային հանրութեան ուշադրութիւնը անգամ մը եւս հրաւիրեց Արցախի հայութեան պապենական հողեր վերադառնալու իրաւունքին եւ Ազրպէյճանի կողմէ ապօրինի կերպով գերեվարուած մեր հայորդիներուն ազատ արձակման պահանջքին։ Այս ծիրէն ներս Վեհափառ Կաթողիկոսը միջազգային համբաւ ունեցող անձնաւորութիւններու հետ կապեր…
Ուրբաթ, 8 Նոյեմբեր 2024-ին, Ն.Ս.Օ.Տ.Տ. Արամ Ա. Կաթողիկոս Անթիլիասի Մայրավանքին մէջ յաջորդաբար ընդունեց այցելութիւնը Լիբանանի մօտ Հայաստանի Հանրապետութեան դեսպան Վահագն Աթաբէկեանի եւ Վատիկանի մօտ Լիբանանի Հանրապետութեան նախկին դեսպան զօրավար Ճորճ Խուրիի։ Հայաստանի դեսպանին հետ հանդիպումը առիթ հանդիսացաւ անդրադարձ կատարելու ընդհանրապէս Հայաստան-Սփիւռք յարաբերութիւններուն, վերջին շրջանին Ամերիկայի Միացեալ Նահանգներու արեւելեան հայոց թեմին Հայրապետին շնորհած հովուապետական այցելութեան եւ…
Իւրաքանչիւր հայ դպրութեան կեդրոն լոյսի փարոս մըն է հայ ժողովուրդին համար, որովհետեւ հայ դպրոցը կը մնայ մեր ինքնութեան եւ հայաշունչ դաստիարակութեան հիմնական աղբիւրը: Ամսուան մը ակամայ ուշացումէն ետք, Երկուշաբթի, 4 Նոյեմբեր 2024-ի յետմիջօրէին, Խորէն Ա. Կեդրոնին մէջ (Ֆանար), տեղի ունեցաւ Մեծի Տանն Կիլիկիոյ Հայագիտական Կեդրոնի 2024-2025 կրթական տարեշրջանի վերամուտը: Յիշենք, որ Հայագիտական Կեդրոնը արդէն երրորդ…
Նորին Վսեմութիւն Տանըլտ Թրամփ Ընտրեալ Նախագահ Ամերիկայի Միացեալ Նահանգներու Սիրելի՛ Պրն. Նախագահ, Անհուն ուրախութեամբ կ՚ողջունենք Ձեզ, որպէս ընտրեալ նախագահ Ամերիկայի Միացեալ Նահանգներու: Ջերմօրէն կը շնորհաւորենք Ձեր ընտրութիւնը, որ վստահաբար խոստմնալից էջ մը պիտի բանայ Միացեալ Նահանգներու պատմութեան մէջ: Արդարեւ, դուք Ձեր պատասխանատուութիւնը կը ստանձնէք աշխարհի պատմութեան ճակատագրական մէկ հանգրուանին: Վստահ ենք, որ ահաւոր տագնապներով եւ…
Երեքշաբթի, 5 Նոյեմբեր 2024-ին, նախագահութեամբ Ն.Ս.Օ.Տ.Տ. Արամ Ա. Վեհափառ Կաթողիկոսին, վանաբնակ միաբան հայրերու հաւաք մը տեղի ունեցաւ Անթիլիասի Մայրավանքին մէջ։ Հիւսիսային Ամերիկայի Արեւելեան Հայոց Թեմին շնորհած իր հովուապետական այցելութենէն վերադարձին, Հայրապետը միաբան հայրերուն ընդհանուր գծերով պարզեց այցելութեան յատկանշական երեսները։ Ապա, Լիբանանի Հայոց Թեմի առաջնորդ Գերշ. Տ. Շահէ Արք. Փանոսեան պարզեց Լիբանանի հարաւային շրջաններէն եկած գաղթականներուն…
Մեծի Տանն Կիլիկիոյ կաթողիկոսութեան «Կիլիկիա» վերլուծական հարթակը Ն.Ս.Օ.Տ.Տ Արամ Ա․ Վեհափառ Հայրապետին նախագահութեամբ կը գումարէ արտակարգ յաջորդական նիստեր՝ օրակարգ ունենալով միջին արեւելեան վերջին զարգացումներն ու Լիբանանի մէջ ընթացող պատերազմը։ Նիստերուն քննարկման կէտեր են.- «Երկու պետութիւն» միջազգայնացող օրակարգը եւ 1701-ի գործադրութեան հնարաւորութիւնները Իրանի ներգրաւուածութիւն, Հըզպալլայի նկատմամբ Իրանի օժանդակութեան տարողութիւնը եւ Իրան-Ա.Մ.Ն. յարաբերութիւնները։ Իրան-Իսրայէլ թիրախային պատերազմի յետագայ…
Ուրբաթ, 1 Նոյեմբեր 2024-ին, հեռաձայնային հաղորդակցութիւն մը կայացաւ Ն.Ս.Օ.Տ.Տ. Արամ Ա. Վեհափառ Հայրապետին եւ Ամերիկայի Միացեալ Նահանգներու նախկին նախագահ եւ ներկայ նախագահական ընտրութեան Հանրապետական կուսակցութեան թեկնածու Տանըլտ Թրամփի միջեւ՝ վերջինիս նախաձեռնութեամբ։ Մտերմիկ մթնոլորտի մէջ ընթացած խօսակցութեան սկիզբը, Տանըլտ Թրամփ բարձր գնահատեց Վեհափառ Հայրապետը՝ անոր ցուցաբերած իմաստուն ղեկավարութեան համար, ինչպէս նաեւ իր ամբողջական զօրակցութիւնը յայտնեց Արցախի…
Պաքուի (Ազրպէյճան) մէջ 11-22 Նոյեմբեր 2024-ին տեղի ունենալիք COP29 միջազգային համագումարի նախօրեակին, մենք՝ հոգեւոր պետերս դարձեալ մեր արդար ընդվզումը ու խոր մտահոգութիւնը կը յայտնենք Ազրպէյճանի կողմէ Արցախի հայութեան դէմ շղթայազերծուած պատերազմին (2020-2023) ու անոր իբրեւ հետեւանք շուրջ 120.000 արցախցիներու իրենց պատմական հողերէն բռնագաղթին, Արցախի մէջ հայկական կրօնական ու մշակութային կառոյցներու ու կոթողներու ծրագրուած քանդումին եւ…
Ուրբաթ, 1 Նոյեմբեր 2024-ին, Ն.Ս.Օ.Տ.Տ. Արամ Ա. Վեհափառ Հայրապետին հեռաձայնեց միջազգային քրէական դատարանի հիմնադիր եւ առաջին դատախազ դոկտ. Լուիս Մորենօ Օքամփօ։ Խօսակցութեան առանցքը հանդիսացաւ Նոյեմբեր 11-22 Ազրպէյճանի մէջ տեղի ունենալիք COP29 միջազգային համագումարի լոյսին տակ Արցախի առնչուած հարցերուն հետապնդման աշխատանքները։ Այս ծիրէն ներս դոկտ. Օքամփօ Նորին Սրբութեան պարզեց ցարդ իր կատարած աշխատանքներուն ընդհանուր պատկերը եւ…
Կրթական բնագաւառը եւ հայեցի դաստիարակութիւնը Ն.Ս.Օ.Տ.Տ. Արամ Ա. Վեհափառ Հայրապետին համար առաջնահերթ կարեւորութիւն ներկայացնող մարզը եղած է միշտ: Արդարեւ, Միացեալ Նահանգներու Արեւելեան Հայոց թեմին կատրած իր հովուապետական այցելութեան ընթացքին, Հայրապետը հոգեւոր թէ համայնքային պատասխանատուներուն թելադրեց առաջնահերթ կարեւորութիւն տալ կրթական կեանքին։ Այս ծիրէն ներս, Պոսթընի մէջ, Կիրակի, 13 Հոկտեմբեր 2024-ին, համայնքի նուիրեալ ընտանիքներէն՝ Կիւզէլեաններու բնակարանին մէջ…
Տիթրոյթ իր կեցութեան ընթացքին, Չորեքշաբթի, 23 Հոկտեմբեր 2024-ին, Ն.Ս.Օ.Տ.Տ. Արամ Ա. Վեհափառ Հայրապետը այցելեց Ալեք եւ Մարի Մանուկեան վարժարան, ուր ջերմ ընդունելութեամբ դիմաւորուեցաւ վարժարանի տնօրէնութեան, անձնակազմին ու աշակերտութեան կողմէ: Բարի գալուստի խօսքէն ետք, վարժարանի աշակերտները ներկայացուցին հայ երգով, պարով ու արտասանութիւններով գեղարուեստական ճոխ յայտագիր մը: Խօսքեր արտասանեցին դպրոցի տնօրէի Սոնիա Գալֆայեան եւ հայկական բաժնի ուսուցչապետ…
Ն.Ս.Օ.Տ.Տ. Արամ Ա. Վեհափառ Հայրապետը Հիւսիսային Ամերիկայի Արեւելեան Հայոց Թեմին շնորհած իր հովուապետական օրհնաբեր այցելութիւնը աւարտեց Միշիկըն նահանգի Տիթրոյթ քաղաքին մէջ հաստատուած հայ համայնքին հետ հանդիպումներ ունենալով։ Այս համայնքը արեւելեան հայոց թեմի մեծագոյն համայնքներէն մէկն է: Երկուշաբթի, 22 Հոկտեմբեր 2024-ին, Նորին Սրբութիւնը եւ իր շքախումբը ժամանեցին Տիթրոյթ։ Հայրապետին պատուիրակութեան մաս կազմեցին Հիւսիսային Ամերիկայի Արեւելեան Հայոց…
Ամէն տարի, աւանդութեան համաձայն, Սրբոց Թարգմանչաց տօնին առիթով Մեծի Տանն Կիլիկիոյ Կաթողիկոսութեան Դպրեվանքը կը մեկնարկէ իր ուսումնական-կրթական տարեշրջանը։ Վերամուտի առիթով կը մատուցուի Սուրբ եւ Անմահ Պատարագ՝ Դպրեվանքի տեսուչին ձեռամբ, եւ կը կատարուի հանդիսաւոր բացման հանդիսութիւն՝ սաներուն կազմակերպութեամբ ու կատարողութեամբ։ Առ այդ, Երկուշաբթի, 14 Հոկտեմբեր 2024-ին, օրհնութեամբ Սուրբ Աթոռոյս Գահակալ Ն.Ս.Օ.Տ.Տ. Արամ Ա. Կաթողիկոսին, Դպրեվանքի Բրաբիոն…
Ուաքիկընի հայորդիները որդիական անհուն ուրախութեամբ դիմաւորեցին իրենց Հայրապետը՝ Ն.Ս.Օ.Տ.Տ. Արամ Ա. Վեհափառ Կաթողիկոսը, Երկուշաբթի, 21 Հոկտեմբեր 2024-ին: Յիշարժան է, որ Նորին Սրբութիւնը առաջին կաթողիկոսն է, որ օրհնաբեր այցելութիւն կը շնորհէ Ուաքիկըն, ուր կը գործէ Սուրբ Պօղոս եկեղեցին: Վեհափառ Հայրապետը եկեղեցւոյ մուտքին դիմաւորուեցաւ հաւատացեալներու, հոգեւոր հովիւ Արժ. Տ. Տարոն Աւ. Քհն. Ստեփանեանին եւ դպրաց դասին կողմէ:…
Կիրակի, 20 Հոկտեմբեր 2024-ին, Ն.Ս.Օ.Տ.Տ. Արամ Ա. Վեհափառ Հայրապետը Սուրբ եւ Անմահ Պատարագ մատուցեց Շիքակոյի Ամենայն Սրբոց եկեղեցւոյ մէջ, առընթերակայութեամբ Հիւսիսային Ամերիկայի Արեւելեան Հայոց Թեմի առաջնորդ Գերշ. Տ. Անուշաւան Արք. Դանիէլեանի եւ Գանատայի Հայոց Թեմի առաջնորդ Գերշ. Տ. Բաբգէն Արք. Չարեանի: Յընթացս Սուրբ եւ Անմահ Պատարագին, Նորին Սրբութիւնը իր հայրապետական պատգամը ուղղեց Շիքակոյի հայութեան։ Ան,…
— Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԺԱՄԱՆԵՑ ՇԻՔԱԿՕ — ՀԱՆԴԻՊՈՒՄ ՔՈՅՐ ԿԱԶՄԱԿԵՐՊՈՒԹԻՒՆՆԵՐՈՒՆ, ՇԱԲԱԹՕՐԵԱՅ ԴՊՐՈՑԻ ԱՇԱԿԵՐՏՆԵՐՈՒՆ ԵՒ ԵՐԻՏԱՍԱՐԴՈՒԹԵԱՆ ՀԵՏ Հիւսիսային Ամերիկայի Արեւելեան Հայոց թեմի հայահոծ շրջաններէն մէկն է Շիքակոն, ուր Ն.Ս.Օ.Տ.Տ. Արամ Ա. Վեհափառ Հայրապետը վերջին անգամ իր այցելութիւնը շնորհած էր շուրջ ինը տարի առաջ: Այս տարի, Ամերիկայի Միացեալ Նահանգներու արեւելեան ափին իր շնորհած հովուապետական իր երկրորդ…
— Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԱՅՑԵԼԵՑ ՌԷՅՍԻՆԻ ՍՈՒՐԲ ՅԱԿՈԲ ԵԿԵՂԵՑԻՆ — ՃԱՇԿԵՐՈՅԹ ՀԱՅԱՍՏԱՆԻ ՊԱՏՒՈՅ ՀԻՒՊԱՏՈՍԻՆ ԿՈՂՄԷ Ի ՊԱՏԻՒ ՎԵՀԱՓԱՌ ՀԱՅՐԱՊԵՏԻՆ Ուիսքոնսըն Նահանգի Ռէյսին քաղաքին մէջ բնակութիւն հաստատած հայորդիները որդիական խանդավառութեամբ ողջունեցին իրենց հովուապետին օրհնաբաշխ այցելութիւնը, որ տեղի ունեցաւ Հինգշաբթի, 17 Հոկտեմբեր 2024-ին: Արդ, Ն.Ս.Օ.Տ.Տ. Արամ Ա. Վեհափառ Հայրապետը, իր շքախումբով, ժամանեց Ռէյսին քաղաքի Սուրբ Յակոբ…
Չորեքշաբթի, 16 Հոկտեմբեր 2024-ին, մարոնիթ եկեղեցւոյ կեդրոնատեղի Պքէրքէի մէջ գումարուեցաւ քրիստոնեայ-իսլամ հոգեւոր արտակարգ վեհաժողով, որուն սկիզբը մարոնիներու Ռայի պատրիարքը խօսք մը արտասանելով՝ յայտնեց, որ լիբանանեան տագնապը անհրաժեշտ է դիմագրաւել միասնակամ ճիգերով։ Խօսք առին նաեւ ներկայ հոգեւոր պետերէն ոմանք, որոնք նոյնպէս ընդգծեցին միասնաբար դարմանելու Լիբանանի կրած ողբերգութիւնը։ Նշենք, որ վեհաժողովէն քանի մը օր առաջ, մարոնիթ պատրիարքը,…
Հիւսիսային Ամերիկայի Արեւելեան Հայոց Թեմին շնորհած հովուապետական այցելութեանց երկրորդ հանգրուանը նոյն թափով կը շարունակէ Ն.Ս.Օ.Տ.Տ. Արամ Ա. Վեհափառ Հայրապետը, այս անգամ առաւելաբար այցելելով շրջանի փոքր գաղութները։ Արդ, Երեքշաբթի, 15 Հոկտեմբեր 2024-ին, Պոսթընէն ետք, Նորին Սրբութիւնը եւ իր շքախումբը ուղղուեցան Իլինոյ նահանգի Կրանիթ Սիթի։ Յայտնենք, որ տեղւոյն Սուրբ Գրիգոր Լուսաւորիչ եկեղեցւոյ օծումը կատարած է Վեհափառ Հայրապետը,…
Հինգշաբթի, 17 Հոկտեմբեր 2024-ին, Ն.Ս.Օ.Տ.Տ. Արամ Ա․ Վեհափառ Հայրապետը առցանց խորհրդակցական հանդիպում մը ունեցաւ Լիբանանի մէջ գործող հայ քաղաքական երեք կուսակցութիւններու ներկայացուցիչներուն հետ։ Նիստին մասնակցեցան Ս.Դ.Հ.Կ.էն Վանիկ Տաքէսեան, Հ.Յ.Դ.էն Յակոբ Բագատունի եւ Ռ.Ա.Կ.էն տոքթ․ Աւետիս Տաքէսեան։ Հանդիպումին ներկայ էր նաեւ Մեծի Տանն Կիլիկիոյ Կաթողիկոսութեան համահայկական խորհրդաժողովները համակարգող Շահան Գանտահարեան։ Նիստին հիմնական օրակարգը կը վերաբերէր Լիբանանի…
— ՃԱՇԿԵՐՈՅԹ Ի ՊԱՏԻՒ Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻՆ — ՏԷՐ ԵՒ ՏԻԿԻՆ ՆՈՒՊԱՐ ԵՒ ԱՆԱ ԱՖԷԵԱՆԻ ՊԱՐԳԵՒԱՏՐՈՒՄ «Հոգեւորական ըլլալ կը նշանակէ ծառայել, եւ եկեղեցի ըլլալ կը նշանակէ ծառայական ներկայութիւն դառնալ հաւատացեալներու կեանքին մէջ» — Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ Այս շեշտաւորումով Ն.Ս.Օ.Տ.Տ. Արամ Ա. Սրբազնագոյն Կաթողիկոսը իր հայրապետական պատգամը ուղղեց Պոսթընի հայութեան, Սուրբ Ստեփանոս եկեղեցւոյ մէջ,…
Շարունակելով իր հովուապետական այցելութիւնը Պոսթընի մէջ, Ն.Ս.Օ.Տ.Տ. Արամ Ա. Վեհափառ Հայրապետը, անցնող օրերու ընթացքին, իւրայատուկ հանդիպում-զրոյց ունեցաւ Պոսթընի երիտասարդութեան հետ, շնորհաբաշխ այցելութիւններ շնորհեց հայագիտական ուսումնասիրութիւններու ազգային միութեան թանգարան-մատենադարանին (National Association for Armenian Studies and Research — NAASR), Ամերիկայի հայկական թանգարանին (Armenian Museum of America) եւ Ազգային ծերանոցին (Armenian Nursing & Rehabilitation Center — ANRC), ինչպէս…
Հայկական վարժարաններ Անցնող օրերուն ընթացքին, Ն.Ս.Օ.Տ.Տ. Արամ Ա. Վեհափառ Հայրապետը այցելեց Պոսթընի Սուրբ Ստեփանոս ամենօրեայ եւ շաբաթօրեայ վարժարանները, ուր ջերմ ընդունելութեամբ դիմաւորուեցաւ տնօրէնութեան, ուսուցչական կազմին եւ աշակերտութեան կողմէ: Յիշեալ վարժարաններուն պատասխանատուները Նորին Սրբութեան զեկուցեցին վարժարանին գործունէութեան եւ յառաջիկայ ծրագիրներուն մասին: Հայրապետը բարձր գնահատեց վարժարանի տնօրէնութեան ու ուսուցչական կազմին նուիրուածութիւնը եւ շեշտեց անոնց ստանձնած ազգանուէր առաքելութեան…
Հիւսիսային Ամերիկայի Արեւելեան Հայոց Թեմին շնորհած իր հովուապետական այցելութեան ծիրէն ներս, Ն.Ս.Օ.Տ.Տ. Արամ Ա. Վեհափառ Հայրապետը ժամանեց Պոսթըն: Յայտնենք, որ Պոսթընը Ամերիկայի արեւելեան թեմի կարեւորագոյն շրջաններէն մէկն է՝ ըլլալով հայահոծ քաղաք մը։ Եկեղեցւոյ կողքին կը գործեն կրթական, մշակութային, կուսակցական եւ այլ կառոյցներ: Ուայթընզվիլ այցելութենէն ետք, նոյն օրը, Նորին Սրբութիւնը եւ իր շքախումբը հասան Պոսթըն։ Վեհափառ…
Ուրբաթ, 11 Հոկտեմբեր 2024-ին, նախագահութեամբ Ն.Ս.Օ.Տ.Տ. Արամ Ա. Վեհափառ Հայրապետին, Լօուըլ շրջանի քաղաքապետարանի մուտքին Հայոց Ցեղասպանութեան նուիրուած յուշակոթող-խաչքարին օրհնութիւնը կատարուեցաւ: Հանդիսութեան հերթաբար խօսք առին կազմակերպիչ յանձնախումբի անդամները եւ Լօուըլի նախկին ու ներկայ քաղաքապետերը: Համայնքի ներկայացուցիչներու կողքին ներկայ էր յուշակոթող-խաչքարի արուեստագէտ Դանիէլ Վարուժան Հեճինեան։ Ներկայ քաղաքապետը ողջունելով Վեհափառ Հայրապետին օրհնաբեր այցելութիւնը՝ անոր յանձնեց քաղաքի բանալին: Խօսք…
Հինգշաբթի, 10 Հոկտեմբեր 2024-ի երեկոյեան, Ն.Ս.Օ.Տ.Տ. Արամ Ա. Վեհափառ Հայրապետը Պոսթընի մէջ հանդիպում մը ունեցաւ Հիւսիսային Ամերիկայի Արեւելեան Հայոց Թեմի առաջնորդ Գերշ. Տ. Անուշաւան Արք. Դանիէլեանի, Հիւսիսային Ամերիկայի Արեւմտեան Հայոց Թեմի առաջնորդ Գերշ. Տ. Գեղամ Արք. Խաչերեանի եւ Գանատայի Հայոց Թեմի առաջնորդ Գերշ. Տ. Բաբգէն Արք. Չարեանի հետ: Հանդիպման ընթացքին անդրադարձ կատարուեցաւ Սուրիոյ եւ Լիբանանի…
Հինգշաբթի, 10 Հոկտեմբեր 2024-ին, Ամերիկայի Միացեալ Նահանգներու յոյն ուղղափառ արքեպիսկոպոսին եւ ուղղափառ-անկլիքան երկխօսութեան յանձնաժողովին հրաւէրով, Ն.Ս.Օ.Տ.Տ. Արամ Ա. Վեհափառ Հայրապետը ներկայ գտնուեցաւ յիշեալ յանձնաժողովի փակման նիստին, Պոսթընի Սուրբ Խաչ (Holy Cross) աստուածաբանական ճեմարանին մէջ: Յայտնենք, որ ուղղափառ-անկլիքան երկխօսութեան յանձնաժողովը այս հանդիպումին նշեց երկխօսութեան յիսնամեակը։ Հանդիսութեան աւարտին խօսք առնելով Ամերիկայի յոյն ուղղափառ համայնքի առաջնորդ Էլփիտոֆորոս արքեպիսկոպոսը՝…
Ընկերակցութեամբ իր շքախումբին, որուն մաս կը կազմեն Հիւսիսային Ամերիկայի Արեւելեան Հայոց Թեմի առաջնորդ Գերշ. Տ. Անուշաւան Արք. Դանիէլեան, Հիւսիսային Ամերիկայի Արեւմտեան Հայոց Թեմի առաջնորդ Գերշ. Տ. Գեղամ Արք. Խաչերեան եւ Արեւելեան թեմի ազգային վարչութեան ատենապետ գնդապետ Արամ Սարաֆեան, Կաթողիկոսարանի տեղեկատուական բաժանմունքի վարիչ Հոգշ. Տ. Յովակիմ Վրդ. Բանճարճեան եւ Միջին Արեւելքի միջ-եկեղեցական եւ քրիստոնեայ-իսլամ յարաբերութեանց վարիչ…
Երեքշաբթի, 9 Հոկտեմբեր 2024-ի յետմիջօրէին, Ն.Ս.Օ.Տ.Տ. Արամ Ա. Վեհափառ Հայրապետը, իր շքախումբով, ժամանեց Ուսթըր, ուր դիմաւորուեցաւ հոգաբարձութեան եւ կազմակերպիչ յանձնախումբին կողմէ, գլխաւորութեամբ Սուրբ Երրորդութիւն եկեղեցւոյ հոգեւոր հովիւ Գերապատիւ Տէր Արտակ Ծայրագոյն Վարդապետ Արապեանի: Վեհափառ Հայրապետը Սուրբ Երրորդութիւն եկեղեցի մուտք գործեց «Հրաշափառ»ի երգեցողութեամբ, ուր հաւաքուած էին քաղաքի կաթոլիկ եկեղեցւոյ արքեպիսկոպոսը եւ զանազան համայնքներու հոգեւոր հայրեր ու…
Ն.Ս.Օ.Տ.Տ. Արամ Ա. Վեհափառ Հայրապետը եւ իր շքախումբը Փրաւիտընսէն ուղղուեցան ՍփրինկՖիլտ, ուր Ինտիըն Օրչըրտ շրջանին մէջ կը գործէ Սուրբ Գրիգոր Լուսաւորիչ եկեղեցին: Նորին Սրբութեան շքախումբին մաս կը կազմեն Հիւսիսային Ամերիկայի Արեւելեան Հայոց Թեմի առաջնորդ Գերշ. Տ. Անուշաւան Արք. Դանիէլեան, Հիւսիսային Ամերիկայի Արեւմտեան Հայոց Թեմի առաջնորդ Գերշ. Տ. Գեղամ Արք. Խաչերեան եւ Արեւելեան թեմի ազգային վարչութեան…
Գլխաւորութեամբ Ն.Ս.Օ.Տ.Տ. Արամ Ա. Վեհափառ Հայրապետին, Երկուշաբթի, 7 Հոկտեմբեր 2024-ին, միջ-եկեղեցական աղօթք կատարուեցաւ Փրաւիտընսի Սրբոց Վարդանանց եկեղեցւոյ մէջ, մասնակցութեամբ նահանգի ուղղափառ եկեղեցիներու հոգեւորականներուն: Վեհափառ Հայրապետին կողքին ներկայ էին Հիւսիսային Ամերիկայի Արեւելեան Հայոց Թեմի առաջնորդ Գերշ. Տ. Անուշաւան Արք. Դանիէլեան, Հիւսիսային Ամերիկայի Արեւմտեան Հայոց Թեմի առաջնորդ Գերշ. Տ. Գեղամ Արք. Խաչերեան, Կաթողիկոսարանի տեղեկատուական բաժանմունքի տնօրէն Հոգշ.…
Երկուշաբթի, 7 Հոկտեմբեր 2024-ին, Փրաւիտընսի Սրբոց Վարդանանց եկեղեցւոյ մէջ, Ն.Ս.Օ.Տ.Տ. Արամ Ա. Վեհափառ Հայրապետը ընդունեց այցելութիւնը Ամերիկայի Միացեալ Նահանգներու Ծերակոյտի Ռազմական Հարցերու Յանձնաժողովի ատենապետ ծերակուտական Ժագ Ռիտին: Հանդիպման ներկայ էին երեք երեսփոխաններ։ Հանդիպման ընթացքին Նորին Ս. Օծութիւնը անդրադարձաւ Միացեալ Նահանգներու մէջ մեր համայնքներուն եւ ամերիկեան հասարակութեան մէջ անոնց ունեցած դերակատարութեան, ինչպէս նաեւ խօսեցաւ Մեծի Տանն…
Կիրակի, 6 Հոկտեմբեր 2024-ի երեկոյեան, Ն.Ս.Օ.Տ.Տ. Արամ Ա. Վեհափառ Հայրապետը, իր իջեւանած պանդոկին մէջ, ընդունեց կաթոլիկ եղեցեւոյ եպիսկոպոս Ռիչըրտ Հանինկի այցելութիւնը: Հանդիպման ընթացքին ներկայ էին Հիւսիսային Ամերիկայի Արեւելեան Հայոց Թեմի առաջնորդ Գերշ. Տ. Անուշաւան Արք. Դանիէլեան եւ Փրաւիտընսի Սրբոց Վարդանանց եկեղեցւոյ հոգեւոր հովիւ Արժ. Տ. Գաբրիէլ Քհնյ. Նազարեան: Վեհափառ Հայրապետը ողջունեց եպիսկոպոսին սերտ յարաբերութիւնը հայ…
«ԿԵԱՆՔԸ ԱՍՏՈՒԱԾԱՏՈՒՐ ՊԱՐԳԵՒ Է. ԶԱՅՆ ՀԱՐԿ Է ԱՊՐԻԼ ԱՍՏՈՒԾՈՅ ՊԱՏՈՒԻՐԱՆՆԵՐՈՒՆ ՆԿԱՏՄԱՄԲ ՀԱՒԱՏԱՐՄՈՒԹԵԱՄԲ» Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ Կիրակի, 6 Հոկտեմբեր 2024-ին, Ն.Ս.Օ.Տ.Տ. Արամ Ա. Վեհափառ Հայրապետը Սուրբ եւ Անմահ Պատարագ մատուցեց Փրաւիտընսի Սրբոց Վարդանանց եկեղեցւոյ մէջ, առընթերակայութեամբ Հիւսիսային Ամերիկայի Արեւելեան Հայոց Թեմի առաջնորդ Գերշ. Տ. Անուշաւան Արք. Դանիէլեանի եւ Հիւսիսային Ամերիկայի Արեւմտեան Հայոց Թեմի առաջնորդ Գերշ.…
Շաբաթ ամբողջ օրը, Փրաւիտընսի Սրբոց Վարդանանց եկեղեցւոյ մէջ, Ն.Ս.Օ.Տ.Տ. Արամ Ա. Վեհափառ Հայրապետը յաջորդաբար հանդիպումներ ունեցաւ եկեղեցւոյ առնչուած մարմիններուն հետ՝ ազգային վարչութիւն, հոգաբարձութիւն, տիկնանց միութիւն, շաբաթօրեայ վարժարանի ուսուցչական կազմ, ինչպէս նաեւ համայնքի քոյր կազմակերպութիւններուն հետ՝ Հ.Յ.Դ., Համազգային, Օգնութեան Խաչ եւ երիտասարդական: Հանդիպուներու ընթացքին Վեհափառ Հայրապետը շեշտեց Սփիւռքի վերակազմակերպման ծիրէն ներս գաղութին վերակենսաւորման հրամայականը: Ան նշեց,…
Շաբաթ, 4 Հոկտեմբեր 2024-ին, Փրաւիտընսի Սրբոց Վարդանանց եկեղեցւոյ մէջ, Ն.Ս.Օ.Տ.Տ. Արամ Ա. Վեհափառ Հայրապետին այցելեց դատական ելոյթներով մեծ համբաւ վայելող դատաւոր Ֆրանք Քափրիոն: Դատաւորը իր ընթացիկ դատական աշխատանքներուն առընթեր, անցնող տարիներու ընթացքին դատական յատուկ պարագաներ, ընկերային ցանցերու ճամբով, սեփականութիւնը դարձուցած է հանրութեան եւ ունեցած է մեծ թիւով հետեւորդներ: Դատերու նկատմամբ անոր ունեցած արդար մօտեցումներուն առընթեր,…
Ուրբաթ, 4 Հոկտեմբեր 2024-ին, Ն.Ս.Օ.Տ.Տ. Արամ Ա. Վեհափառ Հայրապետը իր շքախումբով Նիւ Եորքէն ժամանեց Ռոտ Այլընտ նահանգի Փրաւիտընս քաղաքը, ուր դիմաւորուեցաւ քահանայ հօր ու ազգային մարմիններու ներկայացուցիչներուն կողմէ: Նոյն օրը երեկոյեան, Նորին Սրբութիւնը ոստիկանական ջոկատներու առաջնորդութեամբ ուղղուեցաւ Սրբոց Վարդանանց եկեղեցի, ուր ծխայինները մեծ բազմութեամբ կը սպասէին իրենց հոգեւոր հօր այցը: Հրաշափառի արարողութենէն ետք, Հիւսիսային Ամերիկայի…
Մեծի Տանն Կիլիկիոյ Կաթողիկոսութեան ՀԱՍԿ Պաշտօնաթերթին Յուլիս-Օգոստոս 2024 թիւը այս յղումով առցանց կը գտնէք։
Նիւ Եորք ժամանման առաջին օրը, 3 Հոկտեմբեր 2024-ին, Հիւսիսային Ամերիկայի Արեւելեան հայոց թեմի առաջնորդ Գերշ. Տ. Անուշաւան Արք. Դանիէլեանի ներկայութեան, Ն.Ս.Օ.Տ.Տ. Արամ Ա. Վեհափառ Հայրապետը ունեցաւ հետեւեալ հանդիպումները.- — Վեհափառ Հայրապետին այցելեցին շրջանի քահանայ հայրերը եւ զեկուցեցին իրենց կատարած հովուական աշխատանքներուն մասին: Նորին Սրբութիւնը իր բարձր գնահատանքը յայտնեց քահանայ հայրերուն եւ շեշտեց մեր եկեղեցւոյ ու…
Չորեքշաբթի, 2 Հոկտեմբեր 2024-ին, Նորին Սուրբ Օծութիւն Տէր Տէր Արամ Առաջին Կաթողիկոս հովուապետական շնորհաբաշխ այցելութեամբ ժամանեց Ամերիկայի Միացեալ Նահանգներ (Արեւելեան հայոց թեմ)։ Նիւ Եորքի օդակայանին մէջ Վեհափառ Հայրապետը դիմաւորուեցաւ Հիւսիսային Ամերիկայի Արեւելեան Հայոց Թեմի առաջնորդ Գերաշնորհ Տէր Անուշաւան Արքեպիսկոպոս Դանիէլեանի, Ազգային Իշխանութեան ատենապետ Արամ Սարաֆեանի եւ թեմի խումբ մը հոգեւոր հայրերուն կողմէ։ Յիշենք, որ անցեալ…
Ն.Ս.Օ.Տ.Տ. Արամ Ա. Վեհափառ Հայրապետը, Հիւսիսային Ամերիկայի Արեւելեան Հայոց Թեմին տալիք հովուապետական այցելութեան նախօրէին, Մեծի Տանն Կիլիկիոյ Կաթողիկոսութեան Cilicia TV-ին հետ ունեցաւ հետեւեալ հարցազրոյցը։ * * * Հարցում.- Վեհափառ Տէր, զանազան առիթներով հովուապետական այցելութիւն շնորհած էք հիւսիսային Ամերիկայի արեւելեան հայոց թեմին։ Ի՞նչ է Ձեր այս հովուապետական այցելութեան հիմնական նպատակը։ Պատասխան.- Բնականաբար, հովուապետական այցելութեան նպատակը հովուապետ-ժողովուրդ…
Ն.Ս.Օ.Տ.Տ. Արամ Ա. Վեհափառ Հայրապետին գլխաւորութեամբ, Պիքֆայայի Սուրբ Աստուածածին Վանքի վեհարանի դահլիճին մէջ, Երեքշաբթի, 17 Սեպտեմբեր 2024-ին, վանաբնակ միաբան հայրերու հաւաք մը կայացաւ։ Հաւաքի ընթացքին Վեհափառ Հայրապետը իր ուրախութիւնը յայտնեց ի տես Մայրավանքին թէ թեմերուն մէջ միաբան հայրերուն տարած աշխատանքներուն եւ մանաւանդ անոնց ունեցած հաւատարմութեան՝ թէ՛ իրենց ստանձնած պատասխանատու պաշտօններուն եւ թէ՛ մեր Սուրբ Աթոռին…
21 Սեպտեմբեր 1991-ին Հայաստանի Հանրապետութիւնը հռչակեց իր անկախութիւնը՝ ձերբազատելով Խորհրդային Միութեան անդամակցութենէն։ Արդարեւ, ամէն տարուան Սեպտեմբերի 21-ին հայ ազգը հպարտութեամբ կը նշէ Հայաստանի Հանրապետութեան անկախութեան տօնը։ Արդարեւ, Կիրակի, 22 Սեպտեմբեր 2024-ին, օրհնութեամբ Ն.Ս.Օ.Տ.Տ. Արամ Ա. Վեափառ Հայրապետին, Անթիլիասի Մայրավանքի Սուրբ Գրիգոր Լուսաւորիչ Մայր Տաճարին մէջ մատուցուած Սուրբ եւ Անմահ Պատարագի ընթացքին, կատարուեցաւ Հանրապետական Մաղթանք (գոհաբանական…
«ՀԱՄԱԽՄԲՈՒԻ՛ՆՔ ՀԱՄԱՀԱՅԿԱԿԱՆ ՕՐԱԿԱՐԳԻ ՄԸ ՇՈՒՐՋ» Այսօր 21 Սեպտեմբեր է. Հայաստանի Հանրապետութեան անկախութեան օրն է. այլ խօսքով, սովորական օր չէ՛, պէտք չէ՛ ըլլայ իւրաքանչիւր հայու եւ ողջ հայութեան համար։ Մեր պատմութեան ընթացքին Հայաստանի անկախութեան համար պայքարեցանք, ստեղծագործեցինք, նոյնիսկ արիւն թափեցինք այն խոր գիտակցութեամբ, որ անկախութիւնը Աստուածատուր իրաւունք է եւ, հետեւաբար, սրբազան արժէք է եւ անոր…
Ն.Ս.Օ.Տ.Տ. Արամ Ա. Վեհափառ Հայրապետը հովուապետական այցելութեամբ կը մեկնի Ամերիկայի Միացեալ Նահանգներու Արեւելեան Հայոց Թեմ։ Այս այցելութիւնը կը ներառէ Պոսթընի, Շիքակոյի, Տիթրոյթի, Փրովինսի եւ այլ շրջաններու հայկական համայնքները։ Յիշեցնենք, որ անցեալ տարի (2023) Հայրապետը այցելած էր նոյն թեմին այլ շրջանները։ Ամերիկայի Միացեալ Նահանգներ այցելութենէն առաջ, Նորին Սրբութիւնը կը մեկնի Զուիցերիա՝ կարճ շրջանի մը համար։ Հովուապետական…
16-17 Սեպտեմբեր 2024-ին, Եգիպտոսի Սուրբ Պիշոյ վանքին մէջ, ղպտի ուղղափառ եկեղեցւոյ հիւրընկալութեամբ, գումարուեցաւ Ուղղափառ եւ Արեւելեան Ուղղափառ Եկեղեցիներու ժողովը։ Ն.Ս.Օ.Տ.Տ. Արամ Ա. Վեհափառ Հայրապետին օրհնութեամբ, Մեծի Տանն Կիլիկիոյ Կաթողիկոսութեան կողմէ ժողովին մասնակցեցան Գերշ. Տ. Նարեկ Արք. Ալեէմէզեան եւ Գերշ. Տ. Մակար Արք. Աշգարեան։ 17 եկեղեցիներէ 40 հոգեւորական եւ աշխարհական աստուածաբաններ իրենց մասնակցութիւնը բերին այս ժողովին։…
Հովանաւորութեամբ եւ օրհնութեամբ Ն.Ս.Օ.Տ.Տ. Արամ Ա. Վեհափառ Հայրապետին, Լիբանան ժամանեցին Ամերիկայի Միացեալ Նահանգներէն Ֆրեզնոյի բժշկական առաքելութեան խորհուրդի բժիշկները, գլխաւորութեամբ Ֆրեզնոյի մէջ Հայաստանի Հանրապետութեան պատուոյ հիւպատոս եւ խորհուրդի նախագահ Պերճ Աբգարեանի։ Արդարեւ, Երեքշաբթի, 17 Սեպտեմբեր 2024-ի առաւօտուն, Պիքֆայայի Սուրբ Աստուածածին Վանքին մէջ, Արամ Ա. Կաթողիկոս ընդունեց վերոյիշեալ խորհուրդի բժիշկները։ Խորհուրդի նախագահը Վեհափառ Հայրապետին յայտենց իր եւ…
Ըստ եկեղեցւոյ պատմութեան եւ սրբազան աւանդութեան, մեր Տիրոջ ու Փրկչին՝ Յիսուս Քրիստոսի կենարար խաչը երեք առիթներով հանդիսաւորապէս բարձրացուած է ի տես հաւատացեալներուն: Առաջին բարձրացումը կատարուած է Երուսաղէմի առաջին եպիսկոպոսին՝ Յակոբ Տեառնեղբօր (առաքեալ) կողմէ: Տեառնեղբայրը Քրիստոսի սուրբ խաչափայտին նմանութեամբ հսկայ խաչ մը բարձրացուցած եւ «Խաչի քո Քրիստոս, երկիրպագանեմք…» սրտառուչ տաղը երգած է: Խաչի երկրորդ բարձրացումը կատարուած…
Տարուան վերջին տաղաւար (մեծ, աւագ) տօնը մեր Տիրոջ՝ Յիսուս Քրիստոսի սուրբ խաչին վերացումին տօնն է (Վերացման Սուրբ Խաչ)։ Այս տօնին կը յիշատակուի Լիբանանի մէջ հաստատուած Այնճար աւանին հիմնադրութեան տօնը, որովհետեւ սուրբ խաչին շնորհիւ այնճարցիք փրկուեցան թուրքին եաթաղանէն։ Արդարեւ, 2024 տարին կը զուգադիպի Մուսա Լերան հերոսամարտի 109-րդ եւ Այնճարի հիմնադրութեան 85 ամեակներուն, որոնց տօնակատարութեանց շրջագծին…
Խաչվերացը Հայ եկեղեցւոյ հինգերորդ տաղաւարն է, այսինքն հինգերորդ գլխաւոր տօնն է եւ նուիրուած է խաչին: Ինչպէս միւս տաղաւարները, Խաչվերացն ալ ունի պատմական հիմք մը: Իր պատմական սկզբնաւորութիւնը կը հասնի մինչեւ քրիստոնէութեան ակունքները, քանի որ խաչը վերցնելու կամ բարձրացնելու եւ փառաւորելու առաջին գործողութիւնը կը վերագրուի Յակոբոս Տեառնեղբօր: Ան եղած է Երուսաղէմի առաջին եպիսկոպոսը եւ խաչը ի…
Ուրբաթ, 13 Սեպտեմբեր 2024֊ին, Արամ Ա. Վեհափառ Հայրապետը այցելեց Ռաֆայէլ Պետրոս ԻԱ. Հոգեւոր Տիրոջ։ Եղբայրական սիրոյ ու գործակցական ոգիի արտայայտութեան առընթեր, յիշեալ այցելութեան նպատակն էր ողջունել Կարտինալ Գրիգոր Պետրոս ԺԵ. Աղաճանեանի մարմնոյն Վատիկանէն Լիբանան փոխադրութեան նախաձեռնութիւնը։ Հանդիպումը առիթ հանդիսացաւ անդրադարձ կատարելու երջանկայիշատակ հոգեւոր տիրոջ ծառայութեան՝ թէ՛ իբրեւ Վատիկանի հաւատոյ տարածման բաժանմունքի նախագահ եւ թէ՛ որպէս…
Ռուպի պատրաստութիւնը Դպրեվանքի ամենագեղեցիկ աւանդութիւններէն մէկն է, որ տեղի կ՚ունենայ ամէն տարի Սեպտեմբեր ամսուան ընթացքին։ Ռուպը խաղողի հիւթով պատրաստուած ու եփուած անոյշն է, որ Դպրեվանքին մէջ ընդհանրապէս որպէս նախաճաշ կը հրամցուի միաբան հայրերուն եւ դպրեվանեցիներուն։ Արդարեւ, Չորեքշաբթի, 11 Սեպտեմբեր 2024-ին, Ն.Ս.Օ.Տ.Տ. Արամ Ա. Վեհափառ Հայրապետը, Պիքֆայայի Սուրբ Աստուածածին Վանքի պարտէզին մէջ, այցելեց ռուպի պատրաստութեան վայր,…
Ն.Ս.Օ.Տ.Տ Արամ Ա. Կաթողիկոսին հովանաւորութեամբ եւ օրհնութեամբ, Մեծի Տանն Կիլիկիոյ Կաթողիկոսութեան Հայագիտական կեդրոնի 2024-2025 կրթական տարեշրջանի դասաւանդութիւնները պիտի սկսին Երկուշաբթի, 7 Հոկտեմբեր 2024-ին, նորահաստատ Խորէն Ա. կեդրոնին մէջ, Ֆանար: Կրթական եռամեայ ծրագիրը կ՚ընդգրկէ հայերէն լեզու եւ գրականութիւն, հայերէն քերականութիւն, գրական գիտելիքներ, գրաբար, հայոց պատմութիւն, աշխարհագրութիւն, մատենագիտութիւն, բանահիւսութիւն, հայ եկեղեցւոյ պատմութիւն, հայ մշակոյթի պատմութիւն, ընդհանուր հոգեբանութիւն,…
Մեծի Տանն Կիլիկիոյ Կաթողիկոսութեան «Կիլիկիա Վերլուծական Հարթակ»ի հերթական առցանց նիստը տեղի ունեցաւ Կիրակի, 8 Սեպտեմբեր 2024-ի երեկոյեան, նախագահութեամբ Ն.Ս.Օ.Տ.Տ. Արամ Ա․ Վեհափառ Հայրապետին։ Օրակարգին ներառուած էին Միջին Արեւելքի եւ հարաւային Կովկասի վերջին իրադարձութիւնները, Կազայի պատերազմը, անոր զուգահեռ Լիբանանի դիմագրաւած պատերազմի վտանգն ու այդ բոլորի ազդեցութիւնը միջին արեւելեան հայ համայնքներուն վրայ։ Յատուկ կէտով քննարկումներ կեդրոնացան ՔՈՓ29-ի…
Մեծի Տանն Կիլիկիոյ Կաթողիկոսութեան Անթիլիասի Մայրավանքէն հայրապետական օրհնութեամբ, ազգային վառ ապրումներով եւ վերանորոգ հաւատքով, կամքով ու տեսիլքով կ՚ողջունենք մեր ժողովուրդի սիրելի զաւակները՝ ի Հայաստան եւ սփիւռս աշխարհի: Հայ ժողովուրդը կ՚ապրի իր ժամանակակից պատմութեան ամէնէն ճակատագրական հանգրուանը: Հայաթափուած է Արցախը, Հայաստանը կը մնայ ենթակայ Ազրպէյճանի սպառնալիքներուն: Փաստօրէն Հայաստանը առանձին է, իրաւ բարեկամ չունի: Ահաւոր վտանգներով եւ…
Երեքշաբթի, 3 Սեպտեմբեր 2024-ին, Ն.Ս.Օ.Տ.Տ. Արամ Ա. Կաթողիկոս, Պիքֆայայի Սուրբ Աստուածածին Վանքին մէջ, ընդունեց Լիբանանի մօտ Գանատային դեսպան Սթեֆանի ՄըքՔալըմ։ Հանդիպումը առիթ եղաւ ընդհանուր գիծերով անդրադարձ կատարելու Կազայի պատերազմին, Լիբանանի նախագահական ընտրութեան, Հայաստանի ու Գանատայի յարաբերութեան, Ազրպէյճանի մէջ տեղի ունենալիք կենսոլորտի նուիրուած համագումարին եւ Գանատայի հայ համայնքին շուրջ։ Դեսպանը ընթրիքի հիւրը եղաւ Վեհափառ Հայրապետին։
2016 թուականին Ն.Ս.Օ.Տ.Տ. Արամ Ա. Վեհափառ Հայրապետին հեղինակած «The Armenian Church» (Հայ Եկեղեցին) հատորը ցարդ թարգմանուած է արաբերէնի, ֆրանսերէնի, պարսկերէնի, ռուսերէնի եւ գերմաներէնի։ Յիշեալ թարգմանութիւններու կողքին, վերջերս աւելցաւ նոյն հատորին յունարէն թարգմանութիւնը եւ հրատարակութիւնը։ Սոյն յունարէնի հրատարակութիւնը կատարուած է Յունաստանի յոյն ուղղափառ եկեղեցւոյ կողմէ՝ Սինոտին որոշումով։ Թարգմանութիւնը կատարած է յոյն եկեղեցւոյ յայտնի հոգեւորականներէն Մեթրոփոլիթ Գաբրիէլ,…
Հինգշաբթի, 29 Օգոստոս 2024-ին, Ն.Ս.Օ.Տ.Տ. Արամ Ա. Վեհափառ Հայրապետին այցելեց Վատիկանի մօտ Լիբանանի դեսպան դոկտ. Ֆարիտ Ալ-Խազեն: Այս առիթով, դեսպան Ալ-Խազեն Հայրապետին պարզեց Վատիկանի կողմէ տարուող աշխատանքները՝ Լիբանանը դիմագրաւող մարտահրաւէրներուն լուծում տալու ճիգերու շուրջ: Դեսպանը նաեւ Վեհափառ Հայտապետին փոխանցեց Վատիկանի մէջ վերջերս Նորին Սրբութեան տուած դասախօսութեան դրական արձագանգներուն մասին տեղեկութիւններ։ Վեհափառ Հայրապետը, իր կարգին, իր…
Օրհնութեամբ Ն.Ս.Օ.Տ.Տ. Արամ Ա. Վեհափառ Հայրապետին, Կաթողիկոսարանի տպարանէն լոյս տեսաւ «Շնորհալի» երգչախումբի յոբելեանականին նուիրուած «50 Տարի Երաժշտութիւն Եւ Ինքնութիւն» խորագիրով յուշամատեանը։ Յուշամատեանը համապարփակ ներկայացումն է երգչախումբին երկարամեայ գործունէութեան, որուն ամբողջացման համար խմբագրակազմը դիմած է Կաթողիկոսարանի «ՀԱՍԿ» պաշտօնաթերթին, ինչպէս նաեւ անհատներու ու նախկին անդամներու վկայութեան։ Յառաջաբանէն ետք հատորը կը բացուի Կաթողիկոսարանի երգչախումբի հիմնադիր հայրապետ երջանկայիշատակ Տ.Տ.…
Երեքշաբթի, 20 Օգոստոս 2024-ի երեկոյեան, Պիքֆայայի Սուրբ Աստուածածին Վանքի վեհարանին մէջ, Արամ Ա. Վեհափառ Հայրապետը ընդունեց այցելութիւնը Ռաֆայէլ Պետրոս ԻԱ. Հոգեւոր Տիրոջ, որուն կ՚ընկերանար օգնական եպիսկոպոս Լիբանանի հայ կաթողիկէ համայնքին Գերապայծառ Տ. Գրիգոր Եպս. Պատիշահ։ Հանդիպման Հայրապետին կողքին ներկայ էին Լիբանանի հայոց թեմի առաջնորդ Գերշ. Տ. Շահէ Արք. Փանոսեան, Կաթողիկոսարանի “Կիլիկիա” մատենադարանի տեսուչ Գերշ. Տ.…
Ամբողջ շաբաթ մը Ս. Աստուածածնի պահոց եւ Ս. Աստուածածին Վանքի ուխտի տօնին առնչուած արարողութիւններու մասնակից դառնալէ եւ Աստուածամօր երկրաւոր առաքելութեան խորհուրդով հաղորդուելէ ետք` Սուրբ Աստուածածին Վանքի մատրան մէջ Կաթողիկոսարանի Քրիստոնէական Դաստիարակութեան բաժանմունքին կազմակերպած հոգեւոր խորհրդածութիւններու ճամբով, մեր եկեղեցին Ս. եւ անմահ Պատարագի մատուցումով կը նշէ Աստուածամօր վերափոխման տօնը։ Այս առիթով նաեւ կը կատարուի աւանդական խաղողօրհնէքի…
ՀԱՅՐԱՊԵՏԱԿԱՆ ՊԱՏԳԱՄ՝ Ս. ԱՍՏՈՒԱԾԱԾԻՆ ՎԱՆՔԻ ՈՒԽՏԻ ՕՐՈՒԱՆ ԱՌԻԹՈՎ ԵՐԵՔ ԱՌԱՋՆԱՀԵՐԹ ՀՐԱՄԱՅԱԿԱՆՆԵՐ ԱՂՕԹՔԻ ՀՐԱՄԱՅԱԿԱՆ ԱՆՀՐԱԺԵՇՏՈՒԹԻՒՆ ԲԱՐՈՅԱԿԱՆ ԴԱՍՏԻԱՐԱԿՈՒԹԵԱՆ ԿԱՐԵՒՈՐՈՒԹԻՒՆ ՄԱՐԴՈՒԺԻ ՊԱՏՐԱՍՏՈՒԹԵԱՆ ԿԱՐԻՔ Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ — — — — — Սուրբ Աստուածածնայ վերափոխման տօնը Ուխտի Օրն է Պիքֆայայի Սուրբ Աստուածածին Վանքին, որ ամէն տարի յատուկ հանդիսաւորութեամբ կը նշուի՝ ժողովրդային լայն մասնակցութեամբ։ Այս տարի, Շաբաթ…
Ուրբաթ, 16 Օգոստոս 2024-ի իրիկունը, աւանդութիւն դարձած սովորութեան համաձայն, Ն.Ս.Օ.Տ.Տ. Արամ Ա. Կաթողիկոս այցելեց Սուրբ Աստուածածին Վանքի ուխտի օրուան առիթով պատրաստութեան ընթացքի մէջ եղող մատաղի պատրաստութեան վայրը։ Հայրապետը դիմաւորուեցաւ Ս. Աստուածածին Վանքի պատասխանատու հայր սուրբին, Դպրեվանքի տեսչութեան ու աշակերտութեան, Մայրավանքի տիկնաց յանձնախումբին եւ մատաղի պատրաստութեան լծուած կամաւորներուն կողմէ։ Վեհափառ Հայրապետը գնահատեց բոլոին նուիրական աշխատանքն ու…
Խաչափայտին վրայ, հոգեվարքի պահուն, Փրկիչը խորիմաստ պատգամ մը կու տայ Իր չարչարակից մօր. «Ո՜վ կին, ահա քու որդիդ», եւ սիրելի աշակերտին` Յովհաննէսին. «Ահա՛ քու մայրդ»: (Յվհ. 19:26-27): Աստուածաշնչական այս հաստատումը մեր Տիրոջ Յիսուս Քրիստոսին կողմէ պարգեւ մըն է. Ան Իր մայրը իբրեւ օգնական եւ շնորհք` կու տայ աշխարհին, շնորհք` մանաւանդ եկեղեցւոյ եւ այն հաւատացեալներուն, որոնք դարերու ընթացքին…
Սուրբ Աստուածածնայ Վերափոխման տօնին առիթով նաեւ կը նշենք Սուրբ Աստուածածին Վանքի ուխտի օրը։ Այս առիթով, հովանաւորութեամբ Ն.Ս.Օ.Տ.Տ. Արամ Ա. Կաթողիկոսին, Կաթողիկոսարանի Քրիստոնէական Դաստիարակութեան բաժանմունքը, ամբողջ շաբթուան ընթացքին, կը կազմակերպէ հոգեւոր լսարաններ, որոնց ընթացքին կը կատարուին հոգեւոր խորհրդածութիւններ, աղօթասացութիւններ եւ սաղմոսասացութիւններ։ Այս հոգեւոր խորհրդածութիւնները ուխտաւորներուն առիթ կ՚ընծայեն ա՛լ աւելի խորանալու Աստուածամօր կեանքին ու առաքելութեան պատգամին։ Առ…
Այս հասցէակապով կրնաք ընթերցել ՀԱՍԿ 2024-ի Մայիս-Յունիս թիւը։ ՀԱՍԿ-ի նախորդ թիւերը տրամադրելի են հետեւեալ յղումով։
Անցնող օրերու ընթացքին, Ն.Ս.Օ.Տ.Տ. Արամ Ա. Վեհափառ Հայրապետը ընդունեց Գոլոմպիայի մօտ Լիբանանի դեսպան Արա Խաչատուրեանը եւ Քաթարի մօտ Լիբանանի հիւպատոս Շանթ Վարդանեանը: Ողջունելով անոնց այցելութիւնը՝ Նորին Սրբութիւնը գնահատեց որպէս դիւանագէտներ անոնց բերած ծառայութիւնը Լիբանանին: Ան յիշեցուց, որ Լիբանանի գլխաւոր համայնքներէն մէկն է հայ համայնքը՝ իր պարտաւորութիւններով ու իրաւունքներով: Ուրախութեամբ հարկ է հաստատել , որ մեր…
Անցնող քանի մը օրերու ընթացքին, Ն.Ս.Օ.Տ.Տ. Արամ Ա. Վեհափառ Հայրապետը յաջորդաբար ընդունեց Մեծի Տանն Կիլիկիոյ Կաթողիկոսութեան կարգ մը թեմերու նորընտիր առաջնորդները.- Կիպրոսի Հայոց Թեմի կաթողիկոսական փոխանորդ Գերշ. Տ. Կոմիտաս Արք. Օհանեան, Հիւսիսային Ամերիկայի Արեւմտեան Հայոց Թեմի առաջնորդ Գերշ. Տ. Գեղամ Արք. Խաչերեան, Բերիոյ Հայոց Թեմի առաջնորդ Գերշ. Տ. Մակար Արք. Աշգարեան եւ Յունաստանի Հայոց Թեմի…
Մեծի Տանն Կիլիկիոյ Կաթողիկոսութիւնը իր մասնակցութիւնը կը բերէ Մաշտոցեան Մատենադարանի նախաձեռնած Հայագիտական Միջազգային Քոնկրէսին, որուն բացումը կատարուեցաւ Ուրբաթ, 19 Յուլիս 2024-ի առաւօտուն: Ն.Ս.Օ.Տ.Տ. Արամ Ա. Վեհափառ Հայրապետին օրհնութեամբ, Գերշ. Տ. Շահան Արք. Սարգիսեան եւ Հոգշ. Տ. Տաճատ Վրդ. Աշըգեան ներկայ գտնուեցան պաշտօնական բացման: Այս միջոցին կազմակերպուած «Գրատօն» հայագիտական գիրքի ցուցահանդէս-տօնավաճառին, ուր ներկայացուեցան Հայաստանի եւ Սփիւռքի…
Կ՚ուզենք յայտնել մեր ժողովուրդի սիրելի զաւակներուն, յատկապէս Կիպրոսի հայութեան, թէ Ն.Ս.Օ.Տ.Տ. Արամ Ա. Սրբազնագոյն Կաթողիկոսը, Հայրապետական գիրով, Գերշ. Տ. Կոմիտաս Արքեպիսկոպոս Օհանեանը նշանակեց Կիպրոսի Հայոց Թեմի կաթողիկոսական փոխանորդ: Սրբազան հայրը շուտով պիտի ստանձնէ իր նոր առաքելութիւնը: Կոմիտաս սրբազան անցնող տասնամեակներու ընթացքին վանական ու թեմական զանազան պաշտօններ վարած է Սուրիոյ, Յունաստանի եւ Վենըզուելայի մէջ: Դպրեվանքը աւարտելէ…
Չորեքշաբթի, 17 Յուլիս 2024-ին, յանուն Մեծի Տանն Կիլիկիոյ Կաթողիկոսութեան եւ օրհնութեամբ Ն.Ս.Օ.Տ.Տ. Արամ Ա. Սրբազնագոյն Հայրապետին, Կաթողիկոսարանի «Կիլիկիա» մատենադարանի եւ հնատիպերու ու ձեռագիրներու բաժանմունքներու տեսուչ Գերշ. Տ. Շահան Արք. Սարգիսեան իր մասնակցութիւնը բերաւ հայ հոգեւոր ձեռագրական կեդրոններու հիմնադիր առաջին նիստին, ուր Վեհափառ Հայրապետին օրհնութիւններն ու ողջոյնները փոխանցեց եւ զեկուցեց Կաթողիկոսութեան ձեռագրական ժառանգութեան մասին։ Ժողովը քննարկեց…
Ուրբաթ, 12 Յուլիս 2024-ին, Լիբանանի Գարակէօզեան Հաստատութեան տնօրէն Սերոբ Օհանեան եւ Ռաքէլ Քէչէճեան ու Ժանին Դանիէլեան-Մարգարեան այցելեցին Ն.Ս.Օ.Տ.Տ. Արամ Ա. Վեհափառ Հայրապետին՝ ստանալու համար անոր հայրական օրհնութիւնը։ Անոնք Վեհափառ Հայրապետին զեկուցեցին Գարակէօզեան հաստատութեան աշխատանքներուն եւ դիմագրաւած մարտահրաւէրներու մասին: Հանդիպումը առիթ եղաւ նաեւ անդրադառնալու մեր ժողովուրդին դիմագրաւած բժշկական, ընկերային եւ մտային առողջութեան վերաբերող խնդիրներն ու մարտահրաւէրները։…
Կաթողիկոսարանի Հայագիտական Կեդրոնի 2023-2024 կրթական տարուան վկայականաց բաշխումը տեղի ունեցաւ Երեքշաբթի, 9 Յուլիս 2024-ի յետմիջօրէին, Դպրեվանքի «Բրաբիոն Տումանեան» սրահին մէջ, ձեռամբ Ն.Ս.Օ.Տ.Տ Արամ Ա. Կաթողիկոսին։ Հանդիսութեան ներկայ էին միաբան հայրեր, բաժանմունքի յանձնախումբի անդամներ, Կեդրոնի ուսուցիչներ, ուսանողներ եւ շրջանաւարտներու ընտանիքներ։ Բացման խօսքով հանդէս եկաւ Կեդրոնի տեսուչ Ահարոն Շխրտըմեան։ Ան դիտել տուաւ, որ յաջորդական երկրորդ տարին ըլլալով…
Երկուշաբթի, 8 Յուլիս 2024-ին, Իրանի Իսլամական Հանրապետութեան նորընտիր նախագահ Մասուտ Փեզեշքեանին ուղղած իր յատուկ նամակով, Ն.Ս.Օ.Տ.Տ. Արամ Ա. Վեհափառ Հայրապետը, յանուն Մեծի Տանն Կիլիկիոյ Կաթողիկոսութեան, թեմերուն եւ յատկապէս Իրանի հայութեան, ջերմօրէն շնորհաւորեց անոր ընտրութիւնը՝ որպէս նախագահ Իրանի Իսլամական Հանրապետութեան: Իր նամակին մէջ Վեհափառ Հայրապետը անդրադառնալով հայ եւ պարսիկ ժողովուրդներուն, ինչպէս նաեւ Հայաստանի ու Իրանի…
Եկեղեցիներու Համաշխարհային Խորհուրդի (Ե.Հ.Խ.) «Էքիւմէնիք Դաստիարակութեան Եւ Կազմաւորման Յանձնաժողով»ը իր առաջին անձամբ ժողովը գումարեց Յունիս ամսու վերջին շաբթուան ընթացքին, Սէուլի Եոնսէյ համալսարանին մէջ, Հարաւային Քորէա։ Յանձնաժողովը օրակարգի վրայ ունէր ութամեայ գործունէութեան ծրագրաւորումը, յատկապէս երկու տարին անգամ մը կազմակերպուող ԿԷԹԻ Համաշխարհային Էքիւմէնիք Աստուածաբանական Ինստիտուտի ծրագրի եւ էքիւմէնիք կազմաւորման առցանց դասապահերու նոր ծրագրի մը՝ Պոսէյի Էքիւմէնիք Ինստիտուտի…
Շաբաթ, 6 Յուլիս 2024-ին, Պիքֆայայի Սուրբ Աստուածածին Վանքին մէջ, Ն.Ս.Օ.Տ.Տ. Արամ Ա. Վեհափառ Հայրապետին այցելեց Հայ Յեղափոխական Դաշնակցութեան բիւրոյի ներկայացուցիչ Յակոբ Տէր Խաչատուրեանը։ Հանդիպումը առիթ մը եղաւ անդրադառնալու Հայրենիքին ներքին կացութեան, Հայաստան-Սփիւռք յարաբերութեան եւ ընդհանրապէս հայ կեանքը յուզող խնդիրներուն եւ տարածաշրջանը դիմագրաւող տագնապներուն ու մարտահրաւէրներուն։
Յիսուս Քրիստոս իր աշակերտներուն երեք տարի շարունակ քարոզելէ, հրաշագործելէ, կազմաւորելէ ետք` անոնց անսպասելի քննութենէ մը կ՚անցընէ` հարցնելով. «Մարդիկ ի՞նչ կ՚ըսեն Մարդու Որդիին մասին. ո՞վ եմ ես» (Մտ 16.13)։ Անոնք, իրենց կարգին, ինչ որ բազմութենէն լսած էին Յիսուսի մասին յայտնեցին. «Ոմանք քեզ Յովհաննէս Մկրտիչը կը կարծեն, ոմանք՝ Եղիա մարգարէն, իսկ ուրիշներ՝ Երեմիան կամ մարգարէներէն մէկը» (Մտ…
2006 թուականին Լիբանանի մէջ հիմնուած «Ատիէն» (Adyan) կազմակերպութիւնը տարեկան այլազան բնոյթի հանդիպումներ կազմակերպելով՝ կը փորձէ հասարակաց արժէքներու շուրջ համախմբել Միջին Արեւելքի քրիստոնեայ ու իսլամ հոգեւորականներ, երիտասարդներ, մտաւորականներ եւ զանազան բնագաւառներու պատկանող մասնագէտներ։ Այս կազմակերպութիւնը գրասենեակներ ունի տարբեր երկիրներու մէջ։ Անոր նպատակն է երկխօսութիւն ու համագործակցութիւն յառաջացնել կրօններու միջեւ, յատկապէս իսլամութեան ու քրիստոնէութեան։ Առ այդ, Շաբաթ,…
Ուրբաթ, 5 Յուլիս 2024-ին, Ն.Ս.Օ.Տ.Տ. Արամ Ա. Վեհափառ Հայրապետը ընդունեց Ռամկավար Ազատական Կուսակցութեան (Ռ.Ա.Կ.) Լիբանանի վարիչ մարմինի պատուիրակութեան այցելութիւնը, գլխաւորութեամբ ատենապետ տոքթ. Աւետիս Տագէսեանին: Հանդիպման ընթացքին քննարկուեցան ընդհանրապէս Հայաստան-Սփիւռք յարաբերութեան առնչուող հարցեր եւ մասնաւորաբար Լիբանանի այժմու կացութեան վերաբերող զարգացումներ:
«ԴԺՈԽՔԷՆ ԴՐԱԽՏ» Հայոց ցեղասպանութեան եւ կամաւորական բանակի վերաբերեալ Արմենակ Անդրանիկեանի յուշագրութիւնը՝ «Դժոխքէն դրախտ» վերնագրեալ, լոյս կը տեսնէ Մեծի Տանն Կիլիկիոյ Կաթողիկոսարանի տպարանէն։ Հատորին խմբագիրն է Վազգէն Ղուկասեան։ Խմբագրական նշումներուն մէջ Ղուկասեան կը գրէ, որ գիրքը պատումն է Անդրանիկեանի կեանքի առաջին երեք տասնամեակներուն (1893-1920) եւ կարեւոր վկայութիւն է նախքան ցեղասպանութիւնը Կարնոյ Քղի գաւառի աւելի քան…
Հրամանաւ Ն.Ս.Օ.Տ.Տ. Արամ Ա. Կաթողիկոսին, Կաթողիկոսարանի տպարանէն լոյս տեսսաւ «Հասկ հայագիտական տարեգիրք»ի ԺԳ. տարուան թիւը՝ ձօնուած Ս. Ներսէս Շնորհալի Հայրապետին վախճանման 850-ամեակին։ Հատորին խմբագիրն է «Կիլիկիա» մատենադարանի եւ հնատիպերու ու ձեռագիրներու բաժանմունքներու տեսուչ Գերշ. Տ. Շահան Արք. Սարգիսեան։ Հրատարակութիւնը իրականացաւ մեկենասութեամբ Մհեր Տէր Յովհաննէսեան եւ ընտանիքին՝ ի յիշատակ Սաթիկ Տէր Յովհաննէսեանի։ Արամ Ա.…
1995-էն ի վեր իւրաքանչիւր տարուան Յունիս ամիսը բոլորիս համար առիթ է նշելու եւ ըստ արժանւոյն յարգելու Արամ Ա. Վեհափառ Հայրապետին հոգեւոր անդաստանի եւ ազգային կեանքի բնագաւառներէն ներս մատուցած բոլորանուէր ծառայութիւնը: Վեհափառ Հայրապետին 29 տարիներու վրայ երկարող արդիւնաւէտ գործունէութիւնը եւ իր բազմաթիւ իրագործումները խօսքի սահմաններու մէջ կարելի չէ ամբողջականօրէն ներկայացնել, սակայն կարելի է անվարանօրէն հաստատել, որ…
Երկուշաբթի, 1 Յուլիս 2024-ի երեկոյեան, Յունաստանի Հայոց Թեմի Երեսփոխանական Ժողովը արտակարգ նիստ գումարեց՝ օրակարգ ունենալով նոր առաջնորդի ընտրութիւն։ Ն.Ս.Օ.Տ.Տ. Արամ Ա. Վեհափառ Հայրապետին պաշտօնական նամակը, ուղղուած ժողովին, ընթերցուելէ ետք, ժողովին ներկայացուեցաւ Վեհափառ Հայրապետին կողմէ ղրկուած ընտրելիներու ցանկը՝ բաղկացած երեք միաբան հայրերէ։ Ապա կայացաւ առաջնորդի ընտրութիւն եւ ձայներու մեծամասնութեամբ Յունաստանի Հայոց Թեմի առաջնորդ ընտրուեցաւ Ամերիկայի Միացեալ…
Շաբաթ, 29 Յունիս 2024-ին, Ն.Ս.Օ.Տ.Տ. Արամ Ա. Վեհափառ Հայրապետը Պիքֆայայի Ս. Աստուածածին Վանքին մէջ ընդունեց այցելութիւնը Ամերիկայի Միացեալ Նահանգներու Քրիստոսի Միացեալ Եկեղեցւոյ նախագահուհի դոկտ. Քարէն Թոմփսընի, ընկերակցութեամբ Մերձաւոր Արեւելքի Հայ Աւետարանական Եկեղեցիներու Միութեան (Մ.Ա.Հ.Ա.Ե.Մ.) եւ Հայկազեան համալսարանի նախագահ վերապատուելի Փօլ Հայտոսթեանին: Նախագահուհին Լիբանան այցելած էր ներկայ գտնուելու Մ.Ա.Հ.Ա.Ե.Մ. 100 ամեակի հանդիսաւոր պաշտամունքին եւ 77-րդ Համաժողովին։…
Երեքշաբթի, 2 Յուլիս 2024-ին, Լիբանանի մօտ Հայաստանի դեսպան Վահագն Աթաբէկեան, Հայաստան կատարած իր այցելութենէն ետք, հանդիպում ունեցաւ Ն.Ս.Օ.Տ.Տ. Արամ Ա. Կաթողիկոսին հետ: Հանդիպումը առիթ հանդիսացաւ անդրադառնալու Հայաստանը, Սփիւռքը եւ Լիբանանը յուզող շարք մը խնդիրներու ու մարտահրաւէրներու:
