Հինգշաբթի, 21 Ապրիլ 2016-ին, Ն.Ս.Օ.Տ.Տ. Արամ Ա. Կաթողիկոս ընդունեց Լիբանանի Շրջանային Վարչութիւնը։ Շրջանային Վարչութիւնը Վեհափառ Հայրապետին ընդհանուր գծերով ներկայացուց Հ.Մ.Ը.Մ.-ի աշխատանքները լուսարձակի տակ բերելով յատկապէս, անոր ձեռք ձգած յաջողութիւնները մարզական բնագաւառէն ներս։ Նորին Սրբութիւնը իր օրհնութիւնն ու գնահատանքը յայտնեց Հ.Մ.Ը.Մ.-ին շեշտելով, թէ Հ.Մ.Ը.Մ-ը լծուած է մեր պատանիները հայկական արժէքներով ու ոգիով թրծելու իր դաստիարակչական աշխատանքին։
Հանդիպման աւարտին Հ.Մ.Ը.Մ.-ի Շրջանային Վարչութիւնը խնդրեց Վեհափառ Հայրապետէն իր հովանաւորութիւնը ընծայելու Մայիս 28-ի առիթով կազմակերպելիք տօնահանդէսին եւ տողանցքին։
