Երկուշաբթի 28 Հոկտեմբեր 2013-ի առաւօտ Ն.Ս.Օ.Տ.Տ. Արամ Ա. Վեհափառ Հայրապետը պաշտօնական այցելութիւն մը տուաւ Լիբանանի Հանրապետութեան նախագահ՝ Զօր. Միշէլ Սլէյմանին: Վեհափառ Հայրապետին ընկերացան Լիբանանի Հայոց Թեմի Առաջնորդ՝ Գերշ. Տ. Շահէ Եպս. Փանոսեան, Տիար Տիգրան Ճինպաշեան, Ատենապետ Լիբանանի Հայոց Թեմի Ազգ. Երեսփոխանական Ժողովի եւ պետական նախարար Տիար Փանոս Մանճեան, Ատենապետ Լիբանանի Հայոց Թեմի Ազգ. Վարչութեան: …
Երկուշաբթի 28 Հոկտեմբեր 2013-ին, Ն.Ս.Օ.Տ.Տ. Արամ Ա. Կաթողիկոս երէկ ընդունեց այցելութիւնը Սոցեալ Դեմոկրատ Հնչակեան Կուսակցութեան նորընտիր Կեդրոնական Վարչութեան: Պատուիրակութեան մաս կը կազմէին Ատենապետ՝ Յակոբ Տիգրանեան, Պետական երեսփոխան՝ Սեպուհ Գալփաքեան, Տոքթ. Եղիկ Ճէրճէեան, Տիար Շաւարշ Ակինեան եւ Տիար Ալեքսան Քէօշկէրեան: Այցելութիւնը առիթ մը եղաւ լայնօրէն քննարկելու Հայաստան–Սփիւռք գործակցութեան հետ աղերս ունեցող խնդիրներ, եւ յատկապէս Հայոց…
Շաբաթ 26 Հոկտեմբեր 2013-ին, կազակերպութեամբ Դպրեվանքի Տեսչութեան, «Բրաբիոն Տումանեան» հանդիսասրահին մէջ միօրեայ սեմինար մը տեղի ունեցաւ, որուն մասնակցեցան Դպրեվանքի բարձրագոյն կարգի ուսանողները։ Սեմինարի առաջին նիւթն էր, Social Media-ի կարեւորութիւնը եւ անպատեհութիւնները ընկերային, երիտասարդական եւ մասնագիտական կեանքէն ներս։ Ներկայացման յաջորդեց աշխատանոց (workshop) մը, ուր դպրեվանեցիները ծանօթացան social media-ի տարբերակներուն։ Այս ծիրէն ներս անդրադարձ եղաւ զարգացած…
