Չորեքշաբթի, 8 Յունուար 2025-ի երեկոյեան, Ն.Ս.Օ.Տ.Տ. Արամ Ա. Վեհափառ Հայրապետը Անթիլիասի Մայրավանքին մէջ ընդունեց Սուրբ Ծննդեան ու նոր տարուան տօներուն առթիւ շնորհաւորական այցելութիւնը Ն.Ա.Գ.Տ.Տ. Ռաֆայէլ-Պետրոս ԻԱ. Հոգեւոր Տիրոջ։ Հանդիպման Վեհափառ Հայրապետին ու Հոգեւոր Տիրոջ կողքին ներկայ էին հոգեւոր հայրեր։
Սիրալիր մթնոլորտի մէջ կայացած հանդիպումը առիթ եղաւ անդրադառնալու Հայաստանի ներքին ու արտաքին կեանքը յուզող հարցերու, Լիբանանի նախագահական ընտրութեան եւ Սուրիոյ մէջ ստեղծուած նոր կացութեան լոյսին տակ ընդհանրապէս քրիստոնեայ ու յատկապէս հայ համայնքին միասնակամութեան հրամայական անհրաժեշտութեան։
