ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԵԱՆ ԴՊՐԵՎԱՆՔԸ ՕԺՏՈՒԵՑԱՒ «ՆՈՒՆԷ ԵՒ ՆԻՆԱՐԷ ՆԱԶԱՐԵԱՆ» ՎԵՐԱՆՈՐՈԳԵԱԼ ՄԱՏԵՆԱԴԱՐԱՆՈՎ
Ուրբաթ, 10 Օգոստոս 2018-ի երեկոյեան, նախագահութեամբ Ն.Ս.Օ.Տ.Տ. Արամ Ա. Վեհափառ Հայրապետին, Մեծի Տանն Կիլիկիոյ Կաթողիկոսութեան Դպրեվանքին մէջ տեղի ունեցաւ բացումը վերանորոգեալ «Նունէ եւ Նինարէ Նազարեան» մատենադարանին, որուն բարերարութիւնը ստանձնած է քուէյթահայ ազգային՝ Տէր եւ Տիկին Անուշաւան եւ Անահիտ Նազարեան ամոլը։ Յայտնենք, որ մատենադարանը կը կրէ անոնց դուստրերուն անունները։ Ժապաւէնի հատումէն ետք, Վեհափառ Հայրապետը արտասանեց…
