Վերջին օրերուն, Վեհափառ Հայրապետին այցելած պաշտօնական հիւրերու կարգին յիշենք հետեւեալները.-
— Քանի մը օրեր առաջ Նորին Սրբութիւնը ընդունեց Հայկական Բարեգործական Ընդհանուր Միութեան նախագահ Պերճ Սեդրակեանը, որուն հետ քննարկեց Հայաստանին դիմագրաւած դժուարութիւնները եւ ընդհանրապէս Հայաստան-Սփիւռք գործակցութիւնը։
— Վեհափառ Հայրապետը ընդունեց Ազգային Ազատ Հոսանք կուսակցութեան փոխ նախագահուհի դոկտ. Մաթին Նաժըմ Քթայլին, եւ քննարկուեցան Լիբանանի ներկայ կացութեան առնչուած հարցեր։
— Հրանուշ Յակոբեանի՝ Հայաստան-Սփիւռք գործակցութեան նախկին նախարարուհիին այցելութիւնը առիթ հանդիսացաւ ընդհանուր արժեւորում կատարելու Հայաստան-Սփիւռք յարաբերութեան ներկայ կացութեան։ Վեհափառ Հայրապետը գնահատեց Յակոբեանի բերած կարեւոր նպաստը Հայաստան-Սփիւռք գործակցութեան առաւել ծաւալման, միաժամանակ ողջունելով նոյն նպատակին նուիրուած իր եռահատոր հրատարակութիւնը՝ «Հայրենի-Սփիւռք գործակցութեան տասնամեայ ուղին» խորագրով։