News

ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԻՒՆԸ ԿԸ ՄԱՍՆԱԿՑԻ ԳԵՐՄԱՆԻՈՅ ՊԵՏՈՒԹԵԱՆ ԿՈՂՄԷ ԿԱԶՄԱԿԵՐՊՈՒԱԾ ՄԻՋԱԶԳԱՅԻՆ ՀԱՄԱԳՈՒՄԱՐԻՆ

23 May 2017

Այս օրերուն, Գերմանիոյ մայրաքաղաք՝ Պերլինի մէջ տեղի կ'ունենայ Միջազգային համագումար մը, նուիրուած ներկայ աշխարհի մէջ կրօնքի ունեցած դերին: Ն.Ս.Օ.Տ.Տ. Արամ Ա. Կաթողիկոս յատուկ հրաւէր ստացած էր Գերմանիոյ պետութեան կողմէ, մասնակից դառնալու յիշեալ համագումարին:

Յանուն Մեծի Տանն Կիլիկիոյ Կաթողիկոսութեան Համագումարին կը մասնակցին Ատրպատականի թեմի Առաջնորդ` Գերշ. Տ. Գրիգոր Եպս. Չիֆթճեան եւ Կաթողիկոսարանիս Միջ-Եկեղեցական եւ Միջ-Կրօնական յանձնախումբի ատենապետուհի` Դոկտ. Նորա Պայրաքտարեան: