News

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ՍԷՈՒՏԱԿԱՆ ԱՐԱԲԻՈՅ ԴԵՍՊԱՆԸ

30 December 2016

Հինգշաբթի, 29 Դեկտեմբեր 2016-ի երեկոյեան, Վեհափառ Հայրապետը իր գրասենեակին մէջ ընդունեց այցելութիւնը Լիբանանի մօտ Սէուտական Արաբիոյ դեսպան Ուալիտ Պըն Ապտալլահ Ալ Պուխարիին: Դեսպանին կ'ընկերանային դեսպանատան քաղաքական ու մշակութային հարցերու պատասխանատուները:

 

         Հանդիպման ընթացքին արծարծուեցան Լիբանանի եւ Միջին Արեւելքի ներկայ կացութեան առնչուած հարցեր: Խօսակցութեան ընթացքին յատուկ ուշադրութեան արժանացաւ քրիստոնեայ-իսլամ երկխօսութիւնը: Թէ Վեհափառ Հայրապետը եւ թէ դեսպանը կարեւորութեամբ շեշտեցին միաստուածեան երկու կրօններու միջեւ երկխօսութիւնը ու գործակցութիւնը աւելի ծաւալելու հրամայականը: