Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ԿԱԹՈՂԻԿՈՍԱՐԱՆԻ ՄԱՆԿԱՎԱՐԺԱԿԱՆ ԿԵԴՐՈՆԻ ՎԿԱՅԵԱԼՆԵՐԸ
Չորեքշաբթի, 20 Հոկտեմբեր 2021-ին, Ն.Ս.Օ.Տ.Տ. Արամ Ա. Վեհափառ Հայրապետը Վեհարանի դահլիճին մէջ ուրախութեամբ ողջունեց Կաթողիկոսարանի «Խաչեր Գալուստեան» Մանկավարժական Կեդրոնի 16 վկայեալներու այցելութիւնը: Վկայեալները, որոնք մեծ մասով կը դասաւանդեն հայ դպրոցներէն ներս, Կեդրոնին ճամբով ստացած են L.T., T.S. եւ B.T.3 պետական վկայականները: Յիշեալ վկայականներով անոնք կրնան համալսարանական աւելի բարձր վկայականներու թեկնածու ըլլալ՝ Լիբանանէն ներս թէ դուրս:…
