Ներկայ պահը հոգեւոր ապրումներով եւ իւրայատուկ պատգամով լեցուն պահ մըն է մեր ժողովուրդի ժամանակակից պատմութեան մէջ։ Այս հոգեպարար առիթով պիտի ուզէինք երեք յատկանշական երեւոյթներու անդրադառնալ հակիրճ կերպով։ Ա) Առաջին հերթին Մեր եղբայրական սէրը ու երախտագիտութիւնը կ’ուզենք յայտնել Նորին Սրբութիւն Ֆրանչիսկոս Քահանայապետին, որ մեծապէս գնահատելի նախաձեռնութիւնը ու իմաստուն…
Ուրբաթ, 19 Սեպտեմբեր 2014-ի առաւօտուն, Երեւանի մէջ տեղի ունեցող Հայաստան-Սփիւռք Ե. համաժողովի բացման նիստին, իր Հայրապետական Պատգամը ուղղելով Ն.Ս.Օ.Տ.Տ. Արամ Ա. Կաթողիկոս Մեծի Տանն Կիլիկիոյ ըսաւ. «Չենք կրնար անտարբեր մնալ մեր ազգին բռնաբարուած իրաւունքներուն նկատմամբ. անտարբերութիւնը ազգային դաւաճանութիւն է։ Հետեւաբար, կոչուած ենք 100-ամեակը բարձրագոյն աստիճանի պատասխանատուութեամբ նշելու ու զայն արժեւորելու այնպիսի իրագործումներով, որոնք մնայուն հետք…
Ինչպէս օրին տեղեակ պահած էինք, ընդունելով Լիբանանի մօտ Զուիցերիոյ դեսպանուհին, Ն.Ս.Օ.Տ.Տ. Արամ Ա. Կաթողիկոս անոր փոխանցած էր հայ ժողովուրդին ընդվզումը՝ թուրք Բերենչէքի հարցին վերաբերեալ Մարդու Իրաւունքներու Եւրոպական Դատարանի առած որոշման գծով: Երէկ Վեհափառ Հայրապետը նոյն հարցին մասին նամակ մը յղեց Զուիցերիոյ արդարութեան նախարարուհի Ս. Սոմարուկային: Ստորեւ կու տանք Վեհափառ Հայրապետին գրած Ֆրանսերէն նամակին թարգմանութիւնը.– …
Ն.Ս.Օ.Տ.Տ. Արամ Ա. Վեհափառ Հայրապետը Պրիւքսէլ հրաւիրուած էր իր խօսքը ուղղելու Եւրոպայի Հայ համայնքներու Գ. Համագումարին եւ օտարներու մասնկացութեամբ տեղի ունեցած եւ Հայ Դատին նուիրուած համագումարին: Պրիւքսէլ իր կեցութեան երեք օրերու ընթացքին, Վեհափառ Հայրապետը հետեւեալ հանդիպումները ունեցաւ.- Պէլճիքայի ու Եւրոպական համայնքին մօտ Լիբանանի Դեսպանը ի պատիւ Վեհափառ Հայրապետին ճաշկերոյթ մը տուաւ, որուն ներկայ եղան…
Իր խօսքը ուղղելով Պրիւքսէլի մէջ տեղի ունեցող համագումարի պատուիրակներու ճաշկերոյթի ընթացքին, Ն.Ս.Օ.Տ.Տ. Արամ Ա. Կաթողիկոս կոչ ուղղեց «Հայ ժողովուրդի գերագոյն արժէքները ու անոր դիմագրաւած մարտահրաւէրները գերիվեր նկատելու լուսանցքային հարցերէ ու ներքին տարբերութիւններէ»: Ղարաբաղի Նախագահի ու Հայաստանի Ազգային Ժողովի Նախագահի ներկայութեան իր պատգամը փոխանցելով Համագումարի մասնակիցներուն, Վեհափառ Հայրապետը ըսաւ. «Հայութիւնը ամէն բանէ վեր: Սա լոզունք չէ…
Իր խօսքը ուղղելով Պրիւքսէլի մէջ օտար մասնագէտներու ու քաղաքական ներկայացուցիչներու մասնակցութեամբ տեղի ունեցող Եւրոպայի Հայոց Գ. համագումարին, Ն.Ս.Օ.Տ.Տ. Արամ Ա. Կաթողիկոս շեշտեց Թուրք պետութեան կողմէ գրաւուած Հայոց եկեղեցիները Հայ ժողովուրդին վերադարձնելու պահանջքը։ Վեհափառ Հայրապետը լայնօրէն անդրադարձաւ այն իրողութեան, որ «Հայ դատը սկսած է տարբեր մօտեցում, շեշտաւորում ու առաջնահերթութիւն ստանալ վերջին տարիներու ընթացքին»։ Ան յիշեց Միացեալ…
Իր պատգամը ուղղելով Եւրոպայի Հայ համայնքներու կազմակերպած Գ. համագումարին, Ն.Ս.Օ.Տ.Տ. Արամ Ա. Կաթողիկոս շեշտեց հատուցման առաջնահերթ կարեւորութիւն տալու հրամայականը՝ Հայ ժողովուրդի ազգային պահանջատիրական պայքարին մէջ։ Վեհափառ Հայրապետը յատկապէս ըսաւ. «Տասնամեակներ շարունակ հսկայ դրամագլուխ, մարդոյժ ու ժամանակ տրամադրեցինք Ցեղասպանութեան ճանաչման։ Այս ծիրէն ներս եզակի նուաճումներ արձանագրեցինք, կարեւոր հանգրուաններէ անցանք, անհրաժաշտ է որ շարունակենք մեր աշխատանքը այս…
Հոկտեմբեր 13-15 Պրիւքսէլի մէջ (ՊԷլճիքա) յաջորդաբար տեղի պիտի ունենան երկու համագումարներ Հայ Դատի նուիրուած, կազմակերպութեամբ Պրիւքսէլի Հայ Դատի գրասենեակին: Առաջին համագումարին պիտի մասնակցին Եւրոպայի Հայ համայնքներու ներկայացուցիչները, իսկ երկրորդ համագումարին՝ Ցեղասպանութեան եւ միջազգային օրէնքի օտար մասնագէտներ: Երկու համագումարներուն ալ Վեհափառ Հայրապետը իր խօսքը պիտի ուղղէ: Վեհափառ Հայրապետին կ’ընկերանայ Արաբական Միացեալ Էմիրութեանց եւ…
Հինգշաբթի 25 Յուլիս 2013-ի առաւօտուն, Արամ Ա. Կաթողիկոս այցելեց Ճըպէյլի Թռչնոց Բոյնի շրջափակին մէջ կառուցման ընթացքին մէջ գտնուող Ցեղասպանութեան թանգարանը։ Վեհափառ Հայրապետին ընկերացան Մեծի Տանն Կիլիկիոյ Կաթողիկոսութեան ճարտարապետներու յանձնախումբը, որուն մաս կը կազմեն Յակոբ Շամլեան, Յակոբ Աթէշեան, Վահէ Գալինճեան եւ Վազգէն Չէքիճեան։ Ներկայ էին նաեւ Ցեղասպանութեան Թանգարանի երկու ճարտարապետները՝ Ռաֆֆի եւ Վիգէն Թարխանեաններ։ Նորին…
ՅԱՅՏԱՐԱՐՈՒԹԻՒՆ ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԵԱՆ ԱԶԳ. ԸՆԴՀԱՆՈՒՐ ԺՈՂՈՎ (12–15 Յունիս 2013) ՊԱՀԱՆՋԱՏԻՐՈՒԹԻՒՆԸ ՊԷՏՔ Է ԴԱՐՁՆԵԼ ԱՌԱՆՑՔԸ ՀԱՅՈՑ ՑԵՂԱՍՊԱՆՈՒԹԵԱՆ 100–ԱՄԵԱԿԻ ՆՇՄԱՆ Ն.Ս.Օ.Տ.Տ. Արամ Ա. Կաթողիկոսի նախագահութեամբ Մեծի Տանն Կիլիկիոյ Կաթողիկոսութեան Անթիլիասի Մայրավանքին մէջ գումարուող Ազգ. Ընդհանուր Ժողովը Կիլիկեան բոլոր թեմերը ներկայացնող աւելի քան հարիւր պատուիրակներու, Ազգ. Կեդրոնական Վարչութեան Կրօնական ու Քաղաքական Ժողովներու եւ հրաւիրեալներու…
Ն.Ս.Օ.Տ.Տ. Արամ Ա. Վեհափառ Հայրապետը, Մայրավանքի իր գրասենեակին մէջ ընդունեց Միջազգային Հայ Արաբ Իրաւական Խորհուրդը ներկայացնող պատուիրարկութիւն մը, առաջնորդութեամբ Եգիպտոսի Փաստաբաններու Սենտիքայի Նախագահ եւ Արաբ Փաստաբաններու Միութեան Ընդհանուր Քարտուղար Սամէհ Աշուրի, Յորդանանի Միութեան փոխ Նախագահ Սամիհ Խըրէյսի, ինչպէս նաեւ Մորոքէն, Լիբանանէն եւ Սուրիայէն իրաւաբաններ, որոնք մաս կը կազմէն յիշիալ Խորհուրդին։ Հանդիպումին ներկայ էր Երեսփոխան Յակոբ…
Հինգշաբթի 2 Մայիս 2013-ի գիշեր Վեհափառ Հայրապետին այցելեց Հայոց Ցեղասպանութեան մասնագէտ եւ գիրքերու հեղինակ՝ Դոկտ. Թանէր Աքչամը: Հանդիպումը առիթ եղաւ անդրադարձ կատարելու Ցեղասպանութեան ուսումնասիրութեան մարզէն ներս վերջին շրջանին տեղի ունեցած զարգացումներուն: Թանէր Աքչամ, որ նախապէս երկու առիթներով այցելած էր Անթիլիաս, ողջունեց Վեհափառ Հայրապետին տարած աշխատանքը Հայոց Ցեղասպանութեան ճանաչման ու հատուցման գծով ու յատկապէս Վեհափառին դրած…
2015-ին հայ ժողովուրդը, Հայաստանի Հանրապետութեան, Լեռնային Ղարաբաղի Հանրապետութեան եւ սփիւռքի ամբողջ տարածքին, պիտի նշէ Օսմանեան Թուրքիոյ կողմէ կազմակերպուած հայոց ցեղասպանութեան 100-ամեակը: 1915-իցեղասպանութեանը զոհ գացին աւելի քան մէկուկէս միլիոն հայեր, աքսորի ճամբուն վրայ վերապրած հայերը ապաստան գտան Արեւելեան Հայաստանի՝ ներկայիս Հայաստանի Հանրապետութեան, Սուրիոյ, Լիբանանի եւ այլ արաբական երկիրներու մէջ ու աշխարհի տարբեր պետութիւններու մօտ: …
Ապրիլ 24–ի առաւօտուն, Անթիլիասի Մայրավանքին մէջ սուրբ եւ անմահ պատարագի աւարտին, Նահատակաց Մատրան առջեւ տեղի ունեցաւ հոգեհանգստեան արարողութիւն նախագահութեամբ Ն.Ս.Օ.Տ.Տ. Արամ Ա. Կաթողիկոսին: Հոծ բազմութեան իր պատգամը ուղղելով, Վեհափառ Հայրապետը նախ անդրադարձաւ մեր մէկուկէս միլիոն նահատակներու նուիրական կտակին հաւատարիմ մնալու հրամայականին, եւ ապա ըսաւ՝ ՙ1915–ին մէկուկէս միլիոն հայու արիւն թափուեցաւ: Միթէ կարելի՞ է լուռ մնալ…
ՙՇՆՈՐՀԱԿԱԼՈՒԹԻՒՆ ԶՈՒԻՑԵՐԻՈՅ՝ ՀԱՅ ԺՈՂՈՎՈՒՐԴԻՆ ՆԿԱՏՄԱՄԲ ԻՐ ՑՈՒՑԱԲԵՐԱԾ ԶՕՐԱԿՑՈՒԹԵԱՆ ՀԱՄԱՐ՚ Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ՙԶՈՒԻՑԵՐԻԱՆ ՊԻՏԻ ՇԱՐՈՒՆԱԿԷ ՄՆԱԼ ՀԱՅ ԺՈՂՈՎՈՒՐԴԻ ԿՈՂՔԻՆ՚ ԴՈԿՏ. Կ. ԼՕԽԸՐ Զուիցերիոյ Բողոքական եկեղեցիներու Նախագահին՝ Տոքթ Կոթֆրիտ Լոխըրին ի պատիւ տրուած ընդունելութեան խօսք առնելով, Ն.Ս.Օ.Տ.Տ. Արամ Ա. Կաթողիկոս անդրադարձաւ Զուիցերիոյ Բողոքական եկեղեցիներու եւ Մեծի Տանն Կիլիկիոյ Կաթողիկոսութեան պատմական յարաբերութիւններուն: Վեհափառ Հայրապետը…
ՙՄԻԱՍՆԱԿԱՆՈՒԹԻՒՆԸ ՈՒ ՊԱՀԱՆՋԱՏԻՐՈՒԹԻՒՆԸ ՄՂԻՉ ՈՅԺ ՊԷՏՔ Է ԴԱՌՆԱՆ ՑԵՂԱՍՊԱՆՈՒԹԵԱՆ 100 ԱՄԵԱԿԻ ՄԵՐ ԱՇԽԱՏԱՆՔՆԵՐՈՒՆ՚ ըսաւ՝ Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏ Շաբաթ 6 Ապրիլ 2013-ին, առաւօտեան ժամը 8.30-ին, նախագահութեամբ Ն.Ս.Օ.Տ.Տ. Արամ Ա. Վեհափառ Հայրապետին, Անթիլիասի Մայրավանքի մէջ բացումը կատարուեցաւ Ցեղասպանութեան 100-ամեակի Լիբանանի Կեդրոնական Յանձնախումբին կազմակերպած միօրեայ խորհրդակցական հանդիպումին: Վեհափառ Հայրապետը բացումը կատարելով խորհրդակցական սոյն հանդիպումին, իր…
Հայոց Ցեղասպանութեան 100-ամեակի Լիբանանի կեդրոնական մարմինը Ուրբաթ 1 Փետրուար 2013-ի երեկոյեան այցելեց Մեծի Տանն Կիլիկիոյ Արամ Ա. Վեհափառ Հայրապետին: 100-ամեակի մարմինը զեկուցեց իրագործուած աշխատանքներուն եւ յառաջիկայ ծրագիրներուն մասին: Վեհափառ Հայրապետը գնահատելէ ետք մարմինի տարած աշխատանքները կատարեց թելադրանքներ` Սփիւռքի մէջ նպատակասլաց գործունէութեան, պահանջատիրական ոգին վառ պահելու եւ ոգեկոչականէն անդին իրաւաքաղաքական միջոցներ որդեգրելու եւ մեր պատմական…
«ՀԱՅ ԵՒ ՅՈՅՆ ԺՈՂՈՎՈՒՐԴՆԵՐԸ ԱՐԴԱՐՈՒԹԻՒՆ ԿԸ ՊԱՀԱՆՋԵՆ ՑԵՂԱՍՊԱՆ ԹՈՒՐՔԷՆ» Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ «ՄԵՆՔ ՊԻՏԻ ՇԱՐՈՒՆԱԿԵՆՔ ՀԱՅ ԺՈՂՈՎՈՒՐԴԻ ԿՈՂՔԻՆ ՊԱՅՔԱՐԻԼ Ի ԽՆԴԻՐ ԱՐԴԱՐՈՒԹԵԱՆ» Ն. Վ. ՏԻՄԻԹՐԻՍ ԽՐԻՍԹՕՖԻԱՍ Հինգշաբթի 10 Յունուար 2013-ի երեկոյեան, Անթիլիասի Մայրավանք այցելեց Կիպրոսի Հանրապետութեան Նախագահ Տիմիթրիս խրիսթօֆիաս: Նախագահին կ’ընկերանար նախարարներէ ու երեսփոխաններէ բաղկացած 18 հոգինոց պատուիրակութիւն մը: Առաջին հերթին Նախագահը…
