ՀԱՅՈՑ ՑԵՂԱՍՊԱՆՈՒԹԵԱՆ ՄԱՍՆԱԳԷՏ ԹԱՆԵՐ ԱՔՉԱՄ ԱՅՑԵԼԵՑ ՎԵՀԱՓԱՌ ՀԱՅՐԱՊԵՏԻՆ

Շաբաթ, 28 Ապրիլ 2018-ին, Ն.Ս.Օ.Տ.Տ. Արամ Ա. Վեհափառ Հայրապետը ընդունեց այցելութիւնը հայոց Ցեղասպանութեան մասնագէտ՝ Թաներ Աքչամի, ընկերակցութեամբ Պէյրութի ամերիկեան համալսարանի քաղաքական գիտութեանց դասախօս՝ Յովհաննէս Կէօքճեանի։ Դոկտ. Թաներ Աքչամ Վեհափառ Հայրապետին ներկայացուց ցեղասպանութեան մասին հրատարակած իր նոր գիրքը եւ պարզեց յառաջիկայի իր ծրագիրները նոյն մարզէն ներս։ Յայտնենք, որ Դոկտ. Թաներ Աքչամ մօտէն ծանօթ է Նորին Սրբութեան։…

ՏԷՐ ԵՒ ՏԻԿԻՆ ԿԱՐՕ ԷՇԿԵԱՆ 100.000 ԱՄԵՐԻԿԵԱՆ ՏՈԼԱՐ ԿԸ ՆՈՒԻՐԷ «ԿԻԼԻԿԻԱ» ԹԱՆԳԱՐԱՆԻ ՎԵՐԱՆՈՐՈԳՄԱՆ

Անթիլիասի Մայրավանքէն ներս 1996 թուականին հաստատուած «Կիլիկիա» թանգարանը իր բովանդակութեամբ յատուկ տեղ կը գրաւէ թէ՛ Լիբանանի եւ թէ ընդհանրապէս հայ կեանքէն ներս։ Հնագիտական ու մշակութային կարեւորութիւն ներկայացնող իրերու կարգին, հոն ցուցադրուած են կիլիկեան շրջանի մշակութային ու կրօնական բնոյթ ունեցող իրեր։ Իր հաստատումէն ետք թանգարանը ստացած է թանկարժէք նոր իրեր։ Հոն կ՚այցելեն հայ թէ օտար հիւրեր։…