Այս առաւօտ, Ն.Ս.Օ.Տ.Տ. Արամ Ա. Կաթողիկոս, Անթիլիասի Մայրավանքին մէջ ընդունեց Միացեալ Նահանգներու դեսպան Տէյվիտ Հէյլը: Դեսպանին կ’ընկերանար դեսպանատան քաղաքական հարցերու խորհրդականը: Վեհափառ Հայրապետին ու դեսպան Հէյլի միջեւ խորհրդակցութիւնները կեդրոնացան ընդհանրապէս Միջին Արեւելքի ու յատկապէս Լիբանանի շուրջ: Այս ծիրէն ներս, քննարկուեցան Լիբանանի նախագահական ընտրութեան առնչուող հարցեր: Նորին Սրբութիւնը նաեւ արծարծեց Հայոց Ցեղասպանութեան…
Այս առաւօտ, Ն.Ս.Օ.Տ.Տ. Արամ Ա. Վեհափառ Հայրապետը Կաթողիկոսարանի իր գրասենեակին մէջ ընդունեց Հըզպալլան ներկայացնող բարձրաստիճան պատուիրակութիւն մը: Պատուիրակութիւնը կը գլխաւորէր Հըզպալլայի Քաղաքական Յանձնախումբի նախագահը: Հանդիպումին նաեւ ներկայ էր, Հայկական Երեսփոխանական Պլոքի ներկայացուցիչ երեսփոխան Յակոբ Բագրատունի: Հանդիպումը առիթ մը եղաւ ընդհանուր վերատեսութեան ու վերարժեւորումի ենթարկելու Լիբանանի ներկայ կացութիւնը ու Լիբանանը դիմագրաւող մարտահրաւէրները: Կարեւորութեամբ շեշտուեցաւ Լիբանանի նախագահական…
«ՄԻ՛ ՎԱԽՆԱՐ ԺՈՂՈՎՈՒՐԴ ՀԱՅՈՑ ՈՐՈՎՀԵՏԵՒ ԲԵԹՂԵՀԷՄԻ ՃԱՄԲՈՎ ԱՍՏՈՒԱԾ ՄԵԶԻ ՀԵՏ ԵՂԱՒ» Ն.Ս.Օ.Տ.Տ. Արամ Ա. Կաթողիկոս Երեքշաբթի, 6 Յունուար 2015-ի առաւօտուն, Հայ Եկեղեցւոյ դարաւոր աւանդութեան համաձայն նշուեցաւ մեր Տիրոջ եւ Փրկիչին Յիսուսի Քրիստոսի Ս. Ծննդեան ու Աստուածայայտնութեան տօնը, աշխարհով մէկ տարածուած հայ եկեղեցիներէն ներս: Մեծի Տանն Կիլիկիոյ Կաթողիկոսութեան, Ս. Գրիգոր Լուսաւորիչ Մայր Տաճարին մէջ, Ս.…
Երկուշաբթի, 5 Յունուար 2015-ի առաւօտուն, Ն.Ս.Օ.Տ.Տ. Արամ Ա. Կաթողիկոս, Անթիլիասի Մայրավանքի Վեհարանի գրասենեակին մէջ, ընդունեց այցելութիւնը Լիբանանի մօտ Իրանի Դեսպան Մուհամմատ Ֆաթըհ Ալիի: Դեսպանը Նոր Տարուան եւ Ս. Ծննդեան բարեմաղթութիւնները ներկայացնելէ ետք, խօսեցաւ Նոյեմբեր 2014-ին Նորին Սրբութեան Իրան կատարած Հովուապետական այցելութեան դրական անդրադարձին, թէ՛ պետական եւ թէ՛ կրօնական շրջանակներէն ներս: Ապա, Վեհափառ Հայրապետը…
“ԵԹԷ ԱՍՏՈՒԱԾ ՄԵՐ ԿՈՂՄՆ Է, Ո՞Վ ԿՐՆԱՅ ՄԵԶԻ ՀԱԿԱՌԱԿ ԸԼԼԱԼ” Աստուածային ճշմարտութեան պատգամաբերները, մարգարէները իրենց ժողովուրդի պատմութեան ամենէն ճգնաժամային պահերուն պատգամեցին՝ մի՛ վախնաք, որովհետեւ Աստուած մեզի հետ է։ Այս հաւատքով շաղախուած ու յոյսով գօտեպնդուած եբրայեցի ժողովուրդը յաղթահարեց ամէն տեսակ չար ու չարիք, որոնք յաճախ շրջապատեցին զինք իր դարաւոր պատմութեան ընթացքին։ Աստուածաշունչը յստակօրէն…
The Lebanese Broadcasting Corporation International (LBCI) will broadcast LIVE via satellite the Christmas Mass presided over by His Holiness Aram I, from St. Gregory the Illuminator Cathedral in Antelias, on Tuesday, 6 January 2015, beginning from 8:00 am UTC (GMT). For the Americas and Australia, check your local LBCI program schedule for exact time. The…
Հինգշաբթի, 1 Յունուար 2015-ին, Ս. եւ Անմահ Պատարագ տեղի ունեցաւ Ս. Գրիգոր Լուսաւորիչ Մայր Տաճարին մէջ եւ ժողովուրդը բացուող Նոր Տարուն առաւօտուն գոհաբանական ու երախտագիտական զգացումներով իր աղօթքը բարձրացուց առ Աստուած: Եկեղեցական արարողութեաց աւարտին, ներկաները ուղղուեցան վեհարանի դահլիճը, լսելու Ն.Ս.Օ.Տ.Տ. Արամ Ա. Վեհափառ Հայրապետին պատգամը: Յանուն ներկայ ժողովուրդին եւ միաբանութեան, Հոգշ. Տ. Նշան Աբղ.…
Երեքշաբթի, 30 Դեկտեմբեր 2014-ի առաւօտուն, Ն.Ս.Օ.Տ.Տ. Արամ Ա. Վեհափառ Հայրապետը այցելութիւն տուաւ Պուրճ Համուտի Ազգային Ծերանոց, միաբան հայրերու ընկերակցութեամբ: Հաստատութեան մուտքին Նորին Սրբութիւնը դիմաւորուեցաւ տնօրէնութեան եւ խնամակալութեան կողմէ: Ապա, Վեհափառ Հայրապետը եղաւ Ազգ. Ծերանոցի ծերունիներուն հետ, մասնակից դառնալով անոնց Նոր Տարուան ու Ս. Ծննդեան տօներու ուրախութեան: Նորին Սրբութիւնը ծերունիներուն ուղղած Նոր Տարուան իր պատգամին եւ…
Ն.Ս.Օ.Տ.Տ. Արամ Ա. Կաթողիկոս, Նոր Տարուան եւ Ս. Ծննդեան տօներուն նախօրեակին կատարած ազգային ընկերային ծառայութիւն մատուցող հաստատութիւններու այցելութիւնները շարունակելով, Երկուշաբթի, 29 Դեկտեմբեր 2014-ի առաւօտուն, այցելեց Ազունիէի Ազգային Բուժարանը, միաբան հայրերու ընկերակցութեամբ: Վեհափառ Հայրապետը նախ տեսակցութիւն ունեցաւ Ազգ. Բուժարանի խնամակալութեան, տնօրէնութեան եւ պատասխանատու բժիշկներուն հետ: Նորին Սրբութիւնը գնահատեց անոնց տարած…
Կ’ուզենք յայտնել մեր ժողովուրդի զաւակներուն, որ Նոր Տարուան գիշերը՝ Չորեքշաբթի, 31 Դեկտեմբեր 2014-ի կէս գիշերին, յատուկ արարողութիւն պիտի կատարուի Անթիլիասի Ս. Գրիգոր Լուսաւորիչ Մայր Տաճարին մէջ, նախագահութեամբ Ն.Ս.Օ.Տ.Տ Արամ Ա. Կաթողիկոսի։ Իսկ Ս. եւ Անմահ Պատարագ պիտի մատուցուի յաջորդ օր՝ Հինգշաբթի, Յունուար 1-ին, առաւօտեան ժամը 10։00-ին։ Պատարագէն անմիջապէս ետք, Վեհափառ Հայրապետը Վեհարանի դահլիճին մէջ…
2015 տարին հարիւրամեակն է Հայոց Ցեղասպանութեան։ Հետեւաբար, իր խորքով ու իմաստով, իր նպատակով ու պատգամով տարբեր թուական մը պէտք է դառնայ: 2015 տարին իւրաքանչիւր հայու ու ողջ հայութեան կեանքին մէջ։ Հայ ժողովուրդի հաւաքական յիշողութեան մէջ իր անջնջելի դրոշմն է ձգած հայոց ցեղասպանութիւնը։ Աշխարհի վրայ չկայ հայ, որուն արեան հետ չէ թրծուած ու կեանքին հետ չէ…
24 Դեկտեմբեր 2014-ի առաւօտուն, Քեսապի մասին շրջանառութեան դրուած լուրերը ստանալէն անմիջապէս ետք, Ն.Ս.Օ.Տ.Տ. Արամ Ա. Կաթողիկոս կապ հաստատեց շրջանի պատասխանատու մարմիններուն հետ ։ Քեսապի շրջանի պատասխանատուները վստահեցուցին Նորին Սրբութեան, թէ Քեսապի մասին վերջին ժամերուն լրատուամիջոցներուն տուած տեղեկութիւնները չեն համապատասխաներ իրականութեան եւ հաստատեցին, որ Քեսապէն ներս հանդարտ կացութիւն կը տիրէ։ Անոնք միաժամանակ յայտնեցին, թէ սահմանին թրքական…
Յառաջիկայ Կիրակի, 28 Դեկտեմբերին, Անթիլիասի Մայրավանքի Մայր Տաճարէն ներս, ինչպէս նաեւ Մեծի Տանն Կիլիկիոյ Կաթողիկոսութեան բոլոր թեմերու եկեղեցիներէն ներս, յընթացս Ս. եւ Անմահ Պատարագին պիտի կարադացուի Հայոց Ցեղասպանութեան 100-ամեակին նուիրուած Ն.Ս.Օ.Տ.Տ. Արամ Ա. Կաթողիկոսի Հայրապետական Սրբատառ Կոնդակը: Կոչ կ’ուղղենք մեր ժողովուրդի սիրելի զաւակներուն ներկայ գտնուելու Ս. եւ Անմահ Պատարագին՝ մեր բոլոր եկեղեցիներէն ներս ունկնդրելու…
Ընկերային ծառայութիւնը Եկեղեցւոյ ու մանաւանդ Մեծի Տանն Կիլիկիոյ Կաթողիկոսութեան առաքելութեան կարեւորագոյն բնագաւառներէն մէկն է: Արդարեւ, ընկերային ծառայութեան ընդմէջէն, Եկեղեցին՝ քրիստոնէական հին համայնքներուն օրինակով, օգտակար կը դառնայ գուրգուրանքի, սիրոյ ու ծառայութեան կարիք ունեցող իր համայնքի զաւակներուն, յատկապէս տօնական այս օրերուն: Նոր Տարուան եւ մեր Տիրոջ ու Փրկիչին Յիսուսի Ծննդեան տօնի նախօրեակին, աւանդութիւն դարձած է, որ…
Կիրակի, 21 Դեկտեմբեր 2014-ի կէսօրին, Ս. եւ Անմահ Պատարագի աւարտին, Վեհարանի Դահլիճին մէջ, Ս. Ստեփանոս Նախասարկաւագի նուիրուած տօնախմբութեան ընթացքին, միաբան հայրերուն, Դպրեվանքի սարկաւագներուն եւ ժառանգաւորներուն, ինչպէս նաեւ ներկայ ժողովուրդին ներկայութեան, Ն.Ս.Օ.Տ.Տ. Արամ Ա. Վեհափառ Հայրապետը իր պատգամին մէջ անդրադարձաւ ինքնազոհողութեան, համեստութեան եւ Աստուածակեդրոն ծառայութեան նուիրական կերպերուն ու ըսաւ. «Որպէս Հայ Եկեղեցւոյ ծառայութեան լծուած անձեր, պէտք…
“International Criminal Law Review”ն, 2014 թուականին բացառիկ թիւ մը յատկացուցած է Անթիլիասի Մայրավանքէն ներս տեղի ունեցած Հայ Դատին նուիրուած համագումարին։ Յայտնենք, որ 23-25 Փետրուար 2012-ին, Ն.Ս.Օ.Տ.Տ. Արամ Ա. Կաթողիկոսի հրաւէրով ու նախագահութեամբ, Անթիլիասի Մայրավանքէն ներս տեղի ունեցած էր միջազգային համագումար մը՝ Հայոց Ցեղասպանութեան նուիրուած “Ճանաչումէ դէպի հատուցում” թեմայով։ Համագումարին մասնակցած էին աւելի քան երեսուն…
Ն.Ս.Օ.Տ.Տ. Արամ Ա. Վեհափառ Հայրապետի օրհնութեամբ եւ Գերշ. Տ. Սուրէն Արք. Գաթարոյեանի աշխատասիրութեամբ, Դեկտեմբեր ամսուան ընթացքին Մեծի Տանն Կիլիկիոյ տպարանէն լոյս տեսաւ «Ծիսական Գիտելիքներ» խորագիրով եկեղեցական պաշտամունքի եւ ծիսակատարութեանց բացատրողական կրօնական բառարան: Ծէսն ու ծիսակատարութիւնը զԱստուած պաշտելու հիմնական այն միջոցներէն են, որ հաւատացեալը ներհայեցողական խորասուզումով՝ աղօթքով, երգեցողութեամբ, մոմավառութեամբ եւ խնկարկութեամբ ինքզինք դէմ հանդիման կը գտնէ…
Ապու Տապիի հայ համայնքին տուած իր հովուապետական այցելութեան ընթացքին, Ն.Ս.Օ.Տ.Տ. Արամ Ա. Վեհափառ Հայրապետի ունեցած հանդիպումներու շարքին, յատուկ կարեւորութեամբ անհրաժեշտ է յիշել շրջանի երիտասարդութեան հետ ունեցած տեսակցութիւնը։ Արդարեւ, շուրջ 75 երիտասարդ-երիտասարդուհիներու հետ մտերմիկ մթնոլորտի մէջ տեղի ունեցած հանդիպումը, առիթ մը հանդիսացաւ Նորին Սրբութեան լսելու երիտասարդներուն մտահոգութիւնները, մտածումներն ու առաջադրանքները եւ իր հայրական թելադրութիւնները կատարելու անոնց։…
Մեծի Տանն Կիլիկիոյ Կաթողիկոսութեան դիւանը ուրախութեամբ կ’ուզէ տեղեակ պահել մեր ժողովուրդի զաւակները թէ՝ Կաթողիկոսարանէն ներս հաստատուած է Յարութիւն և Վերոնիք Կարեւորեան Մշակութային Հիմնադրամը՝ 725,000 (եօթը հարիւր քսանըհինգ հազար) ամերիկեան տոլարի դրամագլուխով։ Սոյն հիմնադրամը հաստատուեցաւ հանգուցեալ Տոքթ. Յարութիւն Կարեւորեանի այրիին՝ Տիկին Վերոնիք Սիմոնէն-Կարեւորեանի կողմէ, խորհրդակցաբար Ն.Ս.Օ.Տ.Տ. Արամ Ա. Կաթողիկոսին հետ, ի յիշատակ իր ամուսնոյն։ Հիմնադրամին նպատակն…
10-12 Դեկտեմբեր 2014-ին, Ապու Տապիի մէջ տեղի ունեցաւ կարեւոր հանդիպում մը, նախաձեռնութեամբ Կրօններ Խաղաղութեան Համար Միջազգային Միջ-կրօնական Կազմակերպութեան եւ մասնակցութեամբ կազմակերպութեան բարձրաստիճան պատասխանատուներուն, Վատիկանի, Վիեննայի Ապտուլլա Թագաւորի Միջ-կրօնական եւ Միջ-մշակութային Երկխօսութեան Միջազգային Կեդրոնին, Միացեալ Ազգերու Կազմակերպութեան Ընդհանուր Քարտուղարի ներկայացուցիչին, ինչպէս նաեւ միջ-կրօնական բնոյթ ունեցող միջազգային շարք մը այլ կազմակերպութիւններու։ Յիշեալ հանդիպման նպատակն էր…
Ուրբաթ, 12 Դեկտեմբեր 2014-ի երեկոյեան, Ապու Տապիի Սրբոց Նահատակաց եկեղեցւոյ օծումէն անմիջապէս ետք տեղի ունեցած ճաշկերոյթը, շուրջ 400 ազգայիններու մասնակցութեամբ, առիթ մը հանդիսացաւ՝ խանդավառ մթնոլորտի մէջ տօնախմբելու Ապու Տապիի համայնքին այս եզակի իրագործումը։ Ն.Ս.Օ.Տ.Տ. Արամ Ա. Վեհափառ Հայրապետը իր պատգամին մէջ անգամ մը եւս շեշտեց եկեղեցւոյ առանցքային տեղը եւ կարեւոր կոչումը մեր ժողովուրդի կեանքէն ներս.…
Ուրբաթ, 12 Դեկտեմբեր 2014-ի երեկոյեան, Ն.Ս.Օ.Տ.Տ. Արամ Ա. Վեհափառ Հայրապետը, իրեն ի պատիւ տրուած ճաշկերոյթին ընթացքին, Մեծի Տանն Կիլիկիոյ Կաթողիկոսութեան «Ասպետ»ի շքանշանով պագեւատրեց, Ապու Տապիի Սրբոց Նահատակաց եկեղեցւոյ շինութեան կարեւոր նպաստ բերած՝ Տիար Արա Խանոյեանը եւ Տիար Սուրէն Գոժաքեանը։ Նորին Սրբութիւնը յայտնեց, որ մօտ ապագային նաեւ պիտի պարգեւատրէ Ապու Տապիի հայ կեանքէն ներս երկար տարիներ…
Ուրբաթ, 12 Դեկտեմբեր 2014 թուականը եզակի օր մը եղաւ ընդհանրապէս Արաբական Միացեալ Էմիրութիւններու ու յատկապէս Ապու Տապիի հայ համայնքին համար։ Սրբոց Նահատակաց եկեղեցւոյ շինութիւնը Արաբական Միացեալ Էմիրութեանց մէջ կայք հաստատած մեր ժողովուրդի զաւակներուն հաւաքական հաւատքին, սիրոյն ու կամքին գործնական արտայայտութիւնն է։ Արդարեւ, 1998-ին, Շարժայի մէջ, Ն.Ս.Օ.Տ.Տ. Արամ Ա. Վեհափառ Հայրապետի ձեռամբ Ս. Գրիգոր Լուսաւորիչ…
Չորեքշաբթի, 10 Դեկտեմբեր 2014-ին, Ն.Ս.Օ.Տ.Տ. Արամ Ա. Կաթողիկոս այցելեց Ապու Տապիի Հայաստանի Դեսպանատունը ընկերակցութեամբ Արաբական Միացեալ Էմիրութիւններու եւ Քաթարի Կաթողիկոսական Փոխանորդ Հոգշ. Տ. Մեսրոպ Վրդ. Սարգիսեանի եւ Ազգային Վարչութեան անդամներուն ու երեսփոխաններուն։ Դեսպանատան մուտքին Վեհափառ Հայրապետը դիմաւորուեցաւ դեսպան Տիար Գեղամ Ղարիպջանեանին եւ դեսպանատան անձնակազմին կողմէ։ Աւանդական աղ ու հացի օրհնութենէն ետք, ի յիշատակ Վեհափառ…
Երեքշաբթի, 9 Դեկտեմբեր 2014-ի երեկոյեան, Ն.Ս.Օ.Տ.Տ. Արամ Ա. Կաթողիկոս, իր խօսքը ուղղելով Ապու Տապիի մէջ հաստատուած լիբանանեան համայնքի աւելի քան 150 ներկայացուցիչներուն, կոչ ուղղեց միասնաբար աշխատելու եւ պահպանելու Լիբանանի իւրայատուկ ինքնութիւնը արաբական աշխարհին մէջ։ Հաւաքը կազմակերպուած էր Արաբական Միացեալ Էմիրութեանց Լիբանանեան դեսպանատան կողմէ։ Ներկայ էին լիբանանեան համայնքի զանազան կազմակերպութիւններու ներկայացուցիչները, ինչպէս նաեւ՝ Արաբական Միացեալ Էմիրութեանց…
18) Աստուած կը պատասխանէ՞ մէկու մը աղօթքին, որ չէ ապաշխարած եւ հաւատքի ու Աստուծոյ հնազանդութեան կեանք չ’ապրիր: Այո´, երբեմն կը պատասխանէ, որպէսզի քաջալերէ զայն դարձի գալու, ապաշխարելու, եւ հաւատքի ու Աստուծոյ հնազանդութեան կեանք ապրելու: Երբեմն կը հանդիպինք մարդոց որոնք կ’ըսեն. «Ես չեմ ապաշխարած, եւ ինչո՞ւ ապաշխարեմ, երբ Աստուած կը պատասխանէ աղօթքներուս»: Այսպէս ըսողները կը…
Արաբական Միացեալ Էմիրութեանց տուած իր հովուապետական այցելութեան ընթացքին եւ իր ունեցած հանդիպումներու շարքին, Երկուշաբթի, 8 Դեկտեմբեր 2014-ին, Ն.Ս.Օ.Տ.Տ. Արամ Ա. Վեհափառ Հայրապետը պաշտօնական այցելութիւն մը տուաւ Ապու Տապիի Լիբանանեան դեսպանատան, ուր ջերմօրէն դիմաւորուեցաւ դեսպան Հասան Սաըտի կողմէ։ Վեհափառ Հայրապետին կ’ընկերանային Արաբական Միացեալ էմիրութեանց եւ Քաթարի Թեմի Կաթողիկոսական Փոխանորդ Հոգշ. Տ. Մեսրոպ Վրդ. Սարգիսեան, Սպահանի Թեմի…
Երկուշաբթի, 8 Դեկտեմբեր 2014-ի երեկոյեան, Ն.Ս.Օ.Տ.Տ. Արամ Ա. Վեհափառ Հայրապետը հանդիպում մը ունեցաւ Արաբական Միացեալ էմիրութեանց նախագահ Շէյխ Մուհամմէտ Պըն Զայէտի հետ։ Հանդիպման ներկայ էին Արաբական Միացեալ էմիրութեանց եւ Քաթարի Թեմի Կաթողիկոսական Փոխանորդ Հոգշ. Տ. Մեսրոպ Վրդ. Սարգիսեան, Արաբական Միացեալ Էմիրութեանց մօտ Լիբանանի դեսպան Հասան Սաըտ, թեմի ազգայիններէն Արա Խանոյեան եւ Վարուժան Նարկիզեան։ Արամ Ա.…
Արաբական Միացեալ Էմիրութիններու եւ Քաթարի Թեմին կատարած իր հովուապետական այցելութեան ծիրէն ներս, Շաբաթ, 6 Դեկտեմբեր 2014-ի երեկոյեան, Ն.Ս.Օ.Տ.Տ. Արամ Ա. Վեհափառ Հայրապետը հանդիպում մը ունեցաւ Շարժա-Տուպայի շրջանի հայ երիտասարդութեան հետ։ Հանդիպման ներկայ էին շուրջ հարիւր համալսարանական ու համալսարանաւարտ երիտասարդներ, որոնք եկած էին լսելու իրենց Հովուապետին տեսակէտներն ու թելադրութիւնները՝ ընդհանրապէս երիտասարդութիւնը ու մասնաւորաբար հայ երիտասարդութիւնը հետաքրքրող…
Շաբաթ, 6 Դեկտեմբեր 2014-ի առաւօտուն, Շարժա-Տուպայի Օհաննէսեան Ազգ. Վարժարանի աշակերտները մեծ խանդավառութեամբ դիմաւորեցին Ն.Ս.Օ.Տ.Տ. Արամ Ա. Կաթողիկոսի վարժարան այցելութիւնը։ Աւելի քան 200 աշակերտութիւն ունեցող յիշեալ վարժարանին բացումը կատարուած էր Վեհափառ Հայրապետին կողմէ տասնութ տարիներ առաջ։ Վեհափառ Հայրապետը, շրջապատուած Արաբական Միացեալ Էմիրութիւններու եւ Քաթարի Թեմի Կաթողիկոսական Փոխանորդ Հայր Սուրբով եւ միաբան հայրերով, ներկայ գտնուեցաւ աշակերտութեան…
ՎԵՀԱՓԱՌ ՀԱՅՐԱՊԵՏԸ ԿԸ ԺԱՄԱՆԷ ՏՈՒՊԱՅ Հինգշաբթի, 4 Դեկտեմբեր 2014-ի կէսօրին, Ն.Ս.Օ.Տ.Տ. Արամ Ա. Կաթողիկոս ժամանեց Տուպայ, ընդառաջելով Արաբական Միացեալ Էմիրութիւններու եւ Քաթարի Թեմի Կաթողիկոսական Փոխանորդ Հոգշ. Տ. Մեսրոպ Վրդ. Սարգիսեանին եւ Ազգային Իշխանութեան հրաւէրին: Օդակայանին մէջ դիմաւորելու եկած էին Արաբական Էմիրութեանց մօտ Լիբանանի եւ Հայաստանի դեսպանները, Կաթողիկոսական Փոխանորդն ու Ազգային Իշխանութեան ներկայացուցիչները: Օդակայանի պատուոյ…
3-4 Սեպտեմբեր 2014-ին, Գահիրէի (Եգիպտոս) մէջ, տեղի ունեցաւ «Ահաբեկչութեան Եւ Ծայրայեղականութեան Դիմակայումը» վերնագրով խորհրդաժողով մը, կազմակերպութեամբ Սիւննի իսլամ համայնքին բարձրագոյն հեղինակութիւնը նկատուող Էլ-Ազհարի: Սոյն համագումարին իրենց մասնակցութիւնը բերին 120 երկիրներէ աւելի քան 700 հոգեւորականներ: Ուշագրաւ էր քրիստոնէական եւ իսլամական զանազան համայնքներու մասնակցութիւնը, որ աննախադէպ երեւոյթ մըն էր Էլ-Ազհարի կազմակերպած խորհրդաժողովներուն համար: Սոյն խորհրդաժողովին հրաւիրուած…
Հինգշաբթի, 4 Դեկտեմբեր 2014-ի առաւօտուն, Ն.Ս.Օ.Տ.Տ. Արամ Ա. Կաթողիկոս մեկնեցաւ Արաբական Միացեալ Էմիրութիւններ, ընդառաջելով Թեմի Կաթողիկոսական Փոխանորդ Հոգշ. Տ. Մեսրոպ Վրդ. Սարգիսեանի և Ազգային Իշխանութեան հրաւէրին։ Վեհափառ Հայրապետը պիտի կատարէ Ապու Տապիի Ս. Նահատակաց եկեղեցւոյ օծումը և բացումը եկեղեցւոյ կից գտնուող Ազգային Առաջնորդարանին ու դպրոցին։ Տուպայի, Ապու Տապիի և Շարժայի մէջ, Նորին Սրբութիւնը նաեւ հանդիպումներ…
Սիւննի իսլամ համայնքին բարձրագոյն հեղինակութիւնը նկատուող Եգիպտոսի Էլ-Ազհարի Միւֆթին «Կրօնի կեցուածքը Ահաբեկչութեան Նկատմամբ» նիւթին շուրջ կազմակերպած է. միջազգային հանագումար մը, որ տեղի պիտի ունենայ 3-էն 5 Դեկտեմբեր-ին։ Համագումարին հրաւիրուած են իսլամ թէ քրիստոնեայ հոգեւոր պետերը, կրօնական անձնաւորութիւններ և աստուածաբաններ։ Հրաւիրուած է նաեւ Ն.Ս.Օ.Տ.Տ. Արամ Ա. Կաթողիկոս՝ մասնակիցներուն իր խօսքը ուղղելու համար։ Յանուն Վեհափառ Հայրապետին յիշեալ…
Երեքշաբթի, 2 Դեկտեմբեր 2014-ի առաւօտուն, Անթիլիասի Մայրավանքէն ներս հաւաքուած աւելի քան 300 տիկիններու իր Հայրապետական պատգամը ուղղելով՝ Ն.Ս.Օ.Տ.Տ. Արամ Ա. Կաթողիկոս անդրադարձաւ 2015 թուականի եզակի կարեւորութեան մեր ժողովուրդին համար։ Վեհափառ Հայրապետին պատգամը կը բաղկանար երկու բաժիններէ՝ առաջին բաժնին մէջ, Նորին Սրբութիւնը խօսեցաւ մեր երէցներուն յարգանք ու հոգածութիւն ցուցաբերելու անհրաժեշտութեան մասին, նկատի ունենալով որ ներկայ տարին…
25-26 նոյեմբեր 2014-ին ՄԱԿ-ի Մարդկային իրաւանց խորհուրդին մէջ տեղի ունեցաւ փոքրամասնութիւններու իրաւունքներուն նուիրուած եօթներորդ ժողովը` մասնակցութեամբ ՄԱԿ-ի անդամ պետութիւններուն պատուիրակութիւններուն, միջազգային, ոչ կառավարական եւ հասարակական կազմակերպութիւններուն եւ փոքրամասնութիւններու ներկայացուցիչներուն: Ժողովը քննարկեց փոքրամասնութիւններուն նկատմամբ կատարուած դաժանութեան ու բռնութեան, յանցագործութիւններու կանխարգիլման եւ անոնց գործադրութեան կասեցման, ինչպէս նաեւ տագնապներէն ետք երկարատեւ խաղաղութիւն եւ համակեցութիւն ստեղծելու ձեւերը: Ժողովի աւարտին…
Հինգշաբթի, 27 Նոյեմբեր 2014-ի առաւօտուն, Ն.Ս.Օ.Տ.Տ. Արամ Ա. Վեհափառ Հայրապետին այցելեց Միջին Արեւելքի Քրիստոնեայ Համայնքներուն Համախմբումի վարչութիւնը գլխաւորութեամբ Մազլում Արքեպիսկոպոսին ։ Շուրջ չորս տարիներ առաջ կեանքի կոչուած յիշեալ համախմբումին մաս կը կազմեն Միջին Արեւելքի բոլոր քրիստոնեայ համայնքները՝ իրենց կրօնական թէ աշխարհական ներկայացուցիչներով։ Համախմբումին նպատակն է գործակցութիւն յառաջացնել շրջանի քրիստոնեայ համայնքներուն միջեւ և ազդու…
Հինգշաբթի, 20 Նոյեմբեր-Չորեքշաբթի, 26 Նոյեմբեր, Այա Նափայի մէջ (Կիպրոս), գումարուեցաւ Եկեղեցիներու Համաշխարհային Խորհուրդի Գործադիր Վարչութեան ժողովը, որուն յանուն Մեծի Տանն Կիլիկիոյ Կաթողիկոսութեան մասնակցեցաւ Կիպրոսի Հայոց Կաթողիկոսական Փոխանորդ՝ Գերաշնորհ Տ. Նարեկ Արք. Ալեէմէզեան։ Ժողովը քննարկեց Եկեղեցիներու Համաշխարհային Խորհուրդի ծրագիրներուն, պաշտօնէութեան եւ տնտեսական վիճակին ու եկեղեցիներու անդամակցութեան առնչուած գլխաւոր բնագաւառները եւ համապատասխան որոշումներ առաւ՝ Խորհուրդի առաքելութիւնն ու…
24-25 Նոյեմբեր 2014-ին, Աթէնքի մէջ, Տիեզերական Պատրիարքութեան հիւրընկալութեամբ, տեղի ունեցաւ Ուղղափառ Եկեղեցիներու երկու ընտանիքներուն՝ Արեւելեան Ուղղափառ եւ Ոչ-քաղկեդոնական Ուղղափառ Եկեղեցիներու աստուածաբանական երկխօսութեան ժողովը: Յունաստանի հիւսիսային Գոմոթինի քաղաքին մէջ, Ն.Ս. Բարթողիմէոս Տիեզերական Պատրիարքին եւ Ն.Ս.Օ.Տ.Տ. Արամ Ա. Մեծի Տանն Կիլիկիոյ Կաթողիկոսին միջեւ պատմական հանդիպումին ընթացքին, 23 Սեպտեմբեր 2014-ին, երկու հոգեւոր պետերը շեշտեցին շուրջ երեք տասնամեակներ սկսած…
Ն.Ս.Օ.Տ.Տ. Արամ Ա. Վեհափառ Հայրապետը, որպէս իրհայրական սիրոյն ու քրիստոնէական դաստիարակութեան նկատմամբ ցուցաբերած իր յատուկ նախանձախնդրութեան` գործնական արտայայտութիւն, յաճախակի կերպով կ’ընդունի Կիրակնօրեայ վարժարաններուաշակերտները, ուսուցիչներնու պատասխանատուները: Այս հանդիպումներուն ընթացքինՆորին Սրբութիւնըիր գնահատանքը կը յայտնէ ու միաժամանակ կը կատարէ անհրաժեշտ ցուցմունքներ, բարելաւելու եւ ճիշդ ուղղութեան մէջ դնելու Կիրակնօրեայ վարժարաններու առաքելութիւնը: Այս ծիրէն ներս, Կիրակի, 23 Նոյեմբեր…
Երեքշաբթի, 25 Նոյեմբեր 2014-ի առաւօտուն, Անթիլիասի Մայրավանքի Վեհարանի գրասենեակին մէջ, Ն.Ս.Օ.Տ.Տ. Արամ Ա. Կաթողիկոս ընդունեց Լիբանանի մօտ Հայաստանի դեսպան Աշոտ Քոչարեանը: Հանդիպման ընթացքին քննարկուեցան Հայոց Ցեղասպանութեան 100-ամեակին, ինչպէս նաեւ Հայաստան-Սփիւռք գործակցութեան առնչուած հարցեր: Այս առիթով Վեհափառ Հայրապետը իր ցաւակցութիւնը յայտնեց Ղարաբաղի ճակատին զոհուած երեք նահատակ օդաչուներու ընտանիքներուն և իր զօրակցութիւնը՝ հայոց բանակին։
20-21 Նոյեմբեր 2014-ին, Վատիկանի Միջ-եկեղեցական Յարաբերութեանց բաժանմունքը, Գրիգորեան Համալսարանին մէջ, կազմակերպեց միջազգային համագումար մը, յետադարձ ակնարկ մը նետելու անցնող յիսուն տարիներու ընթացքին Վատիկան Բ.-ի «Միջ-եկեղեցական Վաւերագիր»ին թողած ազդեցութեան: Յանուն Մեծի Տանն Կիլիկիոյ Կաթողիկոսութեան սոյն համագումարին իր մասնակցութիւնը բերաւ Տիկ. Թենի Բիրրի-Սիմոնեանը ներկայացնելու ուղղափառ ոչ-քաղկեդոնական եկեղեցական ընտանիքին տեսակէտը: Տիկ. Բիրրի-Սիմոնեան անցեալին վարած է Կաթոլիկ Եկեղեցւոյ եւ…
Կիրակի, 23 Նոյեմբեր 2014-ին, միօրեայ այցելութեամբ Անթիլիասի Մայրավանք ժամանեց հանրածանօթ ազգային բարերար և գործարար Ռուբէն Վարդանեան։ Մոսկուայի մէջ կայք հաստատած Ռուբէն Վարդանեան նաեւ կեդրոնատեղիներ ունի Լոնտոնի, Երեւանի ու Նիւ Եորքի մէջ և ձեռնարկած է Հայաստանի ու Ղարաբաղի զարգացման մեծ ծրագիրներու իրագործման։ Ռուբէն Վարդանեան Անթիլիաս ժամանած էր միօրեայ այցելութեամբ հանդիպում ունենալու Ն.Ս.Օ.Տ.Տ. Արամ Ա. Կաթողիկոսին հետ։…
17) Սխա՞լ է աղօթել մեր գործերուն յաջողութեան համար: ա) Աստուած ի´նքն է տէրն ու հայթայթիչը բոլոր գործերուն: Ուստի, այո´, կրնանք աղօթել մեր գործերուն յաջողութեան համար: Բայց ի՞նչ կը նշանակէ աղօթել մեր գործերուն յաջողութեան համար: Արդեօք կը նշանակէ անգործ տո՞ւնը նստիլ, եւ սպասել որ Աստուած ի՞նք կատարէ մեր գործերը` մեր փոխարէն: Իրենց գործերուն յաջողութեան համար…
«Միութիւն ընդդէմ կրօնքի անունով վայրագութեան» միջազգային համագումարը տեղի ունեցաւ 18-19 Նոյեմբեր 2014-ին, Վիեննայի մէջ, կազմակերպութեամբ՝ Ապտուլլա Թագաւորի Միջ-կրօնական եւ Միջ-մշակութային Երկխօսութեան Միջազգային Կեդրոնին (KAICIID): Ժողովը կը համախմբէր Միջին Արեւելքէն քրիստոնեայ եւ իսլամ առաջնորդներ, այլ կրօններու, ոչ-կառավարական կազմակերպութեանց ներկայացուցիչներ եւ պետական անձնաւորութիւններ: Սոյն համագումարին Ն.Ս.Օ.Տ.Տ. Արամ Ա. Կաթողիկոս անձամբ հրաւիրուած էր ներկայ գտնուելու եւ իր պատգամը…
Շուրջ մէկ ամսուան բացակայութիւնէն ետք, Շաբաթ երեկոյեան Ն.Ս.Օ.Տ.Տ. Արամ Ա. Կաթողիկոս վերադարձաւ Անթիլիաս։ Անցնող շաբաթներուն Վեհափառ Հայրապետը յաջորդաբար այցելեց Պարսկաստան, Արաբական Միացեալ Էմիրութիւններ, Զուիցերիա և Հայաստան։ Պարսկաստանի մէջ շուրջ երկու շաբաթ Վեհափառ Հայրապետը հովուապետական այցելութիւններ տուաւ Թեհրանի և Իսֆահանի թեմերուն։ Արաբական Միացեալ Էմիրութիւններու մէջ Նորին Սրբութիւնը հանդիպումներ ունեցաւ թեմի պատասխանատու մարմիններուն հետ ու…
14) Պէ՞տք է աղօթել մէկու մը համար որ մեզ կ’ատէ: Այո´: Եթէ յարատեւօրէն աղօթենք մեզ ատողներուն համար, թէպէտ անոնք կրնան չփոխուիլ, բայց մենք կը փոխուինք ու կը փոխակերպուինք, կը սրբուինք ու սրբութեան կը հասնինք, որովհետեւ մեզ ատողներուն համար աղօթելը` մեզ սրբութեան կ’առաջնորդէ: Մարդ սրբութեան չի հասնիր աղօթելով զինք սիրողներուն համար կամ բարիք ընելով` իրեն…
11-13 Նոյեմբեր 2014-ին Մայր Աթոռ Սուրբ Էջմիածնի մէջ, օրհնութեամբ եւ նախագահութեամբ Ն.Ս.Օ.Տ.Տ. Գարեգին Բ. Ծայրագոյն Պատրիարք եւ Ամենայն Հայոց Կաթողիկոսի եւ Ն.Ս.Օ.Տ.Տ. Արամ Ա. Մեծի Տանն Կիլիկիոյ Կաթողիկոսի, գումարուեցաւ Հայ Առաքելական Ս. Եկեղեցւոյ Եպիսկոպոսաց հերթական ժողովը: Ժողովին կը մասնակցէին Հայ Եկեղեցւոյ 61 արքեպիսկոպոսներ եւ եպիսկոպոսներ: Նոյեմբեր 11-ին, բացման արարողութենէն առաջ Հայ Եկեղեցւոյ եպիսկոպոսաց դասը Մայր…
Գոհութիւն կը յայտնենք Սուրբ Երրորդութեան՝ Հօրը, Որդիին եւ Սուրբ Հոգիին, որ վերստին շնորհքը պարգեւեց՝ 11-13 Նոյեմբեր 2014-ին, Հայոց Ցեղասպանութեան 100-ամեայ տարելիցի սեմին, Եպիսկոպոսաց ժողով գումարելու Մայր Աթոռ Սուրբ Էջմիածնի մէջ, նախագահութեամբ Ն.Ս.Օ.Տ.Տ. Գարեգին Բ. Ծայրագոյն Պատրիարք եւ Ամենայն Հայոց Կաթողիկոսի եւ Ն.Ս.Օ.Տ.Տ. Արամ Ա. Մեծի Տանն Կիլիկիոյ Կաթողիկոսի եւ քննարկելու մեր Եկեղեցին ու ժողովուրդը յուզող…
13 Նոյեմբեր 2014-ին, նախագահութեամբ Ն.Ս.Օ.Տ.Տ. Գարեգին Բ. Ծայրագոյն Պատրիարք եւ Ամենայն Հայոց Կաթողիկոսի եւ Ն.Ս.Օ.Տ.Տ. Արամ Ա. Մեծի Տանն Կիլիկիոյ Կաթողիկոսի, Մայր Աթոռ Սուրբ Էջմիածնի մէջ ընթացող Եպիսկոպոսաց ժողովը, առաջին նիստի ընթացքին մասնաւոր անդրադարձ ունեցաւ Լեռնային Ղարաբաղի սահմանագիծին մօտ ազրպէյճանական զինուած ուժերու կողմէ ԼՂ պաշտպանութեան բանակի օդուժի ուղղաթիռի ռմբահարումի միջադէպին՝ դատապարտելով Ազրպէյճանի կողմէ սանձազերծուած այս…
Հայաստանի Հանրապետութեան նախագահ Սերժ Սարգսեան 11 Նոյեմբեր 2014-ին հանդիպում ունեցաւ Ամենայն Հայոց Գարեգին Բ. Կաթողիկոսին եւ Մեծի Տանն Կիլիկիոյ Արամ Ա. Կաթողիկոսին հետ: Հանդիպումին ընթացքին քննարկուած են պետութեան եւ եկեղեցւոյ միջեւ ձեւաւորուած սերտ համագործակցութեան, հայրենիք-սփիւռք կապերու ամրապնդման, ազգային-եկեղեցական կեանքի խնդիրներուն եւ գոյութիւն ունեցող մարտահրաւէրներուն վերաբերող հարցեր:
Երեքշաբթի, 11 Նոյեմբեր 2014-ի առաւօտուն, Ս. Էջմիածնի մէջ, նախագահութեամբ Ն.Ս.Օ.Տ.Տ. Գարեգին Բ. Ամենայն Հայոց Կաթողիկոսի եւ Ն.Ս.Օ.Տ.Տ. Արամ Ա. Մեծի Տանն Կիլիկիոյ Կաթողիկոսի, սկսաւ Հայ Առաքելական Ս. Եկեղեցւոյ Եպիսկոպոսաց ժողովը: Ժողովին Ամենայն Հայոց Կաթողիկոսութեան եւ Մեծի Տանն Կիլիկիոյ Կաթողիկոսության 76 արքեպիսկոպոսներէն ու եպիսկոպոսներէն կը մասնակցին 58-ը: Բացման արարողութինէն առաջ Հայ Եկեղեցւոյ եպիսկոպոսաց դասը Մայր Տաճարին…
Սուրբ Էջմիածինի մէջ նոյեմբերի 11-13 2014-ին գումարուող Հայ Առաքելական Սուրբ Եկեղեցւոյ Եպիսկոպոսաց Ժողովի մասնակիցները Երկուշաբթի, 10 Նոյեմբեր 2014-ին, առաջնորդութեամբ Ն.Ս.Օ.Տ.Տ. Գարեգին Բ. Կաթողիկոսի եւ Ն.Ս.Օ.Տ.Տ. Արամ Ա. Կաթողիկոսի, այցելեցին Հայոց Ցեղասպանութեան նուիրուած Ծիծեռնակաբերդի յուշահամալիրը: Վեհափառ Հայրապետները ծաղկեպսակներ զետեղեցին եւ ապա, անմար կրակին առջեւ Հոգեհանգստեան արարողութիւն կատարուեցաւ Հայոց Ցեղասպանութեան նահատակներու հոգիներուն խաղաղութեան համար: Ապա, Գարեգին Բ.…
ՀԱՍԿ Հոկտեմբեր 2014 կարդալ հոս
Երկուշաբթի, 10 Նոյեմբեր 2014-ին, Վեհափառ Հայրապետը մեկնեցաւ Հայաստան: Յառաջիկայ օրերուն Ն.Ս.Օ.Տ.Տ. Գարեգին Բ. Կաթողիկոսի եւ Ն.Ս.Օ.Տ.Տ. Արամ Ա. Կաթողիկոսի նախագահութեամբ, Ս. Էջմիածինի մէջ պիտի գումարուի Հայ Առաքելական Եկեղեցւոյ Եպիսկոպոսաց Ժողովը: Յիշեալ ժողովին օրակարգի գլխաւոր նիւթերէն մէկը պիտի ըլլայ Հայոց Ցեղասպանութեան նահատակներու սրբադասումը: Յայտնենք, որ նախկին Եպիսկոպոսաց Ժողովը տեղի ունեցած էր 24-27 Սեպտեմբեր 2013-ին: Սոյն ժողովին…
9) Աղօթքը կրնա՞յ մեզմէ հեռու պահել մեղքը: Այո´, աղօթքը կրնայ մեզմէ հեռու պահել մեղքը, բայց կարեւոր է գիտնալ, որ աղօթքին նպատակը` մեղքը մեզմէ հեռու պահելը չէ այնքան` որքան մեզ մեղքէն ու մեղքի սէրէն հեռու պահելը: Աստուած չի դատապարտեր իր զաւակները եթէ երբեք մեղքի մէջ իյնան, բայց կը դատապարտէ` եթէ երբեք սիրեն մեղքը: 10)…
Իրան կատարած իր Հովուապետական այցելութեան աւարտին, Ն.Ս.Օ.Տ.Տ. Արամ Ա. Կաթողիկոս անցաւ Արաբական Միացեալ Էմիրութիւններ: Տուպայի եւ Ապու Տապիի մէջ Վեհափառ Հայրապետը հանդիպումներ ունեցաւ շրջանի Կաթողիկոսական Փոխանորդ Հոգշ. Տ. Մեսրոպ Վրդ. Սարգիսեանին եւ թեմական պատասխանատուներուն հետ: Նորին Սրբութիւնը այցելութիւն տուաւ Ապու Տապիի Ս. Նահատակաց եկեղեցին, որ շինարարական վերջին հանգրուանին հասած է: Ան գնահատեց գաղութի պատասխանատուները, որոնք…
Իրան կատարած իր Հովուապետական այցելութեան վերջին երեկոյեան, Կիրակի, 26 Հոկտեմբեր 2014-ին, Թեհրանի Հայոց Թեմի Թեմական Խորհուրդը ճաշկերոյթ մը տուաւ ի պատիւ Ն.Ս.Օ.Տ.Տ. Արամ Ա. Կաթողիկոսին: Սոյն ճաշկերոյթին ներկայ էին նաեւ Իրանի երեք թեմերու առաջնորդները, Թեմական Խորհուրդի անդամները, Իրանի Իսլամական Հանրապետութեան խորհրդարանի զոյգ հայ պատգամաւորները, միութիւններու պատասխանատուներն ու բարերարները: Բացման խօսքը կատարեց Թեմական Խորհուրդի ատենապետ Տիար…
Կիրակի, 26 Հոկտեմբեր 2014-ի երեկոյեան, Թեհրանի Հայոց Առաջնորդարանի սրահէն ներս, Ն.Ս.Օ.Տ.Տ. Արամ Ա. Կաթողիկոս, ներկայութեամբ Իրանի թեմակալ երեք առաջնորդներուն, հանդիպում մը ունեցաւ իրանահայ գաղութի երիտասարդներուն հետ: Հանդիպման ընթացքին նախ խօսք առաւ Սեպուհ Սրբազանը շեշտելով, որ Վեհափառ Հայրապետին առօրեային մաս կը կազմեն մեր երիտասարդներն ու անոնց մտահոգութիւնները, այդ իսկ պատճառով ան անպայմանօրէն փափաքեցաւ երիտասարդ սերունդին հետ…
2-5 Նոյեմբեր 2014, Ամըրսֆուրթի մէջ (Հոլանտա), Հին Կաթոլիկ Եկեղեցւոյ հիւրընկալութեամբ, գումարուեցաւ Եկեղեցական Ընտանիքներու Ընդհանուր Քարտուղարներու ժողովը, որուն մասնակցեցան երեսուն հոգեւորական եւ աշխարհական աստուածաբաններ։ Յանուն Մեծի Տանն Կիլիկիոյ Կաթողիկոսութեան ժողովին ատենապետութիւնը վարեց Գերշ. Տ. Նարեկ Արք. Ալեէմէզեան՝ Կաթողիկոսական Փոխանորդ Կիպրոսի Հայոց։ Ժողովին կարդացած իր զեկոյցին մէջ, Նարեկ Սրբազան ներկայացուց Արեւելեան Ուղղափառ Եկեղեցիներու Ընտանիքին եւ յատկապէս Հայ…
Կիրակի, 26 Հոկտեմբեր 2014-ին, Ն.Ս.Օ.Տ.Տ. Արամ Ա. Կաթողիկոս, ընկերակցութեամբ Թեհրանի Հայոց Թեմի Առաջնորդ Գերշ. Տ. Սեպուհ Արք. Սարգիսեանի, Սպահանի Հայոց Թեմի Առաջնորդ Գերշ. Տ. Բաբգէն Եպս. Չարեանի, Ատրպատականի Հայոց Թեմի Առաջնորդ Գերշ. Տ. Գրիգոր Եպս. Չիֆթճեանի եւ Արաբական Միացեալ Էմիրութիւններու Կաթողիկոսական Փոխանորդ Հոգշ. Տ. Մեսրոպ Վրդ. Սարգիսեանի, այցելեց Իրանի Իսլամական Հանրապետութեան Միջ-կրօնական ու Մշակութային Յարաբերութիւններու…
Ընկերակցութեամբ Իրանի երեք թեմակալ առաջնորդ սրբազաններուն, Ն.Ս.Օ.Տ.Տ. Արամ Ա. Կաթողիկոս, Շաբաթ, 25 Հոկտեմբեր 2014-ին, այցելեց Թեհրանի «Ալիք» օրաթերթի կեդրոնը, ուր ջերմ ընդունելութեան արժանացաւ «Ալիք»-ի խմբագրութեան, Հայ Դատի յանձնախումբին եւ Հ.Յ.Դ.-ի Կեդրոնական Կոմիտէի անդամներուն կողմէ: Կեդրոնական Կոմիտէի ներկայացուցիչ Գեւիկ Մկրտչեանը, իր խօսքին մէջ անդրադարձաւ Դաշնակցութեան դերակատարութեան հայ կեանքէն ներս, յատկապէս Հայ Դատի աշխատանքներուն գծով: Ապա, խօսք…
Շաբաթ, 25 Հոկտեմբեր 2014-ի երեկոյեան, Թեհրանի «Սասուն» թաղամասի ժողովուրդը մեծ ուրախութեամբ դիմաւորեց Ն.Ս.Օ.Տ.Տ. Արամ Ա. Կաթողիկոսը: Դպրաց դասի ու հոգեւորականներու թափօրով Վեհափառ Հայրապետը առաջնորդուեցաւ Ս. Թարգմանչաց եկեղեցի, ուր տեղի ունեցաւ Կանոնական աղօթք: Ապա, Առաջնորդ Սրբազանը խօսք առնելով, յանուն շրջանի ժողովուրդին ողջունեց Վեհափառ Հայրապետին օրհնաբեր այցելութիւնը: Ան ըսաւ, թէ մեր ժողովուրդին համար անհուն ուրախութիւն է ոչ…
Հայեացքդ կանգ կ’առնէ անցեալի սեւաշուք ստուերներէն մերկացած քարերուն սպիտակ փսփսուքներուն վրայ, կ’անսաս «Խորհէ՛ եւ մտիր» քաղցր հրաւէրին, կը փորձես որսալ ներքին լոյսը հասարակ քարին տասնամեակներ շարունակ շունչ, ոգի եւ թռիչք պարգեւած խորհուրդին, վերանալ ու նոյնանալ այս քարեղէն շարականին կշռոյթներէն անհունացած հայուն հաւատքին արշալոյսին հետ եւ, ո՜վ զարմանք զարմանալի, յանկարծ կ’անդրադառնաս, որ Դպրեվանքը ժուժկալ ու ներամփոփ,…
8) Ո՞ր աղօթքներէն Աստուած աւելի հաճոյք կը ստանայ: ա) Այն աղօթքներէն` որոնց մէջ փառաբանութիւն կայ: Աղօթք մը որուն մէջ փառաբանութիւն չկայ՝ այդ աղօթքը Աստուծոյ փառք չի բերեր, չ’ուրախացներ ու չի պատուեր զԱստուած: բ) Այն աղօթքներէն` որոնց ընթացքին շնորհակալութիւն կը յայտնենք Աստուծոյ ամէն բանի համար: Աղօթքով Աստուծոյ շնորհակալութիւն չյայտնող մարդը` Աստուծոյ տուած շնորհքներն ու պարգեւներն…
Շարունակելով Թեհրանի Հայոց Թեմին կատարած իր Հովուապետական այցելութիւնը, Ն.Ս.Օ.Տ.Տ. Արամ Ա. Կաթողիկոս, Իրանի երեք թեմերու առաջնորդ սրբազաններուն ընկերակցութեամբ, Շաբաթ, 25 Հոկտեմբեր 2014-ի առաւօտուն յաջորդաբար այցելեց Մարիամեան եւ Սողոմոնեան վարժարանները: Յիշեալ դպրոցներու աշակերտները խանդավառութեամբ դիմաւորեցին Վեհափառ Հայրապետին այցելութիւնը: Աշակերտներուն դիմաց խօսք առնելով Թեհրանի Առաջնորդ Սրբազանը յայտնեց, թէ Նորին Սրբութիւնը յատուկ կարեւորութիւն կու տայ հայ դպրոցին եւ…
Շաբաթ, 25 Հոկտեմբեր 2014-ի առաւօտուն, Ն.Ս.Օ.Տ.Տ. Արամ Ա. Կաթողիկոս, հանդիպում մը ունեցաւ Իրանի Իսլամական Հանրապետութեան խորհրդարանի նախագահ Լարիջանիին հետ: Հանդիպումին ներկայ էին Իրանի երեք թեմերու առաջնորդները, Իրանի խորհրդարանի երկու հայ պատգամաւորները եւ ազգային իշխանութեանց ներկայացուցիչները: Շուրջ ժամ մը տեւող տեսակցութեան ընթացքին քննարկուեցան Միջին Արեւելքէն ներս տեղի ունեցող անցուդարձերը, Սուրիական տագնապին, Լիբանանի նախագահական ընտրութեան, շրջանէն ներս…
ՀԱՍԿ Օգոստոս — Սեպտեմբեր կարդալ հոս
Ուրբաթ, 24 Հոկտեմբեր 2014-ի առաւօտուն, Ն.Ս.Օ.Տ.Տ. Արամ Ա. Կաթողիկոս, Թեհրանի Ս. Սարգիս Առաջնորդանիստ եկեղեցւոյ մէջ, նախագահեց Ս. եւ Անմահ Պատարագին: Օրուան պատարագիչն էր Սպահանի Հայոց Թեմի Առաջնորդ Գերշ. Տ. Բաբգէն Եպս. Չարեան: Յընթացս Ս. եւ Անմահ Պատարագին, Արամ Ա. Կաթողիկոս իր Հայրապետական պատգամը ուղղեց ժողովուրդին, բնաբան ունենալով Քրիստոսի հետեւեալ խօսքը, թէ աշխարհ եկայ որպէսզի առաւել…
Ուրբաթ, 24 Հոկտեմբեր 2014-ի երեկոյեան, Իրանի Իսլամական Հանրապետութեան նախագահի անձնական խորհրդական եւ փոքրամասնութիւններու ընդհանուր պատասխանատու՝ Եունիսի, պաշտօնական ճաշկերոյթ մը սարքեց ի պատիւ Ն.Ս.Օ.Տ.Տ. Արամ Ա. Կաթողիկոսին, յանուն Իրանի Իսլամական Հանրապետութեան նախագահ՝ Հասան Ռուհանիի: Ճաշկերոյթին ներկայ էին Իրանի երեք թեմերու առաջնորդ սրբազանները, խորհրդարանի հայ, հրեայ, ասորի ու զրադաշտական համայնքներու պատգամաւորները, կրօնական փոքրամասնութիւններու հոգեւոր պետերը, հանրապետութեան նախագահի…
Շուրջ երկու հազար հանդիսականներու ներկայութեան, Հինգշաբթի, 23 Հոկտեմբեր 2014-ի երեկոյեան, Թեհրանի «Արարատ» մարզաւանին մէջ, տեղի ունեցաւ նոյն մարզաւանին հիմնարկութեան 70-ամեակի տօնախմբութիւնը, նախագահութեամբ Ն.Ս.Օ.Տ.Տ. Արամ Ա. Կաթողիկոսին: Ներկայ էին Թեհրանի, Սպահանի եւ Ատրպատականի առաջնորդ սրբազանները, Հայաստանի ու Ռուսիոյ դեսպանները, Հայաստանի Հանրապետութեան Սփիւռքի նախարարուհին եւ զանազան կազմակերպութեանց ու միութեանց ներկայացուցիչները: Շուրջ երկու ժամ տեւող հանդիսութեան ընթացքին յաջորդաբար…
Հինգշաբթի, 23 Հոկտեմբեր 2014-ի առաւօտուն, Ն.Ս.Օ.Տ.Տ. Արամ Ա. Կաթողիկոս, ընկերակցութեամբ Թեհրանի Հայոց Թեմի Առաջնորդ Սեպուհ Արք. Սարգիսեանին, ինչպէս նաեւ Սպահանի ու Ատրպատականի առաջնորդներուն, պաշտօնական այցելութիւն մը տուաւ Իրանի մօտ Հայաստանի դեսպանատան, ուր ջերմ ընդունելութեան արժանացաւ դեսպանին՝ մեծարգոյ Պրն. Գրիգոր Առաքելեանին եւ անձնակազմին կողմէ: Ընդունելութեան ներկայ էր նաեւ Հայաստանի Հանրապետութեան Սփիւռքի նախարար Տիկ. Հրանուշ Յակոբեանը: Առաջին…
Չորեքշաբթի, 22 Հոկտեմբեր 2014-ի երեկոյեան, Թեհրանի Ազգային Առաջնորդարանի սրահին մէջ, Ն.Ս.Օ.Տ.Տ. Արամ Ա. Կաթողիկոս հանդիպում մը ունեցաւ Իրան-Իրաք պարտադրեալ պատերազմի ընթացքին զոհուած իրանահայ նահատակներու ընտանիքներուն հետ: Խօսք առնելով Թեհրանի Հայոց Թեմի Առաջնորդ Գերշ. Տ. Սեպուհ Արք. Սարգիսեան, լայնօրէն անդրադարձաւ, թէ ի՞նչ պայմաններու տակ, իրանեան բանակին մէջ ծառայող հայ զինուորները պաշտպանելով իրանեան հայրենիքը, զոհուեցան պատերազմի…
Հինգշաբթի, 23 Հոկտեմբեր 2014-ին, Թեհրանի Ազգային Առաջնորդարանին մէջ, Գերշ. Տ. Սեպուհ Արք. Սարգիսեանի հրաւէրով, տեղի ունեցաւ Իրանի քրիստոնեայ համայնքներու հոգեւոր պետերու հանդիպումը, նախագահութեամբ՝ Ն.Ս.Օ.Տ.Տ. Արամ Ա. Կաթողիկոսին: Սեպուհ Սրբազանը ընդհանուր կերպով ներկայացուց Իրանի մէջ քրիստոնեայ համայնքներուն պարզած պատկերը յայտնելով, որ յաճախակի առիթներով անոնք հանդիպումներ կ’ունենան ընդհանրական հարցերու շուրջ խորհրդակցելու նպատակով: Ապա, յաջորդաբար խօսք առին ներկայ…
Չորեքշաբթի, 22 Հոկտեմբեր 2014-ին, Իրանի մօտ Լիբանանի դեսպան Ֆատի Էլ Հաժ ճաշկերոյթ մը սարքեց ի պատիւ Վեհափառ Հայրապետին: Ճաշկերոյթին ներկայ էին Իրանի թեմակալ երեք առաջնորդները, թեմականները, Ռուսիոյ, Սուրիոյ, Պաղեստինի եւ այլ երկիրներու ներկայացուցիչները, Իրանի արտաքին գործոց նախարարութեան պատասխանատուները եւ այլ քաղաքական ու պետական դէմքեր: Ճաշկերոյթի ընթացքին խօսք առնելով Լիբանանի դեսպանը ջերմօրէն ողջունեց Վեհափառ Հայրապետին այցելութիւնը…
Երեքշաբթի, 21 Հոկտեմբեր 2014-ի երեկոյեան, Հին Գահիրէի Ս. Գէորգ վանքի շրջափակին մէջ, տեղի ունեցաւ «Սուրբ ընտանիքի ուղեւորութիւնը եգիպտոսի մէջ» ծրագիրի բացման պաշտօնական հանդիսութիւնը: Սոյն ծրագիրը կազմակերպուած է Եգիպտոսի պետութեան եւ Ղպտի Ուղղափառ Եկեղեցւոյ համագործակցութեամբ: Հանդիսութեան ներկայ էին Ղպտի Եկեղեցւոյ պետ՝ Ն.Ա. Թաւատրոս Բ. Պատրիարքը, Եգիպտոսի վարչապետը, զբօսաշրջիկութեան ու հնագիտութեան նախարարները, ինչպէս նաեւ բազմաթիւ եգիպտացի եւ…
Երեքշաբթի, 21 Հոկտեմբեր 2014-ին, դարձեալ պատմական օր մը եղաւ Նոր Ջուղայի հայութեան համար: Արդարեւ, որպէս եզրափակիչ հանդիսութիւն, երեք օրերու վրայ տարածուած կրօնական, մշակութային ու ազգային շարք մը ձեռնարկներուն՝ նուիրուած Նոր Ջուղայի Ս. Ամենափրկիչ վանքի հիմնադրութեան 350-ամեակին, Նոր Ջուղայի Արարատ Միութեան սրահին մէջ տեղի ունեցաւ ժողովրդային հանդիսութիւն, բարձր հովանաւորութեամբ Ն.Ս.Օ.Տ.Տ Արամ Ա. Կաթողիկոսին: Հանդիսութեան նաեւ ներկայ…
Երեքշաբթի, 21 Հոկտեմբեր 2014-ի առաւօտուն, Նոր Ջուղայի «Արարատ» սրահին մէջ, Նոր Ջուղայի չորս հարիւր տարիներու պատմութեան նուիրուած համագումարին բացումը կատարուեցաւ, բարձր հովանաւորութեամբ Ն.Ս.Օ.Տ.Տ Արամ Ա. Կաթողիկոսին: Համագումարին ներկայ էին Իրանի հայոց երեք առաջնորդները, Սպահանի նահանգապետը, փոխ նահանգապետը, Թեմական ու Պատգամաւորական ժողովներու ներկայացուցիչները, կրօնապետը, Սպահանի Համալսարանի տնօրէնն ու Երեւանի համալսարանի դասախօսներ: Համագումարին բացումը կատարելով, Վեհափառ Հայրապետը…
Այս բառերով սրտագին կոչ ուղղեց Վեհափառ Հայրապետը Ս. Ամենափրկիչ վանքին շրջափակը հաւաքուած հազարաւոր հայորդիներուն: Նորին Սրբութիւնը անդրադառնալով Նոր Ջուղայի չորս հարիւր տարիներու պատմութեան մասին, ըսաւ. «Այս բուռ մը հողին վրայ, մեր ժողովուրդի զաւակները քրիստոնէական հաւատքը ամուր պահեցին եւ մեր մշակութային արժէքները` կենսունակ։ Անոնք հաւատարիմ գտնուեցան մեր ժողովուրդի դարաւոր ձգտումներուն ու երազներուն։Նոր Ջուղան անցեալ չէ, այլ…
Ն.Ս.Օ.Տ.Տ. Արամ Ա. Կաթողիկոսի օրհնութեամբ ու քաջալերանքով, վերջին երկու տարիներուն, Կաթողիկոսարանի Կրթական-Հայագիտական Բաժանմունքի կազմակերպած Արեւմտահայերէնի խտացեալ դասընթացքը պիտի շարունակուի նաեւ 2014-2015 կրթական տարեշրջանին, շաբաթական երկօրեայ դրութեամբ, Երեքշաբթի եւ Ուրբաթ օրերը, յետ միջօրէի ժամը 5.00-8.00: Եօթը ամսուան վրայ երկարող այս դասընթացքին հետեւողներուն պիտի աւանդուին հայ լեզուի պատմութիւն, քերականութիւն, շարահիւսութիւն, ուղղագրական ու լեզուական օգտաշատ գիտելիքներ եւ յարակից…
Երկուշաբթի, 20 Հոկտեմբեր 2014-ի առաւօտուն, Վեհափառ Հայրապետը ընկերակցութեամբ առաջնորդ սրբազաններուն եւ թեմի թեմական ու պատգամաւորական ժողովներու ներկայացուցիչներուն՝ այլցելեց Նոր Ջուղայի Ազգային Կրթահամալիրը: «Հայ դպրոցը իր հայակերտումի առաքելութեամբ միշտ կը մնայ առանցքը մեր ինքնութեան ու հզօրութեան», շեշտեց Վեհափառ Հայապետը, Նոր Ջուղայի ազգային միացեալ վարժարաններու աշակերտութեան ուղղելով իր խօսքը: Շուրջ ժամ մը տեւողութեամբ, հայ վարժարաններու աշակերտները իրենց…
Կիրակի, 19 Հոկտեմբեր 2014-ի կէսօրին, Ս. Ամենափրկիչ վանքին մէջ, պատմութեան ընթացքին առաջին անգամ ըլլալով, Վեհափառ Հայրապետին միասնաբար այցելեցին Սպահանի նահանգապետը, փոխ նահանգապետը, կրօնապետը, ընդհանուր ապահովութեան պատասխանատուն, զօրավարն ու այլ պետական երեւելի դէմքեր, որոնք Վեհափառ Հայրապետին ճաշի հիւրերը եղան: Անոնք ջերմօրէն ողջունեցին Արամ Ա. Կաթողիկոսին այցելութիւնը Սպահան եւ Վեհափառ Հայրապետին անձին ճամբով իրենց գնահատանքը յայտնեցին Սպահանի…
7) Ոմանք կ՚ըսեն. ,Աղօթքի պահուն Յիսուսի արիւնով մենք համարձակութիւնը ունինք Աստուծոյ գահին մօտենալու, նոյնիսկ եթէ մեր կեանքին մէջ ունինք որոշ յանցանքներ եւ չխոստովանուած մեղքերե: Ճի՞շդ է այս հաստատումը: Նախորդ թիւ 7 հարցումին պատասխանին շարունակութիւնը.- 4) Ճիշդ է որ Յովհաննէս առաքեալը կը հաստատէ, թէ` ,ինչ որ ալ խնդրենք իրմէ` կը ստանանքե, բայց խօսքը ո՞ր կամ ի՞նչ…
Թւականիս սեպտ. 7-ի երեկոյեան Հայկաշէնում մեկնարկեց մէկշաբաթեայ համագումար Թեհրանի հայոց դպրոցների կրօնի եւ կիրակնօրեայ դպրոցների ուսուցիչ-ուսուցչուհիների մասնակցութեամբ:Համագումարը կազմակերպւել էր Միջեկեղեցական հրատարակութեան գրասենեակը՝ հովանաւորութեամբ Թեհրանի հայոց թեմի առաջնորդ Տ. Սեպուհ արք. Սարգսեանի: Համագումարի մասնակցելու նպատակով Լիբանանից հրաւիրւել էր դպրեվանքի տեսուչ Տ. Թորգոմ վրդ. Տօնոյեանը եւս: Առիթը պատեհ համարելով՝ մէկշաբաթեայ համագումարից յետոյ հարցազրոյց ենք ունեցել դպրեվանքի տեսուչ…
Ուրբաթ, 17 Հոկտեմբեր 2014-ին, երեկոյեան ժամը 8-ին, «Կիլիկիա» թանգարանի «Կիւլպէնկեան» սրահին մէջ, կազմակերպութեամբ Մեծի Տանն Կիլիկիոյ Կաթողիկոսութեան Քրիստոնէական Դաստիարակութեան Բաժանմունքին, տեղի ունեցաւ շնորհահանդէսը «Մեղեդիներ, Տաղեր եւ Գանձեր» ձայնասկաւառակին, մեկնաբանութեամբ Շողիկ Թորոսեանի եւ նուագակցութեամբ Յասմիկ Գասպարեանի։ Հանդիսութեան բացման խօսքը կատարեց բաժանմունքի վարիչ Հոգշ. Տ. Ղեւոնդ Վրդ. Բենդէզեան, որ անդրադարձաւ շարականի դերին ու անոր ներշնչումով կերտուած հայու…
Շաբաթ, 18 Հոկտեմբեր 2014-ի երեկոյեան, Ն.Ս.Օ.Տ.Տ. Արամ Ա. Կաթողիկոս ժամանեց Նոր Ջուղա, ուր Ս. Ամենափրկիչ վանքին մէջ տեղի ունեցաւ ժողովրդային խանդավառ ընդունելութիւն: Իրանի թեմակալ երեք առաջնորդները, հոգեւորականաց դասը, թեմական խորհուրդի անդամները, զանազան միութիւններու եւ մարմիններու պատասխանատուներն ու Սպահանի հայ ժողովուրդը միասնաբար թափօր կազմած առաջնորդեցին Վեհափառ Հայրապետը Ս. Յովսէփ Արեմաթացի եկեղեցին Կանոնական աղօթքի համար: Աղօթքէն ետք,…
Շաբաթ, 18 Հոկտեմեր 2014-ի առաւօտուն, Թեհրանի Հայոց Թեմի առաջնորդարանի դահլիճէն ներս, Ն.Ս.Օ.Տ.Տ. Արամ Ա. Կաթողիկոս հանդիպում ունեցաւ թեմի կանանց բոլոր միութիւններուն հետ: Առաջնորդ Սրբազանը բարի գալուստ մաղթեց տիկնանց միութիւններուն եւ Վեհափառ Հայրապետին այցելութիւնը նկատեց օրհնաբեր: Հանդիպման ընթացքին Վեհափառ Հայրապետը անդրադարձաւ միասնական աշխատանքի կարեւորութեան, զորս կը նպաստէ ընկերութեան կեանքի համերաշխութեան, զարգացման ու բարգաւաճման: Ապա, Նորին Սրբութիւնը…
14-16 Հոկտեմբեր 2014-ին, Ղպտի Եկեղեցւոյ Ս. Մարկոս կեդրոնին մէջ, Գահիրէ-Եգիպտոս, գումարուեցաւ Արեւելեան Ուղղափառ Եկեղեցիներու եւ Անկլիգան Եկեղեցւոյ աստուածաբանական պաշտօնական երկխօսութեան յանձնախումբի երրորդ ժողովը: Ամենայն Հայոց Կաթողիկոսութեան կողմէ ժողովին մասնակցեցաւ Հոգշ. Տ. Գաբրիէլ Վրդ. Սարգսեան ու Մեծի Տանն Կիլիկիոյ Կաթողիկոսութեան կողմէ՝ Գերշ. Տ. Նարեկ Արք. Ալեէմէզեան եւ Գերպ. Տ. Յուսիկ Ծ. Վրդ. Մարտիրոսեան: Ժողովականներ քննարկեցին 2002-ին…
Հինգշաբթի, 16 Հոկտեմբեր 2014-ի առաւօտուն, Ն.Ս.Օ.Տ.Տ. Արամ Ա. Կաթողիկոս, ընկերակցութեամբ Թեհրանի Հայոց Թեմի Առաջնորդ Գերշ. Տ. Սեպուհ Արք. Սարգիսեանի, Գերշ. Տ. Մակար Եպս. Աշգարեանի, Թեմական Խորհուրդի պատուիրակութեան ու հիւրընկալութեան յանձնախումբին՝ այցելեց Իրանի Սառի կոչուող շրջանը: Քաղաքի մուտքին, համայնքի պատասխանատուները դիմաւորեցին Նորին Սրբութիւնը եւ ապա միասնաբար ուղղուեցան համայնքի հաւաքավայրը հանդիսացող դահլիճը: Այնտեղ, հերթաբար խօսք առին գաղութի…
Չորեքշաբթի, 15 Հոկտեմբեր 2014-ի կէսօրին, Ն.Ս.Օ.Տ.Տ. Արամ Ա. Կաթողիկոս ժամանեց Իրան, ուր պաշտօնական դիմաւորութեան արժանացաւ իրանահայ երեք թեմերու առաջնորդներուն՝ Թեհրանի Հայոց Թեմի Առաջնորդ Գերշ. Տ. Սեպուհ Արք. Սարգիսեանին, Սպահանի Հայոց Թեմի Առաջնորդ Գերշ. Տ. Բաբգէն Եպս. Չարեանին, Ատրպատականի Հայոց Թեմի Առաջնորդ Գերշ. Տ. Գրիգոր Եպս. Չիֆթճեանին, ինչպէս նաեւ Թեհրանի Հայոց Թեմի Առաջնորդական Փոխանորդ Գերշ. Տ.…
Չորեքշաբթի, 15 Հոկտեմբեր 2014-ի առաւօտուն, Ն.Ս.Օ.Տ.Տ. Արամ Ա. Կաթողիկոս հովուապետական այցելութեամբ մեկնեցաւ Իրան։ Վեհափառ Հայրապետը Թեհրանի ու Նոր Ջուղայի մէջ այցելութիւններ պիտի տայ ծխային եկեղեցիներուն ու դպրոցներուն, հանդիպումներ պիտի ունենայ թեմական մարմիններուն ու պետական պատասխանատուներուն հետ, պիտի նախագահէ մշակութային եւ կրօնական հանդիսութիւններու եւ իր պատգամը պիտի տայ մեր ժողովուրդի զաւակներուն։ Վեհափառին Հովուապետական այցելութիւնը պիտի տեւէ…
Արամ Ա. Կաթողիկոս հրաւիրուած է որպէս գլխաւոր դասախօս իր մասնակցութիւնը բերելու հետեւեալ միջազգային համագումարներուն.- • «Աշխարհ Մը Առանց Պատի — Խաղաղութեան Հաստատումը Համաշխարհային Անապահովութեան ժամանակաշրջանի Մը Մէջ», կազմակերպութեամբ՝ Մշակութային Դիւանագիտութեան Հիմնարկի (Institute for Cultural Diplomacy) Պեռլինի մէջ, Գերմանիա, 7-10 Նոյեմբեր 2014-ին։ • «Հարցեր եւ Մօտեցումներ Հայոց Ցեղասպանութեան Պահանջատիրութեան Առնչուած», կազմակերպութեամբ՝ Հայոց Ցեղասպանութեան Միջազգային…
Շաբաթ,11 Հոկտեմբեր 2014-ի առաւօտուն, ԼիբանանիՊգնայաշրջանիՍայիտէդԱլՊիր վանքին մէջտեղիունեցաւ շնորհահանդէսը «Քրիստոնէութեան եւ Իսլամութեան Դերը՝ Համագոյակցութեան Ամրապնդման Մէջ» խորագրովգիրքին, որ լոյս տեսած էր քրիստոնեայ եւ իսլամ զանազան համայնքներու եւ Adyan ընկերակցութեան գործակցութեամբ: Սոյն ձեռնարկին, յանուն Ն.Ս.Օ.Տ.Տ. ԱրամԱ. Կաթողիկոսին, իր մասնակցութիւնը բերաւ եւ խօսք առաւ Լիբանանի Հայոց ԹեմիԱռաջնորդԳերշ. Տ.ՇահէԵպս. Փանոսեան: Սրբազան Հայրը, շնորհաւորելէ ետք կատարուած աշխատանքը, ընթերցեց Վեհափառ…
Հայ Եկեղեցւոյ տօնացոյցին համաձայն, Շաբաթ, 11 Հոկտեմբերին, յիշատակն էր Հայ Եկեղեցւոյ ազգային մեծագոյն տօներէն` Թարգմանչաց Վարդապետներուն։ Հայոց պատմութեան էջերուն մէջ Թարգմանիչ Վարդապետներուն առաքելութիւնը անկիւնադարձային երեւոյթ մը եղաւ, որով ան փոխեց մեր պատմութեան ընթացքը՝ մեզի պարգեւելով սեփական հայ գիր, հայադրոշմ մշակոյթ եւ ազգային ինքնութիւն։ Կիրակի, 12 Հոկտեմբեր 2014-ին, Ս. եւ Անմահ Պատարագէն ետք, Անթիլիասի Վեհարանի…
Մեծի Տանն Կիլիկիոյ Կաթողիկոսարանի տպարանէն վերջերս լոյս տեսաւ «Հայկական Ցեղասպանութեան» 100-ամեակի մատենաշարին 7-րդ հատորը՝ «Պատմագիրք Կիւրինի» խորագրին տակ: Կիւրինը ճանչցուած է իբրեւ պատմական Փոքր Հայքի գաւառ եւ գաւառակ Սեբաստիոյ նահանգին մէջ: 1915-ի ջարդերուն եւ տեղահանութեան ժամանակ ունեցած է շուրջ 15 հազար հայ բնակչութիւն: Փոքր Հայքի պատկանող այս հնադարեան քաղաքը բախումներու, ձուլումի, մշակութային ու…
Ուրբաթ, 10 Հոկտեմբեր 2014-ի առաւօտուն, Անթիլիասի Մայրավանքի Վեհարանի գրասենեակին մէջ, Ն.Ս.Օ.Տ.Տ. Արամ Ա. Կաթողիկոս ընդունեց Լիբանանի մօտ Յունաստանի դեսպան Քաթրին Պուրան: Դեսպանը եկած էր շնորհաւորելու Վեհափառ Հայրապետը Յունաստան իր կատարած յաջող այցելութեան վերադարձին: Դեսպան Պուրան, Նորին Սրբութեան փոխանցեց Յունաստանի վարչապետին եւ Վեհափառ Հայրապետին միջեւ տեղի ունեցած շինիչ հանդիպումին արդիւնքները, ինչպէս նաեւ քաղաքական ու կրօնական…
Հինգշաբթի, 9 Հոկտեմբեր 2014 –ի առաւօտուն, Ն.Ս.Օ.Տ.Տ. Արամ Ա. Կաթողիկոս, ընկերակցութեամբ Լիբանանի Հայոց Թեմի Առաջնորդ Գերշ. Տ. Շահէ Եպս. Փանոսեանի և Կաթողիկոսարանի Միջ-եկեղեցական Յարաբերութեանց վարիչ Գերպ. Տ. Յուսիկ Ծ. Վրդ. Մարտիրոսեանի, պաշտօնական այցելութիւն տուաւ Լիբանանի Հանրապետութեան Մուֆթիի կեդրոնը՝ Տար Ըլ-Ֆաթուա։ Այցելութեան նպատակն էր շնորհաւորել Հանրապետութեան նորընտիր Մուֆթի Շէյխ Ապտըլ Լաթիֆ Տերիանը։ Սիրալիր հանդիպման ընթացքին Վեհափառ…
Հինգշաբթի, 9 Հոկտեմբեր 2014-ի առաւօտուն, Վեհափառ Հայրապետը իր գրասենեակին մէջ ընդունեց այցելութիւնը տասնմէկ հոգիներէ բաղկացած Լ. Օ. Խաչի Շրջանային Վարչութեան։ Այցելութեան նպատակն էր ստանալ Վեհափառ Հայրապետին օրհնութիւնը և թելադրանքները։ Լ. Օ. Խաչի վարչութիւնը Նորին Սրբութեան պարզեցին յառաջիկայ երկու տարիներու իրենց աշխատանքի ծրագիրը։ Վեհափառ Հայրապետը մեծապէս գնահատեց Օգնութեան Խաչի ծառայութիւնը մեր ժողովուրդի զաւակներուն և…
