Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻ ՊՈՍԹԸՆԻ ՄԷՋ ՈՒՆԵՑԱԾ ՀԱՆԴԻՊՈՒՄՆԵՐՆ ՈՒ ԱՅՑԵԼՈՒԹԻՒՆՆԵՐԸ
Երեքշաբթի, 3 Յունիս 2015-ի առաւօտուն, Պոսթընի Ս. Ստեփանոս եկեղեցւոյ սրահին մէջ, Ն.Ս.Օ.Տ.Տ. Արամ Ա. Վեհափառ Հայրապետը նախաճաշ ունեցաւ գաղութի զանազան կազմակերպութեանց ներկայացուցիչներուն հետ: Նորին Սրբութիւնը ներկաներուն խօսեցաւ եկեղեցւոյ ունեցած կարեւոր դերակատարութեան գաղութի ազգային եւ եկեղեցական կեանքի վերակազմակերպման աշխատանքներուն մէջ: Ան ըսաւ. «Մեր բոլոր կազմակերպութիւնները զիրար կամրջողը նոյն եւ մէկ նպատակն է՝ ծառայել մեր ազգին ու…
