ԱՆԿԼԻՔԱՆ-ԱՐԵՒԵԼԵԱՆ ՈՒՂՂԱՓԱՌ ԱՍՏՈՒԱԾԱԲԱՆԱԿԱՆ ԵՐԿԽՕՍՈՒԹԵԱՆ ՅԱՆՁՆԱԽՈՒՄԲԻ ԺՈՂՈՎ
Անկլիքան-Արեւելեան Ուղղափառ (ոչ-քաղկեդոնական) Եկեղեցիներու Աստուածաբանական Երկխօսութեան Միջազգային Յանձնախումբը իր եօթներորդ ժողովը գումարեց 22-26 Հոկտեմբեր 2018-ին, Աթշանէի (Լիբանան) Ասորի պատրիարքական կեդրոնին մէջ: Մեծի Տանն Կիլիկիոյ Կաթողիկոսութեան կողմէ սոյն ժողովին մասնակցեցան Հոգշ. Տ. Պօղոս Վրդ. Թինքճեան եւ Հոգշ. Տ. Զարեհ Վրդ. Սարգիսեան: Առաջին հերթին յանձնախումբը խոր կսկիծով յիշեց իր հիմնադիրներէն՝ ժողովին նախկին Արեւելեան Ուղղափառ ատենապետ, Ղպտի…
