2015 Մարտ ամսուան մէջ, հրամանաւ Ն.Ս.Օ.Տ.Տ. Արամ Ա. Սրբազնագոյն Կաթողիկոսին, Մեծի Տանն Կիլիկիոյ Կաթողիկոսութեան տպարանէն լոյս տեսաւ՝ «Հայաստանեայց Եկեղեցւոյ Ձայնագրեալ Շարականներ»ու 7-րդ հատորը, որ կը բովանդակէ.-

1. Ս. Աստուածածնի երեք օրերու կանոնները
2. Վերացման խաչի եօթը օրերը
3. Խաչի Նաւակատիքի կանոնը
4. Շողակաթի կանոնը
5. Վարագայ Խաչի կանոնը
6. Գիւտ Խաչի կանոնը:

Ձայնագրեալ շարականներու այս հատորներուն նպատակն է եկեղեցական երգեցողութեան միատեսակութիւն մը ստեղծել: Նաեւ, պահուած է Մեծի Տանն Կիլիկիոյ Կաթողիկոսութեան աւանդական երգեցողութիւնը:

       Սոյն հատորը նուիրուած է Երանաշնորհ Տ. Զարեհ Արք. Ազնաւորեանի անթառամ յիշատակին, իր վախճանման տասներորդ տարելիցին առիթով:

            Հատորին մեկենասն է Տիկին Անի Փամփանի, իր ամուսնոյն՝ Անտրէ Փամփանիի անթառամ յիշատակին: Այս հատորին իրականցման աշխատանքներուն մէջ իրենց ներդրումը ունեցած են Գերշ. Տ. Օշական Արք. Չօլոյեան եւ Բրշ. Սարգիս Սրկ. Յովհաննէսեան: