Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ՊԱՐԳԵՒԱՏՐԵՑ ԱՇԽԱՐՀԱՀՌՉԱԿ ԽՄԲԱՎԱՐ ՎԱՐԴԱՆ ՄԵԼՔՈՆԵԱՆԸ

«Որբը Տուն Շինեց» Ֆիլիբ Զաքարեանի հեղինակած 3 հատորներուն վերնագիրը, Հինգշաբթի, 19 Նոյեմբեր 2015-ին թանձրացեալ իրականութիւն դարձաւ եւ մատուցուեցաւ Լիբանանի հայ թէ օտար հանրութեան: Արդարեւ, Պէյրութի հիւղաւաններուն, որբութեան, աղքատութեան եւ տնանկութեան դառն բաժակը ցմրուր ըմպած, սակայն կեանքի բոլոր ալեկոծութեանց դիմաց անխորտակելի հայու կամքին ուժը լաւագոյնս իր մէջ արտայայտած «Թռչնոց Բոյն»ի նախկին որբը՝ Վարդան Մելքոնեան, իր կեանքին…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ՀԱՅ ՍՐԲԱՆԿԱՐՉՈՒԹԵԱՆ ԴԱՍԸՆԹԱՑՔԻ ՀԵՏԵՒՈՂՆԵՐՈՒՆ ՀԵՏ

Երկուշաբթի, 16 Նոյեմբեր 2015-ի երեկոյեան, Վեհափառ Հայրապետը հանդիպում մը ունեցաւ հայ սրբանկարչութեան դասընթացքի հետեւողներուն հետ։ Այս երկրորդ տարին է, որ Մեծի Տանն Կիլիկիոյ Կաթողիկոսութեան «Կիլիկիա» Թանգարանը հայ սրբանկարչութեան յատուկ դասընթացք կը կազմակերպէ Կաթողիկոսարանէն ներս, Հայր Յովսէփ Վրդ. Աշգարեանի ուսուցողութեամբ։ Այս տարի եւս, աշակերտներ պիտի ծանօթանան հայ սրբանկարչութեան արուեստին եւ գործնապէս պիտի սորվին սրբանկարներ պատրաստելու արուեստը:…

9 Նոյեմբերի Շնորհահանդէսին Ընթացքին Արտասանուած Խօսքերը

The Armenian Catholicosate of Cilicia History, Mission, treasures Public Presentation, Antelias, Monday November 9, 2015   Editor’s Word Seta B. Dadoyan     Your Holiness, Eminences, Holy fathers, Excellencies, ladies and gentlemen. We have the pleasure of presenting to you The Armenian Catholicosate of Cilicia History, Mission, Treasures, a unique volume in form, content and…

ՄԻՋ-ԵԿԵՂԵՑԱԿԱՆ ՇԱՐԺՈՒՄԻՆ ԵՒ ԱՐԵՒԵԼԵԱՆ ԵԿԵՂԵՑԻՆԵՐՈՒ ՈՒՍՈՒՄՆԱՍԻՐՈՒԹԵԱՆ ՆՈՒԻՐՈՒԱԾ ՖՐԱՆՍԱԿԱՆ ԱՍՏՈՒԱԾԱԲԱՆԱԿԱՆ ՊԱՐԲԵՐԱԹԵՐԹԵՐՈՒ ՀԱՄԱԳՈՒՄԱՐ

  12-13 Նոյեմբեր 2015-ին, Լիբանանի Սէնթ Ճոզէֆ Համալսարանին մէջ տեղի ունեցաւ միջազգային համագումար մը՝ «“Մէկ” Եկեղեցւոյ Մարտահրաւէրը՝ Միջ-եկեղեցական Շարժումի Ֆրանսական Պարբերաթերթերու Առաքելութիւնը» խորագրով: Համագումարը կազմակերպուած էր Սէնթ Ճոզէֆ Համալսարանին (USJ), Սէնթ Ճոզէֆ Համալսարանի Կրօնական Գիտութիւններու Ամպիոնին (FSR), Proche-Orient Chrétien աստուածաբանական պարբերաթերթին եւ Le Centre de Recherche et de Publications de l’Orient Chrétien-ի միասնական ճիգերով: Սոյն…

Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏԻՆ ՑԱՒԱԿՑԱԳԻՐ ՆԱՄԱԿԸ ՈՒՂՂՈՒԱԾ ՖՐԱՆՍԱՅԻ ՆԱԽԱԳԱՀ Ն.Վ. ՖՐԱՆՍՈՒԱ ՀՈԼԼԱՆՏԻՆ

                                                                                     Անթիլիաս 14 Նոյեմբեր 2015   Նորին Վսեմութիւն Ֆրանսուա Հոլլանտ Նախագահ Ֆրանսայի Հանրապետութեան Փարիզ   Յարգելի՛ Պրն. Նախագահ,             Խոր ցաւով ու ընդվզումով երէկ գիշեր հետեւեցանք Փարիզի ահաբեկչական դէպքերուն։ Արդարեւ, հաւաքական ահաբեկչութեան, այլ խօսքով՝ ցեղասպանութեան ենթարկուած հայ ժողովուրդը ու հայ եկեղեցին գոյութենական փորձառութեամբ գիտեն թէ ինչ կը նշանակէ անմեղ մարդոց արիւնը թափել։ Ահաբեկչութիւնը համամարդկային…

ՀԱՅ ՍՐԲԱՆԿԱՐՉՈՒԹԵԱՆ ԴԱՍԸՆԹԱՑՔ «ԿԻԼԻԿԻԱ» ԹԱՆԳԱՐԱՆԷՆ ՆԵՐՍ

Չորեքշաբթի, 11 Նոյեմբեր 2015-ին, երեկոյեան ժամը 4:30-ին, հովանաւորութեամբ եւ քաջալերանքով՝ Ն.Ս.Օ.Տ.Տ. Արամ Ա. Վեհափառ Հայրապետին եւ կազմակերպութեամբ՝ Մեծի Տանն Կիլիկիոյ Կաթողիկոսութեան «Կիլիկիա» Թանգարանին, բացումը կատարուեցաւ Հայ Սրբանկարչութեան դասընթացքի երկրորդ հանգրուանին: Առաջին անգամ ըլլալով, Լիբանանի եւ ընդահանրապէս Սփիւռքի իրականութեան մէջ, այս աննախադէպ դասընթացքը սկիզբ առաւ անցնող 2014-ի Սեպտեմբերին, «Կիլիկիա» Թանգարանի կազմակերպութեամբ եւ Իտալիայէն յատուկ կերպով հրաւիրուած՝…

ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԵԱՆ ԿՈՂՄԷ ՀՐԱՏԱՐԱԿՈՒԱԾ ՀԱՅՈՑ ՑԵՂԱՍՊԱՆՈՒԹԵԱՆ 100-ԱՄԵԱԿԻՆ ՆՈՒԻՐՈՒԱԾ ԵՐԵՔ ՀԱՏՈՐՆԵՐՈՒ ՇՆՈՐՀԱՀԱՆԴԷՍ

Երկուշաբթի, 9 Նոյեմբեր 2015-ի երեկոյեան, Մեծի Տանն Կիլիկիոյ Կաթողիկոսութեան կողմէ հրատարակուած Հայոց Ցեղասպանութեան 100-ամեակին նուիրուած երեք հատորներու շնորհահանդէսը տեղի ունեցաւ Կաթողիկոսարանէն ներս, նախագահութեամբ Ն.Ս.Օ.Տ.Տ. Արամ Ա. Կաթողիկոսին: Հանդիսութեան ներկայ էին Ասորի Կաթոլիկ Իգնատիոս Եուսըֆ Գ. Պատրիարքը, պատրիարքներու ներկայացուցիչներ, հոգեւոր առաջնորդներ, նախարարներ, երեսփոխաններ, դեսպաններ, լիբանանեան ու հայկական կուսակցութեանց ներկայացուցիչներ եւ շուրջ երկու հարիւր հրաւիրեալներ:              …

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ «Ս. ՄԵՍՐՈՊ ՄԱՇՏՈՑ»Ի ՇՔԱՆՇԱՆՈՎ ՊԱՐԳԵՒԱՏՐԵՑ ՓՐՈՖ. ԴՈԿՏ. ՍԵԴԱ ՏԱՏՈՅԵԱՆԸ

Կիրակի, 8 Նոյեմբեր 2015-ին, Վեհարանի դահլիճին մէջ, յատուկ հանդիսութեան մը ընթացքին, Ն.Ս.Օ.Տ.Տ. Արամ Ա. Վեհափառ Հայրապետը «Ս. Մեսրոպ Մաշտոց»ի շքանշանով պարգեւատրեց մտաւորական Փրոֆ. Դոկտ. Սեդա Տատոյեանը:               Հանդիսութեան բացման խօսքը կատարեց Կաթողիկոսարանի Դիւանապետ Տիար Խաչիկ Տէտէեանը, որ ներկայացուց պարգեւատրեալին մտաւորական արգասիքը եւ կրթական վաստակը: Դոկտ. Տատոյեան տիրացած է Փիլիսոփայութեան մէջ Գիտութիւններու Դոկտորի աստիճանին՝ մասնագիտանալով…

ԵՐԷԿ ԳԻՇԵՐ ՊՔԵՐՔԷԻ ՄԷՋ ՏԵՂԻ ՈՒՆԵՑԱՒ ՀԱՅՈՑ ՑԵՂԱՍՊԱՆՈՒԹԵԱՆ 100-ԱՄԵԱԿԻ ԱՌԻԹՈՎ ԽԱՉՔԱՐԻ ԶԵՏԵՂՈՒՄ Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏԻՆ ԵՒ ՄԱՐՈՆԻԹ ՊԱՏՐԻԱՐՔԻՆ ՆԵՐԿԱՅՈՒԹԵԱՄԲ։ ԱՅՍ ԱՌԻԹՈՎ ԽՕՍՔ ԱՌԻՆ ՎԵՀԱՓԱՌ ՀԱՅՐԱՊԵՏԸ ԵՒ ՊԱՏՐԻԱՐՔԸ։

ՀԱՆԴԻՊՈՒՄ Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻ ԵՒ ՆՈՐԻՆ ԱՄԵՆ. ԹԱՒԱՏՐՈՍ Բ. ՊԱՏՐԻԱՐՔԻ ՄԻՋԵՒ

Հինգշաբթի, 5 Նոյեմբեր 2015-ի առաւօտուն, Գահիրէի մէջ հանդիպում մը տեղի ունեցաւ Ն.Ս.Օ.Տ.Տ. Արամ Ա. Կաթողիկոսի և Ղպտի եկեղեցւոյ հոգեւոր պետ՝ Նորին Ամենապատուութիւն Թաւատրոս Բ. Պատրիարքի միջեւ։ Հանդիպման ներկայ էր նաեւ Ղպտի եկեղեցւոյ Միջ-Եկեղեցական յարաբերութեանց պատասխանատու՝ Մետրոպոլիտ Անպա Պիշոյ։ Եղբայրական սիրոյ մթնոլորտին մէջ տեղի ունեցած այս հանդիպումը առիթ մը հանդիսացաւ երկու հոգեւոր պետերուն քննարկելու Հայ և…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԿԸ ՆԱԽԱԳԱՀԷ ՄԻՋԻՆ ԱՐԵՒԵԼՔԻ ԵԿԵՂԵՑԻՆԵՐՈՒ ԽՈՐՀՈՒՐԴԻ ԳՈՐԾԱԴԻՐ ՎԱՐՉՈՒԹԵԱՆ ԺՈՂՈՎԻՆ

Երեքշաբթի, 3 Նոյեմբեր 2015-ի առաւօտուն, Գահիրէի (Եգիպտոս) Ղպտի Ուղղափառ Եկեղեցւոյ Ս. Մարկոս կեդրոնին մէջ ընթացք առաւ Միջին Արեւելքի Եկեղեցիներու Խորհուրդի Գործադիր Վարչութեան ժողովը՝ ներկայութեամբ Միջին Արեւելքի զանազան եկեղեցիներու ներկայացուցիչներուն: Բացման խօսքը կատարեց Ն.Ս.Օ.Տ.Տ. Արամ Ա. Վեհափառ Հայրապետը: Ան նշեց, թէ որպէս Քրիստոնեայ համայնքներ եւ որպէս եկեղեցի մենք անմիջական մէկ մասը կը կազմենք Միջին Արեւելքին եւ…

125,000 ՏՈԼԱՐԻ ՆՊԱՍՏ ՍՈՒՐԻՈՅ ՀԱՅ ՀԱՄԱՅՆՔԻՆ

Ընդառաջելով Ն.Ս.Օ.Տ.Տ. Արամ Ա. Կաթողիկոս փափաքին, Գարօլան Հիմնադրամը 125,000 տոլար նուիրեց Սուրիոյ հայ համայնքին, յատկացուելու համար կարիքաւոր ընտանիքներուն։            Գարօլան Հիմնադրամը կը ղեկավարուի Տիկին Թինա Գարօլանի եւ իր զաւկին՝ Ռիչըրտին կողմէ։ Յիշեալ ընտանիքը Մեծի Տանն Կիլիկիոյ Կաթողիկոսութեան բարերարներէն մէկն է։

ՀՅԴ-Ի ԲԻՒՐՈՆ ԱՅՑԵԼԵՑ ԱՐԱՄ Ա. ԿԱԹՈՂԻԿՈՍԻՆ

Երէկ գիշեր, գլխաւորութեամբ Հայ Յեղափոխական Դաշնակցութեան բիւրոյի ատենապետ Հրանդ Մարգարեանի, բիւրոն ներկայացնող պատուիրակութիւն մը այցելեց Վեհափառ Հայրապետին։ Նորին Սրբութեան ու բիւրոյի ներկայացուցիչներուն խորհրդակցութիւնները ընդգրկեցին Հայաստանի ու Ղարաբաղի ներքին կեանքին առնչուած հարցեր, Հայաստան-Սփիւռք գործակցութիւնը աւելի ամրացնելու ձգտող կարելիութիւններ, ինչպէս նաեւ Սուրիոյ տագնապը եւ այդ ծիրէն ներս Սուրիոյ հայութեան զօրակցութիւնը շարունակելու հնարաւորութիւնները։

ՎԵՀԱՓԱՌ ՀԱՅՐԱՊԵՏԸ ՄԵԿՆԵՑԱՒ ԵԳԻՊՏՈՍ

Երկուշաբթի, 2 Նոյեմբեր 2015-ի յետ միջօրէին Ն.Ս.Օ.Տ.Տ. Արամ Ա. Կաթողիկոս մեկնեցաւ Եգիպտոս նախագահելու Միջին Արեւելիքի Եկեղեցիներու Խորհուրդի Գործադիր Վարչութեան ժողովին։            Այս առիթով Վեհափառ Հայրապետը նաեւ հանդիպում պիտի ունենայ Ղպտի Եկեղեցւոյ պետ Նորին Սրբութիւն Թաւատրոս Պատրիարքին հետ։ Վեհափառ Հայրապետը Անթիլիաս պիտի վերադառնայ Հինգշաբթի, 5 Նոյեմբերին։

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ «Ս. ՄԵՍՐՈՊ ՄԱՇՏՈՑ»Ի ՇՔԱՆՇԱՆՈՎ ԳՆԱՀԱՏԵՑ ԳՈՀԱՐ ԵՐԳՉԱԽՈՒՄԲԻ ՀԻՄՆԱԴԻՐ ՏԻԿԻՆ ԳՈՀԱՐ ԽԱՉԱՏՈՒՐԵԱՆԸ

Երկուշաբթի, 2 Նոյեմբեր 2015-ի առաւօտուն, ԳՈՀԱՐ երգչախումբին մաս կազմող շուրջ 200 անդամ-անդամուհիները այցելեցին Անթիլիասի Մայրավանք, առաջնորդութեամբ երգչախումբի հիմնադիր Տիկին Գոհար Խաչատուրեանին եւ իր երեք զաւակներուն՝ Յարութ, Շահէ եւ Նար Խաչատուրեաններու։ Հանդիպումին նաեւ ներկայ էին Լիբանանի պետական հայ երեսփոխանները։   Վեհափառ Հայրապետը ողջունելով ԳՈՀԱՐ երգչախումբին ներկայութիւնը Անթիլիասի Մայրավանքէն ներս, բարձր գնահատեց հայ երաժշտութեան գոհարները մեր ժողովուրդին…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ՐԱՅԻ ՊԱՏՐԻԱՐՔԻՆ ՓՈԽԱՆՈՐԴԸ

Շաբաթ, 31 Հոկտեմբեր 2015-ի առաւօտուն, Ն.Ս.Օ.Տ.Տ. Արամ Ա. Կաթողիկոս իր գրասենեակին մէջ ընդունեց Մարոնիթ Եկեղեցւոյ Րայի Պատրիարքին Պատրիարքական փոխանորդ՝ Փոլ Արքեպիսկոպոս Սայեահը։   Արքեպիսկոպոս Փօլ Սայեահ Րայի Պատրիարքին կողմէ յատուկ առաքելութեամբ Վեհափառ Հայրապետին այցելած էր Լիբանանի ու Միջին Արեւելքի առնչուած կարգ մը միջ-եկեղեցական ու քաղաքական հարցերու գծով տեղեակ պահելու Նորին Սրբութիւնը և ունենալու իր տեսակէտը։…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ԼԻԲԱՆԱՆԻ ՄՕՏ ԳԵՐՄԱՆԻՈՅ ԴԵՍՊԱՆԸ

Չորեքշաբթի, 28 Հոկտեմբեր 2015-ի երեկոյեան, Ն.Ս.Օ.Տ.Տ. Արամ Ա. Վեհափառ Հայրապետին այցելեց Լիբանանի մօտ Գերմանիոյ դեսպան Մարթին Հութ։ Հանդիպման ներկայ էր նաեւ Ազգային Կեդրոնական Վարչութեան ատենապետ Տոքթ. Պետրոս Գարաճրճեան։ Հանդիպման ընթացքին լայնօրէն քննարկուեցան յատկապէս Լիբանանի ու Սուրիոյ առնչուած քաղաքական հարցեր, և այդ ծիրէն ներս հայ համայնքին դերը ու դիմագրաւած մարտահրաւէրները։ Վեհափառ Հայրապետը նաեւ անդրադարձաւ Մեծի Տանն…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ՍՈՑԻԱԼ ԴԵՄՈԿՐԱՏ ՀՆՉԱԿԵԱՆ ԿՈՒՍԱԿՑՈՒԹԵԱՆ ԿԵԴՐՈՆԱԿԱՆ ՎԱՐՉՈՒԹԻՒՆԸ

Չորեքշաբթի, 28 Հոկտեմբեր 2015-ի առաւօտուն, Ն.Ս.Օ.Տ.Տ. Արամ Ա. Վեհափառ Հայրապետը իր գրասենեակին մէջ ընդունեց Սոցիալ Դեմոկրատ Հնչակեան Կուսակցութեան Կեդրոնական Վարչութիւնը ներկայացնող պատուիրակութիւնը, գլխաւորութեամբ Կեդրոնական Վարչութեան ատենապետ Յակոբ Տիգրանեանին և ներկայութեամբ փոխ ատենապետ պետական երեսփոխան Սեպուհ Գալփաքեանի և Կեդրոնական Վարչութեան անդամ Եղիկ Ճէրէճեանի: Տեսակցութեան ընթացքին քննարկուեցան ազգային կեանքը յուզող հարցեր, ինչպէս նաեւ Հայաստան-Սփիւռք գործակցութիւնը աւելի ամրապնդելու…

«ՑԵՂԱՍՊԱՆՈՒԹԻՒՆՆԵՐՈՒ ՃԱՆԱՉՈՒՄ ԵՒ ԿԱՆԽԱՐԳԻԼՈՒՄ» ԽՈՐԱԳԻՐՈՎ ԵՐԻՏԱՍԱՐԴԱԿԱՆ ՀԱՄԱԳՈՒՄԱՐ ԿԱԹՈՂԻԿՈՍԱՐԱՆԷՆ ՆԵՐՍ

Հովանաւորութեամբ Միջին Արեւելքի Եկեղեցիներու Խորհուրդին եւ կազմակերպութեամբ Մեծի Տանն Կիլիկիոյ Կաթողիկոսութեան Երիտասարդական Բաժանմունքին, Շաբաթ, 24 Հոկտեմբեր 2015-ին, «Կիլիկիա» Թանգարանի Կիւլպէնկեան սրահէն ներս տեղի ունեցաւ «Ցեղասպանութիւններու Ճանաչում եւ Կանխարգիլում» թեմայով երիտասարդական միօրեայ համագումար, որուն մասնակից դարձան հայկական եւ օտար երիտասարդական ու եկեղեցական միութիւններու ներկայացուցիչները: Համագումարին բացումը կատարեց Ն.Ս.Օ.Տ.Տ. Արամ Ա. Վեհափառ Հայրապետը: Ողջունելէ ետք Մեծի Տանն…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԿԸ ՄԱՍՆԱԿՑԻ 1915-Ի ՔԱՂԴԷԱՑԻ ՆԱՀԱՏԱԿՆԵՐՈՒՆ ՆՈՒԻՐՈՒԱԾ ԱՐԱՐՈՂՈՒԹԵԱՆ

Համաշխարհային Ա. պատերազմի ընթացքին, Օսմանեան Թուրք կառավարութեան կողմէ ծրագրուած ու գործադրուած Հայոց Ցեղասպանութեան առընթեր, նաեւ ցեղասպանութեան ենթարկուեցան քաղդէական եւ ասորական մշակոյթներու հետեւող եկեղեցիներու զաւակները, որոնց զոհերուն թիւը կը հասնի շուրջ կէս միլիոնի: Շաբաթ, 24 Հոկտեմբեր 2015-ին, Ն.Ս.Օ.Տ.Տ. Արամ Ա. Կաթողիկոս հրաւիրուած էր Քաղդէացիներու Պէյրութի Առաջնորդ Միշէլ Քասարժիի կողմէ, ներկայ գտնուելու 1915-ի քաղդէացի նահատակներուն նուիրուած եկեղեցական…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԱՅՑԵԼԵՑ ԱԹԷՆՔԻ ՆԷՈՍ ԳՈԶՄՈՍ-ՖԻՔՍԻ ՍՈՒՐԲ ԿԱՐԱՊԵՏ ԵԿԵՂԵՑԻՆ

Չորեքշաբթի, 21 Նոյեմբեր 2015-ի երեկոյեան, Ն.Ս.Օ.Տ.Տ. Արամ Ա. Վեհափառ Հայրապետը, ընկերակցութեամբ Յունաստանի Հայոց Թեմի Առաջնորդ Գերշ. Տ. Խորէն Արք. Տողրամաճեանի եւ Կաթողիկոսարանի Միջ-եկեղեցական բաժանմունքի վարիչ Գերպ. Տ. Յուսիկ Ծ. Վրդ. Մարտիրոսեանի այցելեց Աթէնքի Նէոս Գոզմոս-Ֆիքս շրջանի Սուրբ Կարապետ եկեղեցին, ուր դիմաւորուեցաւ եկեղեցական դասուն, Յունաստանի Ազգային Վարչութեան անդամներուն եւ ժողովուրդին կողմէ: Աւանդական աղի եւ հացի օրհնութենէն…

Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏԻՆ ԱՅՑԵԼԵՑ ԳԱՐԱԿԷՕԶԵԱՆ ՀԱՍՏԱՏՈՒԹԵԱՆ ՎԱՐՉՈՒԹԻՒՆԸ  

  Ուրբաթ, 23 Հոկտեմբեր 2015-ի առաւօտուն, Ն.Ս.Օ.Տ.Տ. Արամ Ա. Կաթողիկոս Վեհարանի դահլիճին մէջ ընդունեց Հաուըրտ Գարակէօզեան հաստատութեան վարչութիւնը։ Հանդիպումին նաեւ ներկայ էին հաստատութեան Նիւ Եորքի կեդրոնական գրասենեակի ընդհանուր տնօրէնուհի՝ Իրինա Լազարեան և Լիբանանի Գարակէօզեան կեդրոնի տնօրէն՝ Սերոբ Օհանեան։      Գարակէօզեան հաստատութեան պատասխանատուները եկած էին Նորին Սրբութեան իրենց շնորհակալութիւնը յայտնելու հաստատութեան տարած գործունէութեան նկատմամբ անոր…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԿԱՐԵՒՈՐ ՀԱՆԴԻՊՈՒՄՆԵՐ ՈՒՆԵՑԱՒ ԱԹԷՆՔԻ ՄԷՋ

18-22 Հոկտեմբեր 2015-ին, Աթէնք կեցութեան իր կարճ շրջանին, «Կրօններու ու մշակոյթներու խաղաղ գոյակցութիւնը Միջին Արեւելքէն ներս» համագումարին առընթեր, Ն.Ս.Օ.Տ.Տ. Արամ Ա. Վեհափառ Հայրապետը կարեւոր հանդիպումներ ունեցաւ Յունաստանի Արտաքին Գործոց Նախարարին հետ, ողջունելով սոյն համագումարը կազմակերպելու նախարարութեան նախաձեռնութիւնը: Վեհափառ Հայրապետին հետ հանդիպումներ ունեցան Հրէական Միջազգային Կրօնական-Մշակութային Կազմակերպութեան նախագահը, Իրաքի խորհրդարանի քրիստոնեայ պլոքին նախագահը, Շուէտի խորհրդարանի Ասորի…

«ՄԻՋԻՆ ԱՐԵՒԵԼՔԻ ՏԱԳՆԱՊՆԵՐԸ ԿԱՐԵԼԻ ՉԷ ԼՈՒԾԵԼ ԶԻՆՈՒՈՐԱԿԱՆ ՈՒԺՈՎ ԱՅԼ ՄԻԱՅՆ ՔԱՂԱՔԱԿԱՆ ԳՈՐԾԸՆԹԱՑՈՎ» Ն.Ս.Օ.Տ.Տ. Արամ Ա. Կաթողիկոս

«Միջին Արեւելքը այսօր վերստին դարձած է տագնապներով լեցուն շրջան մը: Տագնապներ որոնք կը հրահրուին արտաքին ուժերու կողմէ ի շահ իրենց աշխարհաքաղաքական ծրագիրներուն: Այս տագնապները ամբողջական ու մնայուն լուծում կրնան գտնել միայն քաղաքական գործընթացով՝ մասնակցութեամբ տեղական ուժերու եւ մեկնելով քրիստոնեայ-իսլամ գոյակցութիւնը ամուր պահող յանձնառութենէն», այս շեշտաւորումով Ն.Ս.Օ.Տ.Տ. Արամ Ա. Կաթողիկոս իր խօսքը ներկայացուց Աթէնքի մէջ 18-20…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ՀԱՆԴԻՊՈՒՄ ՈՒՆԵՑԱՒ ՍՈՒՐԻՈՅ ՀԱՐՑՈՎ Մ.Ա.Կ.-Ի ՅԱՏՈՒԿ ՊԱՏՈՒԻՐԱԿ Ս. ՏԸ ՄԻՍԹՈՒՐԱՅԻ ՀԵՏ

  Երեքշաբթի, 20 Հոկտեմբեր 2015-ին, Ն.Ս.Օ.Տ.Տ. Արամ Ա. Կաթողիկոս շուրջ ժամ մը տեւողութեամբ հանդիպում ունեցաւ Սուրիոյ հարցով Միացեալ Ազգերու Կազմակերպութեան յատուկ պատուիրակ Սթեֆան Տը Միսթուրայի հետ:        Սուրիայէն ներս տիրող ընդհանուր կացութեան ու վերջին զարգացումներուն շուրջ տեղեկութիւններու եւ տեսակէտներու փոխանցումէ ետք, Վեհափառ Հայրապետը Սուրիական հարցին խաղաղ լուծման իր պատկերացումը ներկայացուց հետեւեալ ձեւով:  …

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ՀԱՆԴԻՊՈՒՄ ՈՒՆԵՑԱՒ ՅՈՒՆԱՍՏԱՆԻ ՀԱՆՐԱՊԵՏՈՒԹԵԱՆ ՆԱԽԱԳԱՀԻՆ ՀԵՏ

Երկուշաբթի, 19 Հոկտեմբեր 2015-ին, Աթէնք ժամանման յաջորդ օրը, Ն.Ս.Օ.Տ.Տ. Արամ Ա. Վեհափառ Հայրապետը հանդիպում ունեցաւ Յունաստանի Հանրապետութեան Նախագահ Տիար Փրոքոփիս Փաւլոբուլոսի հետ: Վեհափառ Հայրապետին կ’ընկերանային Յունաստանի Հայոց Թեմի Առաջնորդ Գերշ. Տ. Խորէն Արք. Տողրամաճեան եւ Ազգային Վարչութեան ատենապետ Տիար Արա Մանկոյեան: Նորին Սրբութիւնը նախ ողջունեց Յունաստանի պետութեան կազմակերպած համագումարը՝ «Կրօններու ու մշակոյթներու խաղաղ գոյակցութիւնը Միջին…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԱԹԷՆՔԻ ՄԷՋ

Կիրակի, 18 Հոկտեմբեր 2015-ի երեկոյեան, Ն.Ս.Օ.Տ.Տ. Արամ Ա. Կաթողիկոս մեկնեցաւ Աթէնք, ընդառաջելով Յունաստանի Արտաքին Գործոց նախարարին հրաւէրին, մասնակցելու Յունաստանի պետութեան կողմէ կազմակերպուած քրիստոնեայ եւ իսլամ առաջնորդները համախմբող համագումարին: Համագումարին ընդհանուր խորագիրն է «Կրօններու ու մշակոյթներու խաղաղ գոյակցութիւնը Միջին Արեւելքէն ներս»: Համագումարի ընթացքին Վեհափառ Հայրապետը խօսք պիտի առնէ: Վեհափառ Հայրապետը ժամանեց Աթէնքի օդակայան ընկերակցութեամբ Անտիոքի Յոյն…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԻՐ ՊԱՏԳԱՄԸ ՅՂԵՑ ՀՀ ԳԱԱ-Ի ԿՈՂՄԷ ԿԱԶՄԱԿԵՐՊՈՒԱԾ, «ՃԱՆԱՉՈՒՄԷ ՀԱՏՈՒՑՈՒՄ» ԳԻՏԱԺՈՂՈՎԻՆ

Մեծի Տանն Կիլիկիոյ Վեհափառ Հայրապետ՝ Ն.Ս.Օ.Տ.Տ. Արամ Ա. Կաթողիկոսի թելադրութեամբ, Ատրպատականի Հայոց Թեմի Առաջնորդ՝ Գերշ. Տ. Գրիգոր Ս. Եպս. Չիֆթճեանը, Հինգշաբթի 15 Հոկտեմբեր 2015-ին, Հայաստանի Հանրապետութեան գիտութիւններու Ազգային Ակադեմիայի դահլիճին մէջ ընթերցեց Վեհափառ Հայրապետին պատգամը, ուղղուած, «Հայոց Ցեղասպանութիւն. Ճանաչումէ Հատուցում» միջազգային գիտաժողովին ներկայ, աշխարհի տարբեր երկիրներէ եկած հայ թէ օտար մասնակիցներուն: Հայաստանի Հանրապետութեան նախագահ Ն.Վ.…

«ԴՊՐԵՎԱՆՔԸ ԵՂԱԾ Է ԵՒ ԿԸ ՄՆԱՅ ՀԱՅ ՍՓԻՒՌՔԻՆ ՄԱՐԴՈՒԺ ՀԱՅԹԱՅԹՈՂ ՆՈՒԻՐԱԿԱՆ ԿԵԴՐՈՆ»

Այսպէս յայտարարեց Ն.Ս.Օ.Տ.Տ. Արամ Ա. Կաթողիկոս, Դպրեվանքի «Բրաբիոն Տումանեան» հանդիսասրահէն ներս տեղի ունեցած Մեծի Տանն Կիլիկիոյ Կաթողիկոսութեան Անթիլիասի Դպրեվանքի բացման հանդէսին։ Երկուշաբթի, 12 Հոկտեմբեր 2015-ի առաւօտուն, նախագահութեամբ Ն.Ս.Օ.Տ.Տ. Արամ Ա. Վեհափառ Հայրապետին, ներկայութեամբ միաբան հայրերու եւ ուսուցիչներու, պաշտօնական հանդիսութեամբ բացումը կատարուեցաւ Դպրեվանքի 86-րդ ուսումնական-կրթական տարեշրջանին։ Այս առիթով, դպրեվանեցիներ ներկայացուցին գեղարուեստական կոկիկ յայտագիր մը, որուն ընթացքին…

ՀԱՐԿ Է ԳՈ՛ՐԾՆԱՊԷՍ ՆԵՑՈՒԿ ԿԱՆԳՆԻԼ ՄԵՐ ՄՏԱՒՈՐԱԿԱՆՆԵՐՈՒՆ

   Սոյն գրութիւնը խտացումն է Ն.Ս.Օ.Տ.Տ. Արամ Ա. Կաթողիկոսի պատգամին՝ արտասանուած Հայ Գիրքի 36-րդ Ցուցահանդէսի բացման առթիւ. Անթիլիասի Մայրավանքի շաջափակին մէջ, Կիրակի 11 Հոկտեմբեր 2015-ին։              24 Ապրիլ 1915… Սկիզբ 20-րդ դարու առաջին ցեղասպանութեան՝ Հայոց Ցեղասպանութեան։ Հայ ժողովուրդին ցեղասպանութիւնը ծրագրող ցեղասպան թուրքը քաջ գիտէր, թէ ազգ մը բնաջնջելու առաջին եւ ամէնէն ազդու միջոցը…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԲԱՑՈՒՄԸ ԿԱՏԱՐԵՑ ՀԱՅ ԳԻՐՔԻ 36-րդ ՑՈՒՑԱՀԱՆԴԷՍԻՆ

Կիրակի, 11 Հոկտեմբեր 2015-ին, Ս. եւ Անմահ Պատարագի աւարտին, Սրբոց Թարգմանիչ Վարդապետներու նուիրուած «Որք զարդարեցին» շարականի երգեցողութեամբ, Հայրապետական թափօրը ուղղուեցաւ Կաթողիկոսարանի շրջափակին մէջ զետեղուած յատուկ տաղաւարը, ուր Ն.Ս.Օ.Տ.Տ. Արամ Ա. Վեհափառ Հայրապետը կատարեց Հայ Գիրքի 36-րդ ցուցահանդէսի բացումը:   Աւանդութիւն դարձած, Մեծի Տանն Կիլիկիոյ Կաթողիկոսութեան կազմակերպութեամբ Հայ Գիրքի ցուցահանդէսը ի մի կը բերէ Լիբանանի զանազան…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ «ԱՔՍԻՈՆ ՔՐԷԹԻԷՆ»-Ի ՆԵՐԿԱՅԱՑՈՒՑԻՉՆԵՐԸ

Հինգշաբթի, 8 Հոկտեմբեր 2015-ի առաւօտուն, Պիքֆայայի Սուրբ Աստուածածին Վանքի Վեհարանէն ներս, Ն.Ս.Օ.Տ.Տ. Արամ Ա. Վեհափառ Հայրապետը ընդունեց «Աքսիոն Քրէթիէն»-ը ներկայացնող և շուրջ 20 հոգիներէ բաղկացած պատուիրակութիւն մը՝ առաջնորդութեամբ յիշեալ կազմակերպութեան նախագահին։ Պատուիրակութեան մաս կը կազմէին Վերապատուելի Մկրտիչ Քարակէօզեան և Ծերանոցի տնօրէն Պատուելի Սեպուհ Թէրզեան, ինչպէս նաեւ Եւրոպայի զանազան երկիրներու «Աքսիոն Քրէթիէն»-ի ներկայացուցիչները։   Վեհափառ Հայրապետը…

«ԱՆՀՐԱԺԵՇՏ Է ՆՈՐ ՄՂՈՒՄ ՏԱԼ 100 ՏԱՐԻՆԵՐՈՒ ՎՐԱՅ ԵՐԿԱՐՈՂ ՀԱՅ-ԶՈՒԻՑԵՐԻԱԿԱՆ ԳՈՐԾԱԿՑՈՒԹԵԱՆ» Ն.Ս.Օ.Տ.Տ. Արամ Ա. Կաթողիկոս

22-27 Սեպտեմբեր 2015-ին, Ն.Ս.Օ.Տ.Տ. Արամ Ա. Վեհափառ Հայրապետը ընդառաջելով Զուիցերիոյ Բողոքական Եկեղեցիներու Խորհուրդին եւ Արմէնօֆաս Հիմնարկին հրաւէրներուն պաշտօնական այցելութիւն մը տուաւ Զուիցերիա: Սոյն այցելութեան ընթացքին Վեհափառ Հայրապետին ընկերացող պատուիրակութեան մաս կը կազմէին Յունաստանի Հայոց Թեմի Առաջնորդ Գերշ. Տ. Խորէն Արք. Տողրամաճեան, Կաթողիկոսարանի Միջ-եկեղեցական բաժանմունքի վարիչ Գերպ. Տ. Յուսիկ Ծ. Վրդ. Մարտիրոսեան, Լսատեսողական բաժանմունքի վարիչ Հոգշ.…

«ՓԱՓԱ ՔԻՒՆՑԼԷՐԻ ԿԵԱՆՔԸ ՍԻՐՈՅ ԳՈՐԾՆԱԿԱՆ ԱՐՏԱՅԱՅՏՈՒԹԻՒՆՆ Է» Ն.Ս.Օ.Տ.Տ. Արամ Ա. Կաթողիկոս

Զուիցերիա կատարած իր պաշտօնական այցելութեան ծիրէն ներս, Ն.Ս.Օ.Տ.Տ. Արամ Ա. Վեհափառ Հայրապետը ներկայ գտնուեցաւ եւ իր պատգամը փոխանցեց Ուօլցընհաուսընի եկեղեցւոյ մէջ կազմակերպուած Փափա Քիւնցլէրի յիշատակի ձեռնարկին: Փափա Քիւնցլէր այս գիւղին մէջ անցուցած էր իր պատանեկութեան եւ երիտասարդութեան տարիները, նախքան հայ ժողովուրդին օգնութեան համար իբր կամաւոր բժիշկ Ուրֆա մեկնիլը:   Հանդիսութեան ընթացքին խօսք առին Ուօլցընհաուսի Քաղաքապետ…

Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏԻՆ ՑԱՒԱԿՑԱԳԻՐ ՆԱՄԱԿԸ ԻՐԱՆԻ ԻՍԼԱՄԱԿԱՆ ՀԱՆՐԱՊԵՏՈՒԹԵԱՆ ՆԱԽԱԳԱՀԻՆ

Անցնող օրերուն Սէուտական Արաբիոյ մէջ «Հաժժ»ի ուխտագնացութեան ընթացքին, արկածի հետեւանքով մահացած Իրանի Իսլամական Հանրապետութեան քաղաքացի ուխտաւորներու մահուան առիթով, Ն.Ս.Օ.Տ.Տ. Արամ Ա. Կաթողիկոս սոյն ցաւակցագիր նամակը յղեց Իրանի Իսլամական Հանրապետութեան Նախագահին, զորս կը ներկայացնենք ստորեւ։          2 Հոկտեմբեր, 2015 Անթիլիաս-Լիբանան   Վսեմաշուք Դոկտ. Հասան Րուհանի Նախագահ Իրանի Իսլամական Հանրապետութեան Թեհրան     Խոր…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ՆԵՐԿԱՅ ԿԸ ԳՏՆՈՒԻ ՓԱՓԱ ՔԻՒՆՑԼԷՐԻ ՆՈՒԻՐՈՒԱԾ ՑՈՒՑԱՀԱՆԴԷՍԻՆ

Ն.Ս.Օ.Տ.Տ. Արամ Ա. Վեհափառ Հայրապետը, ընկերակցութեամբ Զուիցերիա տուած պաշտօնական այցելութեան պատուիրակութեան անդամներուն՝ Յունաստանի Հայոց Թեմի Առաջնորդ Գերշ. Տ. Խորէն Արք. Տողրամաճեանի, Կաթողիկոսարանի Միջ-եկեղեցական բաժանմունքի վարիչ Գերպ. Տ. Յուսիկ Ծ. Վրդ. Մարտիրոսեանի, Լսատեսողական բաժանմունքի վարիչ Հոգշ. Տ. Պետրոս Վրդ. Մանուէլեանի, Պետական Երեսփոխան Տիար Յակոբ Բագրատունիի, Արմէնօֆաս Հիմնարկի Նախագահ Տիկ. Թենի Փիրրի-Սիմոնեանի եւ Արմէնօֆաս յանձնախումբի ներկայացուցիչներուն հետ…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻՆ Ի ՊԱՏԻՒ ՊԱՇՏՕՆԱԿԱՆ ՃԱՇԿԵՐՈՅԹ ԶՈՒԻՑԵՐԻՈՅ ՊԵՏԱԿԱՆ ԱՆՁՆԱՒՈՐՈՒԹԻՒՆՆԵՐՈՒ ՆԵՐԿԱՅՈՒԹԵԱՆ

Զուիցերիոյ Բողոքական Եկեղեցիներու Խորհուրդը, Ն.Ս.Օ.Տ.Տ. Արամ Ա. Վեհափառ Հայրապետին ի պատիւ պաշտօնական ընթրիք մը տուաւ, Հովուապետին Զուիցերիա կատարած այցելութեան ընթացքին: Պաշտօնական ճաշկերոյթին ներկայ էին Զուիցերիոյ Բողոքական Եկեղեցիներու Խորհուրդի Նախագահ Դոկտ. Լոխըր, Գերմանիոյ Կաթոլիկ Եկեղեցւոյ Եպիսկոպոսներու Նախագահը, Հին Կաթոլիկ Եկեղեցւոյ Եպիսկոպոսը, Զուիցերիոյ մէջ Ֆրանսայի դեսպանը, Հայաստանի ու Լիբանանի հիւպատոսները, զուիցերիացի ծերակուտականներ եւ երեսփոխաններ, Վեհափառ Հայրապետին ընկերացող…

ՄԻՋ-ԵԿԵՂԵՑԱԿԱՆ ԱՂՕԹՔ ՊԷՌՆԻ ՄԱՅՐ ՏԱՃԱՐԻՆ ՄԷՋ

Զուիցերիոյ Բողոքական Եկեղեցիներու Խորհուրդի հրաւէրով Ն.Ս.Օ.Տ.Տ. Արամ Ա. Կաթողիկոսի Զուիցերիա կատարած պաշտօնական այցելութեան ընթացքին, Պէռնի Մայր Տաճարին մէջ տեղի ունեցաւ միջ-եկեղեցական արարողութիւն,ուր Վեհափառ Հայրապետը իր պատգամը փոխանցեց:   Միջ-եկեղեցական արարողութեան ներկայ էին Զուիցերիոյ Բողոքական Եկեղեցիներու Խորհուրդի Նախագահ Դոկտ. Կոտֆրիտ Լոխըր եւ իրեն ընկերացող խումբ մը կղերականներ, Զուիցերիոյ մէջ Հայաստանի ու Լիբանանի հիւպատոսները, զուիցերիացի ծերակուտականներ եւ…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ՀԱՆԴԻՊՈՒՄ ՈՒՆԵՑԱՒ ԶՈՒԻՑԵՐԻՈՅ ԾԵՐԱԿՈՅՏԻ ՆԱԽԱԳԱՀԻՆ ՀԵՏ

Զուիցերիա կատարած իր այցելութեան պետական տեսակցութիւններու ծիրէն ներս, Ն.Ս.Օ.Տ.Տ. Արամ Ա. Վեհափառ Հայրապետը հանդիպում ունեցաւ Զուիցերիոյ Ծերակոյտի Նախագահ Քլոտ Հէշի հետ: Նորին Սրբութեան կ’ընկերանային Զուիցերիոյ Բողոքական Եկեղեցիներու Նախագահ Կոտֆրիտ Լոխըր, Լիբանանի Խորհրդարանի Երեսփոխան Տիար Յակոբ Բագրատունի եւ Արմէնօֆասի Նախագահ Տիկ. Թենի-Փիրրի Սիմոնեան: Աւելի քան ժամ մը տեւող հանդիպումի ընթացքին, Վեհափառ Հայրապետը նախ շնորհակալութիւն յայտնեց Զուիցերիոյ…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԻՐ ԶՕՐԱԿՑՈՒԹԻՒՆԸ ԿԸ ՅԱՅՏՆԷ ՀԱՅՈՑ ԲԱՆԱԿԻՆ

Զուիցերիա կատարած իր պաշտօնական այցելութեան ընթացքին, իմանալով Ղարաբաղի ու Հայ Ատրպէյճանական սահմանագիծին վրայ բախումներու ընթացքին ինկած Հայոց բանակի զոհերուն մասին, Արամ Ա. Վեհափառ Հայրապետը հետեւեալ յայտարարութիւնը կատարեց.-     «Խոր ցաւով իմացանք մեր զինուորներուն մահուան մասին։ Անոնց ընտանիքներուն կը յայտնենք մեր խորազգաց ցաւակցութիւնը և Հայրական սէրն ու օրհնութիւնը։ Մեր զինուորները հերոսներ են ու նահատակներ, որովհետեւ անոնք…

«ԶՈՒԻՑԵՐԻԱ ԿԱՏԱՐԱԾ ՄԵՐ ԱՅՑԵԼՈՒԹԻՒՆԸ ԿԱՐԵՒՈՐ ԻՐԱԳՈՐԾՈՒՄ ՄԸՆ ԷՐ ՀԱՅ ԺՈՂՈՎՈՒՐԴԻ ԴԱՏԻՆ ՆԿԱՏՄԱՄԲ ԶՈՒԻՑԵՐԻՈՅ ԶՕՐԱԿՑՈՒԹԻՒՆԸ ԱՒԵԼԻ ԱՄՐԱՊՆԴԵԼՈՒ ԻՄԱՍՏՈՎ» Ն.Ս.Օ.Տ.Տ. Արամ Ա. Կաթողիկոս

  Երէկ գիշեր Պէռնի իր իջեւանած պանդոկին մէջ Ն.Ս.Օ.Տ.Տ. Արամ Ա. Վեհափառ Հայրապետը ընդունեց այցելութիւնը Զուիցերիոյ Բողոքական Եկեղեցիներու Խորհուրդի Նախագահ Դոկտ. Լոխըրին, ընկերակցութեամբ Խորհուրդի միջ-եկեղեցական յարաբերութեանց պատասխանատու Դոկտ. Սերժ Ֆորներոյի: Հոգեւոր Պետերուն առանձին հանդիպումէն եւ իրենց գործակիցներու ներկայութեան միացեալ հաղորդագրութիւն ստորագրելէ ետք, Վեհափառ Հայրապետը հետեւեալ յայտարարութիւնը կատարեց.-               «Զուիցերիա Մեր այցելութիւնը տեղի ունեցաւ «100…

Ն.Ս.Օ.Տ.Տ. Արամ Ա. Վեհափառ Հայրապետին պատգամը՝ ուղղուած Հայոց Ցեղասպանութեան 100-ամեակի Յանձնաժողովին:

Ն.Վ. Սերժ ՍարգսեանՆախագահ Հայաստանի ՀանրապետութեանՆ.Վ. Բակօ ՍահակեանՆախագահ Լեռնային Ղարաբաղի ՀանրապետութեանՆ.Ս.Օ.Տ.Տ. Գարեգին Բ. Կաթողիկոս Ամենայն ՀայոցԳերերջանիկ Հոգեւոր Տէր,Վերապատուելի եւ Սիրելի ներկաներ, Հայրապետական օրհնութեամբ, քրիստոնէական ջերմ սիրով ու ազգային վառ ապրումներով կ’ողջունենք ձեզ։ Տարի մը առաջ ճշդուած ժամանակացոյցին համաձայն այս օրերուն կը գտնուինք Զուիցերիա, գնահատանքի ու երախտագիտութեան Մեր խօսքը ուղղելու Զուիցերիացի ժողովուրդին՝ գլխաւոր չորս քաղաքներուն մէջ իրենց…

«100 ՏԱՐԻՆԵՐ ԵՏՔ ԴԱՐՁԵԱԼ ՈՒ ՄԻՇՏ ԿԸ ՅԻՇԵՆՔ ՊԷՆՅԷՆԻ ՈՒ ԺԸՆԵՒԻ ՄԵՐ ՈՐԲԵՐԸ ԵՒ ԶՈՒԻՑԵՐԻԱՑԻ ՄԱՐԴԱՍԷՐ ՈՒ ՀԱՅԱՍԷՐ ԺՈՂՈՎՈՒՐԴԸ» Ն.Ս.Օ.Տ.Տ. Արամ Ա. Կաթողիկոս

  24 Սեպտեմբեր 2015-ը միշտ վառ թուական պիտի մնայ հայ-զուեցերիական բարեկամութեան պատմութեան մէջ: Արդարեւ, Հայոց Ցեղասպանութենէն 100 տարիներ ետք, Ն.Ս.Օ.Տ.Տ. Արամ Ա. Կաթողիկոս Զուիցերիոյ Պէնյէն քաղաքին մէջ, յանուն հայ ժողովուրդին երախտագիտութիւն յայտնեց Զուիցերիոյ պետութեան, եկեղեցիներուն եւ ժողովուրդին, հայ ժողովուրդին նկատմամբ անոնց ցուցաբերած մարդասիրական վերաբերմունքին համար, Հայոց Ցեղասպանութեան ընթացքին եւ յաջորդող շրջանին: 1896 թուականին, Պէնյէն քաղաքի…

ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԻՒՆԸ ՊԻՏԻ ՄԱՍՆԱԿՑԻ Ս. ԷՋՄԻԱԾՆԻ ՄԻՒՌՈՆՕՐՀՆԷՔԻՆ ԵՒ ՀԱՅՈՑ ՑԵՂԱՍՊԱՆՈՒԹԵԱՆ 100-ԱՄԵԱԿԻ ԺՈՂՈՎԻՆ

Շաբաթ, 26 Սեպտեմբերին, Երեւանի մէջ Հայաստանի Հանրապետութեան Նախագահ Ն.Վ. Սերժ Սարգիսեանի հրաւէրով ու նախագահութեամբ տեղի պիտի ունենայ Հայոց Ցեղասպանութեան 100-ամեակի յանձնաժողովին հանդիպումը։ Սոյն ժողովի ընթացքին պիտի կատարուի 100-ամեակի արժեւորումը, ինչպէս նաեւ պիտի ճշդուին հայ ժողովուրդի արդար իրաւունքներու վերատիրացման գծով կատարուելիք յառաջիկայ աշխատանքները։ Յիշեալ ժողովին Վեհափառ Հայրապետին պատգամը պիտի ընթերցէ Բերիոյ Հայոց Թեմի Առաջնորդ Գերշ. Տ.…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ՏԵՍԱԿՑՈՒԹԻՒՆ ՈՒՆԵՑԱՒ ԶՈՒԻՑԵՐԻՈՅ ԱՐՏԱՔԻՆ ԳՈՐԾՈՑ ՊԵՏԱԿԱՆ ՆԱԽԱՐԱՐԻՆ ՀԵՏ

  24 Սեպտեմբեր 2015-ի առաւօտուն, Ն.Ս.Օ.Տ.Տ. Արամ Ա. Կաթողիկոս ընկերակցութեամբ Պետական Երեսփոխան Տիար Յակոբ Բագրատունիի այցելութիւն տուաւ Զուիցերիոյ Արտաքին գործոց նախարարութիւն, ուր հանդիպում ունեցաւ արտաքին հարցերու պետական նախարար՝ Տիար Իվ Րոսիէյի հետ:               Վեհափառ Հայրապետը նախարարին յայտնեց, թէ Զուիցերիա կը գտնուի Զուիցերիոյ Եկեղեցիներու Խորհուրդի հրաւէրով, միասնաբար յիշելու Հայոց Ցեղասպանութեան 100-ամեակը եւ հայ ժողովուրդին անունով…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԶՈՒԻՑԵՐԻՈՅ ԵԿԵՂԵՑԻՆԵՐՈՒ ԽՈՐՀՈՒՐԴԻ ԿԵԴՐՈՆԱՏԵՂԻԷՆ ՆԵՐՍ

23 Սեպտեմբեր 2015-ին, Ն.Ս.Օ.Տ.Տ. Արամ Ա. Վեհափառ Հայրապետը իրեն ընկերացող պատուիրակութեան հետ, ժամանեց Զուիցերիոյ մայրաքաղաք՝ Պեռն, Զուիցերիոյ Եկեղեցիներու Կեդրոնատեղին, ուր դիմաւորուեցաւ Խորհուրդի նախագահ Դոկտ. Կոտֆրիտ Լոխըրի եւ Խորհուրդի աշխատակազմի բարձրագոյն պատասխանատուներուն կողմէ: Դոկտ. Լոխըր բոլորին ներկայութեան ողջունեց Նորին Սրբութիւնը եւ անոր ընկերացող պատուիրակութեան անդամները եւ ուրախութիւնը յայտնեց այցելութեան համար: Ան ըսաւ 100 տարիներու գործակցութիւն մը…

Ն.Ս.Օ.Տ.Տ. ԱՐԱՄ Ա.ԿԱԹՈՂԻԿՈՍ ՀԱՐՑԱԶՐՈՅՑՆԵՐ ՈՒՆԵՑԱՒ ԶՈՒԻՑԵՐԻՈՅ ՉՈՐՍ ԿԱՐԵՒՈՐ ԹԵՐԹԵՐՈՒՆ ՀԵՏ

Զուիցերիա կատարած իր այցելութեան յաջորդ օրը, Ն.Ս.Օ.Տ.Տ. Արամ Ա. Վեհափառ Հայրապետը յաջորդաբար հարցազրոյցներ ունեցաւ Զուիցերիոյ գերմանատառ եւ ֆրանսատառ թերթերու՝ Թակէս Անզէյկըր (Tages Anzeiger), Լա Լիպերթէ (La Liberté), Աժանս Րոմանտ Տէ Փրէս (Agence Romande de Presse) եւ Լո Թամբ (Le Temps), թղթակիցներուն հետ: Վեհափառ Հայրապետին ունեցած հարցազրոյցները ներառեցին՝   Ա) Զուիցերիա իր այցելութեան կատարած առնչուած հարցեր:…

Ն.Ս.Օ.Տ.Տ. ԱՐԱՄ Ա. ԿԱԱԹՈՂԻԿՈՍ ՄԵԿՆԵՑԱՒ ԶՈՒԻՑԵՐԻԱ

Ն.Ս.Օ.Տ.Տ. Արամ Ա. Վեհափառ Հայրապետը մեկնեցաւ Զուիցերիա, հրաւէրովը Զուիցերիոյ Եկեղեցիներու Խորհուրդին եւ Արմէնօֆաս Հիմնարկին։ Յառաջիկայ օրերու ընթացքին յաջորդաբար Ժընեւի, Պենիանի (Լոզանի մօտ), Պեռնի եւ Ուալզընհաուզընի (Ցիւրիխի մօտ) շրջաններուն մէջ տեղի պիտի ունենան հանդիսութիւններ «100 տարիներու հայ-զուիցերիացի ժողովուրդներու բարեկամութիւն» բնաբանով։ Հանդիսութիւններուն ընթացքին խօսք պիտի առնեն Վեհափառ Հայրապետը, Զուիցերիոյ Եկեղեցիներու Խորհուրդի նախագահն ու պետական ներկայացուգիչներ։ Յատուկ անդրադարձ…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ՄԻՇԷԼ ՔԱՍԱՐՃԻ ԵՒ ՌՈՒՖԱՅԷԼ ԹՐԱՊՈԼՍԻ ԵՊԻՍԿՈՊՈՍՆԵՐԸ

Պիքֆայայի Ս. Աստուածածին Վանքի Վեհարանին մէջ Ն.Ս.Օ.Տ.Տ. Արամ Ա. Կաթողիկոս 18 Սեպտեմբեր 2015-ին ընդունեց Քաղդէացւոց Եկեղեցւոյ Լիբանանի երկու առաջնորդները՝ Միշէլ Քասարճի եւ Ռուֆայէլ Թրապոլսի Եպիսկոպոսները։ Անոնք եկած էին Նորին Սրբութեան հետ խորհրդակցելու Իրաքէն ու Սուրիայէն Լիբանան հաստատուած եւ իրենց համայնքին պատկանող գաղթականներուն օժանդակութեան կապուած հարցերու շուրջ, ինչպէս նաեւ Վեհափառ Հայրապետը հրաւիրելու, որպէսզի նախագահէ Հոկտեմբեր 24-ին…

«ՑԵՂԱՍՊԱՆԸ ՈՒԶԵՑ ՀԱՅԱՍՏԱՆԸ ԵՒ ՀԱՅ ԺՈՂՈՎՈՒՐԴԸ ԳԵՐԵԶՄԱՆԵԼ, ՍԱԿԱՅՆ ԱՅՍՕՐ ՀԱՅ ԺՈՂՈՎՈՒՐԴԸ ՅԱՐՈՒԹԻՒՆՆ Է ԱՌԱԾ ՇՆՈՐՀԻՒ ԻՐ ՀԵՐՈՍՆԵՐՈՒՆ ԵՒ ՆԱՀԱՏԱԿՆԵՐՈՒՆ ԹԱՓԱԾ ԱՐԵԱՆ» Ն.Ս.Օ.Տ.Տ. Արամ Ա. Կաթողիկոս

Շաբաթ, 12 Սեպտեմբեր 2015-ի երեկոյեան, Այնճարի Ս. Պօղոս Եկեղեցւոյ դիմաց գտնուող հրապարակին վրայ, տեղի ունեցաւ պաշտօնական դիմաւորութիւնը Մեծի Տանն Կիլիկիոյ Կաթողիկոս Ն.Ս.Օ.Տ.Տ. Արամ Ա. Վեհափառ Հայրապետին։ Առաջնորդ Սրբազանին` Գերշ. Տ. Շահէ Եպս. Փանոսեանին կողքին Վեհափառ Հայրապետը դիմաւորելու եկած էին նաեւ՝ Մ.Ա.Հ.Ա.Ե.Մ.-ի Կեդրոնական Մարմինի Ատենապետ Վեր. Րաֆֆի Մսըրլեան, Գերշ. Տ. Վարուժան Արք. Հերկելեան, գիւղի հոգեւոր հայրերը,…

«ՄԻՋԻՆ ԱՐԵՒԵԼՔԻ ՄԷՋ ՔՐԻՍՏՈՆԷԱԿԱՆ ՆԵՐԿԱՅՈՒԹԵԱՆ ՊԱՀՊԱՆՈՒՄԸ ՀՐԱՄԱՅԱԿԱՆ ԱՆՀՐԱԺԵՇՏՈՒԹԻՒՆ Է ԹԷ՛ ՔՐԻՍՏՈՆԷՈՒԹԵԱՆ ԵՒ ԹԷ՛ ԻՍԼԱՄՈՒԹԵԱՆ ՀԱՄԱՐ»        Ն.Ս.Օ.Տ.Տ. Արամ Ա. Կաթողիկոս

Այս օրերուն Ուաշինկթընի մէջ Միջին Արեւելքի քրիստոնէութեան դիմագրաւած մարտահրաւէրներուն շուրջ տեղի ունեցող համագումարի նախագահ Թուֆիք Պաաքլինիին ղրկած նամակին մէջ Վեհափառ Հայրապետը ողջունեց յիշեալ նախաձեռնութիւնը՝ շեշտելով Միջին Արեւելքէն ներս քրիստոնէութեան պահպանման անհրաժեշտութիւնը։             «Միջին Արեւելքը ոչ միայն քրիստոնէութեան ծննդավայր եղած է, այլ նաեւ քրիստոնէական աշխարհի կարեւոր իրագործումները կատարուած են շրջանէն ներս եւ, հետեւաբար, Միջին Արեւելքի պատմութիւնը…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ՄԻՋ-ԿՐՕՆԱԿԱՆ ՆԵՐԿԱՅԱՑՈՒՑԻՉՆԵՐՈՒ ԵՒ ԱԶԳԱՅԻՆ ՄԱՐՄԻՆՆԵՐՈՒ ՀԵՏ ՀԱՆԴԻՊՈՒՄՆԵՐ ՈՒՆԵՑԱՒ

Ուրբաթ, 4 Սեպտեմբեր 2015-ին, ամբողջ օրուան ընթացքին, Աթէնքի իր իջեւանած պանդոկին մէջ, Ն.Ս.Օ.Տ.Տ. Արամ Ա. Վեհափառ Հայրապետը յաջորդաբար տեսակցութիւններ ունեցաւ ժողովի մասնակից քրիստոնեայ թէ իսլամ հոգեւոր պետերուն եւ Սէուտական Արաբիոյ պետութեան ներկայացուցիչին հետ: Նորին Սրբութիւնը նաեւ հանդիպումներ ունեցաւ Յունաստանի Հայոց Առաջնորդ Գերշ. Տ. Խորէն Արք. Տողրամաճեանին, Ազգային Վարչութեան եւ թեմէն ներս գործող թեմական կառոյցներու հետ:…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԱԹԷՆՔԻ ՄԻՋ-ԿՐՕՆԱԿԱՆ ՀԱՄԱԳՈՒՄԱՐԻՆ ՇԵՇՏԵՑ ԾԱՅՐԱՅԵՂԱԿԱՆՈՒԹԵԱՆ ԴԷՄ ՊԱՅՔԱՐԵԼՈՒ ՀՐԱՄԱՅԱԿԱՆԸ

«Կրօնական ծայրայեղականութիւնը ներկայ աշխարհի ամէնէն մտահոգիչ չարիքներէն մէկն է: Հետեւաբար, ընկերութեան կեանքէն զայն արմատախիլ ընելը համամարդկային ու համաշխարհային մօտեցում կ’ենթադրէ՝ քաղաքական, տնտեսական, զինուորական կրօնական եւ այլ ազդու միջոցներու ծրագրուած օգտագործումով» շեշտեց Արամ Ա. Վեհափառ Հայրապետը, Աթէնքի մէջ տեղի ունեցած միջ-կրօնական համագումարի բացման նիստին:   Յիշեալ համագումարը կազմակերպուած էր Վիեննայի մէջ Սէուտական Արաբիոյ Ապտալլա թագաւորին կողմէ…

Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏԸ ՀԱՆԴԻՊՈՒՄ ՈՒՆԵՑԱՒ ԱԹԷՆՔԻ ԵՒ ՀԱՄԱՅՆ ՅՈՒՆԱՍՏԱՆԻ ԱՐՔԵՊԻՍԿՈՊՈՍԻՆ ՀԵՏ

Չորեքշաբթի, 2 Սեպտեմբեր 2015-ին, Աթէնք ժամանման յետմիջօրէին, Յունաստանի Ուղղափառ Եկեղեցւոյ հոգեւոր կեդրոնին մէջ, Ն.Ս.Օ.Տ.Տ. Արամ Ա. Կաթողիկոս հանդիպում ունեցաւ Աթէնքի եւ համայն Յունաստանի Արք. Երոնիմոս Բ.-ի հետ: Արքեպիսկոպոսարանի դահլիճին մէջ Յունաստանի Եկեղեցւոյ բարձրաստիճան եկեղեցականներու ներկայութեան Երոնիմոս Արքեպիսկոպոս եղբայրական սիրով ողջունեց եւ բարի գալուստ մաղթեց Նորին Սրբութեան: Ապա, Վեհափառ Հայրապետը իր կարգին ողջունեց Արքեպիսկոպոսը եւ անդրադարձաւ…

Զրոյց-Հանդիպում` Սիսի Կաթողիկոսարան Մեկնած Մեծի Տանն Կիլիկիոյ Կաթողիկոսութեան Միաբանութեան Պատուիրակութեան Հետ

Կազմակերպութեամբ Հայ եկեղեցւոյ համալսարանական ուսանողներու միութեան (ՀԵՀՈՄ), երէկ` երեքշաբթի, 1 սեպտեմբեր 2015-ի երեկոյեան ժամը 8:00-ին, Ազգային առաջնորդարանի «Երջօ Սամուէլեան-Եռագոյն» սրահին մէջ տեղի ունեցաւ զրոյց-հանդիպում` Սիսի կաթողիկոսարան մեկնած Մեծի Տանն Կիլիկիոյ կաթողիկոսութեան միաբանութեան պատուիրակութեան հետ, ներկայութեամբ Լիբանանի հայոց թեմի առաջնորդ Շահէ եպս. Փանոսեանի, հոգեւոր հայրերու եւ հաւատացեալ ազգայիններու: ՀԵՀՈՄ-ի անունով ձեռնարկին բացումը կատարեց Արազ Գոճայեան, որ…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ՄԵԿՆԵՑԱՒ ՅՈՒՆԱՍՏԱՆ

Այսօր, Չորեքշաբթի 2 Սեպտեմբեր 2015-ին, Ն.Ս.Օ.Տ.Տ. Արամ Ա. Վեհափառ Հայրապետը մեկնեցաւ Աթէնք-Յունաստան, ընկերակցութեամբ՝ Միջ-եկեղեցական բաժանմունքի վարիչ Գերպ. Տ. Յուսիկ Ծ. Վրդ. Մարտիրոսեանի: Վեհափառ Հայրապետը հրաւիրուած է իր խօսքը արտասանելու, «Քրիստոնեայ-իսլամ խաղաղ համագոյակցութիւնը Միջին Արեւելքէն ներս» թեմային շուրջ տեղի ունենալիք համագումարի բացման նիստին։ Համագումարը տեղի պիտի ունենայ 2-3 Սեպտեմբեր 2015-ին Աթէնքի մէջ։

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ՔՐԻՍՏՈՆԵԱՅ ՀՈԳԵՒՈՐ ՊԵՏԵՐՈՒ ԺՈՂՈՎԻՆ ՇԵՇՏԵՑ ՆԱԽԱԳԱՀԱԿԱՆ ԸՆՏՐՈՒԹԵԱՆ ՀՐԱՄԱՅԱԿԱՆԸ

Երկուշաբթի, 31 Օգոստոս 2015-ին, Պքըրքէի Մարոնիթ Պատրիարքարանին մէջ տեղի ունեցող քրիստոնեայ հոգեւոր պետերու համագումարին, Ն.Ս.Օ.Տ.Տ. Արամ Ա. Վեհափառ Հայրապետը կարեւորութեամբ շեշտեց նախագահական ընտրութեան հրամայականը: Նորին Սրբութիւնը ըսաւ կարելի չէ թափուր ձգել նախագահական աթոռը. ճիշդ է նախագահը քրիստոնեայ է, սակայն ան ո՛չ միայն Լիբանանի քրիստոնեաները կը ներկայացնէ, ո՛չ միայն խորհրդանշական իմաստով Միջին Արեւելքի քրիստոնեաները, այլ նաեւ…

«ԵԿԵՂԵՑՒՈՅ ՄԸ ՆԱՀԱՏԱԿԸ ՄԻԱԺԱՄԱՆԱԿ ԲՈԼՈՐ ԵԿԵՂԵՑԻՆԵՐՈՒՆ ՆԱՀԱՏԱԿՆ Է» Ն.Ս.Օ.Տ.Տ. Արամ Ա. Կաթողիկոս

Այս շեշտաւորումով, Ն.Ս.Օ.Տ.Տ. Արամ Ա. Կաթողիկոս ֆրանսերէն լեզուով իր խօսքը ուղղեց Շաբաթ, 29 Օգոստոս 2015-ի երեկոյեան բազմահազար ժողովուրդին, որոնք եկած էին Հարիսայի Ասորի Կաթոլիկներու Ս. Աստուածածին վանքը տօնախմբելու նահատակ Ասորի Կաթողիկէ Եպիսկոպոս Ֆլաւիանօ Միշէլ Մելքիի երանացումը։ Արդարեւ, 1915-ին Հայոց Ցեղասպանութեան օրերուն հայ հոգեւորականներու կողքին նաեւ, Մարտինի մէջ նահատակուած էր շրջանի Ասորի Կաթոլիկ Առաջնորդը՝ Ֆլաւիանօ Միշէլ…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ԼԻԲԱՆԱՆԻ ԽՈՐՀՐԴԱՐԱՆԻ ՆԱԽԱԳԱՀԻՆ և ՄԱՐՈՆԻԹ ԵԿԵՂԵՑՒՈՅ ՀՈԳԵՒՈՐ ՊԵՏԻՆ ՆԵՐԿԱՅԱՑՈՒՑԻՉՆԵՐԸ

Հինգշաբթի, 27 Օգոստոս 2015-ի երեկոյեան, Պիքֆայայի Ս. Աստուածածին վանքին մէջ Վեհափառ Հայրապետին այցելեցին Խորհրդարանի Նախագահ Ն.Վ. Նեպիհ Պըրիին ներկայացուցիչները: Հանդիպման ընթացքին քննարկումի յատուկ նիւթ դարձաւ Պէյրութի մէջ տեղի ունեցող ժողովրդային ցոյցերը, ինչպէս նաեւ երկրին անդորրութիւնը պահելու և նախագահական ընտրութիւնը շուտաբոյթ կերպով կատարելու հրամայականը։ Վեհափառ Հայրապետը իր զօրակցութիւնը յայտնեց ժողովրդային ընվզումին նկատմամբ, միաժամանակ զգուշացնելով ժողովրդային ցոյցերուն…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ՅՈՒՆԱՍՏԱՆԻ ՆՈՐԱՆՇԱՆԱԿ ԴԵՍՊԱՆԸ

Չորեքշաբթի, 26 Օգոստոս 2015-ի առաւօտուն, Ն.Ս.Օ.Տ.Տ. Արամ Ա. Վեհափառ Հայրապետը, Պիքֆայայի Ս. Աստուածածին վանքին մէջ ընդունեց Լիբանանի մօտ Յունաստանի նորանշանակ դեսպան Թէոտոր Փասսաֆը։   Նկատի ունենալով դեսպանին նոր նշանակումը, Նորին Սրբութիւնը լայն բացատրութիւններ տուաւ Մեծի Տանն Կիլիկիոյ Կաթողիկոսութեան առաքելութեան, Սփիւռքի գաղութներուն, Միջին Արեւելքէն ներս տեղի ունեցող զարգացումներուն, ինչպէս նաեւ լիբանանահայութեան մասին։   Ապա, Վեհափառ Հայրապետին…

ՍԻՍԻ ԿԱԹՈՂԻԿՈՍԱՐԱՆԷՆ ՀՆՉԵՑ ՊԱՀԱՆՋԱՏԻՐԱԿԱՆ ՁԱՅՆԸ ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԵԱՆ

«Հայու քրտինքով ու արիւնով թրծուած կիլիկեան հողին ու յատկապէս Սիսի պատմական Կաթողիկոսարանի միւռոնաբոյր հողին վրայ կանգնած՝ մեր դարաւոր Կաթողիկոսարանին վերադարձը կը պահանջենք եւ մեր ժողովուրդի պահանջատիրութիւնը կը վերահաստատենք, հաւատարիմ նահատակներու սրբազան կտակին»: Ն.Ս.Օ.Տ.Տ. Արամ Ա. Կաթողիկոսին խոր հաւատքին, ամուր կամքին ու զօրեղ յանձնառութեան արտայայտութիւնը եղող այս բառերը հնչեցին Սիսի պատմական Կաթողիկոսարանէն՝ հայ ժողովուրդին ուղղուած Հայրապետական…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ԵՈՒՆԱՆ ՊԱՏՐԻԱՐՔԸ

Շաբաթ, 22 Օգոստոս 2015-ի առաւօտուն, Պիքֆայայի Սուրբ Աստուածածին Վանքին մէջ Ն.Ս.Օ.Տ.Տ. Արամ Ա. Վեհափառ Հայրապետին այցելեց Անտիոքի Ասորի Կաթոլիկ հոգեւոր պետ Իգնատիոս Եուսէֆ Գ. Եունան Պատրիարքը։ Հանդիպման ընթացքին արծարծուեցան Միջին Արեւելքի կացութեան, քրիստոնեայ համայնքներու դիմագրաուած դժուարութիւններուն և Միջին Արեւելքի Եկեղեցիներու Խորհուրդին հետ առնչուած մտահոգութիւններ ու ծրագիրներ։ Եունան Պատրիարքը լայն տեղեկութիւններ փոխանցեց Վեհափառ Հայրապետին Սուրիոյ մէջ…

ՍՈՒՐԲ ԱՍՏՈՒԱԾԱԾԻՆ ՎԱՆՔԻՆ ՄԷՋ ՀԱԶԱՐԱՒՈՐ ՈՒԽՏԱՒՈՐՆԵՐ ԿԸ ՄԱՍՆԱԿՑԻՆ Ս. ԱՍՏՈՒԱԾԱԾՆԱՅ ՎԵՐԱՓՈԽՄԱՆ ՏՕՆԻՆ

«Հարիւր տարիներ առաջ գաղթական դարձած այս Սուրբ Աթոռը այսօր պայծառակերպուած է իր կեանքով ու առաքելութեամբ եւ խոր գիտակցութեամբ ու բարձրագոյն աստիճանի նուիրումով կը ծառայէ մեր եկեղեցւոյ, մեր հայրենիքին ու ազգին» Ն.Ս.Օ.Տ.Տ. Արամ Ա. Կաթողիկոս Սուրբ Աստուածածնայ Վերափոխման տօնը, որ մեր եկեղեցւոյ հայրերուն դասաւորումով իբր տաղաւար տօն նկատուած է, յատուկ տեղ ունի մեր եկեղեցւոյ արարողակարգին ու…

LIVE TELEVISION BROADCAST VIA SATELLITE — AUGUST 15th, 2015

Ուրախութեամբ կ’ուզենք յայտնել, որ նախանձեալ տարիներուն նման LIVE TELEVISION BROADCAST VIA SATELLITE — AUGUST 15th, 2015 On the occasion of the feast of St. Mary’s Assumption, the Noursat Broadcast will be broadcasting LIVE via satellite the Holy Mass presided over by His Holiness Aram I. Place: St. Mary Monastery, Bikfaya, Lebanon Time corresponding UTC (GMT):…

«ՔՐԻՍՏՈՆԵԱՅ-ԻՍԼԱՄ ԵՐԿԽՕՍՈՒԹԻՒՆԸ ՀՐԱՄԱՅԱԿԱՆ ԱՆՀՐԱԺԵՇՏՈՒԹԻՒՆ Է ՀԱՄԱՇԽԱՐՀԱՅՆԱՑԱԾ ԱՇԽԱՐՀԻՆ ՄԷՋ» Ն.Ս.Օ.Տ.Տ. Արամ Ա. Կաթողիկոս

Երկուշաբթի, 10 Օգոստոս 2015-ի երեկոյեան, Ն.Ս.Օ.Տ.Տ. Արամ Ա. Վեհափառ Հայրապետին այցելեցին «Կրօններու եւ Մշակոյթներու Հանդիպում» յանձնախումբի անդամները, գլխաւորութեամբ ընդհանուր քարտուղարին՝ Շէյխ Հուսէյն Ահմատ Շհատէի: Ժողովին ներկայ էին նաեւ Կաթողիկոսարանի Միջ-եկեղեցական բաժանմունքի վարիչ Յուսիկ Ծ. Վրդ. Մարտիրոսեան եւ Միջ-եկեղեցական Յանձնախումբի անդամ Դոկտ. Ժան Սալմանեան:   Ընդհանուր քարտուղարը նախ անդրադարձաւ Վեհափառ Հայրապետին բանալի դերակատարութեան՝ միջ-եկեղեցական, միջ-կրօնական եւ…

ՊԻՔՖԱՅԱՅԻ ՍՈՒՐԲ ԱՍՏՈՒԱԾԱԾԻՆ ՎԱՆՔԸ ՀԱՅ ԵՒ ՕՏԱՐ ՈՒԽՏԱՒՈՐՆԵՐՈՒ ՍՐԲԱՎԱՅՐ

«Պիքֆայայի Սուրբ Աստուածածին Վանքը իր եկեղեցիով, Նահատակաց խորանով, Հայոց Ցեղասպանութեան նահատակներուն յիշատակը եւ հայ ժողովուրդի վերածնունդը խորհրդանշող յուշարձանով եւ յարակից վանական կառոյցներով դարձած է կրօնական ու ազգային ուխտագնացութեան սրբավայր», այսպէս բնորոշեց Ն.Ս.Օ.Տ.Տ. Արամ Ա. Կաթողիկոս, անցնող օրերու ընթացքին, ուխտաւորներ ընդունելով Սուրբ Աստուածածին Վանքէն ներս: Ուխտաւորներ՝ հայ թէ օտար, Լիբանանէն թէ արտասահմանէն, գրեթէ ամէն օր կ’այցելեն…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻՆ ԱՅՑԵԼԵՑԻՆ Ե.Հ.Խ.-Ի և Մ.Ա.Ե.Խ.-Ի ՆԵՐԿԱՅԱՑՈՒՑԻՉՆԵՐԸ

Ուրբաթ, 7 Օգոստոս 2015-ի առաւօտուն, Ն.Ս.Օ.Տ.Տ. Արամ Ա. Կաթողիկոս ընդունեց այցելութիւնը, Եկեղեցիներու Համաշխարհային Խորհուրդի (Ե.Հ.Խ.) Միջին Արեւելքի Եկեղեցիներու Խորհուրդի (Մ.Ա.Ե.Խ.) առնչուած հարցերու պատասխանատուներէն, Դոկտ. Միշէլ Նսէյրի և Մ.Ա.Ե.Խ.-ի ընդհանուր քարտուղար՝ Դոկտ. Միշէլ Ժալըխի։               Աշխատանքային հանդիպումը առիթ մը հանդիսացաւ ընդհանուր քննարկումի ենթարկելու Մ.Ա.Ե.Խ.-ի և Ե.Հ.Խ.-ի գործակցութիւնը աւելի ամրապնդելու կարելիութիւնները և այդ ծիրէն ներս յատուկ…

ՈՒՐՈՒԿՈՒԷՅԻ ՀԱՅ ՈՒԽՏԱՒՈՐՆԵՐ ՊԻՔՖԱՅԱՅԻ ՍՈՒՐԲ ԱՍՏՈՒԱԾԱԾԻՆ ՎԱՆՔԻՆ ՄԷՋ

  Հինգշաբթի, 6 Օգոստոս 2015-ի առաւօտուն, շուրջ 50 ուխտաւորներ Ուրուկուէյէն այցելեցին Պիքֆայայի Սուրբ Աստուածածին Վանքը: Անոնք հիացումով դիտեցին վերանորոգուած ու պայծառակերպուած վանքը եւ յատկապէս Հայոց Ցեղասպանութեան յուշարձանը, Նահատակաց խորանը և այլ կառոյցներ։               Ապա, ուխտաւորները այցելեցին Ն.Ս.Օ.Տ.Տ. Արամ Ա. Կաթողիկոսին։ Ուխտաւորներուն ուղղած իր Հայրապետական խօսքին մէջ Նորին Սրբութիւնը նախ յիշեցուց 1983-ին իր միօրեայ այցելութիւնը…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ԼԻԲԱՆԱՆԻ ՄՕՏ ԿԻՊՐՈՍԻ ԴԵՍՊԱՆԸ

Չորեքշաբթի, 5 Օգոստոս 2015-ի առաւoտուն, Պիքֆայայի Սուրբ Աստուածածին Վանքին մէջ, Ն.Ս.Օ.Տ.Տ. Արամ Ա. Վեհափառ Հայրապետին այցելեց Լիբանանի մօտ Կիպրոսի դեսպան Հօմեր Մավրոմաթիսը: Հանդիպումը առիթ մը եղաւ քննարկելու հարցեր ու երեւոյթներ, որոնք առաւելաբար առնչուած են Կիպրոսի հայ համայնքին, Լիբանանի ու Կիպրոսի յարաբերութեան, Հայոց Ցեղասպանութեան 100-ամեակին եւ ընդհանրապԷս Միջին ԱրեւելքԷն ներս վերջին շրջանին տեղի ունեցող զարգացումներուն:  

ԳԱՆԱՏԱՅԻ ՎԱՐՉԱՊԵՏԷՆ ՆԱՄԱԿ Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻՆ

  Չորեքշաբթի, 29 Յուլիս 2015-ին, Ն.Ս.Օ.Տ.Տ. Արամ Ա. Վեհափառ Հայրապետը յատուկ նամակ մը ստացաւ Գանատայի Վարչապետ Սթիվըն Հարփըրէն: Յայտնենք, որ 3 Յունիս 2015-ին, Նորին Սրբութիւնը հանդիպում մը ունեցած էր Գանատայի Վարչապետին հետ եւ այդ առիթով առ ի գնահատանք Վարչապետին, Գանատայի Կառավարութեան եւ Խորհրդարանին Հայոց Ցեղասպանութեան ճանաչման գծով ցուցաբերած զօրակցութեան, Մեծի Տանն Կիլիկիոյ Կաթողիկոսութեան «Իշխան»ի շքանշանով…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻՆ ԽՕՍՔԸ ՈՒՂՂՈՒԱԾ ՄԻՋ-ԵԿԵՂԵՑԱԿԱՆ ԿԱԶՄԱՒՈՐՄԱՆ ՄԱՍՆԱԿԻՑ ՈՒՍԱՆՈՂՆԵՐՈՒՆ

Շաբաթ, 25 Յուլիս 2015-ի առաւօտուն, Պիքֆայայի Ս. Աստուածածին Վանքին մէջ, Ն.Ս.Օ.Տ.Տ. Արամ Ա. Կաթողիկոսին այցելեցին միջ-եկեղեցական ու աստուածաբանական կազմաւորման մասնակցող աւելի քան 50 համալսարանականներ։ Խումբին մաս կը կազմէին Լիբանանի, Եգիպտոսի, Սուտանի, Մարոքի և եւրոպական երկիրներու համալսարաններէ ներս աստուածաբանական դասընթացքներու հետեւող ուսանողներ, որոնք եկած էին Լիբանան միջ-եկեղեցական շարժումի պատմութեան ու անոր առնչուած ծրագիրներուն և առաջնահերթութիւններուն աւելի…

ԳԱԳԻԿ ԾԱՌՈՒԿԵԱՆ ԱՅՑԵԼԵՑ Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏԻՆ

24 Յուլիս 2015-ի երեկոյեան, Սուրբ Աստուածածին Վանքի Վեհարանին մէջ, Ն.Ս.Օ.Տ.Տ. Արամ Ա. Վեհափառ Հայրապետը ընդունեց այցելութիւնը Հայաստանի Ազգային Ողիմպիականի կոմիտէի նախագահ՝ Տիար Գագիկ Ծառուկեանին: Նոյն օրը ժամը 6-ին, Ծառուկեան նաեւ այցելեց Անթիլիասի Մայրավանքին զանազան բաժանմունքները:   Վեհափառ Հայրապետին եւ Գագիկ Ծառուկեանի հետ հանդիպումին ներկայ էին Լիբանանի եւ Բերիոյ թեմերու առաջնորդները, Ազգային Կեդրոնական Վարչութեան եւ Ազգային…

ԽՈՐՀՐԴԱԿՑԱԿԱՆ ՀԱՆԴԻՊՈՒՄ ԱՐԱՄ Ա. ԿԱԹՈՂԻԿՈՍԻՆ ԵՒ ԵԹՈՎՊԻՈՅ ՄԱՏԹԷԱՍ ՊԱՏՐԻԱՐՔԻՆ ՄԻՋԵՒ

Երեքշաբթի, 21 Յուլիս 2015-ի առաւօտուն, Անթիլիասի Մայրավանքին մէջ խորհրդակցական հանդիպում մը ունեցաւ Ն.Ս.Օ.Տ.Տ. Արամ Ա. Կաթողիկոսին եւ Եթովպիոյ եկեղեցւոյ հոգեւոր պետ Նորին Սրբութիւն Ապունա Մատթէաս Պատրիարքին միջեւ։           Հանդիպման ներկայ էին Կիպրոսի Կաթողիկոսական Փոխանորդ Գերշ. Տ. Նարեկ Արք. Ալեէմէզեան, Կաթողիկոսարանի միջ-եկեղեցական բաժանմունքի վարիչ Գերպ. Տ. Յուսիկ Ծ. Վրդ. Մարտիրոսեան, Կաթողիկոսարանի դիւանապետ…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻ ՆԵՐԿԱՅՈՒԹԵԱՄԲ ՀԱՅՈՑ ՑԵՂԱՍՊԱՆՈՒԹԵԱՆ 100-ԱՄԵԱԿԻՆ ՆՈՒԻՐՈՒԱԾ ԵՐԱԺՇՏԱԿԱՆ ԵՐԵԿՈՅ

Կիրակի, 19 Յուլիս 2015-ի երեկոյեան ժամը 8:00-ին, Մեծի Տանն Կիլիկիոյ Կաթողիկոսութեան 100-ամեակի նուիրուած Սրբալոյս Միւռոնի օրհնութեան, եկեղեցական արարողութիւններուն եւ ձեռնարկներուն համար աշխարհի չորս կողմերէն Լիբանան ժամանած ուխտաւորները եւ Լիբանանի երաժշտասէր հանրութիւնը լեցուցած էին Պիքաֆայայի Սուրբ Աստուածածին Վանքի շրջափակը: Անոնք եկած էին ունկնդրելու եւ ըմբոշխնելու հայ երաժշտութիւնը:   Հանդիսութիւնը կը հովանաւորէր Ն.Ս.Օ.Տ.Տ. Արամ Ա. Կաթողիկոսը եւ…

ՄԻՋ-ԵԿԵՂԵՑԱԿԱՆ ԱՂՕԹՔ ԱՆԹԻԼԻԱՍԻ ՄԷՋ ՆՈՒԻՐՈՒԱԾ ՀԱՅՈՑ ՑԵՂԱՍՊԱՆՈՒԹԵԱՆ ՆԱՀԱՏԱԿՆԵՐՈՒՆ

 Կիրակի, 19 Յուլիս 2015-ի առաւօտուն, Ս. եւ Անմահ Պատարագ մատուցուեցաւ Սուրբ Գրիգոր Լուսաւորիչ Մայր Տաճարին մէջ, նախագահութեամբ Ն.Ս.Օ.Տ.Տ. Արամ Ա. Վեհափառ Հայրապետին: Պատարագին ներկայ էին, Սրբալոյս Միւռոնի օրհնութեան եւ Մեծի Տանն Կիլիկիոյ Կաթողիկոսութեան 100-ամեակի ձեռնարկներուն հրաւիրուած եկեղեցիներու հոգեւոր պետեր եւ եկեղեցական բարձրաստիճան ներկայացուցիչներ, պետական անձնաւորութիւններ, Լիբանան ժամանած ուխտաւորներ եւ հոծ թիւով հաւատաւոր ժողովուրդ:   Օրուան…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ՍՐԲԱԼՈՅՍ ՄԻՒՌՈՆԻ ՕՐՀՆՈՒԹԻՒՆԸ ԿԱՏԱՐԵՑ ՀԱՅ ԺՈՂՈՎՈՒՐԴԻ ՎԵՐԱԾՆՈՒՆԴԸ ԽՈՐՀՐԴԱՆՇՈՂ ՍՈՒՐԲ ԱՍՏՈՒԱԾԱԾԻՆ ՎԱՆՔԻ ՀԱՅՈՑ ՑԵՂԱՍՊԱՆՈՒԹԵԱՆ ՅՈՒՇԱՐՁԱՆԻՆ ԱՌՋԵՒ

Հայ Եկեղեցւոյ ամէնէն նուիրական ու հոգեթով արարողութիւնը՝ Սրբալոյս Միւռոնի օրհնութիւնը, որ աւանդութեան համաձայն եօթ տարին անգամ մը կը կատարուի, հոգեւոր վերանորոգութիւն կ’առթէ եւ Սուրբ Հոգւոյ շնորհաբաշխ ներկայութեամբ կը հզօրացնէ եկեղեցւոյ առաքելութիւնը: Հայոց Ցեղասպանութեան 100-ամեակին տեղի ունեցած Սրբալոյս Միւռոնի օրհնութիւնը իր յատուկ նշանակութիւնը ունեցաւ Մեծի Տանն Կիլիկիոյ Կաթողիկոսութեան ու մեր ժողովուրդի զաւակներուն համար, որոնք 100 տարիներ…