Չորեքշաբթի, 3 Նոյեմբեր 2021-ին, Ժընեւի մէջ հանդիպում մը տեղի ունեցաւ Ն.Ս.Օ.Տ.Տ. Արամ Ա. Վեհափառ Հայրապետին եւ Զուիցերիոյ Հին Կաթոլիկ եկեղեցւոյ պետ Հարըլտ Եպիսկոպոսին միջեւ: Հանդիպումին նպատակն էր քննել Մեծի Տանն Կիլիկիոյ Կաթողիկոսութեան եւ յիշեալ եկեղեցւոյ ներկայացուցիչներուն միջեւ սկսած ժամանակակից ընկերային-բարոյական հարցերու քննարկման նուիրուած հանդիպումներու ընթացքը, ինչպէս նաեւ Պեռնի համալսարանին հետ կարգ մը ծրագիրներու շուրջ գործակցութեան կարելիութիւնները: Հանդիպումին ներկայ էր փրոֆ. Թենի Փիրի-Սիմոնեան:
Յայտնենք, որ Հին Կաթոլիկ եկեղեցին Զուիցերիոյ աշխոյժ եկեղեցիներէն մէկն է: Ան գործօն մասնակցութիւն կը բերէ միջ-եկեղեցական շարժումին: Հին Կաթոլիկ եկեղեցւոյ ներկայացուցիչները զանազան առիթներով այցելած են Անթիլիասի Մայրավանք:
