ՀՐԱՏԱՐԱԿՈՒԵՑԱՒ «ՇՆՈՐՀԱԼԻ» ԵՐԳՉԱԽՈՒՄԲԻ 50 ԱՄԵԱԿԻՆ ՆՈՒԻՐՈՒԱԾ ՅՈՒՇԱՄԱՏԵԱՆԸ
Օրհնութեամբ Ն.Ս.Օ.Տ.Տ. Արամ Ա. Վեհափառ Հայրապետին, Կաթողիկոսարանի տպարանէն լոյս տեսաւ «Շնորհալի» երգչախումբի յոբելեանականին նուիրուած «50 Տարի Երաժշտութիւն Եւ Ինքնութիւն» խորագիրով յուշամատեանը։ Յուշամատեանը համապարփակ ներկայացումն է երգչախումբին երկարամեայ գործունէութեան, որուն ամբողջացման համար խմբագրակազմը դիմած է Կաթողիկոսարանի «ՀԱՍԿ» պաշտօնաթերթին, ինչպէս նաեւ անհատներու ու նախկին անդամներու վկայութեան։ Յառաջաբանէն ետք հատորը կը բացուի Կաթողիկոսարանի երգչախումբի հիմնադիր հայրապետ երջանկայիշատակ Տ.Տ.…
