Ն.Ս.Օ.Տ.Տ. Արամ Ա. Վեհափառ Հայրապետին այցելեցին Լիբանանի կարեւորագոյն համալսարաններէն՝ Սեն Ճոզեֆի տնօրէն փրոֆ. հայր Սելիմ Տաքքաշ եւ Օթել Տիօ հիւանդանոցի տնօրէն Նասիպ Նասեր:
Հանդիպումին ներկայ էին Ազունիէի Ազգային Բուժարանի խնամակալութեան ատենապետ Յակոբ Լատոյեան, Կաթողիկոսարանի դիւանապետ Հոգշ. Տ. Տաճատ Վրդ. Աշըգեան եւ բժիշկ Համբիկ Քուրիէ:
Աշխատանքային հանդիպման նպատակն էր գործակցութիւն մը ստեղծել յիշեալ ազգային բուժարանին եւ հիւանդանոցին, այլեւ Կաթողիկոսարան-համալսարան-հիւանդանոցին միջեւ:
Այս առաջին հանդիպումէն ետք, որոշուեցաւ հանդիպումները շարունակել աւելի գործնական հարցեր քննարկելու համար: