ՎԵՀԱՓԱՌ ՀԱՅՐԱՊԵՏԻ ՆԵՐԿԱՅՈՒԹԵԱՆ ՀԱՆԴԻՊՈՒՄ ԼԻԲԱՆԱՆԻ ԵՒ ՀԻՒՍԻՍԱՅԻՆ ԱՄԵՐԻԿԱՅԻ ԱՐԵՒԵԼԵԱՆ ՈՒ ԱՐԵՒՄՏԵԱՆ ԹԵՄԵՐՈՒ ԱՌԱՋՆՈՐԴՆԵՐՈՒՆ ՀԵՏ

Լուրեր Կաթողիկոսարանէն

Երեքշաբթի, 31 Օգոստոս 2021-ին, Պիքֆայայի Սուրբ Աստուածածին Վանքին մէջ, Ն.Ս.Օ.Տ.Տ. Արամ Ա. Վեհափառ Հայրապետին ներկայութեան հանդիպում մը տեղի ունեցաւ Լիբանանի հայոց թեմի առաջնորդ Գերշ. Տ. Շահէ Արք. Փանոսեանի, Հիւսիսային Ամերիկայի Արեւելեան թեմի առաջնորդ Գերշ. Տ. Անուշաւան Արք. Դանիէլեանի ու Հիւսիսային Ամերիկայի Արեւմտեան թեմի առաջնորդ Գերշ. Տ. Թորգոմ Եպս. Տօնոյեանի միջեւ:     Յիշեալ հանդիպումին նպատակն…

ՎԵՀԱՓԱՌ ՀԱՅՐԱՊԵՏԻՆ ԹԵԼԱԴՐՈՒԹԵԱՄԲ ՄԻԱՑԵԱԼ ՆԱՀԱՆԳՆԵՐՈՒ ԱՐԵՒԵԼԵԱՆ ՈՒ ԱՐԵՒՄՏԵԱՆ ԹԵՄԵՐՈՒ ԱՌԱՋՆՈՐԴՆԵՐԸ ՇՈՒՏՈՎ ԿԸ ՀԱՍՆԻՆ ԱՆԹԻԼԻԱՍԻ ՄԱՅՐԱՎԱՆՔ՝ ԼԻԲԱՆԱՆԻ ՀԱՅՈՒԹԵԱՆ ՕԺԱՆԴԱԿՈՒԹԵԱՆ ԱՇԽԱՏԱՆՔՆԵՐՈՒ ԾԻՐԷՆ ՆԵՐՍ

Լուրեր Կաթողիկոսարանէն

  Լիբանանի հայոց թեմի կարիքներուն աւելի մօտէն տեղեակ դառնալու, ինչպէս նաեւ Միացեալ Նահանգներու Արեւելեան ու Արեւմտեան թեմերէն ներս վերջին օրերուն սկսուած հանգանակութեան առաւել մղում տալու հեռանկարով, Ն.Ս.Օ.Տ.Տ. Արամ Ա. Վեհափառ Հայրապետը յիշեալ թեմերու առաջնորդ սրբազաններուն ու ազգային վարչութեանց յղած յատուկ նամակով թելադրեց Գերշ. Տ. Անուշաւան Արք. Դանիէլեանին եւ Գերշ. Տ. Թորգոմ Եպս. Տօնոյեանին Անթիլիասի Մայրավանք…

ԼՈՅՍ ՏԵՍԱՒ ԽԱՉԱՏՈՒՐ ՌՈՍՏՈՄ ՍՏԵՓԱՆԵԱՆԻ ԱՇԽԱՏԱՍԻՐՈՒԹԻՒՆԸ

Լուրեր Կաթողիկոսարանէն, Հրատարակութիւն

Մեծի Տանն Կիլիկիոյ Կաթողիկոսութեան «Խաչիկ Պապիկեան Հրատարակչական Հիմնադրամ»-ի 16-րդ հրատարակութեան արժանացած է Խաչատուր Ռոստոմ Ստեփանեանի «Հայաստանում Խորհրդային Իշխանութեան Հաստատման Հիմնահարցը Սփիւռքահայ Հասարակական-Քաղաքական Մտքի Գնահատմամբ (1920-1930 թթ.)» աշխատասիրութիւնը։   Գիրքին գիտական խմբագիրն է ակադեմիկոս Աշոտ Մելքոնեան, իսկ խմբագիրը՝ պատմաբան Երուանդ Փամպուքեան։   Երեք գլուխներու մէջ ծաւալած գիտաշխատութիւնը կ՚արժեւորէ Հայաստանի խորհրդայնացումը, Փետրուարեան ապստամբութեան եւ խորհրդային իշխանութեան վերջնահաստատման…

«ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԵԱՆ ԴՊՐԵՎԱՆՔԸ ՎԵՐԱՆՈՐՈԳ ՆՈՒԻՐՈՒՄՈՎ ԿԸ ՇԱՐՈՒՆԱԿԷ ԻՐ ՀՈԳԵՄՏԱՒՈՐ ԱՌԱՔԵԼՈՒԹԻՒՆԸ» Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ

Դպրեվանք, Լուրեր Կաթողիկոսարանէն

Կիրակի, 22 Օգոստոս 2021-ի երեկոյեան, Դպրեվանքին մէջ  Ն.Ս.Օ.Տ.Տ. Արամ Ա. Վեհափառ Հայրապետը նախագահեց Դպրեվանքի տեսչութեան ժողովին: 2021-2022 կրթական-ուսումնական տարեշրջանի սեմին տեղի ունեցած յիշեալ ժողովի ընթացքին քննարկուեցան Դպրեվանքի կեանքն ու առաքելութիւնը վերանորոգման առաջնորդող շարք մը ծրագիրներ: Այսպէս՝ Դպրեվանքի կրթական ծրագիրի վերանայում, առօրեայ ժամանակացոյցի վերադասաւորում, ուսուցչական կազմի վերարժեւորում եւ Դպրեվանքի կրթական, հոգեւոր, վարչական, յարաբերական ու տնտեսական մարզերուն…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ԱՅՑԵԼՈՒԹԻՒՆԸ Հ.Յ.Դ. ԲԻՒՐՈՅԻ ԵՒ ԱՐԵՒՄՏԵԱՆ ԱՄԵՐԻԿԱՅԻ ԿԵԴՐՈՆԱԿԱՆ ԿՈՄԻՏԷԻ ՆԵՐԿԱՅԱՑՈՒՑԻՉՆԵՐՈՒՆ

Լուրեր Կաթողիկոսարանէն

Չորեքշաբթի, 18 Օգոստոս 2021-ի երեկոյեան, Ն.Ս.Օ.Տ.Տ. Արամ Ա. Վեհափառ Հայրապետին հետ երկար հանդիպում մը ունեցան Հ.Յ.Դ. Բիւրոյի անդամներէն Յակոբ Խաչերեանը եւ Արեւմտեան Ամերիկայի Կեդրոնական Կոմիտէի հերթապահ Տարօն Տէր Խաչատուրեանը:   Հանդիպման ընթացքին արծարծուեցան ընդհանրապէս Սփիւռքի եւ յատկապէս Գալիֆորնիոյ հայութեան առնչուած հարցեր, նաեւ յատուկ անդրադարձ կատարուեցաւ Լիբանանի հայութեան օժանդակութեան գծով կատարուող աշխատանքներուն:

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ Հ.Բ.Ը.Մ.Ի ԱՏԵՆԱՊԵՏԸ

Լուրեր Կաթողիկոսարանէն

Երեքշաբթի, 17 Օգոստոս 2021-ին, Ն.Ս.Օ.Տ.Տ. Արամ Ա. Վեհափառ Հայրապետին այցելեց Լիբանանի Հայկական Բարեգործական Ընդհանուր Միութեան Լիբանանի Շրջանակային Յանձնաժողովի ատենապետ Ժերար Թիւֆէնքճեանը: Հ.Բ.Ը.Մ.ի ատենապետը լայն զեկոյց տուաւ Նորին Սրբութեան երկրէն ներս Միութեան կատարած աշխատանքներուն եւ յառաջիկայ ծրագիրներուն մասին:   Վեհափառ Հայրապետը անդրադառնալով Մեծի Տանն Կիլիկիոյ Կաթողիկոսութեան եւ Հ.Բ.Ը.Մ.ի պատմական գործակցութեան եւ անոր անդամներուն կողմէ Կաթողիկոսարանին կատարուած…

ԼԵՀԱՍՏԱՆԻ ԴԵՍՊԱՆԸ ԱՅՑԵԼԵՑ Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻՆ

Լուրեր Կաթողիկոսարանէն

Շաբաթ, 14 Օգոստոս 2021-ի առաւօտուն, Լիբանանի մօտ Լեհաստանի դեսպան Փրիմիսլաօ Նիսիոլովսկի այցելեց Ն.Ս.Օ.Տ.Տ. Արամ Ա. Վեհափառ Հայրապետին: Դեսպանին կ՚ընկերանային դեսպանատան հիւպատոսը, Լեհաստանի մշակութային նախարարութեան տնօրէնուհին եւ Լեհաստանի հայկական գաղութի ներկայացուցիչ Մաթէ Պօղոսովիչ:   Հանդիպումը առիթ հանդիսացաւ անդրադարձ կատարելու Լիբանանի եւ Լեհաստանի յարաբերութեան, ինչպէս նաեւ՝ Լեհաստանի եւ Հայաստանի, Լեհաստանի հայկական գաղութի ներկայ իրավիճակին եւ մշակոյթի նախարարութեան…

ԱՍՏՈՒԱԾԱՄՕՐ ՎԵՐԱՓՈԽՄԱՆ ՏՕՆԸ ԵՒ Ս. ԱՍՏՈՒԱԾԱԾԻՆ ՎԱՆՔԻ ՈՒԽՏԻ ՕՐԸ ՆՇՈՒԵՑԱՆ ՀԱՄԱՆՈՒՆ ՎԱՆՔԻ ՀԱՄԱԼԻՐԷՆ ՆԵՐՍ

Լուրեր Կաթողիկոսարանէն

Լիբանանի ներկայ տագնապալի պայմաններուն մէջ չենք կրնար մեր աղաչական հայեացքը երկինք չյառել՝ խնդրելու եւ աղերսելու Աստուածամօր բարեխօսութիւնը։ Հաւատացեալ ուխտաւորը իր հայեացքը հաւատքով ուղղելով Աստուածամօր փրկարար դերին պիտի կարենայ դիմագրաւել ամէն տեսակի մարտահրաւէր. իսկ հաւատքը մշտական վերանորոգման ընթացքի մէջ ըլլալով, եկեղեցին կը ստանձնէ այդ պատասխանատուութիւնը եւ հոգեւոր սնունդ կը մատակարարէ իր հոգեպարար արարողութիւններուն եւ հոգեթով քարոզախօսութիւններուն…

ՎԱՏԻԿԱՆԻ ԵՒ ՀԱՅԱՍՏԱՆԻ ԴԵՍՊԱՆՆԵՐԸ ԱՅՑԵԼԵՑԻՆ ՎԵՀԱՓԱՌ ՀԱՅՐԱՊԵՏԻՆ

Լուրեր Կաթողիկոսարանէն

Ն.Ս.Օ.Տ.Տ. Արամ Ա. Վեհափառ Հայրապետը Ուրբաթ, 13 Օգոստոս 2021-ին, յաջորդաբար ընդունեց Լիբանանի մօտ Հայաստանի Հանրապետութեան դեսպան Վահագն Աթաբէկեանը եւ Վատիկանի մօտ Լիբանանի Հանրապետութեան դեսպան դոկտ. Ֆարիտ Ալ-Խազէնը։   Հայաստանի դեսպանին հետ հանդիպման ընթացքին քննարկուեցան Հայաստանի ներքին կացութեան եւ Հայաստան-Սփիւռք յարաբերութեան առնչուած հարցեր։   Վատիկանի մօտ Լիբանանի դեսպանին հետ Նորին Սրբութեան ունեցած հանդիպման առանցքը վերջերս Վատիկանի…

ԱՂՕՐՀՆԷՔ ԵՒ ԽՆԿՕՐՀՆԷՔ ՍՈՒՐԲ ԱՍՏՈՒԱԾԱԾԻՆ ՎԱՆՔԻՆ ՄԷՋ

Լուրեր Կաթողիկոսարանէն

Սուրբ Աստուածածնայ վերափոխման տօնին եւ Ս. Աստուածածին Վանքի ուխտի օրուան առիթով, 9-13 Օգոստոս 2021-ին, Պիքֆայայի Ս. Աստուածածին Վանքի համանուն մատրան մէջ տեղի ունեցաւ աղօթասացութեան եւ հոգեւոր խորհրդածութեան շարք մը, օրհնութեամբ Ն.Ս.Օ.Տ.Տ. Արամ Ա. Վեհափառ Հայրապետին եւ կազմակերպութեամբ Կաթողիկոսարանի Քրիստոնէական Դաստիարակութեան բաժանմունքին։   Արդարեւ, յիշեալ դասախօսութեանց վերջին օրը՝ այսօր, Ուրբաթ, 13 Օգոստոսին, միաբան հայրերու կողմէ եւ…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԱՅՑԵԼԵՑ ՊՈՒՐՃ ՀԱՄՈՒՏ

Լուրեր Կաթողիկոսարանէն

Առնուած «Ազդակ»էն   «ԼԻԲԱՆԱՆԻ ՀԱՅՈՒԹԵԱՆ ՎԵՐԱԿԱՆԳՆՈՒՄԻ ԱՇԽԱՏԱՆՔՆԵՐՈՒՆ ՇԱՐՈՒՆԱԿՈՒԹԻՒՆԸ ՄԵՆՔ ԿԸ ՆԿԱՏԵՆՔ ՀՐԱՄԱՅԱԿԱՆ» Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ   Ն.Ս.Օ.Տ.Տ. Արամ Ա. Կաթողիկոս Չորեքշաբթի, 11 Օգոստոսին՝ առաւօտեան ժամը 10։30-ին այցելեց Պուրճ Համուտ եւ Ազգային Առաջնորդարանին «Երջօ Սամուէլեան-Եռագոյն» սրահին մէջ հանդիպում ունեցաւ հայ երեսփոխաններուն եւ նախարարի պաշտօնակատարին, լիբանանահայ կուսակցութիւններու ներկայացուցիչներուն, ազգային երեսփոխաններուն, Ազգային Իշխանութեան անդամներուն, պետական պաշտօնեաներուն, մշակութային,…

ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԻՒՆԸ ԿԸ ՄԱՍՆԱԿՑԻ Մ.Ա.Ե.Խ.-Ի ԳՈՐԾԱԴԻՐ ՎԱՐՉՈՒԹԵԱՆ ԺՈՂՈՎԻՆ

Լուրեր Կաթողիկոսարանէն, Միջ-եկեղեցական եւ Միջ-կրօնական

Միջին Արեւելքի Եկեղեցիներու Խորհուրդի (Մ.Ա.Ե.Խ.) Գործադիր Վարչութեան ժողովը առցանց գումարուեցաւ 3 Օգոստոս 2021-ին։ Յանուն Մեծի Տանն Կիլիկիոյ Կաթողիկոսութեան ժողովին մասնակցեցան Ծոցի Երկիրներու Եկեղեցիներու Խորհուրդի ատենապետ Գերշ. Տ. Մեսրոպ Եպս. Սարգիսեան եւ Մեծի Տանն Կիլիկիոյ Կաթողիկոսութեան միջ-եկեղեցական յանձնախումբի եւ Մ.Ա.Ե.Խ.-ի Գործադիր Վարչութեան անդամ Դոկտ. Ժան Սալմանեան։   Առաջին հերթին, վաւերացուեցաւ նախորդ ժողովին ատենագրութիւնը, որմէ ետք քննարկուեցան…

ՎԵՀԱՓԱՌ ՀԱՅՐԱՊԵՏԸ ԻՐ ՄՏԱՀՈԳՈՒԹԻՒՆԸ ՅԱՅՏՆԵՑ ՅՈՒՆԱՍՏԱՆԻ ՄԷՋ ՊԱՏԱՀՈՂ ՄԵԾԱԾԱՒԱԼ ՀՐԴԵՀՆԵՐՈՒՆ ԳԾՈՎ

Լուրեր Կաթողիկոսարանէն

Երկուշաբթի, 9 Օգոստոս 2021-ին, Յունաստանի վարչապետին, նախագահին եւ արքեպիսկոպոսին յղած իր նամակներուն մէջ, Ն.Ս.Օ.Տ.Տ. Արամ Ա. Վեհափառ Հայրապետը իր ցաւն ու մտահոգութիւնը յայտնեց վերջերս Յունաստանի մէջ պատահած եւ տակաւի շարունակուող մեծածաւալ հրդեհներուն գծով։ Նորին Սրբութիւնը միաժամանակ յայտնեց, որ իր աղօթքներուն մէջ կը յիշէ հրդեհներուն պատճառով զոհ գացած յոյն ժողովուրդի զաւակները։

ԼԻԲԱՆԱՆԻ ՄՕՏ ԳԵՐՄԱՆԻՈՅ ԴԵՍՊԱՆԸ ԱՅՑԵԼԵՑ «ԿԻԼԻԿԻԱ» ԹԱՆԳԱՐԱՆ

Լուրեր Կաթողիկոսարանէն

Հինգշաբթի, 5 Օգոստոս 2021-ին, Լիբանանի մօտ Գերմանիոյ դեսպան Անտրէաս Քինտլ եւ տիկինը այցելեցին Մեծի Տանն Կիլիկիոյ Կաթողիկոսութեան «Կիլիկիա» թանգարան, ուր ընդունուեցան թանգարանի նախկին տեսուչ Հոգշ. Տ. Պարոյր Վրդ. Շէրնէզեանի եւ ներկայ տեսուչ Հոգշ. Տ. Արտաւազդ Վրդ. Շարոյեանի կողմէ։ Ներկայացնելով Հայոց Ցեղասպանութեան արհաւիրքէն անցած եւ սակայն յարութեամբ ոտքի կանգնած Կիլիկիոյ Կաթողիկոսութեան պատմութիւնը, հայր սուրբերը դեսպանին եւ…

ԿԱԹՈՂԻԿՈՍԱՐԱՆԻՆ ԸՆԿԵՐԱՅԻՆ ԾԱՌԱՅՈՒԹԻՒՆԸ ԿԸ ՇԱՐՈՒՆԱԿՈՒԻ ՆՈՐ ԹԱՓՈՎ

Լուրեր Կաթողիկոսարանէն

Ն.Ս.Օ.Տ.Տ. Արամ Ա. Վեհափառ Հայրապետը կը շեշտէ, թէ «ընկերային ծառայութիւնը սոսկ եկեղեցւոյ գործունէութիւնը չէ, այլ անոր էութեան ու կոչումին անբաժանելի մասը կը կազմէ»: Այս համոզումէն մեկնած, Նորին Սրբութիւնը միշտ կը թելադրէ թեմերուն՝ ընկերային ծառայութիւնը նկատել թեմական աշխատանքներուն կենսական մասը: Յատկապէս համաճարակի ստեղծած պայմանները, Մեծի Տանն Կիլիկիոյ Կաթողիկոսութեան թեմերը մղած են առաւել շեշտելու ընկերային ծառայութեան առանցքային…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻ ԱՌՑԱՆՑ ՀԱՆԴԻՊՈՒՄՆԵՐԸ ԹԵՄԵՐՈՒՆ ՀԵՏ

Լուրեր Կաթողիկոսարանէն

Անցնող երկու շաբաթներու ընթացքին, յաջորդական կերպով Ն.Ս.Օ.Տ.Տ. Արամ Ա. Վեհափառ Հայրապետը առցանց հանդիպումներ ունեցաւ Մեծի Տանն Կիլիկիոյ Կաթողիկոսութեան բոլոր թեմերուն հետ: Հանդիպումներուն Վեհափառ Հայրապետին կողքին մասնակցեցան Ազգային Կեդրոնական Վարչութեան համա-ատենապետները՝ Տիար Ստեփան Տէր Պետրոսեան (Լիբանան) եւ Տիար Գրիգոր Մահսերէճեան (Արաբական Միացեալ Էմիրութիւններ), ինչպէս նաեւ Կաթողիկոսարանի դիւանապետ Տիար Խաչիկ Տէտէեան: Թեմերուն կողմէ մասնակցեցան առաջնորդ սրբազանին հետ…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻՆ ԱՅՑԵԼՈՒՆԵՐԸ

Լուրեր Կաթողիկոսարանէն

Երեքշաբթի, 3 Օգոստոս 2021-ին, Պիքֆայայի Ս. Աստուածածին Վանքին մէջ, Ն.Ս.Օ.Տ.Տ. Արամ Ա. Վեհափառ Հայրապետը ընդունեց հետեւեալ այցելուները.-   ա) «Labora» քրիստոնէական ընկերային-մարդասիրական ընկերութեան տնօրէնն ու վարչական խորհուրդը, որոնք Վեհափառ Հայրապետին զեկուցեցին իրենց կազմակերպութեան կատարած ընկերային ծառայութեան մասին։   բ) «Մասիս» մարզական միութեան վարչութիւնը, որ ընդհանուր գիծերով ներկայացուց իր գործունէութիւնը յատկապէս վերջին շրջանին՝ ընկերային օժանդակութեան մարզէն…

ՎԵՀԱՓԱՌ ՀԱՅՐԱՊԵՏԸ ԻՐ ՕՐՀՆՈՒԹԻՒՆԸ ՏՈՒԱՒ ՔԱՌԱՍՆՕՐԵԱՅ ՊԱՀԵՑՈՂՈՒԹԵԱՆ ՇՐՋԱՆԸ ԱՒԱՐՏԱԾ ՆՈՐԸՆԾԱՅ ԱԲԵՂԱՆԵՐՈՒՆ

Լուրեր Կաթողիկոսարանէն

Ինչպէս ծանօթ է, 20 Յունիս 2021 թուականին, Անթիլիասի Մայրավանքի Մայր Տաճարին մէջ տեղի ունեցաւ Անթիլիասի Դպրեվանքի աւարտական հինգ սարկաւագներու աբեղայական ձեռնադրութիւնն ու օծումը։ Անոնք վերակոչուեցան Տ. Եզեկիէլ, Տ. Եսայի, Տ. Եզրաս, Տ. Եղիա եւ Տ. Երեմիա աբեղաներ։   Մեր եկեղեցւոյ դարաւոր աւանդութեան համաձայն, նորընծայ աբեղաները քառասնօրեայ պահեցողութեան շրջան մը անցուցին աղօթելով, խորհրդածելով, ընթերցելով եւ իրենց…

«ՊԷՅՐՈՒԹԻ ՆԱՒԱՀԱՆԳԻՍՏԻ ՊԱՅԹՈՒՄԷՆ ՏԱՐԻ ՄԸ ՅԵՏՈՅ ԱՐԴԱՐՈՒԹԻՒՆԸ ԿԸ ՇԱՐՈՒՆԱԿԷ ՄՆԱԼ ԱՆՏԵՍՈՒԱԾ» Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ

Լուրեր Կաթողիկոսարանէն

Այս խիստ բառերով իր ընդվզումը արտայայտեց Վեհափառ Հայրապետը Cilicia TV-ին, այս առաւօտ Անթիլիասի Մայր Տաճարին մէջ Պէյրութի նաւահանգիստի պայթումի զոհերու հոգիներուն համար կատարուած հոգեհանգստեան արարողութենէն ետք:   Նորին Սրբութիւնը իր խօսքին մէջ շեշտեց, թէ «արդարութիւնը չի կրնար զոհը դառնալ քաղաքական նկատումներու ու անձնական հաշիւներու: Ինչ որ պատահեցաւ տարի մը առաջ, Պէյրութի նաւահանգիստին մէջ, չի կրնար…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ՀՐԱՒԻՐՈՒԱԾ Է G20 ՖՈՐՈՒՄԻՆ ՈՐՊԷՍ ԳԼԽԱՒՈՐ ԴԱՍԱԽՕՍ

Լուրեր Կաթողիկոսարանէն, Միջ-եկեղեցական եւ Միջ-կրօնական

Ն.Ս.Օ.Տ.Տ. Արամ Ա. Վեհափառ Հայրապետը հրաւէր ստացաւ իբրեւ գլխաւոր դասախօս մասնակցելու G20 երկիրներու պետերուն հանդիպման նախօրեակին տեղի ունենալիք միջազգային ֆորումին: Նորին Սրբութիւնը պիտի խօսի «Կրօնքին դերը տագնապներու լուծման գծով յատկապէս արաբական աշխարհին մէջ» նիւթին շուրջ:   G20 Ֆորումը տեղի պիտի ունենայ Իտալիոյ Պոլոնիա քաղաքին մէջ, 12-14 Սեպտեմբեր 2021-ին, որուն պիտի մասնակցին կրօնական, գիտական, տեղեկատուական, ակադեմական…