Չորեքշաբթի, 9 Մայիս 2018-ին, Ն.Ս.Օ.Տ.Տ. Արամ Ա. Վեհափառ Հայրապետը Արցախի Հանրապետութեան նախագահ՝ Տիար Բակօ Սահակեանին հետ հեռաձայնային խօսակցութեամբ կը շնորհաւորէ Շուշիի ազատագրամ 26-րդ ամեակը։ Վեհափառ Հայրապետը յայտնեց Պրն. Նախագահին, որ Շուշիի ազատագրման 26-րդ ամեակը ամբողջ հայութեան ուրախութիւն ու հպարտութիւն առթող պատմական դէպք է։ Անհրաժեշտ է սակայն, որ Արցախը միշտ մնայ կիզակէտը ամբողջ հայութեան, որովհետեւ Արցախի հզօրացումը հզօրացումն է Հայաստանին ու հայ ժողովուրդի պահանջատիրական պայքարին։
Նորին Սրբութիւնն ու Պրն. Նախագահը վերահաստատեցին իրենց յանձնառութիւնը մնայուն խորհրդակցութեան մէջ ըլլալու Արցախը եւ ամբողջ հայութիւնը յուզող հարցերու ու դիմագրաւող մարտահրաւէրներու գծով։