«ՔՐԻՍՏՈՍԻ ՀԵՏ ՊԷՏՔ Է ԳԵՐԵԶՄԱՆԵՆՔ ՄԵՐ ՄԵՂՔԵՐԸ, ՈՐՊԷՍԶԻ ԻՐ ՅԱՐՈՒԹԵԱՄԲ ԴԱՌՆԱՆՔ ՆՈՐ ՄԱՐԴ» Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ
Հակառակ համաճարակին ստեղծած ոչ-նպաստաւոր պայմաններուն, անցնող օրերուն Աւագ Շաբթուան, ինչպէս նաեւ այսօր՝ Ուրբաթ, 2 Ապրիլ 2021-ին, Քրիստոսի Թաղման արարողութեան, ներկայ գտնուեցան մեծ թիւով հաւատացեալներ՝ հաղորդուելու Քրիստոսի երկարաւոր առաքելութեան վերջին հանգրուանին առնչուած դրուագներէն փոխանցուած խորհուրդով: Թաղման արարողութեան նախագահեց Ն.Ս.Օ.Տ.Տ. Արամ Ա. Վեհափառ Հայրապետը, շրջապատուած միաբան հայրերով: Արարողութեան երգեցողութիւնը կատարեց Դպրեվանքի Արմաշ երգչախումբը: Արարողութեան աւարտին Նորին…
