News

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ՀԱՄԱԶԳԱՅԻՆԻ ԿԵԴՐՈՆԱԿԱՆ ՎԱՐՉՈՒԹԻՒՆԸ

24 June 2019

Երկուշաբթի, 24 Յունիս 2019-ին, Պիքֆայայի Սուրբ Աստուածածին Վանքի Վեհարանին մէջ, Վեհափառ Հայրապետին այցելեց Համազգայինի Կեդրոնական Վարչութիւնը, առաջնորդութեամբ վարչութեան ատենապետ Դոկտ. Մկրտիչ Մկրտիչեանի:

 

Վարչութիւնը Նորին Սրբութիւնը տեղեակ պահեց Համազգայինի աշխատանքներուն մասին Հայաստանի, Արցախի եւ Սփիւռքի մէջ, յատկապէս պարզելով Համազգայինի ծրագիրները: Հայրապետը իր գնահատանքը յայտնեց Համազգայինի գործունէութեան նկատմամբ՝ յիշեցնելով, որ Մեծի Տանն Կիլիկիոյ Կաթողիկոսութիւնը միշտ զօրավիգ կանգնած է անոր աշխատանքներուն, նախանձախնդիր ըլլալով մեր ժողովուրդի մշակութային ու կրթական արժէքներու պահպանման ու առաւել ծաղկման: