«Հայ Դպրոցը Մեր Ներկան Է
Ու Մանաւանդ Մեր Ապագան»
Շեշտեց ԱՐԱՄ Ա. ԿԱԹՈՂԻԿՈՍ
Մեծի Տանն Կիլիկիոյ Կաթողիկոսութեան «Խաչիկ Պապիկեան» Հիմնադրամի եւ Կրթական-Հայագիտական Բաժանմունքի կազմակերպած Հայ Լեզուի ու Գրականութեան, Հայոց Պատմութեան, Մշակոյթի ու Կրօնագիտական նիւթերու եւ Ասմունքի մրցանքներու մրցանակաբաշխութիւնը տեղի ունեցաւ Կիրակի, 15 Մայիս 2016-ի կէսօրին: Վեհարանի ընդարձակ դահլիճը լեցուն էր խուռներամ բազմութեամբ: Հոն էին Կիլիկիոյ Կաթողիկոսութեան միաբաններ, Խաչիկ Պապիկեանի դուստրերէն երկուքը, ազգայիններ, տնօրէններ, հայերէնաւանդ նիւթերու դասատուներ, աշակերտ-աշակերտուհիներ՝ իրենց ծնողներով: Ներկայ էին նաեւ դատակազմերու անդամները: Յաւարտ Սուրբ Պատարագի, Ն.Ս.Օ.Տ.Տ. Արամ Ա. Վեհափառին ժամանումը խանդավառութեամբ եւ յոտնկայս դիմաւորուեցաւ ներկաներուն կողմէ:
Մեծի Տանն Կիլիկիոյ Կաթողիկոսութեան Գահակալին՝ Արամ Ա. Վեհափառին նախագահութիւնը վայելող այս հանդիսութեան բացումը կատարեց Կաթողիկոսութեան Կրթական-Հայագիտական Բաժանմունքի Վարիչ Ժիրայր Դանիէլեան, որ իր խօսքին սկիզբը ոգեկոչելէ ետք Բաժանմունքի նախկին Վարիչ-տնօրէնին՝ հանգուցեալ Սարգիս Կիրակոսեանին յիշատակը, շեշտեց անհրաժեշտութիւնը այս մրցանքին, որ արդէն դարձած է տարեկան աւանդութիւն: «Արդարեւ, եօթներորդ տարին ըլլալով, գրեթէ մեր բոլոր վարժարանները, միջնակարգ եւ երկրորդական, իրենց մասնակցութինը կը բերեն Վեհափառ Հայրապետին հովանաւորութիւնը վայելող այս նախաձեռնութեան», ըսաւ ան:
Ապա, Ժ. Դանիէլեան, 2015-2016 տարեշրջանի մրցանքին մասին հայթայթեց շօշափելի թիւեր: Մասնակցած դպրոցներուն ընդհանուր թիւը՝ 18 — 5 միջնակարգ եւ 13 միջնակարգ ու երկրորդական վարժարաններ: Տնօրէնութեանց կողմէ ներկայացուած թեկնածուներուն թիւը՝ 135: Ան բարձր գնահատեց դատակազմերու անդամներուն բծախնդիր ու հետեւողական աշխատանքը:
Եզրափակելով՝ Ժ. Դանիէլեան ըսաւ. «Ստեղծուած մրցակցութեան առողջ ոգին ու անոնցմով փոխանցուող հայեցի եւ շինիչ մթնոլորտը կը թելադրեն բոլորիս՝ անպայմանօրէն շարունակել երթը, որոնելով արդի պայմաններուն հետ քայլ պահող նորարարութիւններ»:
Այնուհետեւ, Արամ Ա. Կաթողիկոս, ընդհանուր խանդավառութեան մթնոլորտի մէջ նիւթական նուէրով, վահանիկներով եւ արժէքաւոր գիրքերով պարգեւատրեց «Խաչիկ Պապիկեան» մրցանքներուն արժանացած 36 աշակերտ-աշակերտուհիներ:
Եկած էր պահը, որ Վեհափառ Հայրապետը փոխանցէր իր եզրափակիչ պատգամը:
Վեհափառը բարձր գնահատելով կատարուած աշխատանքը, ըսաւ.-
«Մեր կեանքէն ներս մտահոգութիւն մը կը տիրէ՝ մեր մշակոյթը եւ լեզուն նահանջի մէջ են։ Այս մտահոգութիւնը արդար է։ Ահաւասիկ «Խաչիկ Պապիկեան» մրցանակի այս երեւոյթը պերճախօս վկայութիւն մըն է, որ մենք այդ նահանջը պիտի կասեցնենք մեր գործով, աշխատանքով ու նուիրումով եւ ոչ թէ խօսքով ու ճառերով։ Սփիւռքեան պայմանները այնպիսի մթնոլորտ մը կը ստեղծեն, որոնք մեզ կը մղեն կամայ-ակամայ մեր հայկական արժէքներէն պարպուիլ։ Սակայն այս մտահոգեցուցիչ երեւոյթին դիմաց մենք պիտի չողբանք, չմտահոգուինք, չքննադատենք, չայպանենք միայն, այլ նման նախաձեռնութիւններու պիտի դիմենք, որպէսզի միասնաբար մեր կեանքէն ներս պարտադրուած այս նահանջին դէմ կարենանք կանգնիլ եւ մեր ժողովուրդի կեանքէն ներս մեր լեզուին, մշակութային արժէքներուն ներկայութիւնը դարձնել աւելի տիրական եւ կենսագործող՝ մեր դպրոցներէն սկսեալ մինչեւ ընտանիք ու հաւաքական կեանք» յիշեցուց Նորին Սրբութիւնը։
«Որքան ուրախալի է այս երեւոյթը երբ մեր վարժարանները Լիբանանէն ներս մրցակցութեան մէջ են: Այս մրցակցութիւնը գնահատելի է, որովհետեւ հայ լեզուի եւ հայ մշակոյթի մրցակցութիւն է։ Ուրախալի է, որ այս մրցակցութիւնը Լիբանանի մեր հայ դպրոցներուն միջեւ է, որովհետեւ հայ դպրոցը մեր ներկան է ու ապագան»։
Վերջ գտաւ եօթներորդ մրցանակաբաշխութիւնը:
Ուրախ էին եւ միաժամանակ յուզուած բոլորը, յատկապէս աշակերտ-աշակերտուհիները, եւ հպարտ էին ու երջանիկ՝ ծնողները:
Ստորեւ կու տանք «Խաչիկ Պապիկեան» մրցանակակիրներուն անուանացանկը.-
Ա. «ՀԱՅ ԼԵԶՈՒԻ ԵՒ ԳՐԱԿԱՆՈՒԹԵԱՆ» ՄՐՑԱՆՔ
ՄԻՋՆԱԿԱՐԳ
ՅԻՇԱՏԱԿՈՒԹԵԱՆ ԱՐԺԱՆԻ
Յ.Ա.` ԵՐՐՈՐԴ
Այնթապլեան Յասմիկ Հայ Աւետ. Երկդ. Վրժ., Այնճար
Յ.Ա.` ԵՐԿՐՈՐԴ
Աւագեան Կալի Ազգ. Եղիշէ Մանուկեան Գոլէճ
Յ.Ա.` ԱՌԱՋԻՆ
Պաքալեան Վանա Հմզգ. Մ. եւ Հ. Արսլանեան Ճեմարան
ՄՐՑԱՆԱԿԱԿԻՐ
ԵՐՐՈՐԴ
Սալորեան Անժելա Ազգ. Եղիշէ Մանուկեան Գոլէճ
ԵՐԿՐՈՐԴ
Աքճեան Նանօր Ազգ. Լ. եւ Ս. Յակոբեան Գոլէճ
ԱՌԱՋԻՆ
Գառնէշեան Նարօտ Ազգ. Յառաջ Գ. Կիւլպէնկեան Երկ. Վրժ.
«ՀԱՅ ԼԵԶՈՒԻ ԵՒ ԳՐԱԿԱՆՈՒԹԵԱՆ» ՄՐՑԱՆՔ
ԵՐԿՐՈՐԴԱԿԱՆ
ՅԻՇԱՏԱԿՈՒԹԵԱՆ ԱՐԺԱՆԻ
Յ.Ա.` ԱՌԱՋԻՆ
Իսկէնտէրեան Քրիստ Ազգ. Եղիշէ Մանուկեան Գոլէճ
Սէլլումեան Ժանօ Սրկ. Մ.Տ.Կ.Կ. Դպրեվանք
ՄՐՑԱՆԱԿԱԿԻՐ
ԵՐՐՈՐԴ
Աճէմեան Սարգիս Սրկ. Մ.Տ.Կ.Կ. Դպրեվանք
Յովսէփեան Սերուժ Հմզգ. Մ. եւ Հ. Արսլանեան Ճեմարան
ԵՐԿՐՈՐԴ
Սերուժեան Նարօտ Հմզգ. Մ. եւ Հ. Արսլանեան Ճեմարան
ԱՌԱՋԻՆ
Սարգիսեան Ռիթա Ազգ. Լ. եւ Ս. Յակոբեան Գոլէճ
Բ. «ՀԱՅՈՑ ՊԱՏՄՈՒԹԵԱՆ, ՀԱՅ ՄՇԱԿՈՅԹԻ ԵՒ ԿՐՕՆԻ» ՄՐՑԱՆՔ
ՄԻՋՆԱԿԱՐԳ
ՅԻՇԱՏԱԿՈՒԹԵԱՆ ԱՐԺԱՆԻ
Յ.Ա.` ԱՌԱՋԻՆ
Կիրիթլեան Կարօ Հ.Բ.Ը.Մ. Պօղոս Գ. Կարմիրեան Միջ. Վրժ.
ՄՐՑԱՆԱԿԱԿԻՐ
ԵՐՐՈՐԴ
Չափարեան Ալիսա Ազգ. Յառաջ Գ. Կիւլպէնկեան Երկ. Վրժ.
ԵՐԿՐՈՐԴ
Էվինկիւլեան Ռուբէն Ազգ. Եղիշէ Մանուկեան Գոլէճ
ԱՌԱՋԻՆ
Արապաթլեան Գրիգոր Մ.Տ.Կ.Կ. Դպրեվանք
«ՀԱՅՈՑ ՊԱՏՄՈՒԹԵԱՆ, ՀԱՅ ՄՇԱԿՈՅԹԻ ԵՒ ԿՐՕՆԻ» ՄՐՑԱՆՔ
ԵՐԿՐՈՐԴԱԿԱՆ
ՅԻՇԱՏԱԿՈՒԹԵԱՆ ԱՐԺԱՆԻ
Յ.Ա.` ԱՌԱՋԻՆ
Անտրեան Յակոբ Կիս.Սրկ. Մ.Տ.Կ.Կ. Դպրեվանք
Տումանեան Ցոլեր Ազգ. Յառաջ Գ. Կիւլպէնկեան Երկ. Վրժ.
ՄՐՑԱՆԱԿԱԿԻՐ
ԵՐՐՈՐԴ
Տալգլըճեան Նորայր Սրկ. Մ.Տ.Կ.Կ. Դպրեվանք
Գուճանեան Մելիսա Ազգ. Լ. եւ Ս. Յակոբեան Գոլէճ
ԵՐԿՐՈՐԴ
Սէրայտարեան Սիլվի Ազգ. Եղիշէ Մանուկեան Գոլէճ
ԱՌԱՋԻՆ
Խաչատուրեան Արենի Հմզգ. Մ. եւ Հ. Արսլանեան Ճեմարան
Գ. «ԱՍՄՈՒՆՔ»Ի ՄՐՑԱՆՔ
ՄԻՋՆԱԿԱՐԳ
ՅԻՇԱՏԱԿՈՒԹԵԱՆ ԱՐԺԱՆԻ
Յ.Ա.` ԵՐՐՈՐԴ
Անտրեան Նշան Մ.Տ.Կ.Կ. Դպրեվանք
Յ.Ա.` ԵՐԿՐՈՐԴ
Զարմէնեան Սարին Մ. եւ Հ. Արսլանեան Ճեմարան
Յ.Ա.` ԱՌԱՋԻՆ
Փամփալեան Նուպար Մ.Տ.Կ.Կ. Դպրեվանք
Պէրպէրեան Արտակ Հայ Աւետ. Երկդ. Վրժ., Այնճար
ՄՐՑԱՆԱԿԱԿԻՐ
ԵՐՐՈՐԴ
Լալէեան Փեռլա Ազգ. Եղիշէ Մանուկեան Գոլէճ
ԵՐԿՐՈՐԴ
Խաչօ Սթիվըն Ազգ. Լ. եւ Ս. Յակոբեան Գոլէճ
ԱՌԱՋԻՆ
Պապօղլեան Ալիք Հայ Կթղ. Պտք.ի Ս.Խաչ-Հարպոյեան Բրձ. Վրժ.
«ԱՍՄՈՒՆՔ»Ի ՄՐՑԱՆՔ
ԵՐԿՐՈՐԴԱԿԱՆ
ՅԻՇԱՏԱԿՈՒԹԵԱՆ ԱՐԺԱՆԻ
Յ.Ա.` ԵՐԿՐՈՐԴ
Եագուպեան Շահէ Կիս. Սրկ. Մ.Տ.Կ.Կ. Դպրեվանք
Յ.Ա.` ԱՌԱՋԻՆ
Անտոնեան Կարէն Ազգ. Յառաջ Գ. Կիւլպէնկեան Երկ. Վրժ.
ՄՐՑԱՆԱԿԱԿԻՐ
ԵՐՐՈՐԴ
Զաքարեան Համլիկ Սրկ. Մ.Տ.Կ.Կ. Դպրեվանք
Փանոսեան Վիքի Ազգ. Եղիշէ Մանուկեան Գոլէճ
ԵՐԿՐՈՐԴ
Պէրպէրեան Շաղիկ Հայ Աւետ. Երկդ. Վրժ., Այնճար
ԱՌԱՋԻՆ
Սարգիսեան Անժելինա Ազգ. Լ. եւ Ս. Յակոբեան Գոլէճ
Մարգարեան Աւօ Ազգ. Եղիշէ Մանուկեան Գոլէճ
õõõõ
