«ԱՐԵՒՄՏԵԱՆ ՀԱՅԱՍՏԱՆԻ ՈՒ ԿԻԼԻԿԻՈՅ ՄԵՐ ԲՌՆԱԳՐԱՒՈՒԱԾ ԱԶԳԱՊԱՏԿԱՆ ՈՒ ԵԿԵՂԵՑԱՊԱՏԿԱՆ ԿԱԼՈՒԱԾՆԵՐՈՒ ՑԱՆԿԱԳՐՈՒՄԸ ԱՆՅԵՏԱՁԳԵԼԻ ԱՆՀՐԱԺԵՇՏՈՒԹԻՒՆ Է» Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ
Վերջերս հայկական մամուլը արձագանգեց Հայաստանի Ազգային Արխիւին կողմէ հրապարակուած լուր մը, թէ Պայազիտի եկեղեցւոյ առնչուած կալուածագրեր յայտնաբերուած են եւ թէ Հայաստանի Ազգային Արխիւը հրատարակութեան կը պատրաստէ Արեւմտեան Հայաստանի քանի մը եկեղեցիներու կալուածագրերը: Նկատի ունենալով մեր պահանջատիրութեան ծիրէն ներս կալուածներու հարցին առանցքային կարեւորութիւնը, ինչպէս նաեւ Սիսի Կաթողիկոսարանի վերադարձը պահանջող Մեծի Տանն կիլիկիոյ Կաթողիկոսութեան տարած իրաւական աշխատանքը…
