News

ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍԱՐԱՆԻ ԿԱԶՄԱԿԵՐՊՈՒԹԵԱՄԲ ԱՐԵՒՄՏԱՀԱՅԵՐԷՆԻ ԽՏԱՑԵԱԼ ԴԱՍԸՆԹԱՑՔ

21 October 2014

Ն.Ս.Օ.Տ.Տ. Արամ Ա. Կաթողիկոսի օրհնութեամբ ու քաջալերանքով, վերջին երկու տարիներուն, Կաթողիկոսարանի Կրթական-Հայագիտական Բաժանմունքի կազմակերպած Արեւմտահայերէնի խտացեալ դասընթացքը պիտի շարունակուի նաեւ 2014-2015 կրթական տարեշրջանին, շաբաթական երկօրեայ դրութեամբ, Երեքշաբթի եւ Ուրբաթ օրերը, յետ միջօրէի ժամը 5.00-8.00:

Եօթը ամսուան վրայ երկարող այս դասընթացքին հետեւողներուն պիտի աւանդուին հայ լեզուի պատմութիւն, քերականութիւն, շարահիւսութիւն, ուղղագրական ու լեզուական օգտաշատ գիտելիքներ եւ յարակից այլ նիւթեր:

 

Դասընթացքը պիտի սկսի Երեքշաբթի, 18 Նոյեմբեր 2014, յետ միջօրէի ժամը 5.00-ին, Կաթողիկոսարանի շրջափակին մէջ:

 

Բոլոր անոնք, որոնք կը փափաքին հետեւիլ նոր տարեշրջանի դասընթացքներուն, յաւելեալ մանրամասնութիւններու կամ արձանագրութեանց համար պարտին ներկայանալ Տիկին Մարլէն Էվինկիւլեանին, Երկուշաբթիէն մինչեւ Շաբաթ  օրերը`  ժամը 8.00-12.00,  կամ  հեռաձայնել  Կաթողիկոսարան` 04/ 410001 թիւին` մինչեւ 15 Նոյեմբեր 2014:

 

                                                                                               Կրթական-Հայագիտական

                                                                                                           Գրասենեակ