ՖՐԱՆՍԱՅԻ ԿԱԹՈԼԻԿ ԵՊԻՍԿՈՊՈՍԱԿԱՆ ԽՈՐՀՈՒՐԴԸ ՆԵՐԿԱՅԱՑՆՈՂ ՊԱՏՈՒԻՐԱԿՈՒԹԻՒՆ ՄԸ ԱՆԹԻԼԻԱՍԻ ՄԱՅՐԱՎԱՆՔԻՆ ՄԷՋ

Լուրեր Կաթողիկոսարանէն, Միջ-եկեղեցական եւ Միջ-կրօնական

Շաբաթ, 28 Ապրիլ 2018-ին, Անթիլիասի Մայրավանքի այցելեց Ֆրանսայի եպիսկոպոսներու խորհուրդի քրիստոնեայ-իսլամ երկխօսութեան ու գործակցութեան յանձնաժողովը ներկայացնող պատուիրակութիւն մը եւ հանդիպում ունեցաւ Ն.Ս.Օ.Տ.Տ. Արամ Ա. Վեհափառ Հայրապետին հետ։ Պատուիրակութեան մաս կը կազմէին հոգեւորականներ եւ համալսարանի դասախօսներ։   Այցելութեան նպատակն էր մօտէն տեղեակ դառնալ քրիստոնեայ-իսլամ համակեցութեան առնչուած խնդիրներու ու մարտահրաւէրներու ընդհանրապէս Միջին Արեւելքէն ու յատկապէս Լիբանանի մէջ։…

ՏԷՐ ԵՒ ՏԻԿԻՆ ԱՆՈՒՇԱՒԱՆ ՆԱԶԱՐԵԱՆ 200.000 ԱՄԵՐԻԿԵԱՆ ՏՈԼԱՐ ԿԸ ՆՈՒԻՐԷ ԴՊՐԵՎԱՆՔԷՆ ՆԵՐՍ ՄԱՏԵՆԱԴԱՐԱՆԻ ՀԱՍՏԱՏՄԱՆ

Դպրեվանք, Լուրեր Կաթողիկոսարանէն

Քուէյթի ազգայիններէն՝ Անուշաւան Նազարեան 200.000 ամերիկեան տոլար նուիրեց Դպրեվանքէն ներս մատենադարանի հաստատման։ Մատենադարանը պիտի կոչուի իր զաւակներուն՝ Նունէ եւ Նինարէ Նազարեաններու անունով։   Նշենք, որ Անուշաւան Նազարեան նաեւ իր կարեւոր ներդրումը բերած է Քուէյթի եկեղեցւոյ ու ազգային առաջնորդարանի շինութեան եւ Ն.Ս.Օ.Տ.Տ. Արամ Ա. Վեհափառ Հայրապետին կողմէ արժանացած է Մեծի Տանն Կիլիկիոյ Կաթողիկոսութեան «Իշխան»ի շքանշանին։