Երկուշաբթի 3 Փետրուար 2014-ի առաւoտ, Ն.Ս.0.Տ.Տ. Արամ Ա. Կաթողիկոս ընդունեց Հըզպալլայի քաղաքական դիւանի ներկայացուցիչները: Հանդիպման ներկայ եղաւ նաեւ հայկական պլոքի ներկայացուցիչ երեսփոխան Յակոբ Բագրատունի: Հանդիպման ընթացքին արծարծուեցան ընդհանրապէս Միջին Արեւելքի ու Սուրիոյ եւ յատկապէս Լիբանանի ներկայ կացութեան հետ աղերս ունեցող հարցեր:
Ազգային միացեալ վարժարանի շինարարական աշխատանքները արդէն իսկ սկսած են եւ իրենց աւարտին պիտի հասնին 2015 թուականին: Այս առիթով իր հայրական օրհնութիւնը տալու նպատակով Շաբաթ 1 Փետրուար 2014-ի կէսօրուան ժամը 11:30-ին կառուցման ընթացքի մէջ գտնուող համալիր այցելեց Ն.Ս.Օ.Տ.Տ. Արամ Ա. Վեհափառ Հայրապետը` ընկերակցութեամբ Լիբանանի հայոց թեմի առաջնորդ Շահէ եպս. Փանոսեանի: Վեհափառ Հայրապետը դիմաւորուեցաւ Ազգային իշխանութեան անդամներու,…
