News

ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԻՒՆԸ ԿԸ ՄԱՍՆԱԿՑԻ ՊԱՊԻՆ ՀԱՅԱՍՏԱՆ ԿԱՏԱՐԵԼԻՔ ԱՅՑԵԼՈՒԹԵԱՆ ԾՐԱԳԻՐՆԵՐՈՒՆ

22 June 2016
 
 
Ինչպէս ծանօթ է մեր ժողովուրդի զաւակներուն 24-25 Յունիսին Նորին Սրբութիւն Ֆրանչիսկոս Պապը պաշտօնական այցելութիւն պիտի տայ Հայաստան։ Այցելութեան մէջ ներառնուած են կրօնական, պետական եւ հրապարակային հանդիպումներ ու այցելութիւններ։ Պապին այցելութեան ծրագիրը մանրամասն կերպով Ամենայն Հայոց Կաթողիկոսութեան Դիւանին կողմէ արդէն իսկ հրապարակուած է։
 
Յանուն Ն.Ս.Օ.Տ.Տ. Արամ Ա. Կաթողիկոսին եւ Մեծի Տանն Կիլիկիոյ Կաթողիկսութեան, ընդառաջելով Ն.Ս.Օ.Տ.Տ. Գարեգին Բ. Ամենան Հայոց Կաթողիկոսի հրաւէրին, Պապի այցելութեան ծրագրին պիտի մասնակցի յատուկ պատուիրակութիւն մը՝ գլխաւորութեամբ Բերիոյ Հայոց Թեմի Առաջնորդ Գերշ. Տ. Շահան Արք. Սարգիսեանի. պատուիրակութեան մաս պիտի կազմեն Արաբական Միացեալ Էմիրութեանց եւ Քաթարի Թեմի Կաթողիկոսական Փոխանորդ Գերպ. Տ. Մեսրոպ Ծ. Վրդ. Սարգիսեան եւ Դպրեվանքի Տեսուչ Գերպ. Տ. Թորգոմ Ծ. Վրդ. Տօնոյեան։