ՎԵՀԱՓԱՌ ՀԱՅՐԱՊԵՏԻՆ ԵԶՐԱՓԱԿԻՉ ԽՕՍՔՈՎ ԵՐԻՏԱՍԱՐԴԱԿԱՆ ԽՏԱՑԵԱԼ ԴԱՍԸՆԹԱՑՔԸ ՀԱՍԱՒ ԻՐ ԱՒԱՐՏԻՆ
Ուրբաթ, 10 Օգոստոս 2018-ի երեկոյեան, Պիքֆայայի Ս. Աստուածածին Վանքին մէջ տեղի ունեցաւ երիտասարդական խտացեալ դասընթացքին փակումը։ Ն.Ս.Օ.Տ.Տ. Արամ Ա. Կաթողիկոսին թելադրութեամբ եւ նախագահութեամբ այս ծրագիրին նպատակն էր Մեծի Տանն Կիլիկիոյ Կաթողիկոսութեան Միացեալ Նահանգներու եւ Գանատայի թեմերու երիտասարդներուն մատակարարել թէ՛ եկեղեցագիտութիւն, եւ թէ քրիստոնէական դաստիարակութիւն, ինչպէս նաեւ ծանօթացնել զանոնք Կաթողիկոսարանի առաքելութեան: Այս առումով, Նորին Սրբութիւնը…
