ՍՈՒՐԲ ԳՐԻԳՈՐ ԼՈՒՍԱՒՈՐՉԻ ՏՕՆԻՆ ԱՌԻԹՈՎ ԱՐԱՄ Ա. ՎԵՀԱՓԱՌ ՀԱՅՐԱՊԵՏԸ ԿԸ ՀՐԱՒԻՐԷ ՄԵՐ ԺՈՂՈՎՈՒՐԴԻ ԶԱՒԱԿՆԵՐԸ ԻՐԵՆՑ ԿԵԱՆՔԸ ՀԱՒԱՏՔԻ ՈՒԽՏԱԳՆԱՑՈՒԹԵԱՆ ՎԵՐԱԾԵԼՈՒ

Մեծի Տանն Կիլիկիոյ Կաթողիկոսութեան «Անթիլիասի Ուխտի Օր»ուան շրջագծէն ներս, Շաբաթ` 1 Ապրիլ 2017-ին, նախագահութեամբ` Ն.Ս.Օ.Տ.Տ. Արամ Ա. Վեհափառ Հայրապետին, Սուրբ Գրիգոր Լուսաւորիչ Մայր Տաճարին մէջ տեղի ունեցաւ հսկումի հոգեպարար արարողութիւն՝ մասնակցութեամբ Միաբան Հայրերուն, դպրեվանեցիներուն եւ ուխտաւոր ժողովուրդին:   Հսկումի արարողութեան աւարտին, Նորին Սրբութիւնը հոգեւոր խորհրդածութիւն մը կատարեց, որու ընթացքին հակիրճ գիծերով անդրադարձաւ երեք մտածումներու.-  …

ՄԻՋԻՆ ԱՐԵՒԵԼՔԻ ՔՐԻՍՏՈՆԷՈՒԹԵԱՆ ԶՕՐԱԿՑՈՒԹԵԱՆ ՖՐԱՆՍԱԿԱՆ ԿԱԶՄԱԿԵՐՊՈՒԹԻՒՆԸ ԱՆԹԻԼԻԱՍԻ ՄԷՋ

Շաբաթ, 1 Ապրիլ 2017-ի առաւօտուն, Ն.Ս.Օ.Տ.Տ. Արամ Ա. Վեհափառ Հայրապետը իր գրասենեակին մԷջ ընդունեց այցելութիւնը Միջին Արեւելքի քրիստոնէութեան զօրակցութեան ֆրանսական կազմակերպութիւնը ներկայացնող պատուիրակութիւն մը, որուն մաս կը կազմէին յիշեալ կազմակերպութեան Լիբանանի, Սուրիոյ եւ Իրաքի գրասենեակներու ներկայացուցիչները եւ Ֆրանսայի զանազան լրատուական օրկաններու թղթակիցները:   Վեհափառ Հայրապետը ընդհանուր գծերով ներկայացուց Միջին ԱրեւելքԷն ներս քրիստոնէութեան դիմագրաւած ներկայ մարտահրաւէրները,…

ՀԱՅ ՔԱՂԱՔԱԿԱՆ ԿՈՒՍԱԿՑՈՒԹԻՒՆՆԵՐՈՒ ՆԵՐԿԱՅԱՑՈՒՑԻՉՆԵՐԸ Կ’ԱՅՑԵԼԵՆ Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏԻՆ

Ուրբաթ, 31 Մարտ 2017-ի առաւօտուն, հայ քաղաքական երեք կուսակցութիւններու՝ ՍԴՀԿ-ի, ՌԱԿ-ի եւ ՀՅԴ-ի ներկայացուցիչներէն բաղկացած պատուիրակութիւն մը այցելեց Ն.Ս.Օ.Տ.Տ. Արամ Ա. Կաթողիկոսին եւ անոր հետ քննարկեց Հայոց Ցեղասպանութեան 102-ամեակի ոգեկոչման նախապատրաստութիւնները։ Պատուիրակութիւնը Վեհափառ Հայրապետին փոխանցեց Ապրիլ 24-ի առիթով տեղի ունենալիք կեդրոնական, միջկուսակցական ձեռնարկներուն իր պատկերացումը։ Ձեռնարկները պիտի ունենան համահայկական ու համալիբանանեան բնոյթ։ Հանդիպումը առիթ մը…

ԿԱԶՄԱԿԵՐՊՈՒԹԵԱՄԲ Հ.Հ.Հ.-Ի ԶՐՈՅՑ-ՀԱՆԴԻՊՈՒՄ ՆՇԱՆ ՏԷՐ ՅԱՐՈՒԹԻՒՆԵԱՆԻ ՀԵՏ

  Կազմակերպութեամբ Հայ Համալսարանաւարտներու Համախմբումին, Ուրբաթ, 24 Մարտ 2017-ի երեկոյեան ժամը 8։00-ին, Անթիլիասի Մայրավանքի «Կիլիկիա» Թանգարանի սրահին մէջ տեղի ունեցաւ հանդիպում-զրոյց մը արաբական աշխարհի հեռատեսիլի խօսնակ, լաբանանահայ հանրածանօթ դէմք՝ Նշան Տէր Յարութիւնեանի հետ, ուր ներկայ էին համախմբումի անդամներէն անկախ, նաեւ այլ համալսարանաւարտներ եւ համալսարանական երիտասարդ-երիտասարդուհիներ։             Բացման խօսքով հանդէս եկաւ Հ.Հ.Հ.-ի ատենապետ՝ Յակոբ Հանտեան, որ…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ԼԻԲԱՆԱՆԻ ԼԱՏԻՆ ՀԱՄԱՅՆՔԻ ՆՈՐ ՀՈԳԵՒՈՐ ՊԵՏԸ

Ուրբաթ, 24 Մարտ 2017-ի առաւօտուն, Ն.Ս.Օ.Տ.Տ. Արամ Ա. Վեհափառ Հայրապետին այցելեց Լիբանանի Լատին համայնքի նոր Առաջնորդ Տ. Սեզար Եպս. Եսայեան։ Հայկական ծագում ունեցող Լատին համայնքի հոգեւոր պետը ծառայած է Լիբանանի, Սուրիոյ, Թուրքիոյ եւ Իտալիոյ մէջ, քաջածանօթ է թէ՛ Կաթոլիկ եկեղեցւոյ եւ թէ՛ մեր եկեղեցւոյ պատմութեան։   Վեհափառ Հայրապետը ողջունելով իր նշանակումը, մաղթեց որ Լիբանանի հայութեան…

“ԷՐՏՈՂԱՆԸ ՓՈԽԱՆԱԿ ԵՒՐՈՊԱՅԻՆ ԴԱՍ ՏԱԼ ՓՈՐՁԵԼՈՒ, ՀԱՅ ԺՈՂՈՎՈՒՐԴԻՆ ԴԷՄ ԻՐ ՊԱՊԵՐՈՒՆ ԳՈՐԾԱԾ ՈՃԻՐԸ ԹՈՂ ԸՆԴՈՒՆԻ”   ԱՐԱՄ Ա. ԿԱԹՈՂԻԿՈՍ

    Այս բառերով ողջունեց Վեհափառ Հայրապետը երէկ գիշեր իրեն այցելող խումբ մը լիբանանցի արուեստագէտ-արուեստագիտուհիները, որոնք յառաջիկայ Ապրիլ 24-ին առիթով Պիպլոսի մէջ պիտի ցուցադրեն Հայոց Ցեղասպանութեան նուիրուած իրենց գեղանկարները։ Սոյն ծրագիրը կազմակերպուած է Թէքէեան Մշակութային Միութեան կողմէ, եւ անոր նպատակն է արուեստի ճամբով օտարներուն ծանօթացնել Հայոց Ցեղասպանութիւնը։   Իր խօսքին մէջ Վեհափառ Հայրապետը գնահատելով լիբանանցի…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ՄԻՋԻՆՔԻ ԱՌԻԹՈՎ Ս. ՆՇԱՆ ՄԱՅՐ ԵԿԵՂԵՑՒՈՅ ՄԷՋ

Երկար տարիներու աւանդութեան համաձայն, այս տարի եւս Միջինքի առիթով Ն.Ս.Օ.Տ.Տ. Արամ Ա. Կաթողիկոս Լիբանանի Թեմի Ս. Նշան Մայր Եկեղեցւոյ մէջ նախագահեց Արեւագալի արարողութեան, որուն իրենց մասնակցութիւնը բերին Մեծի Տանն Կիլիկիոյ Կաթողիկոսութեան Դպրեվանքի սաները: Արարողութեան հաւատացեալներու բազմութեան կողքին ներկայ էին նաեւ հայկական վարժարաններու ուսանողներ: Նորին Սրբութիւնը ողջունելէ ետք Լիբանանի Հայոց Թեմի Առաջնորդ Սրբազանն ու Թեմի Ազգային…

ՀԱՅ ԵԿԵՂԵՑՒՈՅ ՍՈՒՐԲ ԵՒ ԱՆՄԱՀ ՊԱՏԱՐԱԳԸ ԹԵՄԱՅՈՎ ՀԱՄԱԳՈՒՄԱՐ ԱՆԹԻԼԻԱՍԻ ՄԱՅՐԱՎԱՆՔԷՆ ՆԵՐՍ

Հայ Եկեղեցւոյ առանցքը կը կազմէ Սուրբ եւ Անմահ Պատարագը։ Ս. Պատարագի ճամբով հաւատացեալները մասնակից կը դարնան Քրիստոսի բանաւոր պատարագին: Ս. Պատարագի իւրաքանչիւր աղօթքն ու շարժումը ունի իր իմաստն ու բացատրութիւնը, որուն մեկնութիւնն ու իմաստը պէտք է փոխանցուի հաւատացեալ ժողովուրդին: Բարձր հովանաւորութեամբ Ն.Ս.Օ.Տ.Տ. Արամ Ա. Վեհափառ Հայրապետին եւ կազմակերպութեամբ Մեծի Տանն Կիլիկիոյ Կաթողիկոսութեան Քրիստոնէական Դաստիարակութեան Բաժանմունքին,…

ԱՆԹԻԼԻԱՍԸ ՄԻՋԻՆ ԱՐԵՒԵԼՔԻ ՔՐԻՍՏՈՆԵԱՆԵՐՈՒ ՀԱՄԱԽՄԲՈՒՄԻ ԿԵԴՐՈՆ

«ՀԱՐԿ Է ՄԻՋԻՆ ԱՐԵՒԵԼՔԷՆ ՆԵՐՍ ՄԻՋ-ՔՐԻՍՏՈՆԷԱԿԱՆ ԳՈՐԾԱԿՑՈՒԹԵԱՆ   ՆՈՐ ԾԱՒԱԼ ՏԱԼ՝ ՄԻԱՍՆԱԲԱՐ ԴԻՄԱԳՐԱՒԵԼՈՒ ՆՈՐ ԺԱՄԱՆԱԿՆԵՐՈՒ ՏԱԳՆԱՊՆԵՐԸ» Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ   Շաբաթ, 18 Մարտ 2017-ի առաւօտուն, Անթիլիասի Մայրավանքէն ներս տեղի ունեցաւ Միջին Արեւելքի Քրիստոնեայ Համայնքներու Համախմբումի Խորհուրդին տարեկան հանդիպումը։ Հանդիպումին ներկայ էին աւելի քան 40 հոգեւորական թէ աշխարհական պատուիրակներ՝ Միջին Արեւելքի զանազան երկիրներէն, ինչպէս նաեւ…

ՄԻՋԻՆ ԱՐԵՒԵԼՔԻ ՀԱՄԱՔՐԻՍՏՈՆԷԱԿԱՆ ՀԱՆԴԻՊՈՒՄ ԱՆԹԻԼԻԱՍԻ ՄԱՅՐԱՎԱՆՔԷՆ ՆԵՐՍ

Շաբաթ, 18 Մարտ 2017-ին, Անթիլիասի Մայրավանքէն ներս տեղի պիտի ունենայ Միջին Արեւելքի քրիստոնեայ համայնքներու ներկայացուցիչներու հանդիպում՝ մասնակցութեամբ շուրջ 50 պատուիրակներու: Յիշեալ յանձնախումբը կազմուած է հինգ տարիներ առաջ եւ անոր կը մասնակցին Միջին Արեւելքի քրիստոնեայ համայնքներու ներկայացուցիչներ՝ թէ՛ կրօնական եւ թէ՛ աշխարհական: Յանձնախումբին նպատակը գործակցութիւն յառաջացնել է քրիստոնեայ համայնքներու միջեւ: Անթիլիասի Մայրավանքին մէջ տեղի ունենալիք համագումարին…

ՄԻՋ-ՀԱՄԱՅՆՔԱՅԻՆ ԳՈՐԾԱԿՑՈՒԹԻՒՆԸ ԱՄՐԱՊՆԴՈՂ ՅԱՆՁՆԱԽՈՒՄԲԻ ԱՅՑԵԼՈՒԹԻՒՆԸ ԱՆԹԻԼԻԱՍԻ ՄԱՅՐԱՎԱՆՔ

   Քաղաքացիական շարժումը նոր ընթացք եւ լայն արձագանգ սկսած է գտնել բոլոր ընկերութիւններու կեանքէն ներս: Վերջին տարիներուն յիշեալ շարժումը զանազան արտայայտութիւններ սկսած է ունենալ Լիբանանի բոլոր շրջաններէն ներս, որոնց նպատակը մէկ կողմէ ժողովրդային բողոքը աւելի ազդու դարձնելն է՝ ժողովուրդի առօրեայ կեանքին հետ կապ ունեցող հարցերու գծով, եւ միւս կողմէ միջ-կրօնական ու միջ-համայնքային գործակցութիւնն ու գոյակցութիւնը…

ՖՐԱՆՍԱՅԻ «ՀԱՅԱՍՏԱՆ» ՀԻՄՆԱԴՐԱՄԻ ՆԱԽԱԳԱՀԸ ԱՅՑԵԼԵՑ ԱՐԱՄ Ա. ԿԱԹՈՂԻԿՈՍԻՆ

         Շաբաթ առաւօտուն Ն.Ս.Օ.Տ.Տ. Արամ Ա. Վեհափառ Հայրապետը ընդունեց այցելութիւնը Ֆրանսայի «Հայաստան» Հիմնադրամի Յանձնախումբի Նախագահ՝ Պետրոս Թէրզեանի: Այցելութեան հիմնական նպատակն էր խորհրդակցիլ Սուրիոյ հայութեան վերականգնումի աշխատանքներուն մասին:            Ինչպէս ծանօթ է մեր ժողովուրդի զաւակներուն, Սուրբ Ծննդեան աւետաբեր տօնին առիթով, Վեհափառ Հայրապետը հովուապետական այցելութիւն տուած էր Հալէպ, եւ այդ առիթով վերականգնումի կոչ…

Avec la réclamation du Catholicossat de Sis, la Cause arménienne entre dans la sphère juridique

“ԿԸ ՄՆԱՆՔ ՄԻՇՏ ԶՕՐԱԿԻՑ ՂԱՐԱԲԱՂԻ ԱՆԿԱԽՈՒԹԵԱՆ ՈՒ ՄԱՍՆԱԿԻՑ ԱՆՈՐ ՀԶՕՐԱՑՄԱՆ” Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ

Այս առաւօտ Ղարաբաղի նախագահ Մեծարգոյ Տիար Բակօ Սահակեանի հետ հեռաձայնային խօսակցութեան ընթացքին, Վեհափառ Հայրապետը իր գոհունակութիւնը յայտնեց որ Մեծի Տանն Կիլիկիոյ Կաթողիկոսութեան նախաձեռնութեամբ եւ ֆինանսաւորումով Մարտակերտի շրջանին մէջ կառուցուած “Նոր Կիլիկիա” գիւղի 15 բնակարաններ արդէն իսկ յանձնուած են ընտանիքներու։ Վեհափառ Հայրապետը յատկապէս իր ուրախութիւնը յայտնեց, որ յիշեալ բնակարանները տրամադրուած են Մարտակերտի շրջանի Կիջան եւ Նոր…

Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏԸ Կ’ԸՆԴՈՒՆԻ ՎԱՉԷ ՊՈՒԼՂՈՒՐՃԵԱՆԸ

    Շաբաթ 25 Փետրուարին, Ն.Ս.Օ.Տ.Տ. Արամ Ա. Վեհափառ Հայրապետը իր գրասենեակին մէջ ընդունեց Վաչէ Պուլղուրճեանը, իր քրոջ՝ Սալբիի ընկերակցութեամբ։ Վաչէն զաւակն է Կաթողիկոսարանի բարեկամ ու բարերար հանգուցեալ Մելքոն եւ Անահիտ Պուլղուրճեանին։ Ան Նիւ Եորքի համալսարանէն շրջանաւարտ է, մասնագիտանալով նկարահանումի արուեստին մէջ։   Վաչէ Պուլղուրճեան Վեհափառ Հայրապետին ներկայացուց իր անդրանիկ ֆիլմը՝ “Թրամոնթան” անունով. որուն հերոսը…

ՔՈՒԷՅԹԻ ԵՒ ՇՐՋԱԿԱՅԻՑ ԱՌԱՋՆՈՐԴ՝ ՄԱՍԻՍ Ծ. ՎՐԴ. ԵՒ ԱԶԳԱՅԻՆ ԻՇԽԱՆՈՒԹԵԱՆ ՆԵՐԿԱՅԱՑՈՒՑԻՆԵՐԸ ԱՅՑԵԼԵՑԻՆ ՎԵՀԱՓԱՌ ՀԱՅՐԱՊԵՏԻՆ

           Հինգշաբթի, 2 Մարտ 2017-ի առաւօտուն, Անթիլիասի Մայրավանք այցելելով, Քուէյթի եւ շրջակայից առաջնորդ՝ Գերպ. Տ. Մասիս Ծ. Վրդ. Զօպուեան եւ Ազգային Իշխանութեան ներկայացուցիչները աշխատանքային հանդիպում մը ունեցան Ն.Ս.Օ.Տ.Տ. Արամ Ա. Կաթողիկոսին հետ։ Հանդիպման ընթացքին լայնօրէն քննարկուեցան Թեմին առնչուած շարք մը հարցեր ու ծրագիրներ։          Յատուկ քննարկումի նիւթ դարձաւ Քուէյթի մէջ շինութեան…

ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԻՒՆԸ ԿԸ ՄԱՍՆԱԿՑԻ ԵԳԻՊՏՈՍԻ ՍԻՒՆՆԻ ՀԱՄԱՅՆՔԻ ՀՈԳԵՒՈՐ ԿԵԴՐՈՆԻՆ ԵՒ ԱԼ-ԱԶՀԱՐ ՀԱՄԱԼՍԱՐԱՆԻՆ ԿԱԶՄԱԿԵՐՊԱԾ ՄԻՋԱԶԳԱՅԻՆ ՀԱՄԱԳՈՒՄԱՐԻՆ

Կազմակերպութեամբ Եգիպտոսի Սիւննի համայնքի հոգեւոր կեդրոնին եւ Ալ-Ազհար Համալսարանին, 28 Փետրուարէն 2 Մարտ 2017-ին, Գահիրէի մէջ տեղի ունեցաւ միջազգային համագումար մը «Ազատութիւն, Քաղաքացիութիւն, Բազմազանութիւն եւ Ամբողջականութիւն» խորագրով:   Համագումարին հրաւիրուած էին զանազան երկիրներէ քրիստոնեայ եւ իսլամ հոգեւոր պետեր, Միջին Արեւելքի երկիրներու նախագահներու եւ թագաւորներու ներկայացուցիչներ, նախարարներ, երեսփոխաններ, միջազգային կազմակերպութիւններու բարձրաստիճան ներկայացուցիչներ։   Սոյն համագումարին իր…

ԴԵՍՊԱՆ ՄԻՔԱՅԷԼ ՄԻՆԱՍԵԱՆ ԱՆԹԻԼԻԱՍԻ ՄԱՅՐԱՎԱՆՔԷՆ ՆԵՐՍ

Անթիլիասի Մայրավանք այցելեց Վատիկանի մօտ Հայաստանի Հանրապետութեան Դեսպան՝ Միքայէլ Մինասեան, որուն կ՚ընկերանար դեսպանատան առաջին խորհրդական՝ Վարդան Կարապետեան։             Հիւրերը շրջեցան Անթիլիասի Մայրավանքի զանազան բաժանմունքները եւ Պիքֆայայի Սուրբ Աստուածածին Վանքը եւ մօտէն ծանօթացան թէ՛ Կաթողիկոսարանի եւ թէ՛ Դպրեվանքի առաքելութեան։ Անոնք իրենց երկօրեայ կեցութեան ընթացքին այցելեցին Մայրավանքի «Կիլիկիա» Թանգարանը եւ Թռչնոց Բոյնի Հայոց Ցեղասպանութեան Որբերու «Արամ Պէզիքեան»…

ՔԱՌԱՍՆՕՐԵԱՅ ՊԱՀԵՑՈՂՈՒԹԵԱՆ ԱՐԱՐՈՂՈՒԹԻՒՆՆԵՐԸ ԱՆԹԻԼԻԱՍԻ ՄԱՅՐ ՏԱՃԱՐԻՆ ՄԷՋ

        Հայ Եկեղեցւոյ հայրապետներուն կողմէ քառասնօրեայ պահեցողութիւնը բնորոշուած է որպէս «պարիսպ հզօր» եւ «դուռն ամուր», որուն ընթացքին իւրաքանչիւր քրիստոնեայ անհատ ինքնավերլուծութեան եւ ինքնազրկումի կ’ենթարկէ իր անձը, հոգեպէս կ’ամրապնդուի՝ պատրաստ դիմաւորելու մեր Տիրոջ Յիսուս Քրիստոսի հրաշափառ Յարութիւնը: Մեծ Պահքի քառասնօրեայ այս ժամանակաշրջանը լաւագոյն առիթն է հոգեմտաւոր արժէքներով սնուցանելու մեր հոգիները, եւ նոյն այս…

ԲՈՒՆ ԲԱՐԵԿԵՆԴԱՆԻՆ ՎԵՀԱՓԱՌ ՀԱՅՐԱՊԵՏԸ ԸՆԴՈՒՆԵՑ ԿԻՐԱԿՆՕՐԵԱՅԻ ՓՈՔՐԻԿՆԵՐԸ

Կիրակի, 26 Փետրուար 2017-ին, Անթիլիասի Սուրբ Գրիգոր Լուսաւորիչ Մայր Տաճարին մէջ նշուեցաւ Բուն Բարեկենդանի տօնը։ Սուրբ եւ Անմահ Պատարագէն ետք, Սուրբ Աթոռոյս Գահակալ՝ Ն.Ս.Օ.Տ.Տ. Արամ Ա. Վեհափառ Հայրապետը Վեհարանի դահլիճին մէջ ընդունեց Մայրավանքի Կիրակնօրեայ Վարժարանի փոքրիկները, որոնք Նորին Սրբութեան ներկայացան ծպտուած ու դիմակաւորուած։ Նորին Սրբութիւնը իր գնահատական խօսքին մէջ գնահատեց Կիրակնօրեայ Վարժարան յաճախող մանուկներն ու…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ԱՅՑԵԼՈՒԹԻՒՆԸ ՓՐՕՖԷՍՕՐ ՐԻՉԸՐՏ ՅՈՎՀԱՆՆԷՍԵԱՆԻՆ

Շաբաթ առաւօտ, 25 Փետրուար 2017-ին, Ն.Ս.Օ.Տ.Տ. Արամ Ա. Հայրապետը Մայրավանքի իր գրասենեակին մէջ ընդունեց այցելութիւնը Լոս Անճելըսէն ժամանած Փրօֆ. Րիչըրտ Յովհաննէսեանին։ Փրօֆէսօրը հանրածանօթ հեղինակ է ցեղասպանութեան եւ ժամանակակից հայոց պատմութեան առնչուած նիւթերը քննարկող բազմաթիւ հատորներու։ Ան նաեւ տասնամեակներէ ի վեր դասախօս է «UCLA» համալսարանէն ներս։ ​Այցելութեան ընթացքին Փրօֆէսօր Րիչըրտին ընկերացած էր Թէքէեան Մշակութային Միութեան Վարչութիւնը։…

ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԻՒՆԸ ԿԸ ՄԱՍՆԱԿՑԻ ՊԱՂԵՍՏԻՆԻ ՆՈՒԻՐՒԱԾ ՄԻՋԱԶԳԱՅԻՆ 6-ՐԴ ՀԱՄԱԳՈՒՄԱՐԻՆ

Կազմակերպութեամբ Իրանի Իսլամական Հանրապետութեան Խորհրդարանի եւ հովանաւորութեամբ Իսլամական Յեղափոխութեան հոգեւոր առաջնորդ Այաթոլլահ Ալի Խամենէի, 21-22 փետրուար 2017-ին Թեհրանի մէջ տեղի ունեցաւ Պաղեստինի նուիրուած միջազգային 6-րդ համագումար, ի զօրակցութիւն Պաղեստինեան արդար դատի եւ Պաղեստինցի ազնիւ, մարտնչող ու իրաւազրկուած ժողովուրդին:               Համագումարին հրաւիրուած էին բարեկամ երկրներու խորհրդարանի նախագահներ, նախարարներ ու երեսփոխաններ, Պաղեստինեան գլխաւոր կազմակերպութիւններու բարձրաստիճան պատասխանատուներ,…

«ԱԶԳ ՄԸ ԿԸ ՀԶՕՐԱՆԱՅ ՈՒ ԿԸ ՅԱՒԵՐԺԱՆԱՅ ԵՐԲ ԳԻՏԷ ՈՒ ՔԱՋՈՒԹԻՒՆԸ ՈՒՆԻ ԻՐ ՀԱՒԱՔԱԿԱՆ «ՈՉ»Ը ԵՒ «ԱՅՈ»Ն ԸՍԵԼ» Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ

«Ազգ մը կը հզօրանայ երբ իմաստութիւնը ունի ժողովուրդին ու հայրենիքին գերագոյն շահերուն շուրջ համախմբուելու»։ Այսպէ՛ս պատգամեց Ն.Ս.Օ.Տ.Տ. Արամ Ա. Կաթողիկոս Պուրճ Համմուտի Սրբոց Վարդանանց եկեղեցւոյ խորանէն, եկեղեցւոյ մէջ ու եկեղեցւոյ շուրջ համախմբուած բազմահազար հայորդիներու ներկայութեան։   Այս տարի ընդառաջելով Լիբանանի Թեմի Առաջնորդ՝ Գերշ. Տ. Շահէ Եպս. Փանոսեանի եւ Ազգային Իշխանութեան հրաւէրին, Հինգշաբթի, 23 Փետրուար 2017-ին,…

ՍՐԲՈՑ ՂԵՒՈՆԴԵԱՆՑ ՔԱՀԱՆԱՅԻՑ ՏՕՆԸ ԱՆԹԻԼԻԱՍԻ ՄԱՅՐԱՎԱՆՔԷՆ ՆԵՐՍ

Տարիներու աւանդութեան համաձայն Երեքշաբթի, 21 Փետրուար 2017-ի առաւօտուն, Անթիլիասի Ս. Գրիգոր Լուսաւորիչ Մայր Տաճարին մէջ, մասնակցութեամբ վանաբնակ Միաբաններու եւ Լիբանանի Հայոց Թեմի քահանայից դասուն, կատարուեցան Գիշերային եւ Առաւօտեան զոյգ ժամերգութիւնները: Աղօթասացութենէն անմիջապէս ետք, Անթիլիասի «Կիլիկիա» թանգարանի սրահէն ներս տեղի ունեցաւ հոգեւորականներուն կոչումը լուսարձակի տակ առնող համագումար, որուն իրենց մասնակցութիւնը բերին Լիբանանի Հայոց Թեմի քահանայից դասը,…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԸ ԸՆԴՈՒՆԵՑ «ԱՐԵՒԵԼՔԻ ՔՐԻՍՏՈՆԵԱՆԵՐԸ» ԿԱԶՄԱԿԵՐՊՈՒԹԵԱՆ ՆԵՐԿԱՅԱՑՈՒՑԻՉԸ

    Երեքշաբթի, 21 Փետրուար 2017-ի առաւօտուն, Ն.Ս.Օ.Տ.Տ. Արամ Ա. Վեհափառ Հայրապետին այցելեց «Արեւելքի Քրիստոնեաները» Ֆրանսական կազմակերպութեան Միջին Արեւելքի տնօրէնը՝ խորհրդակցութիւն ունենալու ընդհանրապէս քրիստոնէական ներկայութեան առնչուած խնդիրներու ու յատկապէս Լիբանանի եւ Սուրիոյ մէջ հայ համայնքին դիմագրաւած դժուարութիւններու գծով։   Տասնամեակներ առաջ հաստատուած յիշեալ մարդասիրական կազմակերպութեան նպատակն է օգտակար հանդիսանալ Միջին Արեւելքի քրիստոնեայ համայնքներու ծրագիրներուն՝ շրջանէն…

ՆՈՐ ՀՐԱՏԱՐԱԿՈՒԹԻՒՆ

Մեր սիրելի ընթերցողներուն ուշադրութեան կ’ուզենք յանձնել, որ Մեծի Տանն Կիլիկիոյ Կաթողիկոսութեան Կրօնական եւ Դաստիարակչական Հրատարակութիւններու Բաժանմունքը հրատարակեց «Բուն Բարեկենդանի, Մեծ Պահոց եւ Ծաղկազարդի Կիրակիները» խորագիրը կրող նոր գիրք մը։   Գիրքը պատրաստեց Բաժանմունքի Վարիչ՝ Գերպ. Տ. Վաղինակ Ծ. Վրդ. Մելոյեան։  

ՀՈԳԵՀԱՆԳԻՍՏ ԵՐՋԱՆԿԱՅԻՇԱՏԱԿ ՀԱՅՐԱՊԵՏՆԵՐՈՒ ԵՒ ԼՈՒՍԱՀՈԳԻ ՄԻԱԲԱՆ ՀԱՅՐԵՐՈՒ ՀԱՄԱՐ

Մեծի Տանն Կիլիկիոյ Կաթողիկոսութիւնը, իր դարաւոր պատմութեան ընթացքին ունեցաւ բազմաթիւ անձնուէր հայրապետներ եւ անձնուրաց հոգեւորականներ, որոնք թէ՛ եկեղեցական, թէ՛ մշակութային եւ թէ՛ ազգային գանձանակին մէջ ձգեցին իրենց լուման՝ ի խնդիր Հայ ժողովուրդի բարգաւաճման ու ծաղկման: Այսօր նոյն այդ ծառայութեան առաքելութիւնն է որ կը շարունակէ Մեծի Տանն Կիլիկիոյ Կաթողիկսութիւնը՝ յաղթական հոգեւորականներուն պէս որպէս յաջորդ պատրաստելով Աստուծոյ,…

ՆՈՐ ՀՐԱՏԱՐԱԿՈՒԹԻՒՆ «ՄԵԿՆԱԲԱՆՈՒԹԵԱՆ ՊԱՏՄՈՒԹԻՒՆ»

            Մեծ ուրախութեամբ կը ծանուցենք, թէ լոյս տեսաւ Զարեհ Արք. Ազնաւորեանի «Մեկնաբանութեան Պատմութիւն»ը գործը, խմբագրութեամբ Գերպ. Տ. Վաղինակ Ծ. Վրդ. Մելոյեանի։ Գիրքը ունի երեք գլուխներ.-             Առաջին գլուխին մէջ կը ներկայացուի մեկնաբանութեան պատմութիւնը, մեկնութեան օրինակներ եւ տեսակներ Հին եւ Նոր Կտակարաններուն մէջ, եւ Քրիստոնէական Եկեղեցւոյ մեկնութիւնը առաջին չորս դարերուն։            …

ՀԵՀՈՄԱԿԱՆՆԵՐ ԱՐԱՄ Ա. ՎԵՀԱՓԱՌ ՀԱՅՐԱՊԵՏԻՆ ՀԵՏ

Շաբաթ, 11 Փետրուար 2017-ի երեկոյեան, Հայ Եկեղեցւոյ Համալսարանական Ուսանողներու Միութեան (ՀԵՀՈՄ) անդամները դարձեալ առիթը ունեցան հանդիպում ունենալու միութեան հովանաւորող եւ զօրավիգ Ն.Ս.Օ.Տ.Տ. Արամ Ա. Վեհափառ Հայրապետին հետ:   Միութեան հոգեւոր խորհրդատու Հոգշ. Տ. Զաւէն Աբղ. Նաճարեան իր բացման խօսքին մէջ ընդգծեց Նորին Սրբութեան երիտասարդութեան հանդէպ ունեցած յատուկ սէրն ու գնահատանքը եւ մանաւանդ իր սպասումը մեր…

ԱՆԹԻԼԻԱՍԻ ՄԱՅՐԱՎԱՆՔԷՆ ՆԵՐՍ ՀՈԾ ՀԱՒԱՏԱՑԵԱԼՆԵՐՈՒ ՆԵՐԿԱՅՈՒԹԵԱՄԲ ՆՇՈՒԵՑԱՒ ՏԵԱՌՆԸՆԴԱՌԱՋԻ ՆԱԽԱՏՕՆԱԿԸ

Տեառնընդառաջի տօնը Հայ ժողովուրդին ու մանաւանդ հայ ծնողներուն կեանքին մէջ յատուկ տեղ կը գրաւէ: Մեր ծնողները Մանուկ Յիսուսի տաճար ընծայման օրինակով իրենց մանուկները կը բերեն ընծայելու Աստուծոյ Սուրբ Խորանին: Երկուշաբթի, 13 Փետրուար 2017-ի երեկոյեան, Անթիլիասի Մայրավանքի Ս. Գրիգոր Լուսաւորիչ Մայր Տաճարին մէջ տեղի ունեցաւ Տեառնընդառաջի նախատօնակ, հանդիսապետութեամբ Ն.Ս.Օ.Տ.Տ. Արամ Ա. Վեհափառ Հայրապետին: Նախատօնակի արարողութեան ընթացքին,…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ «Ս. ՄԵՍՐՈՊ ՄԱՇՏՈՑ» ՇՔԱՆՇԱՆՈՎ ՊԱՐԳԵՒԱՏՐԵՑ ԱՐԱ ԱՐԾՐՈՒՆԻՆ

Կիրակի, 12 Փետրուար 2017-ին, յաւարտ Սուրբ եւ Անմահ Պատարագին Ն.Ս.Օ.Տ.Տ. Արամ Ա. Վեհափառ Հայրապետը, միաբան հայրերու, գրագէտ-մտաւորականներու, բարեկամներու եւ գրասէր հանրութեան ներկայութեան, Անթիլիասի Վեհարանի դահլիճին մէջ Մեծի Տանն Կիլիկիոյ Կաթողիկոսութեան «Ս. Մեսրոպ Մաշտոց» շքանշանով պարգեւատրեց երկար տարիներու վաստակ ունեցող մտաւորական, վիպագիր եւ թատերագիր Արա Արծրունին: Հանդիսութեան բացման խօսքը կատարեց Մեծի Տանն Կիլիկիոյ Կաթողիկոսութեան Կրթական-Հայագիտական Բաժանմունքի…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԱՅՑԵԼԵՑ ԹՌՉՆՈՑ ԲՈՅՆ ԵՒ ՈՐԲԵՐՈՒ ԹԱՆԳԱՐԱՆ

Երկուշաբթի, 6 Փետրուար 2017-ի առաւօտուն, Ն.Ս.Օ.Տ.Տ. Արամ Ա. Կաթողիկոս` ընկերակցութեամբ Հայոց Ցեղասպանութեան Որբերու «Արամ Պէզիքեան» Թանգարանի յանձնախումբի փոխ-ատենապետ՝ Հոգշ. Տ. Պետրոս Վրդ. Մանուէլեանի, այցելեց Որբերու Թանգարան ու մօտէն ծանօթացաւ այդտեղ տարուող աշխատանքներուն եւ անհրաժեշտ թելադրութիւններ կատարեց Թանգարանը աւելի զարգացնելու ու կազմակերպելու։ Թանգարանի հիմնադրութեան բարերարներն են Տէր եւ Տիկին Ալէքքօ եւ Անի Պէզիքեանները։ Թանգարանի յանձնախումբի ատենապետն…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ԼԻԲԱՆԱՆԵԱՆ ԲԱՆԱԿԻ ՍՊԱՅԱԿՈՅՏԻ ՊԵՏԸ

Հինգշաբթի, 2 Փետրուար 2017-ի առաւօտուն, Մայրավանքի իր գրասենեակին մէջ Ն.Ս.Օ.Տ.Տ. Արամ Ա. Վեհափառ Հայրապետ ընդունեց այցելութիւնը Լիբանանեան Բանակի Սպայակոյտի պետ՝ Զօրավար Հաթեմ Մալաքի: Զօրավարին կ’ընկերանային բանակային այլ բարձրաստիճան պատասխանատուներ: Շուրջ ժամ մը տեւող Հանդիպման ընթացքին, արծարծուեցան երկրին ապահովութեան առնչուած հարցեր: Վեհափառ Հայրապետը իր բարձր գնահատանքը յայտնեց Լիբանանեան բանակին, որ աջալուրջ կը հսկէ երկրի ապահովութեան, ինչպէս…

ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԻՒՆԸ ԿԸ ՄԱՍՆԱԿՑԻ ԿԱԹՈԼԻԿ ԵՒ ԱՐԵՒԵԼԵԱՆ ՈՒՂՂԱՓԱՌ ՈՉ ՔԱՂԿԵԴՈՆԱԿԱՆ ԵԿԵՂԵՑԻՆԵՐՈՒ ԱՍՏՈՒԱԾԱԲԱՆԱԿԱՆ ԵՐԿԽՕՍՈՒԹԵԱՆ

  21-28 Յունուարի 2017-ին Վատիկանի մէջ տեղի ունեցաւ Կաթոլիկ Եկեղեցւոյ եւ Արեւելեան Ուղղափառ ոչ քաղկեդոնական Եկեղեցիներու միջեւ Աստուածաբանական երկխօսութեան միացեալ ժողովին 14-րդ հանդիպումը: Արեւելեան ոչ քաղկեդոնական Եկեղեցիներու ընտանիքին ներկայացուցիչներն են՝ Անտիոքի Ասորի Եկեղեցին, Հայ Առաքելական Եկեղեցին, Ղպտի Ուղղափառ Եկեղեցին, Եթովպիոյ Ուղղափառ Եկեղեցին եւ Հնդիկ Ուղղափառ Եկեղեցին: Հանդիպումը կայացաւ Պապական Խորհուրդի Քրիստոնէական Միութեան Սատարող Բաժանմունքին մէջ:…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ Կ’ԸՆԴՈՒՆԻ ԱՅՑԵԼՈՒԹԻՒՆԸ ԼԻԲԱՆԱՆԻ ՄԷՋ ԳԵՐՄԱՆԻՈՅ ԴԵՍՊԱՆԻՆ

Երկուշաբթի, 30 Յունուար 2017-ի առաւօտուն, Ն.Ս.Օ.Տ.Տ. Արամ Ա. Կաթողիկոս Անթիլիասի իր գրասենեակին մէջ ընդունեց այցելութիւնը Լիբանանի մօտ Գերմանիոյ դեսպան՝ Մարթին Հութին:    Հանդիպման ընթացքին արծարծուեցաւ ընդհանրապէս Միջին Արեւելքի եւ յատկապէս Լիբանանի իրավիճակը: Դեսպանը նաեւ մօտէն հետաքրքրուեցաւ Նորին Սրբութեան Դամասկոս եւ Հալէպ կատարած այցելութիւններուն մասին:     Յայտնենք, որ Դեսպան Մարթին Հութ Գերմանիոյ Արտաքին Գործոց Նախարար…

ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԻՒՆԸ ԿԸ ՄԱՍՆԱԿՑԻ «ԿՐՕՆՆԵՐՈՒ ԴԵՐԸ ՀԱՄԱՇԽԱՐՀԱՅԻՆ ԽԱՂԱՂՈՒԹԵԱՆ ՀԱՍՏԱՏՄԱՆ ՄԷՋ» ՀԱՄԱԳՈՒՄԱՐԻՆ

Երեքշաբթի, 24 Յունուար 2017-ին, Սուրիոյ մայրաքաղաք Դամասկոսի մէջ տեղի ունեցաւ միջազգային համագումար մը, Միաստուածեան Կրօններու դերը համաշխարհային խաղաղութեան հաստատման մէջ» թեմայով: Համագումարը կազմակերպուած էր Սուրիոյ Կրօններու նախարարութեան «Աուկաֆ»ի եւ Սուրիոյ մէջ Իրանի Իսլամական Հանրապետութեան դեսպանատան Մշակութային բաժանմունքին կողմէ: Համագումարին իրենց մասնակցութիւնը բերին Լիբանանէն, Իրանէն, Իրաքէն եւ Սուրիայէն մտաւորականներ, կրօնական կազմակերպութիւններու ներկայացուցիչներ, ինչպէս նաեւ Իրանի Իրանական…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻ ՊԱՇՏՕՆԱԿԱՆ ԱՅՑԵԼՈՒՆԵՐԸ

Հինգշաբթի, 26 Յունուար 2017-ին, Ն.Ս.Օ.Տ.Տ. Արամ Ա. Վեհափառ Հայրապետը պաշտօնական այցելուներու շարքին յաջորդաբար ընդունեց.- * Լիբանանեան բանակի ընդհանուր հրամանատարը ներկայացնող պատուիրակութիւն մը՝ բաղկացած երկու ժեներալներէ եւ մէկ գնդապետէ, որոնք եկած էին իրենց բարեմաղթութիւնները ներկայացնելու Վեհափառ Հայրապետին։ Հանդիպումը կեդրոնացաւ առաւելաբար Լիբանանի ներքին ապահովութեան առնչուած հարցերու շուրջ։ * Ժպէյլի քաղաքապետը, որ եկած էր խորհրդակցելու Նորին Սրբութեան հետ…

ԼԻԲԱՆԱՆԻ ՀԱՅՈՑ ԹԵՄԻ ԱԶԳԱՅԻՆ ՎԱՐՉՈՒԹԻՒՆԸ ԱՅՑԵԼԵՑ Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻՆ

Երկուշաբթի, 23 Յունուարին, երեկոյեան ժամը 5:30-ին, Լիբանանի Հայոց Թեմի Առաջնորդ Շահէ Եպս. Փանոսեան եւ Լիբանանի Թեմի Ազգային վարչութիւնը այցելեցին Արամ Ա. Վեհափառ Հայրապետին։   Շուրջ մէկ ժամ տեւած հանդիպումին արծարծուեցան Լիբանանի Հայոց Թեմի անցնող տարուան աշխատանքները, ինչպէս նաեւ Ազգային Վարչութիւնը ներկայացուց իր յառաջիկայ ծրագիրները: Վեհափառ Հայրապետը գնահատեց թեմին ծաւալած գործունէութիւնը եւ այս իմաստով կատարեց նաեւ…

ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԻՒՆԸ ԿԸ ՄԱՍՆԱԿՑԻ ԾՈՑԻ ԵԿԵՂԵՑԻՆԵՐՈՒ ԽՈՐՀՈՒՐԴԻ ՏԱՐԵԿԱՆ ՀԱՆԴԻՊՈՒՄԻՆ

Երկուշաբթի, 16 Յունուար 2017-ին Ապու Տապիի Կաթողիկէ համայնքի կեդրոնէն ներս սկիզբ առաւ Ծոցի Եկեղեցիներու Խորհուրդի տարեկան հանդիպումը: Սոյն ժողովին իրենց մասնակցութիւնը բերին Ծոցի եկեղեցիներէն ներս պաշտօնապէս պետութեան կողմէ ճանաչում ունեցող եկեղեցիները՝ յատկապէս ոչ Քաղկեդոնական, Ուղղափառ, Աւետարանական եւ Անգլիքան եկեղեցիներու ընտանիքները: Երկու օրերու վրայ տարածուած ժողովներուն գլխաւոր նպատակն էր մօտէն ծանօթանալ եկեղեցիներու գործունէութեանց, անոնց դիմագրած դժուարութիւններուն…

ՄԵԾ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԻՒՆԸ ԿԸ ՄԱՍՆԱԿՑԻ ԵԿԵՂԵՑԻՆԵՐՈՒ ՄԻՈՒԹԵԱՆ ՆՈՒԻՐՈՒԱԾ ՄԻՋ-ԵԿԵՂԵՑԱԿԱՆ ԱՐԱՐՈՂՈՒԹԵԱՆ

              Տարիներու աւանդութեան համաձայն, բոլոր եկեղեցիները Յունուար ամսուան երրորդ շաբաթը նուիրած են եկեղեցիներու միութեան աղօթքի։ Այս տարի եւս, յատուկ արարողութիւններ եւ քարոզախօսութիւններ տեղի ունեցան, շեշտելու համար եկեղեցիներու միութեան հրամայականը:             Առ այդ, Հինգշաբթի, 19 Յունուար 2017-ին Լիբանանի մէջ եկեղեցիներու միութեան աղօթքի շաբթուան բացումը կատարուեցաւ Պէյրութի Մարոնիթներու «Սայիտէդ Ալ Ուահտէ» վանքին մէջ։ Միջ-եկեղեցական արարողութեանց ներկայ…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ԱՅՑԵԼՈՒԹԻՒՆԸ ՐԱԱՅԻ ՊԱՏՐԻԱՐՔԻՆ ՓՈԽԱՆՈՐԴԻՆ

Երկուշաբթի, 23 Յունուար 2017-ի առաւօտուն, Վեհափառ Հայրապետին այցելեց Մարոնիթ Պատրիարք Պշարա Րաաիին Փոխանորդ՝ Փօլ Սայյահ Արքեպիսկոպոսը։ Պատրիարքին անունով Փօլ Սայյահ Արք.ը իր բարեմաղթութիւնները ներկայացուց Նորին Սրբութեան Սուրբ Ծննդեան առիթով, նկատի ունենալով, որ Վեհափառ Հայրապետը այս տարի Ս. Ծննդեան տօնը նշած էր Հալէպի մէջ։ Ան ողջունեց Վեհափառ Հայրապետին այցելութիւնը Սուրիա, ի մասնաւորի Հալէպ՝ շեշտելով թէ նման…

ՄեԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԵԱՆ ԱԶԳԱՅԻՆ ԿԵԴՐՈՆԱԿԱՆ ՎԱՐՉՈՒԹԵԱՆ ԿՐՕՆԱԿԱՆ ԵՒ ՔԱՂԱՔԱԿԱՆ ԺՈՂՈՎՆԵՐՈՒ ՔՆՆԱՐԿՈՒՄՆԵՐՈՒՆ ԵՒ ՈՐՈՇՈՒՄՆԵՐՈՒՆ ԱՄՓՈՓ ՊԱՏԿԵՐԸ

18-20 Յունուար, 2017, Ն.Ս.Օ.Տ.Տ. Արամ Ա. Կաթողիկոսի նախագահութեամբ, Անթիլիասի Մայրավանքէն ներս գումարուեցան Մեծի Տանն Կիլիկիոյ Կաթողիկոսութեան Ազգային Կեդրոնական Վարչութեան Կրօնական եւ Քաղաքական Ժողովներու լիակատար նիստերը, մասնակցութեամբ զանազան թեմերէն յիշեալ մարմիններուն անդամ հոգեւորականներու եւ աշխարհականներու։ Կրօնական ու Քաղաքական Ժողովները ունեցան առանձին նիստեր եւ ընդհանրական բնոյթ ունեցող օրակարգային հարցերու գծով անոնք ունեցան նաեւ խառն հանդիպումներ։ Նիստերու ընթացքին…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ԱՒՍՏՐԱԼԻՈՅ ԵԿԵՂԵՑԻՆԵՐՈՒ ՆԱԽԱԳԱՀԸ

Շաբաթ, 21 Յունուար 2017-ի առաւօտուն, Ն.Ս.Օ.Տ.Տ. Արամ Ա. Վեհափառ Հայրապետը իր գրասենեակին մէջ ընդունեց Աւստրալիայէն Լիբանան ժամանած եկեղեցական պատուիրակութիւն մը՝ գլխաւորոութեամբ Աւստրալիոյ Միացեալ Եկեղեցւոյ Նախագահ՝ Վերապատուելի Սդուարդ Մագմիլլանի։ Պատուիրակութեան մաս կը կազմէին նաեւ Հայ Աւետարանական Եկեղեցիներու Համաշխարհային Խորհուրդի Նախագահ՝ Վեր. Մկրտիչ Գարակէօզեան։ Հանդիպումը առիթ մը հանդիսացաւ, առաջին հերթին, անդրադառնալու քրիստոնէական աշխարհը յուզող ընդհանրական հարցերու ու…

ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԵԱՆ ՄԱՍՆԱԿՑՈՒԹԻՒՆԸ ՄԱԵԽ-Ի ԳՈՐԾԱԴԻՐ ՎԱՐՉՈՒԹԵԱՆ ԺՈՂՈՎԻՆ

           16-17 Յունուար 2017-ին, Միջին Արեւելքի Եկեղեցիներու Խորհուրդի Գործադիր Վարչութեան ժողովը իր անդրանիկ նիստը գումարեց Լիբանանի Աւետարանական Եկեղեցւոյ դահլիճին մէջ, որուն յանուն Մեծի Տանն Կիլիկիոյ Կաթողիկոսութեան մասնակցեցան, Թեհրանի Հայոց Թեմի Առաջնորդ՝ Գերշ. Տ. Սեպուհ Արք. Սարգիսեան եւ Դոկտ. Ժան Սալմանեան։                      Ժողովականները…

ՆՈՐ ՀՐԱՏԱՐԱԿՈՒԹԻՒՆ «ՎԿԱՅԱՐԱՆ ՀԱՅԿԱԿԱՆ ՑԵՂԱՍՊԱՆՈՒԹԵԱՆ»

  Մեծի Տանն Կիլիկիոյ Կաթողիկոսութեան տպարանէն լոյս տեսաւ Ռիչըրտ եւ Թինա Գարոլան Հրատարակչական Հիմնադրամի թիւ 19-ը հատորը՝ «Վկայարան Հայկական Ցեղասպանութեան» (Գիրք Զ.), Անթիլիաս, 2016, 320 էջ։             Սոյն հատորը շարունակութիւնն է նոյն խորագիրը կրող մատենաշարի նախորդ 5 հատորներուն: Հեղինակը հաւատարիմ մնացած է իր իսկ ստեղծած աւանդոյթին՝ ընթերցողին ներկայացնել Հայաստանի, Կիլիկիոյ, Օսմանեան կայսրութեան եւ այլ վայրերու…

ԱԶԳԱՅԻՆ ԿԵԴՐՈՆԱԿԱՆ ՎԱՐՉՈՒԹԵԱՆ ԿՐՕՆԱԿԱՆ ՈՒ ՔԱՂԱՔԱԿԱՆ ԺՈՂՈՎՆԵՐՈՒ ՆԻՍՏԵՐ ԱՆԹԻԼԻԱՍԻ ՄԱՅՐԱՎԱՆՔԷՆ ՆԵՐՍ

  Ն.Ս.Օ.Տ.Տ. Արամ Ա. Կաթողիկոսի նախագահութեամբ յառաջիկայ օրերուն Անթիլիասի Մայրավանքէն ներս յաջորդաբար տեղի պիտի ունենան Մեծի Տանն Կիլիկիոյ Կաթողիկոսութեան Ազգային Կեդրոնական Վարչութեան Կրօնական ու Քաղաքական Ժողովներու լիակատար նիստեր։             Մեծի Տանն Կիլիկիոյ Կաթողիկոսութեան Կանոնագրութեան համաձայն Կրօնական Ժողովը պիտի քննարկէ Կաթողիկոսութեան առաքելութեան առնչուած կրօնական բնոյթ ունեցող աշխատանքներ ու ծրագիրներ. իսկ Քաղաքական Ժողովը՝ տնտեսական, վարչական, շինարարական եւ…

ՀԱՅԱՍՏԱՆԻ ԴԵՍՊԱՆԸ ԱՅՑԵԼԵՑ ՎԵՀԱՓԱՌ ՀԱՅՐԱՊԵՏԻՆ

Շաբաթ, 14 Յունուար 2017-ի առաւօտուն, Ն.Ս.Օ.Տ.Տ. Արամ Ա. Կաթողիկոս իր գրասենեակին մէջ ընդունեց այցելութիւնը Լիբանանի մօտ Հայաստանի Հանրապետութեան Դեսպան՝ Սամուէլ Մկրտչեանին։             Հանդիպումը առիթ մը եղաւ ընդհանուր անդրադարձ մը կատարելու Ս. Ծննդեան շրջանին Վեհափառ Հայրապետին Հալէպ կատարած այցելութեան, ինչպէս նաեւ վերջին շրջանին Ղարաբաղի սահմաններուն վրայ տիրող ընդհանուր կացութեան մասին։   

ԱՐԱՄ Ա. ՎԵՀԱՓԱՌ ՀԱՅՐԱՊԵՏԸ ԸՆԴՈՒՆԵՑ ԱՅՑԵԼՈՒԹԻՒՆԸ ՀԱՅ ԿԱԹՈՂԻԿԷ ԳՐԻԳՈՐ ՊԵՏՐՈՍ Ի. ՊԱՏՐԻԱՐՔԻՆ

Շաբաթ, 14 Յունուար 2017-ի առաւօտուն Վեհափառ Հայրապետին այցելեց Հայ Կաթողիկէ Համայնքի Հոգեւոր Տէրը: Հանդիպման ներկայ էին Գերշ. Տ. Սեպուհ Արք. Սարգիսեան՝ Առաջնորդ Թեհրանի Հայոց Թեմի, Գերշ. Տ. Շահան Արք. Սարգիսեան՝ Առաջնորդ Բերիոյ Հայոց Թեմի, Գերպ. Տ. Թորգոմ Ծ. Վրդ. Տօնոյեան եւ Հոգեւոր Տիրոջ ընկերացող չորս բարձրաստիճան հոգեւորականներ:             Հոգեւոր Տէրը յատուկ պատուիրակութեամբ մը եկած էր…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ՊԱՊԱԿԱՆ ՆՈՒԻՐԱԿԸ

    Ուրբաթ, 13 Յունուար 2017-ի առաւօտուն, Ն.Ս.Օ.Տ.Տ. Արամ Ա. Վեհափառ Հայրապետը ընդունեց Լիբանանի մօտ Պապական Նուիրակ Կապրիէլ Գաչեայ Եպիսկոպոսը: Պապական Նուիրակը եկած էր Ն.Ս. Ֆրանսիս Պապին անունով Վեհափառ Հայրապետին Նոր Տարին եւ Ս. Ծնունդը շնորհաւորելու եւ յանձնելու Պապին շնորհաւորագիրը։ Հանդիպումը առիթ մը եղաւ անդրադառնալու յատկապէս Սուրիոյ ու Լիբանանի ներկայ կացութեան առնչուած շարք մը հարցերուն՝…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԻՐ ՑԱՒԱԿՑՈՒԹԻՒՆԸ ՅԱՅՏՆԵՑ ԻՐԱՆԻ ԻՍԼԱՄԱԿԱՆ ՀԱՆՐԱՊԵՏՈՒԹԵԱՆ ՆԱԽԱԳԱՀ ՀԱՍԱՆ ՌՈՀԱՆԻԻՆ

  Ն.Ս.Օ.Տ.Տ. Արամ Ա. Կաթողիկոս Իրանի Իսլամական Հանրապետութեան նախագահ՝ Հասան Ռոհանիի իր յղած նամակով ցաւակցութիւն յայտնեց Հանրապետութեան նախկին նախագահ՝ Ալի Աքպար Հէշէմի Ռաֆսանջանիի մահուան տխուր առիթով: Նորին Սրբութիւնը իր ցաւակցագիրին մէջ յիշելէ ետք իր ունեցած երկու հանդիպումները հանգուցեալին հետ, շեշտեց, թէ Ռաֆսանջանի կարեւոր ներդրում բերած է Իրանի Հարնապետութեան յառաջդիմութեան եւ միջազգային յարաբերութեան զարգացման մէջ: Յայտնենք,…

ԱՐԱՄ Ա. ԿԱԹՈՂԻԿՈՍ ՀԱԼԷՊԻ ՄԷՋ ԸՆԴՈՒՆԵՑ ՔԱՂԱՔԱԿԱՆ ԵՒ ՀՈԳԵՒՈՐԱԿԱՆ ԲԱՐՁՐԱՍՏԻՃԱՆ ԴԷՄՔԵՐ

              Ն.Ս.Օ.Տ.Տ. Արամ Ա. Կաթողիկոս Հալէպ իր կեցութեան ընթացքին հերթաբար ընդունեց քաղաքական եւ հոգեւորական բարձրաստիճան դէմքեր եւ ներկայացուցիչներ։             Ա) Սուրիոյ խորհրդարանի Հալէպի բոլոր երեսփոխանները, որոնք եկած էին շնորհաւորելու Վեհափառ Հայրապետը՝ Սուրիոյ Նախագահ՝ Պաշշար Ալ Ասատին հետ Դամասկոսի մէջ իր ունեցած հանդիպումին համար։ Յայտնեք, որ Սուրիոյ մէջ յատուկ ուշադրութեամբ ողջունուեցաւ Արամ Ա. Կաթողիկոսին այցելութիւնը…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ՀԱԼԷՊԻ ԱՒԵՐԱԿՆԵՐՈՒՆ ՄԷՋԷՆ ՎԵՐԱՆՈՐՈԳ ՅՈՅՍԻ ՊԱՏԳԱՄԸ ՅՂԵՑ ՄԵՐ ԺՈՂՈՎՈՒՐԴԻՆ

«Հալէպի մէջ պարզուած քանդումի տեսարանը ահաւոր է։ Կարելի չէ՛ այս դառն իրականութիւնը բառերով արտայայտել կամ պատկերացնել։ Կարծէք Համաշխարհային երկրորդ պատերազմին Պեռլինի պարզած տեսարանն է, որ սա օրերուն մեր աչքերուն դիմաց կը պարզուի»։ Այսպէ՛ս յայտարարեց Ն.Ս.Օ.Տ.Տ. Արամ Ա. Սրբազնագոյն Կաթողիկոս Հալէպի աւերակներուն վրայէն։ Ընկերակցութեամբ՝ Հալէպի Նահանգապետին, Կուսակցապետին, քաղաքական ու զինուորական պատասխանատուներուն, Առաջնորդ Սրբազանին, իր շքախումբի անդամներուն…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ՍՈՒՐԻԱՀԱՅՈՒԹԵԱՆ ՎԵՐԱԿԱՆԳՆՈՒՄԻ ԿՈՉ ՈՒՂԵՑ ՀԱԼԷՊԷՆ

Ուրբաթ, 6 Յունուար 2017-ի երեկոյեան, Ն.Ս.Օ.Տ.Տ. Արամ Ա. Կաթողիկոսի նախագահութեամբ, Հալէպի Ազգային Առաջնորդարանէն ներս գումարուեցաւ Բերիոյ Հայոց Թեմի Ազգային Երեսփոխանական ժողովը, ներկայութեամբ՝ Թեմի Առաջնորդ՝ Գերշ. Տ. Շահան Արք. Սարգիսեանի, Հայ Կաթողիկէ եկեղեցւոյ համայնքապետ՝ Արհ. Տ. Պետրոս Արք. Միրիաթեանի, Հայ Աւետարանական եկեղեցւոյ համայնքապետ՝ Վեր. Յարութիւն Սելիմեանի, Սուրիահայութեան Օժանդակութեան Շտապ Մարմնի բոլոր անդամներուն, համայնքային բոլոր կառոյցներու եւ…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԱՍՏՈՒԱԾՈՐԴՒՈՅՆ ԾՆՆԴԵԱՆ ԲԱՐԻ ԼՈՒՐԸ ԱՒԵՏԵՑ ՏԱԳՆԱՊԱՀԱՐ ԲԱՅՑ ԿԱՆԳՈՒՆ ՀԱԼԷՊԷՆ  

  Ն.Ս.Օ.Տ.Տ. Արամ Ա. Սրբազնագոյն Հայրապետ Քրիստոսի Ս. Ծննդեան տօնին առիթով Ուրբաթ, 6 Յունուար 2017-ի առաւօտուն, հանդիսաւոր Ս. եւ Անմահ Պատարագ մատուցեց Հալէպի Ս. Աստուածածին եկեղեցւոյ մէջ։ Այս առիթով, Նորին Սրբութեան կողքին խորանին վրայ Տիրոջ սեղանին ծառայութիւն բերին Թեմակալ Առաջնորդ՝ Գերշ. Տ. Շահան Արք. Սարգիսեան եւ Անթիլիասէն Վեհափառ Հայրապետին ընկերացող Միաբան հայրեր՝ Գերշ. Տ. Նորայր Եպս.…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻՆ ԱԶԳԱՅՆԱՇՈՒՆՉ ՊԱՏԳԱՄՈՎ ԴԱՐՁԵԱԼ ԾԱՂԿԱԶԱՐԴՈՒԵՑԱՒ ՀԱՅԱԲՈՅՐ ՀԱԼԷՊԸ

Հինգշաբթի, 5 Յունուար 2017-ին, Աստուածայայտնութեան Ճրագալոյցին, տագնապահար՝ սակայն տոկուն մնացած Հալէպի Հայ ժողովուրդը պատմական օր մը ապրեցաւ իր Հոգեւոր Հօր՝ Ն.Ս.Օ.Տ.Տ. Արամ Ա. Կաթողիկոսին Հալէպ ժամանումով։ Սիրոյ եւ ուրախութեան արցունք կար Հալէպի մեր ժողովուրդի սիրելի զաւակներուն աչքերուն մէջ, իսկ անոնց դէմքերուն վրայ՝ հաւատքի ամրութեան ու ապագայի վառ տեսիլքի ճառագայթ։ Վեհափառ Հայրապետը, «Կիլիկիա» քայլերգին նուագակցութեամբ մուտք…

Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏԸ ՀԱՆԴԻՊՈՒՄ ՈՒՆԵՑԱՒ ՍՈՒՐԻՈՅ ՀԱՆՐԱՊԵՏՈՒԹԵԱՆ ՎՍԵՄԱՇՈՒՔ ՆԱԽԱԳԱՀ ՊԱՇՇԱՐ ԱԼ ԱՍԱՏԻ ՀԵՏ

Չորեքշաբթի, 4 Յունուար 2017-ի առաւօտուն Դամասկոսի նախագահական պալատին մէջ Արամ Ա. Կաթողիկոս հանդիպում ունեցաւ Սուրիոյ Հանրապետութեան Նախագահ Պաշշար Ալ Ասատի հետ։    Աւելի քան ժամ մը տեւած հանդիպման ընթացքին, Նախագահը Սուրիոյ ներքին կացութեան, ապահովական ու քաղաքական երեսներուն գծով, ինչպէս նաեւ վերջին շրջանին տեղի ունեցած զարգացումներուն մասին լայն տեղեկութիւններ փոխանցեց Վեհափառ Հայրապետին։  Այս առիթով, Վեհափառ Հայրապետը…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻ Ս. ԾՆՆԴԵԱՆ ՀԱՅՐԱՊԵՏԱԿԱՆ ՊԱՏԳԱՄԸ

ԲԵԹՂԵՀԷՄԻ ՃԱՄԲՈՎ՝ ԴԱՌՆԱՆՔ ԱՍՏՈՒԾՈՅ Աստուծոյ Որդւոյն ծնունդը Բեթղեհէմի մէջ Աստուծոյ էջքն է երկիր՝ ի խնդիր մարդուն երկինք բարձրացման, Աստուծոյ մօտեցումը մարդուն՝ ի խնդիր մարդուն դէպի Աստուած մերձեցման, Աստուծոյ ինքնաճանաչումը մարդուն՝ ի խնդիր մարդուն զԱստուած ճանաչման։ Բեթղեհէմը երկնային հրաւէր է դառնալու Աստուծոյ։ Ի՞նչ կը նշանակէ դառնալ Աստուծոյ։ — Դառնալ Աստուծոյ կը նշանակէ ճանչնալ զԱստուած։ Քրիստոնէական հաւատքի…

ՎԵՐԱՆՈՐՈԳՈՒՄԻ ՏԱՐԻ 2017

https://www.armenianorthodoxchurch.org/wp-content/uploads/2017/01/2017-ՎԵՐԱՆՈՐՈԳՈՒՄԻ-ՏԱՐԻ.pdf

ՓՏԱԾՈՒԹԵԱՆ ԴԷՄ ՊԱՅՔԱՐԻ ՆԱԽԱՐԱՐԸ Կ’ԱՅՑԵԼԷ Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻՆ

    Շաբաթ, 31 Դեկտեմբեր 2016-ի առաւօտուն, Լիբանանի Փտածութեան դէմ պայքարի նախարար՝ Նիքոլա Թուէյնի այցելեց Ն.Ս.Օ.Տ.Տ. Արամ Ա. Կաթողիկոսին: Հանդիպման ներկայ էր նաեւ Լիբանանի Տնտեսութեան նախկին նախարար՝ Վրէժ Սապունճեանը:   Նախարարի այցելութեան հիմնական նպատակն էր ստանալ Նորին Սրբութեան օրհնութիւնը՝ կառավարութեան մէջ իր ստանձնած նոր պաշտօնին համար: Նախարարը տեսակցութեան ընթացքին տեղեկացուց Վեհափառ Հայրապետին իր յառաջիկայի ծրագիրներուն…

Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏԻՆ ԱՄԱՆՈՐԵԱՅ ՊԱՏԳԱՄԸ

ՆՈՐ ՏԱՐՈՒԱՆ ԱՒԵՏԻՍԸ ԱՆԹԻԼԻԱՍԷՆ

Նոր տարուան առաջին վայրկեաններուն Մեծի Տանն Կիլիկիոյ Կաթողիկոսութեան Անթիլիասի Ս. Գրիգոր Լուսաւորիչ Մայր Տաճարի զանգերը պիտի աւետեն 2017 նոր տարուան բարեբեր գալուստը։ Ապա Մայր Տաճարին մէջ տեղի պիտի ունենայ փառաբանական յատուկ արարողութիւն։   Կիրակի, 1 Յունուար 2017-ի առաւօտեան ժամը 10:00-ին Անթիլիասի Մայր Տաճարին մէջ պիտի մատուցուի Սուրբ եւ Անմահ պատարագ առ ի խաղաղութիւն համայն աշխարհի։…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ՍԷՈՒՏԱԿԱՆ ԱՐԱԲԻՈՅ ԴԵՍՊԱՆԸ

Հինգշաբթի, 29 Դեկտեմբեր 2016-ի երեկոյեան, Վեհափառ Հայրապետը իր գրասենեակին մէջ ընդունեց այցելութիւնը Լիբանանի մօտ Սէուտական Արաբիոյ դեսպան Ուալիտ Պըն Ապտալլահ Ալ Պուխարիին: Դեսպանին կ’ընկերանային դեսպանատան քաղաքական ու մշակութային հարցերու պատասխանատուները:            Հանդիպման ընթացքին արծարծուեցան Լիբանանի եւ Միջին Արեւելքի ներկայ կացութեան առնչուած հարցեր: Խօսակցութեան ընթացքին յատուկ ուշադրութեան արժանացաւ քրիստոնեայ-իսլամ երկխօսութիւնը: Թէ Վեհափառ Հայրապետը եւ թէ…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ Կ’ԱՅՑԵԼԷ ԱԶՈՒՆԻԷԻ ԱԶԳԱՅԻՆ ԲՈՒԺԱՐԱՆ

    Ն.Ս.Օ.Տ.Տ. Արամ Ա. Կաթողիկոս, Նոր Տարուան եւ Ս. Ծննդեան բարեբեր տօներուն նախօրեակին իր կատարած կատարած այցելութիւններու ծիրէն ներս, Ուրբաթ, 30 Դեկտեմբեր 2016-ի առաւօտուն, ընկերակցութեամբ խումբ մը Միաբան Հայրերու, այցելեց Ազունիէի Ազգային Բուժարան: Վեհափառ Հայրապետը դիմաւորուելէ ետք Ազգային Բուժարանի խնամակալութեան, տնօրէնութեան եւ պատասխանատու բժիշկներուն կողմէ, անոնց հետ կարճ հանդիպում մը ունեցաւ: Նորին Սրբութիւնը բարձր…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ԻՐԱՔԻ ԻՍԼԱՄ ՂԵԿԱՎԱՐՆԵՐԷՆ ՇԷՅԽ ԵՈՒՍԷՖ ԱԼ-ՆԱՍԻՐԻՆ

  Հինգշաբթի, 29 Դեկտեմբեր 2016-ի առաւօտուն, Ն.Ս.Օ.Տ.Տ. Արամ Ա. Կաթողիկոսը իր գրասենեակին մէջ ընդունեց Իրաքի իսլամ ղեկավարներէն, Իսլամ Կրօնաւորներու Խորհուրդին Ընդհանուր Քարտուղար Դոկտ. Շէյխ Եուսէֆ Ալ-Նասիրին, ընկերակցութեամբ Արաբական Իսլամական Համախմբումի Դիմադրութիւն Զօրակցութեան Ընդհանուր Քարտուղար Տոքթ. Եահեա Ղատարիի։               Հանդիպումը առիթ մը հանդիսացաւ վերարժեւորումի ենթարկելու Քրիստոնեայ-Իսլամ երկխօսութիւնը Միջին արեւելքէն ու յատկապէս Իրաքէն ներս։ Նորին Սրբութիւնը…

Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏԸ ԱՅՑԵԼԵՑ ՊՈՒՐՃ ՀԱՄՈՒՏԻ ԱԶԳԱՅԻՆ ԾԵՐԱՆՈՑ

    Նոր Տարուայ եւ Սուրբ Ծննդեան զոյգ տօներուն առթիւ Ն.Ս.Օ.Տ.Տ. Արամ Ա. Վեհափառ Հայրապետ, Հինգշաբթի, 29 Դեկտեմբեր 2016-ին այցելեց Պուրճ Համուտի Ազգային Ծերանոց: Նորին Սրբութիւնը դիմաւորուեցաւ Լիբանանի Հայոց Թեմի Առաջնորդ՝ Գերշ. Տ. Շահէ Եպս. Փանոսեանի, Ծերանոցի տնօրէնութեան ու խնամակալութեան կողմէ:   Տնօրէնութեան ու Խնամակալութեան անունով Նորին Սրբութեան բարի գալուստ մաղթեց Ազգային Ծերանոցի տնօրէն՝ Վեր.…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ՀԱԼԷՊԻ ՄԷՋ ՀԱՅԱՍՏԱՆԻ ՀԻՒՊԱՏՈՍ՝ ՏԻԳՐԱՆ ԳԷՈՐԳԵԱՆԸ

Երկուշաբթի առաւօտ, 26 Դեկտեմբեր 2016-ին, Ն.Ս.Օ.Տ.Տ. Արամ Ա. Կաթողիկոսը իր գրասենեակին մէջ ընդունեց Հալէպի մէջ Հայաստանի Հիւպատոս՝ Տիգրան Գէորգեանը։ Առաջին հերթին, Վեհափառ Հայրապետը իր բարձր գնահատանքը յայտնեց Պրն. Հիւպատոսին, որ Սուրիական տագնապի տարիներուն մնաց Հալէպի մէջ եւ պատասխանատուութեան խոր գիտակցութեամբ իր դիւանագիտական պարտաւորութիւնը կատարեց, հակառակ ստեղծուած դժուար պայմաններուն, ինչպէս նաեւ սերտ կապեր հաստատեց յատկապէս Հալէպի…

ՍՈՒՐԲ ՍՏԵՓԱՆՈՍԻ ՏՕՆԸ ԱՆԹԻԼԻԱՍԻ ՄԷՋ

Քրիստոնէական Եկեղեցւոյ առաջին Մարտիրոս Սարկաւագին՝ Ս. Ստեփանոս Նախավկային տօնին առիթով, Կիրակի, 25 Դեկտեմբեր 2016-ին, Անթիլիասի Ս. Գրիգոր Լուսաւորիչ Մայր Տաճարին մէջ մատուցուեցաւ Ս. եւ Անմահ պատարագ, նախագահութեամբ՝ Ն.Ս.Օ.Տ.Տ. Արամ Ա. Վեհափառ Հայրապետին: Ս. Պատարագը մատուցեց եւ քարոզեց Մեծի Տանն Կիլիկիոյ Կաթողիկոսութեան Դպրեվանքի նախկին տեսուչ՝ Գերպ. Տ. Թորգոմ Ծ. Վրդ. Տօնոյեան:             Անցեալէն մեզի հասնող աւանդութեան…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԻՐ ՋԵՐՄ ԳՆԱՀԱՏԱՆՔԸ ՅԱՅՏՆԵՑ ԿԱԶՄԱԿԵՐՊՈՒՄԻ ԸՆԹԱՑՔԻՆ ՄԷՋ ԳՏՆՈՒՈՂ ԱՐԱԲԱԿԱՆ ՄԻԱՑԵԱԼ ԷՄԻՐՈՒԹԵԱՆՑ ԵՒ ՔԱԹԱՐԻ ԹԵՄՒՆ

Թեհրանի Հայոց Թեմ կատարած իր հովուապետական այցելութեան աւարտին, Չորեքշաբթի, 21 Դեկտեմբեր 2016-ի երեկոյեան Վեհափառ Հայրապետը ժամանեց Տուպայ, Արաբական Միացեալ Էմիրութիւնները: Օդակայանի պատուոյ սրահին մէջ Վեհափառ Հայրապետը ողջունելու եկած էին Թեմի Կաթողիկոսական Փոխանորդ Գերպ. Տ. Մեսրոպ Ծ. Վրդ. Սարգիսեան, ընկերակցութեամբ Երեսփոխանական Ժողովի ատենապետ Տիար Հրայր Սողոմոնեանի ու ազգայիններու:     Վեհափառ Հայրապետը օդակայանին մէջ ունեցած կարճատեւ…

Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏԸ ԱՅՑԵԼԵՑ ԻՐԱՆԻ ՄՕՏ ՀԱՅԱՍՏԱՆԻ ԵՒ ԼԻԲԱՆԱՆԻ ԴԵՍՊԱՆԱՏՈՒՆԵՐԸ

  Թեհրան կատարած կարճատեւ այցելութեան ընթացքին, Երեքշաբթի, 20 Դեկտեմբերի յետմիջօրէին, Ն.Ս.Օ.Տ.Տ. Արամ Ա. Կաթողիկոս այցելեց Իրանի մօտ Հայաստանի եւ Լիբանանի դեսպանատուները, ուր տեսակցութիւն ունեցաւ նշեալ երկիրներու դեսպաններուն հետ:               Նորին Սրբութիւնը առաջին հերթին հանդիպում ունեցաւ Իրանի մօտ Հայաստանի Հանրապետութեան դեսպան՝ Արտաշէս Թումանեանի հետ: Դեսպանը իր ողջոյնի խօսքին ընդմէջէն բարի գալուստ մաղթեց Վեհափառ Հայրապետին եւ…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԹԵՀՐԱՆԻ ՄԷՋ ՆԱԽԱԳԱՀԵՑ ՄԻՋ-ԵԿԵՂԵՑԱԿԱՆ ՀԱՆԴԻՊՈՒՄԻ

Հրաւէրով Թեհրանի Առաջնորրդ՝ Գերշ. Տ. Սեպուհ Արք. Սարգիսեանի, միջ-եկեղեցական հանդիպում մը տեղի ունեցաւ Ազգային Առաջնորդարանին մէջ, մասնակցութեամբ Իրանի քրիստոնեայ համայնքներու հոգեւոր պետերու: Հանդիպման ներկայ էին նաեւ Ատրպատականի Թեմի Առաջնորդ՝ Գերշ. Տ. Գրիգոր Եպս. Չիֆթճեանի եւ Սպահանի Թեմի Կաթողիկոսական Փոխանորդ՝ Գերպ. Տ. Սիփան Ծ. Վրդ. Քէչէճեան:             Վեհափառ Հայրապետը առաջին հերթին ընդհանուր գիծերով ներկայացուց միջ-եկեղեցական շարժումին…

Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏԸ Կ’ԱՅՑԵԼԷ ԹԵՀՐԱՆԻ ՀԱՅԿԱԿԱՆ ՎԱՐԺԱՐԱՆՆԵՐԸ

Երեքշաբթի, 20 Դեկտեմբեր 2016-ին Ն.Ս.Օ.Տ.Տ. Արամ Ա. Վեհափառ Հայրապետ այցելեց «Թունեան» եւ «Արարատ» դպրոցներն ու «Սասուն» մանկապարտէզը: Նորին Սրբութեան ընկերացան Թեհրանի Թեմի Առաջնորդ՝ Գերշ. Տ. Սեպուհ Արք. Սարգիսեան, Ատրպատականի Թեմի Առաջնորդ՝ Գերշ. Տ. Գրիգոր Եպս. Չիֆթճեան եւ Սպահանի Թեմի Կաթողիկոսական Փոխանորդ՝ Գերպ. Տ. Սիփան Ծ. Վրդ. Քէչէճեան, Թեհրանի Թեմի Առաջնորդական Փոխանորդ՝ Գերշ. Տ. Մակար Եպս.…

ԻՐԱՆԻ ՀԱՅ ԳՈՐԾԱՏԷՐԵՐՈՒ ՄԻՈՒԹԻՒՆԸ ՀԻՒՐԸՆԿԱԼԵՑ Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏԸ

Երկուշաբթի, 19 Դեկտեմբեր 2016-ի երեկոյեան Ն.Ս.Օ.Տ.Տ. Արամ Ա. Վեհափառ Հայրապետը, Թեհրանի «Արամ Մանուկեան» դահլիճին մէջ պատւոյ հիւրը եղաւ Իրանի Հայ Գործատէրերու Միութեան անդամներուն:   Այս առիթով ողջոյնի ու բարի գալուստի խօսքով հանդէս եկաւ Իրանի Հայ Գործատէրերու Միութեան նախագահը: Յակոբ Յակոբեան իր բացման խօսքին ընդմէջէն լուսարձակի տակ առաւ Վեհափառ Հայրապետին 20 տարիներու ազգային ու հոգեւոր զոյգ…

«ԻՆԾԻ ՀԱՄԱՐ «ԱԼԻՔ»-Ը ՄԻԱՅՆ ՕՐԱԹԵՐԹ ՀՐԱՏԱՐԱԿՈՂ ՏՈՒՆ ՉԷ, ԱՅԼ՝ ՀԱՅԱՊԱՀՊԱՆՄԱՆ ԳՈՎԵԼԻ ՕՃԱԽ» Արամ Ա. Կաթողիկոս

  Երկուշաբթի, 19 Դեկտեմբեր 2016-ի յետմիջօրէին, Ն.Ս.Օ.Տ.Տ. Արամ Ա. Վեհափառ Հայրապետը այցելեց «Ալիք» օրաթերթի կեդրոնը եւ «Հրայր Մարուխեան» դահլիճին մէջ հանդիպում ունեցաւ «Ալիք»ի տնօրէնութեան ու խմբագրական կազմին եւ աշխատակիցներուն հետ: Այս առիթով, սրտի խօսքով հանդէս եկան «Ալիք» օրաթերթի ներկայացուցիչ՝ Հենրիկ Խալոյեան, գլխաւոր խմբագիր՝ Դերենիկ Մելիքեան, Սպահանի եւ Հարաւային իրանահայութեան պետական ներկայացուցիչ՝ երեսփոխան Կարէն Խանլարեան, Հայկական…

ԻՐԱՆԻ ՄՕՏ ՌՈՒՍԻՈՅ ԴԵՍՊԱՆԸ ԱՅՑԵԼԵՑ Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻՆ

Երեքշաբթի, 20 Դեկտեմբեր 2016-ի երեկոյեան, Թեհրանի Ազգային Առաջնորդարանին մէջ Ն.Ս.Օ.Տ.Տ. Արամ Ա. Կաթողիկոս ներկայութեամբ Թեհրանի Հայոց Թեմի Առաջնորդ Գերշ. Տ. Սեպուհ Արք. Սարգիսեանին, շուրջ մէկ ժամ տեւողութեամբ հանդիպում մը ունեցաւ Իրանի մօտ Ռուսիոյ արտակարգ եւ լիազօր դեսպան՝ Լեւոն Ճաղարեանի հետ։             Վեհափառ Հայրապետին եւ դեսպանին միջեւ կայացած խորհրդակցութիւնները կեդրոնացան ընդհանրապէս Սուրիոյ եւ յատկապէս Հալէպի ներկայ…

ԻՐԱՆԻ ԻՍԼԱՄԱԿԱՆ ՀԱՆՐԱՊԵՏՈՒԹԵԱՆ ՄՇԱԿՈՅԹԻ ԵՒ ՀԱՂՈՐԴԱԿՑՈՒԹԵԱՆ ԿԱԶՄԱԿԵՐՊՈՒԹԵԱՆ ՏՆՕՐԷՆԸ ՏԵՍԱԿՑՈՒԹԻՒՆ Կ’ՈՒՆԵՆԱՅ Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏԻՆ ՀԵՏ

    Երկուշաբթի, 19 Դեկտեմբեր 2016-ի առաւօտուն, Թեհրանի Ազգային Առաջնորդարանին մէջ, Ն.Ս.Օ.Տ.Տ. Արամ Ա. Վեհափառ Հայրապետը տեսակցութիւն ունեցաւ Իրանի Իսլամական Հանրապետութեան Մշակոյթի եւ Հաղորդակցութեան կազմակերպութեան գլխաւոր տնօրէն՝ Դոկտ. Իպրահիմիի հետ:   Հանդիպման ներկայ գտնուեցան Թեհրանի Թեմի Առաջնորդ՝ Գերշ. Տ. Սեպուհ Արք. Սարգիսեան, Ատրպատականի Թեմի Առաջնորդ՝ Գերշ. Տ. Գրիգոր Եպս. Չիֆթճեան, Սպահանի Թեմի Կաթողիկոսական Փոխանորդ՝ Գերպ.…

ՍԻՐՈՅ ՍԵՂԱՆ Ի ՊԱՏԻՒ Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏԻՆ

Կիրակի, 18 Դեկտեմբեր 2016-ի երեկոյեան, նախաձեռնութեամբ Թեհրանի Հայոց Թեմի Ազգային Իշխանութեան ու Վեհափառ Հայրապետի ընդունելութեան յանձնախումբի, «Արարատ» մարզաւանի «Վաչիկ Ղարաբէգեան» դահլիճին մէջ սիրոյ սեղան պատրաստուեցաւ ի պատիւ Ն.Ս.Օ.Տ.Տ. Արամ Ա. Վեհափառ Հայրապետին: Սիրոյ սեղանին վեհափառին սեղանակից դարձան Թեհրանի Թեմի Առաջնորդ՝ Գերշ. Տ. Սեպուհ Արք. Սարգիսեան, Ատրպատականի Թեմի Առաջնորդ՝ Գերշ. Տ. Գրիգոր Եպս. Չիֆթճեան, Թեհրանի Առաջնորդական…

«ՎԵՀԱՓԱՌ ՏԷՐ, ԴՈՒՔ ՄԵՐ ՍԻՐԵԼԻ ՀԱՅՐՆ ԷՔ ԵՒ ՕՐԻՆԱԿԵԼԻ ՀԱՅՐԱՊԵՏԸ»

    Վերոյիշեալ բառերով իրանահայ երիտասարդութիւնը դիմաւորեց Մեծի Տանն Կիլիկիոյ Արամ Ա. Վեհափառ Հայրապետը:   Հայոց Հայրապետին Իրան այցելութեան ծիրէն ներս, Շաբաթ, 17 Դեկտեմբեր 2016-ի երեկոյեան, «Սիփան» միութեան «Նորայր Էլսայեան» դահլիճին մէջ տեղի ունեցաւ հանդիպում մը Նորին Սրբութեան եւ շրջանի հայ երիտասարդութեան միջեւ:   Երիտասարդութեան անունով բացման խօսքով հանդէս եկաւ Անի Մանուէլեան: Ան իր բացման…

ԻՐԱՆԱՀԱՅՈՒԹԻՒՆԸ ՄԵԾԱՒ ՈՒՐԱԽՈՒԹԵԱՄԲ ՏՕՆԵՑ Ն.Ս.Օ.Տ.Տ. ԱՐԱՄ Ա. ՍՐԲԱԶՆԱԳՈՅՆ ՀԱՅՐԱՊԵՏԻՆ ԳԱՀԱԿԱԼՈՒԹԵԱՆ 20-ԱՄԵԱՅ ՅՈԲԵԼԵԱՆԸ

  Ուրբաթ, 16 Դեկտեմբեր 2016-ին, Թեհրանի «Արարատ» մարզաւանի «Սասունցի Դաւիթ» դահլիճին մէջ մեծ շուքով նշուեցաւ Մեծի Տանն Կիլիկիոյ Կաթողիկոս՝ Ն.Ս.Օ.Տ.Տ. Արամ Ա. Վեհափառ Հայրապետին գահակալութեան 20-ամեակը: «Արարատ» մարզաւանի մուտքին Վեհափառ Հայրապետը դիմաւորուեցաւ «Արարատ»ի Կեդրոնական Վարչութեան անդամներուն, պետական եւ հոգեւորական ներկայացուցիչներու, «Կիլիկիեան իշխան»ներու եւ «Կիլիկիան Ասպետ»ներու, եւ ազգային բարերարներու կողմէ: Աւանդական աղուհացի օրհնութենէն ետք, սկիզբ առաւ…

Ն․Ս․Օ․Տ․Տ․ ԱՐԱՄ Ա․ ՎԵՀԱՓԱՌ ՀԱՅՐԱՊԵՏԸ ԹԵՀՐԱՆԷՆ ՈՂՋՈՒՆԵՑ ՀԱԼԷՊԻ ՄԷՋ ԽԱՂԱՂՈՒԹԵԱՆ ՎԵՐԱՀԱՍՏԱՏՈՒՄԸ

  Կիրակի, 18 Դեկտեմբեր 2016-ին, Թեհրանի Ս. Սարգիս առաջնորդանիստ եկեղեցւոյ մէջ, նախագահութեամբ Ն.Ս.Օ.Տ.Տ. Արամ Ա. Վեհափառ Հայրապետին մատուցուեցաւ Ս. եւ Անմահ Պատարագ եւ Հոգեհանգստեան արարողութիւն կատարուեցաւ անցնող հինգ տարիներուն Սուրիոյ մէջ, պատերազմի պատճառով նահատակուած հայորդիներուն հոգիներուն համար: Պատարագը մատուցեց Ատրպատականի Թեմի Առաջնորդ՝ Գերշ. Տ. Գրիգոր Եպս. Չիֆթճեան: Պատարագի ընթացքին քարոզեց եւ իր պատգամը փոխանցեց Արամ…

«ՄԵՐ ԺՈՂՈՎՈՒՐԴԸ ԻՐ ՊԱՏՄՈՒԹԵԱՆ ԸՆԹԱՑՔԻՆ ԻՐ ՏՈՒՆԷՆ ԱՌԱՋ ԱՍՏՈՒԾՈՅ ՏՈՒՆԸ ՇԻՆԵՑ» Ըսաւ Արամ Ա. Կաթողիկոս

Ուրբաթ, 16 Դեկտեմբեր 2016-ի առաւօտուն, Թեհրանի Ս. Թարգմանչաց եկեղեցւոյ մէջ Ս. եւ Անմահ պատարագ մատուցեց Մեծի Տանն Կիլիկիոյ Կաթողիկոս Ն.Ս.Օ.Տ.Տ. Արամ. Ա. Վեհափառ Հայրապետը, իրեն առընթերակայ ունենալով Ատրպատականի Թեմի առաջնորդ՝ Գերշ. Տ. Գրիգոր Եպս. Չիֆթճեանն ու Թեհրանի Թեմի առաջնորդական փոխանորդ՝ Գերշ. Տ. Մակար Եպս. Աշգարեանը: Բազմահարիւր հաւատացեալներու կողքին արարողութեան ներկայ էին նաեւ Թեհրանի Հայոց Թեմի…

«ԻՄԱՄ ԽՈՄԷՅՆԻԻ ՅԵՂԱՓՈԽՈՒԹԻՒՆԸ ԿԸ ՁԳՏԷՐ ԲԱՐՈՅԱԿԱՆ ԱՐԺԷՔՆԵՐՈՒ ՎԵՐԱՀԱՍՏԱՏՄԱՆ ԸՆԿԵՐՈՒԹԵԱՆ ԿԵԱՆՔԷՆ ՆԵՐՍ» Ն.Ս.Օ.Տ.Տ. Արամ Ա. Կաթողիկոս

Առնուած «Ալիք» Օրաթերթէն   Հինգշաբթի, 15 Դեկտեմբեր 2016-ի առաւօտուն, Ն.Ս.Օ.Տ.Տ. Արամ Ա. Վեհափառ Հայրապետը, ընկերակցութեամբ Թեհրանի Թեմի Առաջնորդ՝ Գերշ. Տ. Սեպուհ Արք. Սարգիսեանի, Ատրպատականի Թեմի Առաջնորդ՝ Գերշ. Տ. Գրիգոր Եպս. Չիֆթճեանի եւ Սպահանի Թեմի Կաթողիկոսական Փոխանորդ՝ Գերպ. Տ. Սիփան Ծ. Վրդ. Քէչէճեանի ու իր շքախումբի անդամներուն այցելեց Իսլամական Յեղափոխութեան հիմնադիր առաջնորդ Իմամ Խոմէյնիի դամբարանը: Նորին…

ՀԱՄԱՏԵՂ ՅԱՅՏԱՐՈՒԹԵԱՄԲ ՓԱԿՈՒՄԸ ԿԱՏԱՐՈՒԵՑԱՒ ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԵԱՆ ԵՒ ԻՐԱՆԻ ԻՍԼԱՄԱԿԱՆ ՀԱՆՐԱՊԵՏՈՒԹԻՒՆ, ՔՐԻՍՏՈՆԵԱՅ-ԻՍԼԱՄ ԵՐԿԽՕՍՈՒԹԵԱՆ 7-ՐԴ ՀԱՄԱԳՈՒՄԱՐԸ  

Առնուած «Ալիք» Օրաթերթէն   Չորեքշաբթի, 14 Դեկտեմբեր 2016-ին իր լրումին հասաւ Թեհրանի մէջ գումարուող Մեծի Տանն Կիլիկիոյ Կաթողիկոսութիւն-Իրանի Իսլամական Հանրապետութիւն, Քրիստոնեայ-Իսլամ երկխօսութեան 7-րդ համագումարը, որուն կը նախագահէր Ն.Ս.Օ.Տ.Տ. Արամ Ա. Վեհափառ Հայրապետը: Համագումարին վերջին օրը քննարկման առարկայ դարձան «կրօնի եւ բռնութեան զանազան եւ հասարակական ազդեցութիւնը», «զիրար ընդունելու եւ ծայրայեղականութեան ու բռնութեան դէմ պայքարին մէջ կրօնաւոր…

Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏԸ ԻՐ ՊԱՏԳԱՄԸ ՈՒՂՂԵՑ ԹԵՀՐԱՆԻ ՀԱՅՈՑ ԹԵՄԻ ՆՈՐԸՆՏԻՐ ՊԱՏԳԱՄԱՒՈՐԱԿԱՆ ԺՈՂՈՎԻՆ

Առնուած «Ալիք» Օրաթերթէն Երեքշաբթի, 13 Դեկտեմբեր 2016-ին, Թեհրանի Ազգային Առաջնորդարանի դահլիճին մէջ Վեհափառ հայրապետը իր պատգամը ուղղեց Թեհրանի Հայոց Թեմի նորընտիր պատգամաւորական ժողովին, ուր ներկայ էին նաեւ Թեհրանի Հայոց Թեմի կրօնական եւ թեմական խորհուրդներն ու հաշուեքննիչ մամնի յանձնախումբը: Հանդիպման ընթացքին Նորին Սրբութիւնը իր խօսքը ուղղելով ժողովականներուն ըսաւ. «Եկեղեցին իր էութեամբ համակ առաքելութիւն է, ժողովուրդի կեանքին…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ Ս. ՍԱՐԳԻՍ ԱՌԱՋՆՈՐԴԱՐԱՆԻՍ ԵԿԵՂԵՑՒՈՅ ՄԷՋ ԿԸ ԴԻՄԱՒՈՐՈՒԻ ԻՐ ԺՈՂՈՎՈՒՐԴԻՆ ԿՈՂՄԷ

Առնուած «Ալիք» Օրաթերթէն Երեքշաբթի, 13 Դեկտեմբեր 2016-ի յետմիջօրէին, Ն.Ս.Օ.Տ.Տ. Արամ Ա. Կաթողիկոս իր շքախումբին անդամներուն հետ ուղղուեցաւ Թեհրանի Ս. Սարգիս Մայր եկեղեցի, ուր կատարուեցաւ «Կանոնական» աղօթք: Նորին Սրբութեան դիմաւորելու եկած էին զանազան պատկան մարմիններու, յանձնախումբերու եւ կազմակերպութիւններու ներկայացուցիչներ, դպրոցական աշակերտ-աշակերտուհիներ, սկաուտներ եւ բազմաթիւ հաւատացեալներ: Աշակերտներու կողմէ մատուցուած աւանդական աղուհացի օրհնութենէն ետք Վեհափառ Հայրապետը «Հրաշափառ»ով մուտք…

Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏ ԲԱՑՈՒՄԸ ԿԸ ԿԱՏԱՐԷ ՔՐԻՍՏՈՆԵԱՅ-ԻՍԼԱՄ ԵՐԿԽՕՍՈՒԹԵԱՆ 7-ՐԴ ՀԱՄԱԳՈՒՄԱՐԻՆ

Առնուած «Ալիք» Օրաթերթէն   Երեքշաբթի, 13 Դեկտեմբեր 2016-ին սկիզբ առաւ Ն.Ս.Օ.Տ.Տ. Արամ Ա. Վեհափառ Հայրապետի Իրանի Իսլամական Հանրապետութիւն կատարած այցի առաջին օրը: Արդարեւ, Նորին Սրբութիւնը ընկերակցութեամբ Թեհրանի Թեմի Առաջնորդ՝ Գերշ. Տ. Սեպուհ Արք. Սարգիսեանի, Ատրպատականի Թեմի Առաջնորդ՝ Գերշ. Տ. Գրիգոր Եպս. Չիֆթճեանի եւ Սպահանի Թեմի Կաթողիկոսական Փոխանորդ՝ Գերպ. Տ. Սիփան Ծ. Վրդ. Քէչէճեանի, Թեհրանի Հայոց…

Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏԸ ԺԱՄԱՆԵՑ ԹԵՀՐԱՆ

Առնուած «Ալիք» Օրաթերթէն   Երեքշաբթի, 13 Դեկտեմբեր 2016-ի առաւօտուն, Մեծի Տանն Կիլիկիոյ Կաթողիկոս Ն.Ս.Օ.Տ.Տ. Արամ Ա. Վեհափառ Հայրապետը իր շքախումբի անդամներով ժամանեց Թեհրան: Նորին Սրբութիւնը Իրանի Իսլամական Հանրապետութեան Մայրաքաղաքի օդակայանին մէջ դիմաւորուեցաւ «Կրօնքներու Երկխօսութեան Միջազգային Կեդրոն»ի Նախագահին, Թեհրանի Թեմի Առաջնորդ՝ Գերշ. Տ. Սեպուհ Արք. Սարգիսեանի, Ատրպատականի Թեմի Առաջնորդ՝ Գերշ. Տ. Գրիգոր Եպս. Չիֆթճեանի եւ Սպահանի…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԿԸ ԴԱՏԱՊԱՐՏԷ ՂՊՏԻ ԵԿԵՂԵՑՒՈՅ ԴԷՄ ՈՒՂՂՈՒԱԾ ԱՀԱԲԵԿՉԱԿԱՆ ԱՐԱՐՔԸ

Ղպտի եկեղեցւոյ Պատրիարք Ն.Ս. Թաւատրոսի ուղղուած նամակով Վեհափառ Հայրապետը խիստ կերպով դատապարտեց Կիրակի առաւօտ Գահիրէի Ղպտի եկեղեցւոյ դէմ իրագործուած ահաբեկչական արարքը, որուն զոհ գացին աւելի քան 30 ղպտի քրիստոնեայ հաւատացեալներ։ Իր նաամակին մէջ Վեհափառ Հայրապետը ըսաւ, թէ ահաբեկչութիւնը որուն դէմ որ ուղղուած ըլլայ դատապարտելի է եւ ո՛չ մէկ կրօնքի համար ընդունելի է նման ոճիրներ։ Նման…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ՊԱՇՏՕՆԱԿԱՆ ԱՅՑԵԼՈՒԹԵԱՄԲ ՄԵԿՆԵՑԱՒ ԹԵՀՐԱՆ

    Երկուշաբթի, 12 Դեկտեմբեր 2016-ին, Ն.Ս.Օ.Տ.Տ. Արամ Ա. Կաթողիկոս պաշտօնական այցելութեամբ մեկնեցաւ Թեհրան, Իրան։ Շուրջ շաբաթ մը Վեհափառ Հայրապետը պիտի մնայ Թեհրան ուր պիտի նախագահէ, Մեծի Տանն Կիլիկիոյ Կաթողիկոսութեան եւ Իրանի պետութեան միջ-կրօնական ու Մշակութային Միջազգային Յարաբերութեանց բաժանմունքի հետ տեղի ունենալիք Կրօնական Երկխօսութեան՝ Բռնութիւն եւ Կրօն թեմային շուրջ, հանդիպումներ պիտի ունենայ համայնքային ու պետական…

ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԻՒՆԸ ԿԸ ՄԱՍՆԱԿՑԻ «ՓՐՕ ՕՐԻԱՆԹԷ»Ի ԺՈՂՈՎԻՆ

Երկուշաբթի, 28 Նոյեմբերէն մինչեւ Հինգշաբթի 1 Դեկտեմբեր 2016 Վիեննայի մէջ տեղի ունեցաւ «Pro Oriente»ի կազմակերպած Կաթոլիկ եկեղեցւոյ եւ Արեւելեան ուղղափառ ոչ-քաղկեդոնական եկեղեցիներու աստուածաբաններու երկխօսութեան յանձնախումբի ժողովը: Ժողոովին Հայ Եկեղեցին ներկայացուցին Ամենայն Հայոց Կաթողիկոսութենէն՝ Գերշ. Տ. Արմաշ Եպս. Նալպանտեանը, իսկ Մեծի Տանն Կիլիկիոյ Կաթողիկոսութենէն Գերպ. Տ. Անուշաւան Եպս. Դանիէլեանը: Աստուածաբանական, եկեղեցաբանական, ծիսական տարբերութեանց եւ գործանական այլ…

Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏ ԸՆԴՈՒՆԵՑ ԹՄՄ ՀԻՄՆԱԴԻՐՆԵՐՈՒ ՄԱՐՄԻՆԸ

Առնուած «Զարթօնք» Օրաթերթէն       Երկուշաբթի, 5 Դեկտեմբեր 2016-ի առաւօտուն, Ն.Ս.Օ.Տ.Տ. Արամ Ա. Վեհափառ Հայրապետ իր գրասենեակին մէջ, ընդունեց Թէքէեան Մշակութային Միութեան Հիմնադիրներու Մարմինը ներկայացնող պատուիրակութիւն մը։ Պատուիրակութիւնը կը գլխաւորէր Թէքէեան Մշակութային Միութեան Հիմնադիրներու Մարմնի ատենապետ, նախկին պետական երեսփոխան Յակոբ Գասարճեան։ Պատուիրակութիւնը եկած էր շնորհաւորելու Նորին Սրբութեան ընտրութեան եւ օծման 20-րդ տարեդարձը։   Շուրջ…

ՀԱՅ ԵԿԵՂԵՑՒՈՅ ԱՌԱՋԻՆ ԴԱՏԱԿԱՆ ՔԱՅԼԸ ԹՈՒՐՔԻՈՅ ԴԷՄ

ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԻՒՆԸ ԴԱՏ ԿԸ ԲԱՆԱՅ ԵՒՐՈՊԱՅԻ ՄԱՐԴԿԱՅԻՆ ԻՐԱՒԱՆՑ ԴԱՏԱՐԱՆԻՆ ՄՕՏ, ՊԱՀԱՆՋԵԼՈՎ ՍԻՍԻ ԿԱԹՈՂԻԿՈՍԱՐԱՆԻՆ ՎԵՐԱԴԱՐՁԸ   Երեքշաբթի, 6 Դեկտեմբեր 2016­ին, Մեծի Տանն Կիլիկիոյ Կաթողիկոսութիւնը դատ պիտի բանայ Եւրոպայի Մարդկային Իրաւանց Դատարանին մօտ, պահանջելով Սիսի պատմական Կաթողիկոսարանի վերադարձը:               Ինչպէս ծանօթ է մեր ժողովուրդի զաւակներուն, շուրջ երկու տարիներու վրայ տարածուած աշխատանքէ յետոյ, 28 Ապրիլ…

ԱՆԹԻԼԻԱՍԻ ՄԷՋ ՅԱՐԳԱՆՔ ԱԶԳԱՅԻՆ ԲԱՐԵՐԱՐՆԵՐՈՒՆ

Կիրակի, 4 Դեկտեմբեր 2016-ին, Ն.Ս.Օ.Տ.Տ. Արամ Ա. Վեհափառ Հայրապետին նախագահութեամբ, յատուկ յարգանք մատուցուեցաւ ազգային բարերարներուն՝ Միհրան, Զապէլ, Հաուըրտ եւ Լէյլա Գարակէօզեաններուն։             Յաւարտ Սուրբ եւ Անմահ պատարագին Կաթողիկոսարանի Ս. Գրիգոր Լուսաւորիչ Մայր Տաճարին մէջ տեղի ունեցաւ հոգեհանգստեան արարողութիւն՝ նախագահութեամբ Վեհափառ Հայրապետին։ Այնուհետեւ Վեհարանի դահլիճին մէջ հանդիսաւորապէս յարգանք մատուցուեցաւ վերոյիշեալ բարերարներուն՝ ներկայութեամբ Գարակէօզեան հաստատութեան տնօրէնութեան,…

Ն.Ս.Օ.Տ.Տ. ԱՐԱՄ ԿԱԹՈՂԻԿՈՍ ԸՆԴՈՒՆԵՑ ԶՈՒԻՑԵՐԻՈՅ ԵԿԵՂԵՑԻՆԵՐՈՒ ՆԵՐԿԱՅԱՑՈՒՑԻՉՆԵՐԸ

  Շաբաթ, 3 Դեկտեմբեր 2016-ի առաւօտուն, Ն.Ս.Օ.Տ.Տ. Արամ Ա. Կաթողիկոս իր գրասենեակին մէջ, ընդունեց Զուիցերիոյ Եկեղեցիներուն պատկանող երկու Աստուածաբաններ՝ Դոկտ. Մարթին Հոյկըր եւ Դոկտ. Օլիվիէր Ֆլուրի։ Անոնք եկած էին 2033-ին Համաքրիստոնէական տարողութեամբ Քրիստոսի յարութիւնը նշելու ծրագրին մասին ունենալու Վեհափառ Հայրապետին տեսակէտը։ Այս գծով, անոնք անցեալ շաբաթ հանդիպում ունեցած էին Ֆրանսիս Պապին հետ, եւ ստանալով անոր…