Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԻՐ ԵԶՐԱՓԱԿԻՉ ՊԱՏԳԱՄԸ ԿԸ ՓՈԽԱՆՑԷ ԻՒԹՐԵԽԹԻ ՄԷՋ ՏԵՂԻ ՈՒՆԵՑԱԾ ԱՍՏՈՒԱԾԱԲԱՆԱԿԱՆ ՔՆՆԱՐԿՈՒՄՆԵՐՈՒՆ
Վերջին երկու օրերու ընթացքին, Իւթրեխթի (Հոլանտա) մէջ տեղի ունեցող աստուածաբանական քննարկումները այսօր յետ միջօրէին հասան իրենց աւարտին։ Յայտնենք, որ երկու տարիներ առաջ Հին Կաթոլիկ Եկեղեցւոյ առաջարկով աստուածաբանական ու բարոյագիտական այժմէական հարցերու քննարկումներուն նուիրուած խորհրդակցական գործընթացք մը սկսած էր Մեծի Տանն Կիլիկիոյ Կաթողիկոսութեան եւ յիշեալ եկեղեցւոյ ներկայացուցիչներուն միջեւ։ Գործընթացքին նպատակն էր քննարկումներու ճամբով յստակեցումներ կատարել ու…