News

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ՀԱՄԱՇԽԱՐՀԱՅԻՆ ԲԱՐԵԿԱՐԳԵԱԼ ԵԿԵՂԵՑԻՆԵՐՈՒ ԽՈՐՀՈՒՐԴԻ ՆԱԽԱԳԱՀԸ

27 July 2019

Ուրբաթ, 26 Յուլիս 2019-ին, Վեհափառ Հայրապետը ընդունեց այցելութիւնը Համաշխարհային Բարեկարգեալ Եկեղեցիներու Խորհուրդի նախագահ Դոկտ. Ն. Քասսապին, ընկերակցութեամբ Մերձաւոր Արեւելքի Հայ Աւետարանական Եկեղեցիներու Միութեան նախագահ Վեր. Մկրտիչ Գարակէօզեանի։

 

Վերոյիշեալ Բարեկարգեալ Միութեան մաս կը կազմեն 233 եկեղեցիներ, 110 երկիրներու մէջ հաստատուած եւ շուրջ 100 միլիոն հաւատացեալներ ունեցող։ Ան ունի երկու կեդրոններ՝ Ժընեւի եւ Հաննովըրի մէջ։ Անոր մաս կազմող եկեղեցիները կարեւոր բաժինը կը կազմեն Եկեղեցիներու Համաշխարհային Խորհուրդին (Ե.Հ.Խ.)։

 

Դոկտ. Քասսապին այցելութիւնը առիթ հանդիսացաւ ընդհանուր անդրադարձ մը կատարելու միջ-եկեղեցական շարժումին պարզած ներկայ կացութեան եւ յատկապէս Ե.Հ.Խ.-ին առաքելութեան առնչուած կարգ մը հարցերու ու ծրագիրներու։