ԹԱՐԳՄԱՆՉԱՑ ՈԳԻՆ ԻՒՐԱՔԱՆՉԻՒՐ ՀԱՅ ԱՆՀԱՏԻ ՄԷՋ

Դարեր շարունակ հայ ազգը, հետեւելով Մեսրոպ-Սահակ շառաւիղին, կրցած է պահել իր լեզուն, մշակոյթն ու արժէքները: Մեր պապերը,  լեզուի քաջարի ֆետայիներ ըլլալով հանդերձ, ի գին ամէն զոհողութեան պահած են մեր ոսկեղենիկ տառերը, որոնք ենթարկուած էին փոշիացումի ու անհետացումի վտանգին:   Սփիւռքեան մեր կեանքէն ներս հոկտեմբեր ամիսը հռչակուած է գիրի ու գրականութեան ամիս, որովհետեւ նոյն ամսուան կիսուն…

ԱՆՆԻՒԹԱԿԱՆ ԳՐԻՉԸ ԱՐԴԷՆ ՍԿՍԱԾ Է ԱՐՁԱՆԱԳՐԵԼ ԴԷՊԻ 95-ԱՄԵԱԿ ՍՈՒՐԱՑՈՂ ՊԱՏՄՈՒԹԻՒՆԸ

Մեծի Տանն Կիլիկիոյ Կաթողիկոսութեան մշտաբաբախ եւ աշխուժ սիրտը` դպրեվանքը, իննսուներկու տարեկան եղաւ: Այսօր իննսուներկու տարիներու առաքելութեամբ նշանաւոր հաստափոր ու պատկերազարդ հատորը կը դրուի իւրաքանչիւր հայորդիի առջեւ, որպէսզի զայն թերթատելով` ան ծանօթանայ մեծանուն ու մեծագործ դպրեվանքին:   Երբ կիլիկեան դարաւոր դպրեվանքը Կիլիկիոյ ահաւոր պարպումէն ետք (1920-1922) իր վերածնունդը ապրեցաւ Լիբանանի մէջ (1930-ին), ան կը նմանէր թուլարմատ…

«Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ՄԵԾԻ ՏԱՆՆ ԿԻԼԻԿԻՈՅ ՀԱՅՐԱՊԵՏԱԿԱՆ 25-ԱՄԵԱՅ ԳԱՀԱԿԱԼՈՒԹԻՒՆ (1995-2020) ԱՐժԵՒՈՐՈՒՄ ԵՒ ՎԿԱՅՈՒԹԻՒՆՆԵՐ»

Առաջին ակնարկով առանց դասական խորագրի այս գեղատիպ հատորը ‏(լոյս տեսած է Անթիլիաս 2021 թուականին, 642 մեծադիր էջերու վրայ տարածուած ճոխ բովանդակութեամբ մը, ազնիւ մեկենասութեամբ Տէր եւ Տիկին Կարօ եւ Սօսի Էշկիեանի (Լոս Անճելըս, Ա.Մ.Ն.)), շուտով կը բացայայտէ իր իւրայատուկ խորքն ու նպատակը, երբ Յոբելեար Հայրապետը հայ եկեղեցւոյ ժամանակակից այն մեծագոյն դէմքերէն է, որուն լուսազգեաց կերպարը…

ԵՐԱԽՏԻՔԻ ՅՈՒՇԱՄԱՏԵԱՆ

Արժեւորում եւ Վկայութիւններ կը բնութագրուի գիրքը, որ կը  պատմէ կրօնական, եկեղեցական, գրական, ազգային առաքելութեան վաստակը մարդու մը, որուն բաղդը կամ ճակատագիրը պատմական այս ժամանակահատուածին վստահեցաւ Մեծի Տանն Կիլիկիոյ դարաւոր ժառանգութեան տէր կանգնելու պատիւը։ Անչափելիօրէն պատասխանատու եւ սպառանալից պաշտօն մը, որուն տիրանալէ ետք արժեւորելը  քիչերուն ի վերուստ շնորհուած արժանիք մըն է, իսկ  կառավարելն ու անսասան պահելը՝ …

ԻՆՉՈ՞Ւ ՀԱՅ ԵԿԵՂԵՑԻՆ «ՈՒՂՂԱՓԱՌ» Է

Ուղղափառ բառը Յունարէն օրթոտոքս բառին հայերէն թարգմանութիւնն է, որ կը նշանակէ ուղիղ եւ ճշմարիտ հաւատքով, մտածումով, գործով եւ խօսքով Յիսուս Քրիստոսը փառաբանել: Իսկ ուղղափառութիւն կը նշանակէ Քրիստոսի առաքեալներուն աւանդած հաւատքին ամբողջութիւնը եւ անոնցմով հիմնուած աւանդական, պատմական եկեղեցիներու անփոփոխ ուսուցումները:   Ուղղափառ կամ ուղղափառութիւն անուանումը եկեղեցւոյ պատմութեան մէջ առաջին անգամ գործածուեցաւ 2-րդ դարու հայրապետներուն ու վարդապետներուն…

ՏՕՆ ԳԻՒՏԻ ԳՕՏՒՈՅ ՍՈՒՐԲ ԱՍՏՈՒԱԾԱԾՆԻ

  Հայ եկեղեցին զանազան առիթներով կը նշէ Աստուածամօր նուիրուած յիշատակութիւնները, ինչպէս՝ աւետումը, յղութիւնը, ծնունդը, տաճար ընծայումը եւ վերափոխումը։ Այս տօնը Աստուածամօր պատկանած գօտիին գտնուելուն յիշատակութիւնն է։   5-րդ դարու սկիզբը, Երուսաղէմի մէջ երեւան կու գայ, հանդիսաւոր կերպով Կոստանդնուպոլիս կը բերուի եւ Ս. Աստուածածին եկեղեցւոյ մէջ կը զետեղուի գօտին։   Հետաքրքրական է իմանալ, որ հայ եկեղեցւոյ…

ՏՕՆ ՍՐԲՈՑՆ՝ ԹՈՎՄԱՅԻ, ՅԱԿՈԲԱՅ, ԵՒ ՇՄԱՒՈՆԻ

Այսօր հայ եկեղեցին կը նշէ յիշատակը առաքելական գունդին պատկանող երեք անձերու՝ Թովմասի, Յակոբոսի եւ Շմաւոնի:   ԹՈՎՄԱՍ ԱՌԱՔԵԱԼ   Թովմաս առաքեալ կը կոչուի նաեւ Երկուորեակ: Առաքեալին կը հանդիպինք Ղազարոսի մահուան դրուագին մէջ, ուր արիաբար առաքեալները կը հրաւիրէ Քրիստոսի հետեւելու եւ նոյնիսկ անոր հետ մեռնելու (Յհ 11.16): Առաքեալը նաեւ հանդէս կու գայ Վերջին Ընթրիքի պահուն, երբ…

ԻՆՉՈ՞Ւ ԵԿԵՂԵՑԻՆ ՉՈՐԵՔՇԱԲԹԻ ԵՒ ՈՒՐԲԱԹ ՕՐԵՐԸ ՊԱՀՔԻ ՕՐԵՐ ՍԱՀՄԱՆԱԾ Է

Հայ եկեղեցին լայն տեղ տուած է պահքի օրերուն։ Փաստօրէն, պահքը, ապաշխարութիւնն ու աղօթական կեանքը քրիստոնէական ապրելակերպին առանցքը կը կազմեն, որովհետեւ պահքով ու ապաշխարութեամբ կարելի է Աստուածային պատկերին վերադառնալ եւ հեռանալ մեղքէն։ Պահեցողութիւնը հաւատքի արտայայտութիւն մըն է. քրիստոնեայ անհատը իր հաւատքի կեանքին մէջ կը զօրանայ պահքին սահմանափակող ու սպառող պայմաններով։ Պահքը ունի նաեւ իմաստային երես մը,…

ԱՊԱՇԽԱՐՈՒԹԵԱՆ ՇԱՐԱԿԱՆՆԵՐ

Ի՞նչ կը նշանակէ շարական եւ ե՞րբ ծագում առած է ան: Հայ լեզուի բացատրական բառարաններու համաձայն շարական կը նշանակէ եկեղեցական արարողութեան ընթացքին երգուած հոգեւոր երգեր, որոնք նաեւ կը կոչուին կանոն: Հայ լեզուին մէջ շարական բառը մուտք գործած է 12-րդ դարուն, Ներսէս Շնորհալի Հայրապետին կողմէ: Շարականը նախապէս կը կոչուէր հոգեւոր երգ կամ օրհներգութիւն։ Հոգեւոր երգերու կամ բանաստեղծութիւններու…

Ս․ ԿՈՅՍ ՄԱՐԻԱՄ՝ ՏԻՐՈՋ ՀՆԱԶԱՆԴ ԱՂԱԽԻՆԸ

Այս տարի անգամ մը եւս հրճուանքով եւ ցնծութեամբ կը պատրաստուինք մեծարելու, տօնախմբելու եւ նշելու Աստուծոյ սիրած աղախինին եւ համայն քրիստոնեայ մայրերուն սիրող մօր՝ Ս․ Աստուածածնի տօնը։   Այսօր, Օգոստոսի առաջին կիսուն մէջ կը գտնուինք, առիթն է եւ յարմար պահն է մտածելու, թէ ինչպէ՛ս կարելի է մեր կեանքը շաղախել Ս․ Կոյս Աստուածածնի կեանքին հետ։   Այսօր…

ԱՍՏՈՒԱԾԱՆԱՉՈՂՈՒԹԵԱՆ ՇՈՂԱՐՁԱԿԸ

Երբ կը խօսինք աստուածաճանաչողութեան մասին, հարկ է, որ անդրադառնանք աստուածաճանաչ բառին նշանակութեան: Աստուածաճանաչ բառը կազմուած է Աստուած ու ճանչնալ բառերէն եւ կը նշանակէ Աստուծոյ ծանօթ ըլլալ, Աստուծոյ հետ մտերիմ ըլլալ եւ զԱստուած իր կեանքով ապրող ու ապրեցնող ըլլալ:   Աստուածաճանաչողութիւնը պէտք է սկսի մանկութենէն, նոյնիսկ՝ տակաւին քալել չսորված: Այդ մէկը կ՚իրականանայ մօր անմիջական աջակցութեամբ եւ…

ԼՈՅՍԻ ՇԱՒԻՂ ՀԱՅ ՄԱՅՐԵՐ

Խաչափայտին վրայ, հոգեվարքի պահուն, Փրկիչը խորիմաստ պատգամ մը կու տայ Իր չարչարակից մօր. «Ո՜վ կին, ահա քու որդիդ», եւ սիրելի աշակերտին՝ Յովհաննէսին.«Ահա՛ քու մայրդ»: (Յվհ. 19:26-27)   Աստուածաշնչական այս հաստատումը մեր Տիրոջ Յիսուս Քրիստոսին կողմէ պարգեւ մըն է. Ան Իր մայրը իբրեւ օգնական եւ շնորհք՝ կու տայ աշխարհին, շնորհք՝ մանաւանդ եկեղեցւոյ եւ այն հաւատացեալներուն, որոնք…

ԱՍՏՈՒԱԾԱԾԻՆԸ` ՏԻՊԱՐ ՄԱՅՐԸ ՔՐԻՍՏՈՆԵԱՅ ԱՆՀԱՏԻՆ

Հայ եկեղեցւոյ շարականագիրէն կը լսուին սրբազան բառերը զօրեղ. «Առաքեալներ, սուրբեր տեսան Սուրբ Կոյսին օդին մէջ թռչիլը, ամպեղէն կառքով երկինք համբառնալը եւ երկնային խորաններու մէջ մտնելը իմաստուն կոյսերուն հետ. եւ անոնք միաձայն [սրբասացութեամբ] կ՚ըսէին՝ կիներուն մէջ բարեբանուած ես, ով ամէնօրհնեալ» (Շարական)։   Սուրբ Աստուածամօր վերափոխման խորհուրդին մէջ կը գտնուինք: Իւրաքանչիւր օր յատուկ առիթ մըն է մտածելու…

ԽՈՆԱՐՀՈՒԹԻՒՆԸ՝ ՄԵԾՈՒԹԵԱՆ ՄԻԱԿ ԳՐԱՒԱԿԱՆԸ

Քրիստոնէութիւնը սիրոյ կրօնք է: Քրիստոնեան իր կեանքը պարտաւոր է ապրիլ Քրիստոսի պատուէրներուն համաձայն, եւ մեծագոյն պատուէրը, ինչպէս Քրիստոս Ինք կ՚ըսէ, սէրն է (Յհ 13.34): Պօղոս առաքեալ Կորնթացիներուն ուղղած իր առաջին նամակին մէջ շատ գեղեցիկ կերպով կը բնութագրէ, թէ ի՛նչ է ճշմարիտ սէրը: Ան կը նկարագրէ, թէ ինչպիսի՛ սիրով պէտք է լեցուած ըլլայ ճշմարիտ քրիստոնեային հոգին.…

ՀԻՄԱ՛ ՀԱՅԱՑԱՆՔ

Միւռոնօրհնէքի օրը արտասովոր եռուզեր մը կը տիրէ Անթիլիասի մէջ: Անիկա հայութեան համար յուսապատճառ, սրտամօտ, ուրախառիթ եւ հոգեհարազատ օր մըն է: Այդ օրը Անթիլիասի Մայրավանքը հայութիւն կը քաղցրաբուրէ: Ա՛յնքան տիրական կ’ըլլայ հայութեան բոյրը, որ նոյնիսկ երջանկայիշատակ մեր հսկայ կաթողիկոսներուն շիրիմները կը պայծառափայլին, կը պայծառաշողան ու կը պայծառակերպուին: Յարութեան նախօրինակը կ’ապրին կարծէք: Հայութեան բոյրին հետ հետզհետէ կը…

ՍՐԲԱԼՈՅՍ ՄԻՒՌՈՆ՝ ԱՆՑԵԱԼԻ ՀԱՒԱՏՔ, ՆԵՐԿԱՅԻ ՊԱՏԳԱՄ ԵՒ ԱՊԱԳԱՅԻ ՏԵՍԻԼՔ

Մասնակի ակնարկութիւններով ու ընդարձակ բացատրութիւններով օծման անուշաբոյր իւղին՝ երկնաբոյր Միւռոնին, նախագործածութեան ձեւն ու պատրաստութեան մանրամասնութիւնները կը տեսնենք Հին Կտակարանի էջերուն մէջ: Սակայն, քայլ մը աւելի խորանալով, զայն կը գտնենք Հօր Աստուծոյ ստեղծագործ Խօսքին մէջ, երբ Ան կ’արարչագործէ լոյսը, որ ընդմիշտ բարի եւ սուրբ է: Ահաւասիկ սրբալոյս Միւռոնին նախապատկերը ստեղծագործութեան պատմութեան մէջ: Հոն, տեսանելի ու շօշափելի…

ՍՐԲԱԼՈՅՍ ՄԻՒՌՈՆԸ ՀԱՅ ԵԿԵՂԵՑՒՈՅ ՄԻՈՒԹԵԱՆ ԽՈՐՀՐԴԱՆԻՇ Է

Կամօքն Աստուծոյ, 1 Յուլիս 2022-ին, Մեծի Տանն Կիլիկիոյ Սրբազնագոյն Կաթողիկոս Ն.Ս.Օ.Տ.Տ. Արամ Ա. Վեհափառ Հայրապետ կանոնական աղօթքով եւ մեր հաւատոյ հայր Ս. Գրիգոր Լուսաւորչի Ս. Աջով եւ այլ սուրբերու մասունքներով կաթողիկոսարանի մայրավանքին մէջ պիտի կատարէ սրբալոյս միւռոնի օրհնութիւնը։ Միւռոնը ձիթաիւղի եւ դափնիի իւղի հետ միախառնուած անուշաբոյր բոյսերով պատրաստուած իւղ է, որ կը գործածուի սրբագործելու եւ…

ՍՐԲԱԼՈՅՍ ՄԻՒՌՈՆՈՎ ԿԸ ՔՐԻՍՏՈՆԷԱՆԱՆՔ, ՍՐԲԱԼՈՅՍ ՄԻՒՌՈՆՈՎ ԿԸ ԶՕՐԱՆԱՆՔ…

Միւռոն բառը կու գայ յունարէնէ (μύρον), որ կը նշանակէ  անուշաբոյր իւղ: Սուրբ միւռոնի գործածութիւնը հարիւրամեակներու պատմութիւն չէ՛ եւ ո՛չ ալ եկեղեցւոյ կողմէ աւելցուած իրականութիւն, ինչ որ շատեր սխալ կը կարծեն ու դժբախտաբար կը պնդեն:   Եթէ Աստուածաշունչը լաւապէս ընթերցենք, այնտեղ պիտի տեսնենք, որ սրբալոյս միւռոնի գործածութիւնը կու գայ Տիրոջ գիրքէն եւ Անոր պատուէրներէն. «Սուրբ օծման իւղ պիտի…

ԻՆՔՆՈՒԹԵԱՆԴ ՄԻՒՌՈՆԸ

Ինքնութիւ՜ն…   Վեհ անուն, արժէք եւ մարդուն դիմաց դրուած գիտակից պարտականութիւն։   Ինքնութիւ՜ն…   Մարտահրաւէր, ճշմարտութիւն, յաւերժութեան հրամայական եւ երաշխիք։    Ինքնութիւ՜ն…   Հայուն վայել, Հայուն պատմութիւնը կերտող բառ եւ առաւել կեանք ապահովող հիմք։   Յուլիս մէկին, կրկին անգամ Անթիլիասի Մայրվանքին մէջ պատմութիւն պիտի կերտուի՝ հակառակ բոլոր դժուարութիւններուն, հակառակ Լիբանան երկրի մտահոգ կացութեան, Լոյսը՝ Սուրբ…

Ս. ՄԻՒՌՈՆԻ «ՅԱՐՈՒԹԵԱՆ ԳԵՐԵԶՄԱՆԻՆ» ԱՌՋԵՒ

Միայն քանի մը օրեր կը բաժնեն մեզ այն պատմական պահէն, որուն համար սպասած ենք եօթը տարիներ: Նոյնիսկ Ս. Միւռոնի կաթսան, հարսի մը պէս քողարկուած, Ս. Գրիգոր Լուսաւորիչ Մայր Տաճարի խորանին վրայ կը սպասէ այդ երանելի պահուն, երբ ի տես բազմահարիւր ժողովուրդի` պիտի բանայ իր կափարիչը, պիտի «շողարձակէ» իր բուրումնաւէտ զօրութիւնը եւ լեցնէ մեր էութիւնը նոր…

ՍՐԲԱՎԱՅՐԷ ՈՒԽՏԱՎԱՅՐ

Միտք, սիրտ եւ հոգի. ասոնք կը կազմեն մարդ անհատի ամբողջ էութիւնը։ Մարդը հանգիստ է, երբ միտքը խաղաղ է, սիրտը՝ մաքուր եւ հոգին՝ անբիծ. մարդը հանգիստ է, երբ Աստուած-մարդ եւ մարդ-մարդ յարաբերութեան մէջ հաշտ է. նաեւ մարդը հանգիստ է, երբ հաշտ է իր անձին հետ։ Որքան Աստուծոյ մօտենաս, այնքան դուն քեզի ապահով կը զգաս, որքան մտերմանաս…

ԼՈՒՍԱՒՈՐՉԻ ՈՒՂԻՈՎ, ԿԻԼԻԿԵԱՆ ՈՒԽՏՈՎ

Երջանկայիշատակ Սահակ Բ. Խապայեան Կաթողիկոս 16 Մարտ 1931-ին, շնորհաբեր որոշումով մը, կը հաստատէ Անթիլիասի Կաթողիկոսարանի «Ուխտի Օր»ը: Ահաւասիկ, անկոտրում հաւատքի արտայայտութեան ցոլացում մը, որ կը լուսաւորէ մեր եկեղեցւոյ աշխարհասփիւռ զաւակներուն համայնական կեանքը:   Հայոց աշխարհի անզուգական լուսաւորիչին՝ Սուրբ Գրիգոր Լուսաւորիչ բազմաչարչար Հայրապետին Խոր Վիրապ մուտքի յիշատակումը եւ միաժամանակ Մեծի Տանն Կիլիկիոյ Կաթողիկոսութեան Անթիլիասի ուխտի օրուան…

1062 ՈՒՍՈՒՑԻՉՆԵՐՈՒ ՕԺԱՆԴԱԿՈՒԹԻՒՆ ԱՐԱՄ Ա. ՎԵՀԱՓԱՌ ՀԱՅՐԱՊԵՏԻՆ ԿՈՂՄԷ

ՆՇՄԱՐ Երեւոյթ մը, որուն մասին հարկ է անդրադառնալ: Երեւոյթ մը, որ մեզ կը հրաւիրէ լուսարձակի տակ բերելու հայ ուսուցիչին առանցքային կարեւորութիւնը, մեր ժողովուրդի կեանքէն ներս: Այսպէ՛ս հաւատացած է ու ա՛յս հաւատքով գործած է Վեհափառ Հայրապետը, Լիբանանի իր առաջնորդութեան օրերէն սկսեալ:   Ճի՛շդ է, յատկապէս վերջին տարիներուն, Սուրիոյ եւ Լիբանանի տնտեսական տագնապի դառն պայմաններուն մէջ, Վեհափառ…

ՀԱՅՐԱԿԱՆ ՀՈԳԱԾՈՒԹԻՒՆ

Արամ Ա. Վեհափառ Հայրապետ իր ամէնօրեայ խնամքին կիզակէտը դարձուցած է իր հոգեւոր-ազգային խնամքին յանձնուած բանաւոր հօտը, մանաւանդ երբ ան ընկերատնտեսական բազմապիսի դժուարութիւններու մէջ կը տուայտի եւ իր յոյսի փարոսը կը նկատէ հայ եկեղեցին։ Հակառակ արտաքնապէս պարտադրուող եւ օր ըստ օրէ առաւել եւս սաստկացող տարածաշրջանային ամէն տեսակի աշխարհաքաղաքական խոչընդոտներուն, Մեծի Տանն Կիլիկիոյ Կաթողիկոսութիւնը հայ-քրիստոնէական կոչումի օղակաւորումի…

«ԴՈՒՔ ԱՌԱՆՁԻՆ ՉԷ՛Ք…»

Ծառայութեան մեծութիւնը… կեանքի նշանաբանը իւրաքանչիւր հոգեւորականի, որուն ճակատը Անթիլիասի Սուրբ Միւռոնով օծուած է։ Բազմիցս Արամ Ա. Վեհափառ Հայրապետէն լսած եմ ծառայելու վեհութեան մասին։ Ծառայութեան մեծութիւնը տեսայ եւ ապրեցայ մորթիս վրայ, երբ Պուրճ Համուտի Արագած թաղամասին մէջ Հովուապետ եւ հօտ՝ հայր ու որդի զիրար հանդիպեցան։   Երբ մտահոգուած դէմքերը՝ սկսան ժպտալ։ Երբ «Հայրապետը մեզի եկաւ»՝ կը…

TURNING TO GOD — «ԴԱՐՁ ԱՌ ԱՍՏՈՒԱԾ» Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ

Ինչպէս ծանօթ է մեր ժողովուրդի զաւակներուն, շուրջ չորս ամիսներ առաջ Վեհափառ Հայրապետին ստորագրութեամբ, անգլերէն լեզուով լոյս տեսաւ «Դարձ առ Աստուած» (Turning to God — Praying and Reflecting At A Time Of Pandemic) հատորը: Իւրայատուկ բնոյթ կրող յիշեալ հատորին մասին գրախօսականներ գրուեցան, մեկնաբանութիւններ տրուեցան, յատկապէս օտարներու կողմէ: Ստորեւ Շաղիկ Գանտահարեան-Խուտավերտեանի կողմէ այս մասին գրուած եւ Նորին…

ԴՊՐԵՎԱՆՔԻՆ ՄԷՋ ՅԻՇԱՏԱԿԵԼԻ ՕՐ ՄԸ՝ ՀԱՅԿԱԿԱՆ ՄՇԱԿՈՅԹՈՎ ԵՒ ԱՒԱՆԴՈՒԹԻՒՆՆԵՐՈՎ ՏՈԳՈՐՈՒԱԾ

Սփիւռքահայուն համար հայկական սովորութիւններով եւ աւանդութիւններով ապրիլը վճռականութիւն եւ յատուկ ճիգ կը պահանջէ, նամանաւանդ երբ կառոյց մը կամ միատեսակ ընկերութիւն մը չկայ զանոնք երաշխաւորելու համար։ Հայ եկեղեցին, իր դրուածքով եւ առաքելութեամբ, կը հանդիսանայ այն հողը, ուր Քրիստոսի առաքելութեան ժառանգորդ ըլլալու կողքին նաեւ շառաւիղն է հայոց կտակին։      Անշուշտ աւելորդ է ըսել, որ մեր եկեղեցին,…

ՏԵՍԱՅ, ԼՍԵՑԻ, ՎԿԱՅԵՑԻ…

Գիտէի Վեհափառ Հայրապետին նկատմամբ Վատիկանի ունեցած մեծ համարումին մասին։ Այս մասին լսած էի շարք մը ականատեսի վկայութիւններ։ Այս անգամ իբրեւ ուղեկից Վեհափառին կրնամ անվարան նոյնը հաստատել՝ տեսայ, վկայեցի եւ կ՚ուզեմ իմ վկայութիւնս նաեւ սեփականութիւնը դարձնել ուրիշներու։   Ինչո՞ւ եւ ինչպէ՞ս Լիբանանի հոգեւոր պետերը ուղղուեցան Վատիկան։ Սա ո՛չ պարագայական եւ ոչ ալ սովորական երեւոյթ մըն էր։…

ALL PATHS LEAD US TO GOD – A Review on “Turning to God”, by His Holiness Aram I

By V. Rev. Fr. Barouyr Shernezian   Prior to my short trip to the States, I visited His Holiness in his office to receive his blessings. I was privileged and honored to be presented with his new book entitled “Turning to God”; a diary depicting the events during the coronavirus pandemic. It was the best…

ԱՐԵՒԵԼԵԱՆ ԵԿԵՂԵՑԻՆԵՐՈՒ ՃԱՆԱՉՈՂԱԿԱՆ ՀԱՄԱԽՄԲՈՒՄ ՎԱՏԻԿԱՆԻ ՄԷՋ

Կազմակերպութեամբ Կաթոլիկ Եկեղեցւոյ Միջ-քրիստոնէական յարաբերութեանց գրասենեակին, եւ հրամանաւ Ն.Ս.Օ.Տ.Տ. Արամ Ա. Վեհափառ Հայրապետին, խոնարհաբար, երկու միաբանակից եղբայրներուս հետ՝ Հոգշ. Տ. Յովհաննէս Վրդ. Սաղտճեանին եւ Հոգշ. Տ. Զարեհ Վրդ. Սարգիսեանին, մասանակցեցանք ճանաչողական եւ միջ-եկեղեցական յարաբերութեան այցելութեան մը, ի Հռոմ, Վատիկան։ Հայաստանեայց Առաքելական Եկեղեցին ներկայացնող մեր պատուիրակութեան մէջ իրենց մասնակցութիւնը բերին նաեւ Ամենայն Հայոց Կաթողիկոսութիւն ներկայացնող երեք…

ՆՈՐ ՀՈՐԻԶՈՆՆԵՐՈՒ ԴԻՄԱՑ

ՆՈՐ ՀՈՐԻԶՈՆՆԵՐՈՒ ԴԻՄԱՑ ԱՐԱՄ Ա. ԿԱԹՈՂԻԿՈՍ     Շուրջ 600 էջերու վրայ տարածուած Ն.Ս.Օ.Տ.Տ. Արամ Ա. Կաթողիկոսի այս վերջին հատորը կը ներառէ վերջին ութ տարիներու ընթացքին Վեհափառ Հայրապետի պատգամներէն, խօսքերէն ու հարցազրոյցներէն քաղուածքներ՝ հոգեւոր, բարոյական, ազգային, միջ-եկեղեցական ու պահանջատիրական խնդիրներ քննարկող։ Ստորեւ յիշեալ հատորի յառաջաբանէն բաժիններ։     Մարդու օրերը խոտի նման կը ծաղկին ու…

ՈՍԿԵԴԱՐԸ ԵՒ ՄԵՆՔ

Հայ ժողովուրդի անցեալը եւ ներկան յաճախ նոյնանման տագնապներով եւ մտահոգութիւններով կը բնորոշուի, որոնց դիմաց նոյնանման մարմաջներով եւ տեսիլքով զինուած անհատներ եւ հաստատութիւններ անպակաս են հայ կեանքի իրականութեան մէջ:   Տագնապը մտահոգութիւն կը ծնի, իսկ մտահոգութեան միակ սպեղանին կրնայ ստեղծագործութիւնը կամ գիւտը ըլլալ: Ստեղծագործութեան մեծութիւնը ցոյց կու տայ մտահոգութեան ահաւորութիւնը:   Արդ, որքա՜ն ահաւոր էր Մեսրոպ…

ՀԱՒԱՔԱԿԱՆ ՅԻՇՈՂՈՒԹԵԱՆ ԿԱՐԵՒՈՐՈՒԹԻՒՆԸ

Այսօր, 10 Հոկտեմբեր 2017-ին, Հայաստանի Հանրապետութեան Սփիւռքի նախարարութեան օժանդակութեամբ, Հայաստանի Գիտութիւններու Ազգային Ակադեմիայի Պատմութեան Ինստիտուտին մէջ տեղի պիտի ունենայ Մեծի Տանն Կիլիկիոյ Կաթողիկոսութեան նախաձեռնութեամբ հրատարակուող «Արեւմտեան Հայաստանի եւ Կիլիկիոյ նուիրուած յուշամատեաններ»-ու մատենաշարին շնորհահանդէսը։ Նշենք, որ ցարդ հրատարակուած են Ատանայի, Տարօնի, Անթէպի (2 հատորով), Հաճընի, Ուրֆայի, Կիւրիւնի, Քեսապի, Մարաշի եւ Զէյթունի, Կեսարիոյ (2 հատորով), Արաբկիրի (2…

2015 ՏԱՐԻՆ, ՆԱԵՒ` ԵՐԱԽՏԱԳԻՏՈՒԹԵԱՆ ՏԱՐԻ

Մեծի Տանն Կիլիկիոյ Վեհափառ Հայրապետ` Ն.Ս.Օ.Տ.Տ. Արամ Ա. Կաթողիկոս, Հայոց Ցեղասպանութեան 100-ամեակը բնորոշեց` «Յիշել, յիշեցնել եւ պահանջել» բառերով: Վեհափառ Հայրապետը խօսելով «յիշել» բառին մասին` ըսաւ. «Երբ կը խօսինք յիշելու մասին, առաջին հերթին եւ բնականաբար պէտք է յիշենք մեր նահատակները: Մենք չենք յիշեր մեր նահատակները որպէսզի անոնք չմոռցուին, այլ զանոնք կը յիշենք` որպէսզի անո´նք մեզ չմոռնան:…

ԱՆԹԻԼԻԱՍԻ ԱՆԼՌԵԼԻ ՁԱՅՆԸ ՊԱՏՄԱԿԱՆ ԿԻԼԻԿԻՈՅ ՄԷՋ

Կիլիկիա՜, մեր սրտի սէր ու սնունդ:Կիլիկիա՜, մեր հոգու շունչ ու շող:Կիլիկիա՜, մեր մտքի երգ ու երազ:Կիլիկիա՜, մեր կեանքի զարդ ու զատիկ: Հերոսական տեսիլքի, վիմածին կամքի ու ամրակուռ հաւատքի տէր, եւ արդարութեան ձայնի անխոնջ շեփորահար Հայրապետ` Ն.Ս.Օ.Տ.Տ. Արամ Ա. Կաթողիկոս, բացառիկ մտայղացումը ունեցաւ միաբաններէ կազմուած պատուիրակութիւն մը առաքելու Սիսի մեր դարաւոր Կաթողիկոսարանը, հոնկէ´ խօսելու նահատակներուն եւ…

ՀԱՅՐԱՊԵՏԻՆ ՈՂՋՈՅՆԸ ՍԻՍԷՆ…

            22 Օգոստոս 2015… Պատմութիւնը արդէն իր մատեանին մէջ ոսկեայ տառերով արձանագրեց Ն.Ս.Օ.Տ.Տ. Արամ Ա. Կաթողիկոսին խիզախ քայլը՝ 100 տարիներ ետք Սիսի պատմական Կաթողիկոսարանէն ողջունելու հայ ժողովուրդը եւ հնչեցնելու պահանջատիրութեան ձայնը: Ձայն մը՝ որ կը ներկայացնէր Հայկի ազատատենչ ոգին. ձայն մը՝ որ արձագանգն էր 1293 թուականէն ի վեր, Սիսի մէջ…

ՍԻՍԻ ՊԱՏՄԱԿԱՆ ԿԱԹՈՂԻԿՈՍԱՐԱՆԸ ՀՈԳԵՄՏԱՒՈՐ ՈՒ ՄՇԱԿՈՒԹԱՅԻՆ ՀԱՐՍՏՈՒԹԵԱՆ ՄԱՅՐ ՕՃԱԽ

              1045 թուականին, 160 բեղուն եւ առլցուն տարիներու անցեալ, եւ հազար ու մէկ եկեղեցիներու տիտղոսով դրոշմուած մշակութային մայրաքաղաք Անին որպէս կեդրոն ունեցող Բագրատունիներու հարստութիւնը վերջնականապէս շիջեցաւ։             Սակայն 11-րդ դարու աւարտին, նոր հարստութեան մը սկիզբով, նոր արշալոյս բացուեցաւ հայոց համար։ 1080 թուականին, Ռուբէն իշխանը հայկական նոր թագաւորութեան մը հիմը դրաւ Կիլիկիոյ մէջ, հայերուն համար…

Սուրբ Կոյս Մարիամին Դերակատարութիւնը Փրկագործութեան Մէջ:

  Որոշ հոսանքներ կը մերժեն որ Մարիամ ոեւէ դերակատա­րութիւն ունեցած է կամ ունի մեր փրկագործութեան մէջ: Եւ սակայն, Մարիամի դերակատարութիւնը մեր փրկագործութեան մէջ անուրանալի է: Փրկչին ծնողը չպատուողը` անպատուած կ’ըլլայ անկէ ծնածն ալ: Աստուած կը պատուիրէ որ յարգենք ու պատուենք մեր ծնողները. եթէ երբեք մեր ծնողները պէտք է յարգենք ու պատուենք, որքա՜ն աւելի պէտք է…

ՍՐԲԱԼՈՅՍ ՄԻՒՌՈՆԸ ԱՍՏՈՒԱԾԱՇՈՒՆՉԻՆ ԵՒ ՄԵՐ ԵԿԵՂԵՑՒՈՅ ՄԷՋ

Ա. Միւռոնի պատրաստութիւնն ու գործածութիւնը իր նախատիպը ունի Հին Կտակարանի մէջ: «Միւռոն» բառը տառադարձութիւնն է Յունարէն` μυρον բառին եւ կը նշանակէ` անուշաբոյր իւղ: Անուշաբոյր իւղի պատրաստութիւնն ու գործածութիւնը սուրբգրային հիմք ունի: Աստուած ինքն էր որ Մովսէս մարգարէին պատուիրեց անուշաբոյր իւղ պատրաստել, եւ նոյնիսկ թուեց այն պատուական համեմները զոր պէտք էր գործածուէին իւղի պատրաստութեան համար (Ելից…

«ՍԻՐԷ´ ՔՈՒ ՏԷՐ ԱՍՏՈՒԱԾԴ ԱՄԲՈՂՋ ՍՐՏՈՎԴ»

«Սիրէ´ քու Տէր Աստուածդ ամբողջ սրտովդ»: Սիրտը մարդկային մեր բոլոր զգացումներուն ակն է: Ամբողջ սրտով զԱստուած սիրել, կը նշանակէ մեր ամբողջ զգացումներով կապուիլ իրեն, որպէսզի ինք դառնայ մեր զգլխիչ ապրումն ու մեր ամենօրեայ մտածումը: Ամբողջ սրտով զԱստուած սիրելը անոր ներկայութեան մէջ ապրիլ է, անոր սիրոյն մէջ աճիլ է, անոր Հոգիով եռալ է, մեր ուշադրութիւնը միայն…

ՏԷ´Ր, ՈՐՈ՞ՒՆ ՊԻՏԻ ԵՐԹԱՆՔ

Քրիստոս «դժուարամարս» պատգամ մը ներկայացուց եւ շատեր իր հետեւորդներէն հեռացան իրմէ: Ան տեսնելով որ շատեր հեռացան իրմէ, դարձաւ իր 12 աշակերտներուն եւ հարցուց. «Միթէ դո՞ւք ալ կ’ուզէք երթալ»: Պետրոս տուաւ իր հոգելիր պատասխանը. «Տէ´ր, որո՞ւն պիտի երթանք. յաւիտենական կեանք տուող խօսքերը դո´ւն ունիս» (Յհ 6.68): Քրիստոսի հետեւորդները իրենք զիրենք դժուարութեան մը դէմ յանդիման գտան, եւ…

ՄԱՆՈՒԿՆԵՐՈՒՆ ԱՐՔԱՅՈՒԹԻՒՆԸ

«Եթէ չփոխուիք եւ մանուկներու պէս չըլլաք, երկինքի արքայութիւնը պիտի չմտնէք» (Մտ 18.1-3): Ո՜վ մեծ մարդիկ, մեծադիրք ու մեծապաշտօն մարդիկ, մեծնալ սիրող ու մեծութեան ցանկացող մարդիկ, եթէ չփոխուիք եւ մանուկներու պէս փոքր ու փոքրութիւնը սիրող չըլլաք՝ երկինքի արքայութիւնը պիտի չմտնէք: Արքայութիւնը փոքրիկներուն տեղն է: Մեծամոլ մարդուն համար դժուար է մեծարել զԱստուած: Մեծ կոչուիլ ուզող մը՝ Աստուծոյ…

ԱՌԱՋՆՈՐԴԵԼ ՈՒՐԻՇԸ ՔՐԻՍՏՈՍԻ

Պօղոս առաքեալ Դամասկոսի ճամբուն վրայ Քրիստոսի հանդիպելէ ետք, հազարաւոր մարդոց Քրիստոսի հետ հանդիպման պատճառ դարձաւ: Ան խորապէս կ’անդրադառնար որ Քրիստոսով Աստուծոյ հետ հաշտուած մարդուն կոչումն է «ուրիշներն ալ հաշտութեան բերել» (Բ.Կր 5.18): Հաշտութիւնը փրկութեան առաջնորդող միջոց մը չէ, այլ փրկութիւնն իսկ: Իսկ փրկութիւնը Փրկիչէն տարբեր բան չէ: Փրկիչին համը առնող մարդը, անկարելի է որ չաշխատի…

ՊԱՏՄԱԿԱՆ ԿԻԼԻԿԻԱՅԷՆ ԴԷՊԻ ՊԱՏՄՈՒԹԻՒՆ ԿԵՐՏՈՂ ՆԵՐԿԱՅ ԿԻԼԻԿԻԱՆ (Եօթը Նորընծաներու Ձեռնադրութեան առիթով)

Սուրբ Աթոռիս Վեհափառ Հայրապետին` Ն.Ս.Օ.Տ.Տ. Արամ Ա. Կաթողիկոսին տնօրինումով ու հրամանով, Հայ Առաքելական Եկեղեցին կուսակրօնութեան կարգ կը շնորհէ եօթը նորընծաներու, որոնց միախառնումովը միաբանութեանս շարքին, բերկրանքը կը համակէ մեր սիրտը ու արդար հպարտութիւնը կը պարուրէ մեր հոգին, բայց բերկրանքն ու արդար հպարտութիւնը առաւելաբար կը պարուրեն ու պէ´տք է պարուրեն սիրտն ու հոգին Սուրբ Աթոռիս արժանընտիր ու…

ԴԺՈԽՔԻ ՎԱ՞Խ, ԹԷ՝ ԱՐՔԱՅՈՒԹԵԱՆ ՍԷՐ

Կան այնպիսի մարդիկ որոնք Աստուծոյ կը դառնան, որոնք կ’աղաղակեն եւ արցունք կը թափեն անոր առջեւ, ո´չ թէ որովհետեւ կը սիրեն զինք եւ կամ անոր հետ ըլլալ կը փափաքին, այլ որովհետեւ կը վախնան դժոխք նետուելէն: Այդպիսիներուն մտահոգութիւնը պարզապէս դժոխքին մէջ չնետուիլն է: Դժոխքին վախն է որ այդպիսիները ծունկի կը բերէ Աստուծոյ առջեւ եւ ո´չ թէ Քրիստոսի…

ՓՈԽԱԴԱՐՁ ՃԱՆԱՉՈՂՈՒԹԻՒՆ

«Կը ճանչնամ ոչխարներս եւ անոնք ալ զիս կը ճանչնան» (Յհ 10.14): Քրիստոս այստեղ կը խօսի փոխադարձ ճանաչողութեան մասին եւ ո´չ թէ միակողմանի ճանաչողութեան մասին: Քիչ չէ թիւը անոնց՝ որոնք կը յայտարարեն որ կը ճանչնան զՔրիստոս, եւ որոնք սակայն, դատաստանի օրը անկէ պիտի լսեն. «Բնա´ւ ձեզ չեմ ճանչնար» խօսքը (Մտ 7.23, 25.12): Օր մը ուսուցիչ մը…

Քրիստոսի մահն ու Յարութիւնը

Փեսայ Քրիստոսը մեռաւ, որպէսզի փրկէ իր հարսը՝ եկեղեցին, եւ յարութիւն առաւ, որպէսզի սրբէ ու արդարացնէ զայն:   Բարձրեալ Քրիստոսը մեռաւ, որպէսզի կենդանացնէ մեղքով մեռածը, եւ յարութիւն առաւ, որպէսզի զայն բարձրացնէ Բարձրեալ Աստուծոյ ներկայութեան:   Իշխան Քրիստոսը մեռաւ, որպէսզի ազատէ մարդը Չարին իշխանութենէն, եւ յարութիւն առաւ, որպէսզի մարդը Աստուծոյ իշխանութեան ենթակայ դարձնէ:   Տէր Քրիստոսը մեռաւ,…

Ճրագալոյցի առիթով

Ի՞նչ կը նշանակէ «Ճրագալոյց»: «Ճրագալոյց» բառը կազմուած է երկու բառերէ` «ճրագ» եւ «լուցանել»: Լուցանել բառը գրաբար է եւ կը նշանակէ` վառել: Այս իմաստով, «Ճրագալոյց» կը նշանակէ` ճրագը կամ ճրագները վառել, լուսաւորել: Նախապէս մեր եկեղեցին բոլոր մեծ տօներու նախընթաց երե­կոյին նախատօնակ կը կատարէր. նախատօնակի բոլոր արարողու­թիւնները կը կոչուէին` Ճրագալոյց, որովհետեւ արարողութեան ընթացքին եկեղեցւոյ կանթեղները, եւ այլ…

Քրիստոսի թաղման առիթով

Քրիստոսի թաղման առիթով երեք մտածումներ.- 1) Քրիստոս իր մահուամբ ու թաղումով կը յիշեցնէ մեզի, թէ մենք պանդուխտ ենք երկրի վրայ, եւ թէ` մեր գոյութիւնը այս աշխարհին մէջ ժամանակաւոր հանգամանք ունի: Արդարեւ, մարդը ստեղծուած է ուրիշ աշխարհի մը համար, ուստի` պէտք չէ ապրի այս աշխարհին համար: Ստեղծուած է երկինքի համար, ուստի` պէտք չէ երկրին ու երկրայինին…

Տիրոջ չարչարանքներուն մասին

Տէր Յիսուս Քրիստոս, Փրկի´չ աշխարհի   Գաւազանահարուեցան ոտքերդ: Այն ոտքերդ՝ որոնք եթէ համբուրուին՝ մեղքեր կը սրբուին, յանցանքներ կը քաւուին:   Ծակուեցան ձեռքերդ: Այն ձեռքերդ՝ որոնք կը շարժին՝ միայն օգնելու, եւ կը բարձրանան՝ միայն օրհնելու:   Ցաւցուեցան մատներդ: Այն մատներդ՝ որոնցմով ուրիշներուն ցաւերը փարատեցիր, որոնցմով կոյրերու աչքեր եւ խուլերու ականջներ բացիր:   Ապտակուեցան երեսներդ: Այն երեսներդ՝…

Յիսուսի ձեռքով լուացուելու անհրաժեշտութիւնը (Ոտնլուայի առիթով)

Վերջին ընթրիքի պահուն էր երբ Յիսուս ոտքի ելաւ, ղենջակ մը առաւ եւ մէջքին կապեց եւ սկսաւ իր աշակերտներուն ոտքերը լուալ: Երբ կարգը հասաւ Պետրոսի եւ ուզեց անոր ոտքերը լուալ` Պետրոս թոյլ չտուաւ: Յիսուս անոր ըսաւ. «Եթէ ոտքերդ չլուամ՝ ինծի հետ բաժին պիտի չունենաս» (Յովհաննէս 13.8): Տէրը իր այս բառերով, յստակօրէն ցոյց տուաւ, որ եթէ ինք…

Քրիստոս ի´նքն է որ կը ծաղկազարդէ մեր սիրտը, հոգին, միտքը եւ կեանքը (Ծաղկազարդի առիթով)

Մեր Տիրոջ եւ Փրկիչին Յիսուս Քրիստոսի մուտքը Երուսաղէմ բնորոշուած է Ծաղկազարդ անունով, ո´չ միայն որովհետեւ անոր մուտքը տեղի ունեցած է գարնան, երբ գետիններն ու արտերը ծածկուած էին վարդերով ու ծաղիկներով, այլ նաեւ ու յատկապէս անոր համար` որ Յիսուս ի´նք պիտի ըլլար մարդոց աշունացած հոգիները գարունի վերածողը, մարդոց սգատուն դարձած սիրտերը երկնային հարսնարանի փոխակերպողը: Քրիստոս իր…

Գալստեան Կիրակի

Գալստեան Կիրակիին առիթով երգուած շարականները կը խօսին ոչ միայն Տիրոջ առաջին գալուստին մասին, այլեւ` անոր երկրորդ գալուստին մասին: Եւ այս առիթով, կ’ուզենք ցոյց տալ Տիրոջ առաջին եւ երկրորդ գալուստին տարբերութիւնը.- Առաջին անգամ եկաւ սրբելու մեր մեղքերը ու մեզ փրկելու, իսկ երկրորդ անգամ պիտի գայ` իրենց մեղքերէն սրբուածներուն յաւիտենական փրկութիւն շնորհելու: Առաջին անգամ եկաւ իր թագաւորութիւնը…

ԴԱՏԱՒՈՐԻ ԿԻՐԱԿԻ

Բոլորիս ծանօթ է այրի կնոջ եւ դատաւորին առակը (Ղուկաս 18.1-8): Երեք հարցումներ.-   — Որո՞նց համար Յիսուս պատմեց առակը: — Ի՞նչ յայտնելու համար պատմեց, եւ— Ի՞նչ ցոյց տալու համար պատմեց:   Պատասխանենք հարցումներուն առանձնաբար.   1) Որո՞նց համար Յիսուս պատմեց այս առակը:   Ղուկաս Աւետարանիչ կը հաստատէ, թէ Յիսուս այս առակը «պատմեց իր աշակերտներուն»: «Աշակերտ»…

Տնտեսի Կիրակին Մեզ Կը Հրաւիրէ Հաւատարիմ Տնտեսութեան

Ո՞վ է տնտես մարդը: «Տնտես» կը կոչուի այն մարդը, որ ուրիշին քով պաշտօնի կը մտնէ, եւ որուն տէրը անոր տրամադրութեան տակ կը դնէ իր հարստութիւնն ու ստացուածքները, որպէսզի անոնց շահարկումը եւ միաժամանակ մատակարարումը կատարէ:   Տնտեսի առակին պատումով, Յիսուս առաջին հերթին կ’ուզէ պարզել, թէ մարդ արարածը Աստուծոյ կողմէ տնտես նշանակուած է այս աշխարհին մէջ, իսկ…

Անառակ Որդիին Առակը

Անառակ որդիին առակին վերաբերեալ հակիրճ նշումներ.-   1) Մեղքը կը դժբախտացնէ մարդ արարածը: Որպէսզի ասիկա գիտնանք, կը բաւէ որ նկատի առնենք այն իրավիճակը որուն մատնուեցաւ կրտսեր որդին իր հօրմէն հեռանալէ ետք.- ա) Երբ լքեց իր հայրը, օտարի մը ձեռքին տակ ծառայ եղաւ: Երբ լքենք զԱստուած` Սատանային ձեռքին տակ ծառայ կ’ըլլանք: բ) Երբ լքեց իր հօրենական…

ԱՐՏԱՔՍՄԱՆ ԿԻՐԱԿԻ

Արտաքսման Կիրակին մեր նախածնողներուն` Ադամին ու Եւային դրախտէն արտաքսման խորհուրդը կը պատմէ: Այս առիթով հակիրճ կերպով պատասխանը կու տանք չորս հարցումներու.-   1) Ի՞նչ բանը պատճառ եղաւ, որ Ադամ ու Եւա մեղանչեն: Սատանային հետ երկխօսութիւնը: Սատանան չի կրնար մարդը առաջնորդել մեղքի եթէ երբեք երկխօսութեան մէջ չմտնէ անոր հետ: Ան կը ճանչնայ մարդոց տկարութիւնները, եւ ուստի`…

Ի՞նչ է Բուն Բարեկենդանը

«Բուն Բարեկենդան»ը Ադամի ու Եւայի մեղքէ զերծ «դրախտին կեանքն էր», կ’ըսէ Գրիգոր Տաթեւացին: Արդարեւ, եկեղեցին, ինչպէս շարականագիր հայրապետները ցոյց կու տան, «Բուն Բարեկենդան» ըսելով, կը հասկնայ Ադամի ու Եւայի կեանքի այն ժամանակահատուածը` ուր չկա´ր մեղք, չկա´ր պատուիրանազանցութիւն ու անհնազանդութիւն, այլ` կա´ր միայն անմե­ղութիւն, պատուիրանապահութիւն եւ հնազանդու­թիւն:   «Բուն» կը նշանակէ` իսկական, ճշմարիտ, իրական, վաւերական: Իսկ…

ՔՐԻՍՏՈՍ ԿԸ ՃԱՆՉՆԱՅ ՄԵԶ  ՄԵՐ ԱՆՈՒՆՆԵՐՈՎ

«Իրենց անուններով կը կանչէ իր ոչխարները եւ դուրս կը տանի զանոնք» (Յհ 10.3): Քրիստոս մեզ մեր անուններով կը կանչէ որովհետեւ անձնապէս կը ճանչնայ մեզ: Անունը գիտնալը պատկերացումն է այն սերտ մտերմութեան, որ գոյութիւն ունի Աստուծոյ եւ իր զաւակներուն միջեւ: Երբ Քրիստոս կը յայտարարէ, որ մեզ մեր անուններով կը ճանչնայ, խորքին մէջ կ’ուզէ ցոյց տալ մեզի,…

Հարցումներ աղօթքի մասին

18) Աստուած կը պատասխանէ՞ մէկու մը աղօթքին, որ չէ ապաշխարած եւ հաւատքի ու Աստուծոյ հնազանդութեան կեանք չ’ապրիր:   Այո´, երբեմն կը պատասխանէ, որպէսզի քաջալերէ զայն դարձի գալու, ապաշխարելու, եւ հաւատքի ու Աստուծոյ հնազանդութեան կեանք ապրելու: Երբեմն կը հանդիպինք մարդոց որոնք կ’ըսեն. «Ես չեմ ապաշխարած, եւ ինչո՞ւ ապաշխարեմ, երբ Աստուած կը պատասխանէ աղօթքներուս»: Այսպէս ըսողները կը…

Հարցումներ աղօթքի մասին  

17) Սխա՞լ է աղօթել մեր գործերուն յաջողութեան համար:   ա) Աստուած ի´նքն է տէրն ու հայթայթիչը բոլոր գործերուն: Ուստի, այո´, կրնանք աղօթել մեր գործերուն յաջողութեան համար: Բայց ի՞նչ կը նշանակէ աղօթել մեր գործերուն յաջողութեան համար: Արդեօք կը նշանակէ անգործ տո՞ւնը նստիլ, եւ սպասել որ Աստուած ի՞նք կատարէ մեր գործերը` մեր փոխարէն: Իրենց գործերուն յաջողութեան համար…

Հարցումներ աղօթքի մասին

14) Պէ՞տք է աղօթել մէկու մը համար որ մեզ կ’ատէ:   Այո´: Եթէ յարատեւօրէն աղօթենք մեզ ատողներուն համար, թէպէտ անոնք կրնան չփոխուիլ, բայց մենք կը փոխուինք ու կը փոխակերպուինք, կը սրբուինք ու սրբութեան կը հասնինք, որովհետեւ մեզ ատողներուն համար աղօթելը` մեզ սրբութեան կ’առաջնորդէ: Մարդ սրբութեան չի հասնիր աղօթելով զինք սիրողներուն համար կամ բարիք ընելով` իրեն…

Հարցումներ աղօթքի մասին

9) Աղօթքը կրնա՞յ մեզմէ հեռու պահել մեղքը:   Այո´, աղօթքը կրնայ մեզմէ հեռու պահել մեղքը, բայց կարեւոր է գիտնալ, որ աղօթքին նպատակը` մեղքը մեզմէ հեռու պահելը չէ այնքան` որքան մեզ մեղքէն ու մեղքի սէրէն հեռու պահելը: Աստուած չի դատապարտեր իր զաւակները եթէ երբեք մեղքի մէջ իյնան, բայց կը դատապարտէ` եթէ երբեք սիրեն մեղքը:   10)…

Հարցումներ աղօթքի մասին

8) Ո՞ր աղօթքներէն Աստուած աւելի հաճոյք կը ստանայ:   ա) Այն աղօթքներէն` որոնց մէջ փառաբանութիւն կայ: Աղօթք մը որուն մէջ փառաբանութիւն չկայ՝ այդ աղօթքը Աստուծոյ փառք չի բերեր, չ’ուրախացներ ու չի պատուեր զԱստուած: բ) Այն աղօթքներէն` որոնց ընթացքին շնորհակալութիւն կը յայտնենք Աստուծոյ ամէն բանի համար: Աղօթքով Աստուծոյ շնորհակալութիւն չյայտնող մարդը` Աստուծոյ տուած շնորհքներն ու պարգեւներն…

Հարցումներ աղօթքի մասին

7) Ոմանք կ՚ըսեն. ,Աղօթքի պահուն Յիսուսի արիւնով մենք համարձակութիւնը ունինք Աստուծոյ գահին մօտենալու, նոյնիսկ եթէ մեր կեանքին մէջ ունինք որոշ յանցանքներ եւ չխոստովանուած մեղքերե: Ճի՞շդ է այս հաստատումը: Նախորդ թիւ 7 հարցումին պատասխանին շարունակութիւնը.- 4) Ճիշդ է որ Յովհաննէս առաքեալը կը հաստատէ, թէ` ,ինչ որ ալ խնդրենք իրմէ` կը ստանանքե, բայց խօսքը ո՞ր կամ ի՞նչ…