ՆՈՐՎԵԿԻՈՅ ԴԵՍՊԱՆԸ ԵՒ ՄԱՐԴԱՍԻՐԱԿԱՆ ԸՆԿԵՐՈՒԹԻՒՆՆԵՐՈՒ ՆԵՐԿԱՅԱՑՈՒՑԻՉՆԵՐԸ ԱՆԹԻԼԻԱՍԻ ՄԷՋ

Լուրեր Կաթողիկոսարանէն

Հինգշաբթի, 29 Ապրիլ 2021-ի առաւօտեան, Ն.Ս.Օ.Տ.Տ. Արամ Ա. Վեհափառ Հայրապետը ընդունեց այցելութիւնը Լիբանանի մօտ Նորվեկիոյ դեսպան Մարդեն Իթերվիքին: Դեսպանին կ՚ընկերանային Նորվեկիոյ պետական թէ եկեղեցական մարդասիրական կազմակերպութիւններու ներկայացուցիչները:   Վեհափառ Հայրապետին հետ դեսպանին վերջերս ունեցած հանդիպման լոյսին տակ կազմակերպուած այս հանդիպումին նպատակն էր քննել համայնքային կառոյցներու ընկերամարդասիրական ծրագիրներուն ու աշխատանքներուն օգտակար ըլլալու կարելիութիւնները: Հանդիպումին ներկայ եղան…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ԼԻԲԱՆԱՆԻ ՓԱՂԱՆԳԱՒՈՐ ԿՈՒՍԱԿՑՈՒԹԵԱՆ ՊԱՏՈՒԻՐԱԿՈՒԹԻՒՆԸ

Լուրեր Կաթողիկոսարանէն

Գլխաւորութեամբ Լիբանանի Փաղանգաւոր կուսակցութեան նախագահ Սամի Ժըմայէլին, տասը անձերէ բաղկացած պատուիրակութիւն մը Հինգշաբթի, 29 Ապրիլ 2021-ին, այցելեց Ն.Ս.Օ.Տ.Տ. Արամ Ա. Վեհափառ Հայրապետին: Շուրջ ժամ մը տեւած հանդիպման ներկայ էր նաեւ Հայկական Երեսփոխանական Պլոքի ներկայացուցիչ երեսփոխան Յակոբ Բագրատունի:   Սամի Ժըմայէլ յանուն Լիբանանի Փաղանգաւոր կուսակցութեան, իր զօրակցութիւնը յայտնեց Ամերիկայի Միացեալ Նահանգներու նախագահին կողմէ Հայոց Ցեղասպանութեան ճանաչման…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻ ՆԱԽԱԳԱՀՈՒԹԵԱՄԲ ՀՈԳԵՀԱՆԳԻՍՏ «ԹՌՉՆՈՑ ԲՈՅՆ»Ի ՄԷՋ

Լուրեր Կաթողիկոսարանէն

Երեքշաբթի, 27 Ապրիլ 2021-ի առաւօտեան, Ն.Ս.Օ.Տ.Տ. Արամ Ա. Վեհափառ Հայրապետը Անթիլիասի Մայրավանքէն մեկնեցաւ Մեծի Տանն Կիլիկիոյ Կաթողիկոսութեան հովանաւորութիւնը վայելող Ժըպէյլի «Թռչնոց Բոյն» որբանոցը, ուր նաեւ կը գտնուի Հայոց Ցեղասպանութեան Որբերու «Արամ Պէզիքեան» թանգարանը։ Հայրապետին կ՚ընկերանային միաբան հայրեր։   Վեհափառ Հայրապետը դիմաւորուեցաւ «Թռչնոց Բոյն»ի տեսուչ հայր սուրբին, մանուկներուն եւ պաշտօնէութեան կողմէ։ Ապա, Նորին Սրբութեան նախագահութեամբ վերոյիշեալ…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ՅԱՋՈՐԴԱԲԱՐ ԸՆԴՈՒՆԵՑ ԼԻԲԱՆԱՆԵԱՆ ՈՅԺԵՐ ԵՒ ԱԶԳԱՅԻՆ ԱԶԱՏ ՀՈՍԱՆՔ ԿՈՒՍԱԿՑՈՒԹԻՒՆՆԵՐԸ ՆԵՐԿԱՅԱՑՆՈՂ ՊԱՏՈՒԻՐԱԿՈՒԹԻՒՆՆԵՐԸ

Լուրեր Կաթողիկոսարանէն

Երկուշաբթի, 26 Ապրիլ 2021-ի առաւօտուն, Ն.Ս.Օ.Տ.Տ. Արամ Ա. Վեհափառ Հայրապետը յաջորդաբար ընդունենց Լիբանանեան Ոյժեր եւ Ազգային Ազատ Հոսանք կուսակցութիւնները ներկայացնող պատուիրակութիւնները: Անոնք բաղկացած էին յիշեալ կուսակցութիւններու երեսփոխաններէ ու նախարարներէ: Վեհափառ Հայրապետին կողքին հանդիպումներուն ներկայ գտնուեցաւ նաեւ հայկական երեսփոխանական պլոքի ներկայացուցիչ երեսփոխան Յակոբ Բագրատունի:   Պատուիրակութիւնները նախ ծաղկեպսակ զետեղեցին Մայրավանքի Նահատակաց յուշարձանին առջեւ՝ իրենց յարգանքը արտայայտելով…

ԶՕՐԱԿՑԱԿԱՆ ԱՐՏԱՅԱՅՏՈՒԹԻՒՆՆԵՐ ՀԱՅՈՑ ՑԵՂԱՍՊԱՆՈՒԹԵԱՆ 106-ԱՄԵԱԿԻՆ ԱՌԻԹՈՎ

Լուրեր Կաթողիկոսարանէն

Լիբանանի Հանրապետութեան նախագահ զօրավար Միշէլ Աուն, Շաբաթ, 24 Ապրիլ 2021-ին, Անթիլիասի Մայրավանքին մէջ Հայոց Ցեղասպանութեան սրբոց նահատակաց նուիրուած Սուրբ եւ Անմահ Պատարագէն ետք, հեռաձայնային հաղորդակցութիւն ունեցաւ Ն.Ս.Օ.Տ.Տ. Արամ Ա. Վեհափառ Հայրապետին հետ եւ իր զօրակցութիւնը յայտնեց հայ ժողովուրդին՝ յիշեցնելով, որ Լիբանանի ժողովուրդը եւս Օսմանեան թուրքերու ջարդին ենթակայ եղած է:   Նորին Սրբութեան հետ հեռաձայնային կապ…

«ԴՈՒՔ ՊԱՏՄՈՒԹԵԱՆ ՄԷՋ ՊԻՏԻ ՅԻՇՈՒԻՔ ՈՐՊԷՍ ԸՆՏՐԱԿԱՆ ԽՈՍՏՈՒՄԸ ՅԱՐԳՈՂ ՆԱԽԱԳԱՀ» Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ

Լուրեր Կաթողիկոսարանէն

24 Ապրիլ 2021-ին, Ամերիկայի Միացեալ Նահանգներու նախագահ Ճօ Պայտըն, Հայոց Ցեղասպանութեան 106-ամեակին առիթով հրապարակած իր պաշտօնական խօսքին մէջ 1915-ին հայ ժողովուրդին դէմ Օսմանեան-թուրք պետութեան կողմէ ծրագրուած ու գործադրուած Ցեղասպանութիւնը բնութագրեց իր ճշգրիտ, պատմական եւ իրաւական անուանումով՝  ՑԵՂԱՍՊԱՆՈՒԹԻՒՆ։   Արդարեւ, Ն.Ս.Օ.Տ.Տ. Արամ Ա. Վեհափառ Հայրապետը շնորհակալութեան ու գնահատանքի նամակ մը յղեց նախագահ Պայտընի, ուր Նորին Սրբութիւնը…

ԱՊՐԻԼ 24-Ը ԱՆԹԻԼԻԱՍԻ ՄԱՅՐԱՎԱՆՔԻՆ ՄԷՋ

Լուրեր Կաթողիկոսարանէն

«ԿԸ ՄԵՐԺԵՆՔ ՈՐԵՒէ ՆԱԽԱՁԵՌՆՈՒԹԻՒՆ, ՆՈՅՆԻՍԿ ՄՏԱԾՈՂՈՒԹԻՒՆ, ՈՐԵՒԷ ԿՈՂՄԷ, ՈՐ ԿՐՆԱՅ ՎՏԱՆԳԵԼ ՄԵՐ ԺՈՂՈՎՈՒՐԴԻՆ ԻՐԱՒՈՒՆՔՆԵՐԸ» Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ   Շաբաթ, 24 Ապրիլ 2021-ին, Հայոց Ցեղասպանութեան 106-ամեակին առիթով, Անթիլիասի Մայրավանքին մէջ մատուցուեցաւ Սուրբ եւ Անմահ Պատարագ, նախագահութեամբ Ն.Ս.Օ.Տ.Տ. Արամ Ա. Վեհափառ Հայրապետին։ Պատարագը մատուցեց Գերշ. Տ. Մակար Եպս. Աշգարեան, իսկ երգեցողութիւնը կատարեց Կաթողիկոսարանի «Շնորհալի» երգչախումբը։  …

ՀԱՅԿԱԿԱՆ ԲԱՐԵԳՈՐԾԱԿԱՆ ԸՆԴՀԱՆՈՒՐ ՄԻՈՒԹԵԱՆ ՊԱՏՈՒԻՐԱԿՈՒԹԻՒՆԸ ԱՆԹԻԼԻԱՍԻ ՄԱՅՐԱՎԱՆՔԻՆ ՄԷՋ

Լուրեր Կաթողիկոսարանէն

Ուրբաթ, 23 Ապրիլ 2021-ին, Ն.Ս.Օ.Տ.Տ. Արամ Ա. Վեհափառ Հայրապետը ընդունեց 16 հոգիներէ բաղկացած Լիբանանի Հայկական Բարեգործական Ընդհանուր Միութեան զանազան կառոյցները ներկայացնող պատուիրակութիւն մը՝ գլխաւորութեամբ Լիբանանի Շրջանակային Յանձնաժողովի ատենապետ Ժերար Թիւֆէնքճեանի։   Յանուն Հայկական Բարեգործական Ընդհանուր Միութեան, Թիւֆէնքճեան ընդհանուր գիծերով ներկայացուց կրթական, մշակութային, ընկերային ու բարեսիրական մարզերէն ներս Միութեան կատարած աշխատանքները, յատկապէս վերջին տարուան ընթացքին։  …

ՎԵՀԱՓԱՌ ՀԱՅՐԱՊԵՏԸ ԸՆԴՈՒՆԵՑ ԱԶԳԱՅԻՆ ԾԵՐԱՆՈՑԻ ԽՆԱՄԱԿԱԼՈՒԹԻՒՆԸ

Լուրեր Կաթողիկոսարանէն

Օրեր առաջ, Ն.Ս.Օ.Տ.Տ. Արամ Ա. Վեհափառ Հայրապետին այցելեց Ազգային Ծերանոցը ներկայացնող պատուիրակութիւն մը՝ բաղկացած հաստատութեան տնօրէն Վերապատուելի Սեպուհ Թէրզեանէ եւ խնամակալութեան անդամ Տիգի Թորիկեանէ ու Թամար Տէր Պետրոսեանէ:   Ազգ. Ծերանոցի պատասխանատուները զեկոյց տուին Վեհափառ Հայրապետին ծերանոցի աշխատանքներուն ու յատկապէս անոր դիմագրաւած տնտեսական դժուարութիւններուն մասին: Նորին Սրբութիւնը իր բարձր գնահատանքը յայտնեց Ազգ. Ծերանոցին կատարած մարդասիրական…

Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏԻՆ ՑԱՒԱԿՑԱԳԻՐԸ՝ ՎԱՐԴԱՆ ԳՐԻԳՈՐԵԱՆԻ ՄԱՀՈՒԱՆ ԱՌԻԹՈՎ

Լուրեր Կաթողիկոսարանէն

Անթիլիաս, 19 Ապրիլ 2021   Գերաշնորհ Տ. Անուշաւան Արք. Դանիէլեան Առաջնորդ Ամերիկայի Արեւելեան թեմին Նիւ Եորք   Սիրելի՛ Սրբազան,   Խոր ցաւով իմացանք Մեծի Տանն Կիլիկիոյ Կաթողիկոսութեան մօտիկ բարեկամ­ներէն եւ Հիւսիսային Ամերիկայի մեր համայնքի կարկառուն դէմքերէն՝ Վարդան Գրիգորեանի մահուան գոյժը։ Մեր խորազգած ցաւակցութիւնները կը յայտնենք Ձեզի, Ազգ. Իշխանութեան եւ հանգուց­եալի հարազատներուն։   Արդարեւ, Վարդան Գրիգորեան իր ստանձնած պատասխանատու պաշտօններով ու բեղուն գործունէութեամբ…

ԱՒՍՏՐԻՈՅ ԴԵՍՊԱՆԸ ԱՆԹԻԼԻԱՍԻ ՄԱՅՐԱՎԱՆՔԻՆ ՄԷՋ

Լուրեր Կաթողիկոսարանէն

Երեքշաբթի, 20 Ապրիլ 2021-ին, Ն.Ս.Օ.Տ.Տ. Արամ Ա. Վեհափառ Հայրապետը ընդունեց այցելութիւնը Լիբանանի մէջ Աւստրիոյ դեսպան Դոկտ. Ռընէ Ամրիի:   Հանդիպումը առիթ հանդիսացաւ քննարկելու Լիբանանը յուզող հարցերը, Միջին Արեւելքէն ներս քրիստոնէութեան ներկայութիւնը, ինչպէս նաեւ Թուրքիոյ բացասական ներկայութիւնը թէ՛ շրջանէն եւ թէ Եւրոպայէն ներս, յատկապէս Արցախի վերջին պատերազմին: Յիշեալ հարցերուն գծով Վեհափառ Հայրապետը իր տեսակէտները պարզեց դեսպանին:…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ՆՈՐՎԵԿԻՈՅ ԴԵՍՊԱՆԸ

Լուրեր Կաթողիկոսարանէն

Օրեր առաջ, Ն.Ս.Օ.Տ.Տ. Արամ Ա. Վեհափառ Հայրապետին այցելեց Լիբանանի մէջ Նորվեկիոյ դեսպան Մարդեն Իթերվիքը, ընկերակցութեամբ դեսպանատան քաղաքական հարցերու պատասխանատուին:   Այցելութիւնը առիթ հանդիսացաւ նախ անդրադարձ կատարելու Լիբանանը յուզող այժմէական հարցերուն, նոր կառավարութեան կազմութեան հարցէն սկսեալ մինչեւ տնտեսական տագնապը, եւ ապա հայ ու Նորվեկիոյ ժողովուրդներու պատմական կապերուն: Այս ծիրէն ներս Վեհափառ Հայրապետը յիշեց նորվեկիացի Ֆրիտճոֆ Նենսընի…

ՎԵՀԱՓԱՌ ՀԱՅՐԱՊԵՏԸ ԸՆԴՈՒՆԵՑ ՌԱՅԻ ՊԱՏՐԻԱՐՔԻՆ ՓՈԽԱՆՈՐԴԸ

Լուրեր Կաթողիկոսարանէն

Ուրբաթ, 16 Ապրիլ 2021-ի առաւօտեան, Ն.Ս.Օ.Տ.Տ. Արամ Ա. Վեհափառ Հայրապետին այցելեց մարոնիթ եկեղեցւոյ հոգեւոր պետ Ռայի Պատրիարքին փոխանորդը՝ Արքեպիսկոպոս Փօլ Սայահ: Այցելութեան նպատակն էր.- ա) Վեհափառ Հայրապետը տեղեակ պահել Լիբանանի նոր կառավարութեան կազմութեան գծով Ռայի Պատրիարքին տարած աշխատանքներուն մասին եւ բ) Վեհափառ Հայրապետին Վատիկան ղրկած նամակին առնչուած կարգ մը հարցերուն մասին:   Վերջին կէտին գծով…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ԼԻԲԱՆԱՆԻ ՄՕՏ ՀԱՅԱՍՏԱՆԻ ԴԵՍՊԱՆԸ

Լուրեր Կաթողիկոսարանէն

Հինգշաբթի, 15 Ապրիլ 2021-ին, Ն.Ս.Օ.Տ.Տ. Արամ Ա. Վեհափառ Հայրապետը ընդունեց այցելութիւնը Լիբանանի մօտ Հայաստանի Հանրապետութեան դեսպան Վահագն Աթաբէկեանի:     Հանդիպման ընթացքին արծարծուեցան Հայաստանի եւ Լիբանանի ներքին կացութեան, ինչպէս նաեւ Հայոց Ցեղասպանութեան 106-ամեակի ոգեկոչման առնչուած նիւթեր։

ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԵԱՆ ՍԻՍԻ ԿԱԹՈՂԻԿՈՍԱՐԱՆԻ ՎԵՐԱԴԱՐՁԻ ԴԱՏԸ ԹՈՒՐՔԻՈՅ ԴԷՄ ԿԸ ՇԱՐՈՒՆԱԿՈՒԻ

Լուրեր Կաթողիկոսարանէն, Հայ Դատ

Ինչպէս ծանօթ է մեր ժողովուրդին, 2015 թուականին՝ հայոց ցեղասպանութեան 100-ամեակին, Մեծի Տանն Կիլիկիոյ Կաթողիկոսութիւնը դատական հայց ներկայացուցած էր Թուրքիոյ դէմ՝ պահանջելով Սիսի պատմական Կաթողիկոսարանի վերադարձը իր իրաւատիրոջ՝ Կիլիկիոյ Կաթողիկոսութեան։   Սիսի Կաթողիկոսարանի դատական հայցը, որպէս շարունակութի՛ւն Եւրոպայի Մարդկային Իրաւանց Դատարանին մօտ սկսուած իրաւական գործընթացին, 30 Յուլիս 2019-ին ներկայացուեցաւ Գոզանի (Սիս) Նախադատ Ատեանին։   Թագաժահրին պարտադրած…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԿԸ ԴԱՏԱՊԱՐՏԷ ԿԻՊՐՈՍԻ ՀԱՅՈՑ ՄԱԿԱՐԱՅ ՎԱՆՔԻՆ ՄԷՋ ԹՈՒՐՔԵՐՈՒՆ ԿՈՂՄԷ ԿԱՏԱՐՈՒԱԾ ՀԱԿԱԿՐՕՆԱԿԱՆ ԴԷՊՔԸ

Լուրեր Կաթողիկոսարանէն, Հայ Դատ

Վերջերս թուրք երիտասարդներու կողմէ երաժշտական ձեռնարկ մը տեղի ունեցած է հայոց Մակարայ Վանքի շրջափակէն ներս, որ կը գտնուի Կիպրոսի Թուրքիոյ կողմէ բռնագրաւուած բաժնին մէջ: Ձեռնարկին յաջորդած է կրօնական վայրի ոչ-վայել խնճոյք:   Յիշեալ դէպքը ընդվզումի ու դատապարտութեան ալիք մը յառաջացուցած է Կիպրոսի հոգեւոր ու քաղաքական ղեկավարութեան մօտ: Կիպրոսի հայոց Կաթողիկոսական Փոխանորդ Գերշ. Տ. Խորէն Արք.…

ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԻՒՆԸ ԿԸ ՄԱՍՆԱԿՑԻ ԵԿԵՂԵՑԻՆԵՐՈՒ ՀԱՄԱՇԽԱՐՀԱՅԻՆ ԽՈՐՀՈՒՐԴԻ 11-ՐԴ ԸՆԴՀԱՆՈՒՐ ՀԱՄԱԺՈՂՈՎԻ ԾՐԱԳՐԱՒՈՐՄԱՆ ՅԱՆՁՆԱԽՈՒՄԲԻՆ ՆԻՍՏԻՆ

Լուրեր Կաթողիկոսարանէն, Միջ-եկեղեցական եւ Միջ-կրօնական

23-25 Մարտ 2021-ին, Եկեղեցիներու Համաշխարհային Խորհուրդի 11-րդ Ընդհանուր Համաժողովին ծրագրաւորման յանձնախումբը առցանց հանդիպում մը ունեցաւ՝ շարունակելու համար 31 Օգոստոսէն 8 Սեպտեմբեր 2022-ին Գերմանիոյ Քարլզրու քաղաքին մէջ նախատեսուած ԵՀԽ Ընդհանուր Համաժողովին նախապատրաստական աշխատանքները։ Սոյն ժողովին յանուն Մեծի Տանն Կիլիկիոյ Կաթողիկոսութեան իր մասնակցութիւնը բերաւ Փրոֆ. Թենի Փիրրի-Սիմոնեան։   Ծրագրաւորման յանձնախումբը որդեգրեց «Քրիստոսի սէրը աշխարհը կ՚առաջնորդէ դէպի հաշտութիւն…

ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԵԱՆ ԵՐԻՏԱՍԱՐԴ ՎԵՑ ՄԻԱԲԱՆՆԵՐ ԱՐԺԱՆԱՑԱՆ ԾԱՅՐԱԳՈՅՆ ՎԱՐԴԱՊԵՏՈՒԹԵԱՆ ԱՍՏԻՃԱՆՆԵՐՈՒՆ

Լուրեր Կաթողիկոսարանէն

Շաբաթ, 10 Ապրիլ 2021-ին, Կիրակամտից Ժամերգութենէն անմիջապէս ետք, նախագահութեամբ Ն.Ս.Օ.Տ.Տ. Արամ Ա. Վեհափառ Հայրապետին, ձեռամբ Գերշ. Տ. Շահան Արք. Սարգիսեանին եւ խարտաւիլակութեամբ Հոգշ. Տ. Զարեհ Վրդ. Սարգիսեանին, Անթիլիասի Մայրավանքի Սուրբ Գրիգոր Լուսաւորիչ Մայր Տաճարին մէջ տեղի ունեցաւ Ծայրագոյն Վարդապետութեան աստիճաններու տուուչութեան արարողութիւնը։   Ծայրագոյն Վարդապետութեան աստիճաններուն արժանացան Հոգշ. Տ. Ստեփանոս Վրդ. Փաշայեան, Հոգշ. Տ. Արտակ…

ԾԱՅՐԱԳՈՅՆ ՎԱՐԴԱՊԵՏՈՒԹԵԱՆ ԱՍՏԻՃԱՆԻ ՏՈՒՈՒՉՈՒԹԵԱՆ ԹԵԿՆԱԾՈՒ ՀԱՅՐ ՍՈՒՐԲԵՐԸ ՊԱՇՏՊԱՆԵՆՑԻՆ ԻՐԵՆՑ ԹԵԶԵՐԸ

Լուրեր Կաթողիկոսարանէն

Ուրբաթ, 9 Ապրիլ 2021-ի Երեկոյեան Ժամերգութենէն ետք, գլխաւորութեամբ Ն.Ս.Օ.Տ.Տ. Արամ Ա. Վեհափառ Հայրապետին եւ ներկայութեամբ վանաբնակ միաբան հայրերուն, «Կիլիկիա» թանգարանին մէջ տեղի ունեցաւ Ծայրագոյն Վարդապետութեան թեկնածու միաբան հայրերու թեզերու պաշտպանութիւնը։   Հոգշ. Տ. Ստեփանոս Վրդ. Փաշայեան ներկայացուց «Եգիպտոսի Հայոց Թեմի Առաջնորդական Փոխանորդ (Ապա Առաջնորդ)՝ Թորգոմ Արք. Գուշակեանի եւ Մամբրէ Ծ. Վրդ. Սիրունեանի (Ապա Արքեպիսկոպոս) Նամակագրութիւնները…

ՆՈՐ ԳԻՐՔ Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻՆ ԳՐԻՉԷՆ TURNING TO GOD (ԴԱՐՁ ԱՌ ԱՍՏՈՒԱԾ)

Լուրեր Կաթողիկոսարանէն, Հրատարակութիւն

200 էջերէ բաղկացած Ն.Ս.Օ.Տ.Տ. Արամ Ա. Վեհափառ Հայրապետին անգլերէնով գրուած այս գիրքը օրագրութիւն է 2020 թուականի Մարտ ու Ապրիլ ամիսներուն, երբ համաճարակը նոր սկսած էր:   Գիրքը կը շօշափէ զանազան բնոյթի նիւթեր՝ կրօնական, ընկերային, միջ-եկեղեցական, կենսոլորտային, նաեւ քաղաքական, որոնք ուղղակի կամ անուղղակի կերպով աղերս ունին համաճարակի ստեղծած կացութեան եւ ընկերութեան դիմագրաւած տագնապներուն հետ:

ԼԻԲԱՆԱՆԵԱՆ ԲԱՆԱԿԸ ԿԸ ՇՆՈՐՀԱՒՈՐԷ ՎԵՀԱՓԱՌ ՀԱՅՐԱՊԵՏԸ

Լուրեր Կաթողիկոսարանէն

Երեքշաբթի, 6 Ապրիլ 2021-ին, յանուն Լիբանանի բանակին, բարձրաստիճան պատուիրակութիւն մը այցելեց Անթիլիասի Մայրավանք, շնորհաւորելու Ն.Ս.Օ.Տ.Տ. Արամ Ա. Վեհափառ Հայրապետը Սուրբ Զատկուան տօնին առիթով։

ԱՍՈՐԻ ԵԿԵՂԵՑՒՈՅ ՊԱՏՐԻԱՐՔ ԱՖՐԱՄ Բ. ԱՅՑԵԼԵՑ ԱՐԱՄ Ա. ՎԵՀԱՓԱՌ ՀԱՅՐԱՊԵՏԻՆ

Լուրեր Կաթողիկոսարանէն, Միջ-եկեղեցական եւ Միջ-կրօնական

Կիրակի, 4 Ապրիլ 2021-ին, Ն.Ս.Օ.Տ.Տ. Արամ Ա. Վեհափառ Հայրապետը ընդունեց այցելութիւնը Ն.Ս. Իգնատիոս Աֆրամ Բ. ասորի եկեղեցւոյ Պատրիարքին: Պատրիարքին կ՚ընկերանային Լիբանանի ասորի համայնքի երկու առաջնորդներ եւ այլ հոգեւորականներ: Հանդիպման Վեհափառ Հայրապետին կողքին ներկայ էին Գերշ. Տ. Օշական Արք. Չօլոյեան, Գերշ. Տ. Շահան Արք. Սարգիսեան եւ Գերշ. Տ. Մակար Եպս. Աշգարեան:   Եղբայրական մթնոլորտի մէջ տեղի ունեցած…

ՍՈՒՐԲ ՅԱՐՈՒԹԵԱՆ (ԶԱՏԻԿ) ՏՕՆԸ ԱՆԹԻԼԻԱՍԻ ՄԷՋ

Լուրեր Կաթողիկոսարանէն

«ՔՐԻՍՏՈՍԻ ՅԱՐՈՒԹԻՒՆԸ ՝ ԵՐԱՇԽԻՔ ՀԱՒԱՏՔԻ ՈՒ ՅՈՅՍԻ» Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ   Կիրակի, 4 Ապրիլ 2021-ին, Անթիլիասի Մայրավանքի շրջափակին մէջ, Քրիստոսի Հրաշափառ Սուրբ Յարութեան տօնին առիթով, Ն.Ս.Օ.Տ.Տ. Արամ Ա. Վեհափառ Հայրապետը մատուցեց Ս. եւ Անմահ Պատարագ։ Վեհափառ Հայրապետին իբրեւ առընթերակայ Ս. Խորանին վրայ ներկայ էին Գերշ. Տ. Շահան Արք. Սարգիսեան եւ Գերշ. Տ. Մակար Եպս.…

«ՔՐԻՍՏՈՍԻ ՀԵՏ ՊԷՏՔ Է ԳԵՐԵԶՄԱՆԵՆՔ ՄԵՐ ՄԵՂՔԵՐԸ, ՈՐՊԷՍԶԻ ԻՐ ՅԱՐՈՒԹԵԱՄԲ ԴԱՌՆԱՆՔ ՆՈՐ ՄԱՐԴ» Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ

Լուրեր Կաթողիկոսարանէն

Հակառակ համաճարակին ստեղծած ոչ-նպաստաւոր պայմաններուն, անցնող օրերուն Աւագ Շաբթուան, ինչպէս նաեւ այսօր՝ Ուրբաթ, 2 Ապրիլ 2021-ին, Քրիստոսի Թաղման արարողութեան, ներկայ գտնուեցան մեծ թիւով հաւատացեալներ՝ հաղորդուելու Քրիստոսի երկարաւոր առաքելութեան վերջին հանգրուանին առնչուած դրուագներէն փոխանցուած խորհուրդով:   Թաղման արարողութեան նախագահեց Ն.Ս.Օ.Տ.Տ. Արամ Ա. Վեհափառ Հայրապետը, շրջապատուած միաբան հայրերով: Արարողութեան երգեցողութիւնը կատարեց Դպրեվանքի Արմաշ երգչախումբը: Արարողութեան աւարտին Նորին…

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍԻՆ Ս. ԶԱՏԿՈՒԱՆ ՊԱՏԳԱՄԸ

Լուրեր Կաթողիկոսարանէն, Հայրապետական Պատգամներ

ԱՊՐԻ՛Լ ՅԱՐՈՒՑԵԱԼ ԿԵԱՆՔԻ ՀՐԱՄԱՅԱԿԱՆԸ   Կողոսացիներուն ուղղած իր նամակին մէջ Պօղոս Առաքեալ կը յիշեցնէ թէ՝ «մկրտուելով, անոր (Քրիստոսի) հետ միասին թաղուեցաք, եւ անոր հետ ալ յարութիւն առիք» (2.12)։   Մկրտութեամբ քրիստոնեան անդամ կը դառնայ եկեղեցւոյ։ Եկեղեցին Քրիստոսն է իր խորհրդական մարմնով, իր կեանքով ու առաքելութեամբ։ Եկեղեցւոյ ճամբով Քրիստոս շարունակ կը ծնի, կ’ուսուցանէ, կը հրաշագործէ, կը…

«ՍԷՐԸ ՊԷՏՔ Է ԴԱՌՆԱՅ ՄԵՐ ԿԵԱՆՔԻՆ ԱՌԱՆՑՔԸ ԵՒ ՃԱՄԲԱՆ» Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ

Լուրեր Կաթողիկոսարանէն

Աւագ Հինգշաբթի, 1 Ապրիլ 2021-ի երեկոյեան, մեծ թիւով հաւատացեալներու ներկայութեամբ, տեղի ունեցաւ Ոտնլուայի աւանդական կարգը, Անթիլիասի Մայրավանքի Ս. Գրիգոր Լուսաւորիչ Մայր Տաճարին մէջ, նախագահութեամբ Ն.Ս.Օ.Տ.Տ. Արամ Ա. Վեհափառ Հայրապետին:   Դպրեվանքի Արմաշ երգչախումբը սքանչելի կատարողութեամբ մեր բազմադարեան հոգեւոր երգերով հոգեպարար մթնոլորտ մը ստեղծեց եկեղեցիէն ներս: Վեհափառ Հայրապետը արարողութեան ընթացքին, հետեւելով Մեծ Վարդապետին՝ մեր Տիրոջ Յիսուս…