Ասիոյ Եկեղեցիներու Խորհուրդը (Ա.Ե.Խ.) վերջերս պաշտօնական յայտարարութիւն մը կատարելով՝ կոչ ուղղեց կարելի փութով Արցախի ապաշրջափակման՝ զայն նկատելով մարդկային մեծ աղէտ, որ անընդունելի է թէ՛ բարոյական, թէ՛ օրինական եւ թէ միջազգային օրէնքի իմաստով: Հետեւելով Եկեղեցիներու Համաշխարհային Խորհուրդի (Ե.Հ.Խ.), Եւրոպայի Եկեղեցիներու Խորհուրդի (Ե.Ե.Խ.) եւ Միջին Արեւելքի Եկեղեցիներու Խորհուրդի (Մ.Ա.Ե.Խ.) կողմէ կատարուած յայտարարութիւններուն, Ասիոյ Եկեղեցիներու Խորհուրդը եւս շեշտեց Արցախի ինքնորոշման իրաւունքին հրամայականը:
Յայտնենք, որ Մեծի Տանն Կիլիկիոյ Կաթողիկոսութեան Իրանի երեք թեմերը անդամ են Ասիոյ Եկեղեցիներու Խորհուրդին, որ կը ներառէ Ասիոյ զանազան եկեղեցիներու անդամակցութիւնը: Թեհրանի Հայոց Թեմի առաջնոդ Գերշ. Տ. Սեպուհ Արք. Սարգիսեանը անդամ է Խորհուրդի գործադիր վարչութեան:
Ն.Ս.Օ.Տ.Տ. Արամ Ա. Կաթողիկոսը մօտէն ծանօթ է Խորհուդի ընդհանուր քարտուղար դոկտ. Մաթիու Ճորճ Չունաքարային եւ մնայուն կապի մէջ է անոր հետ:
