Ն.Ս.Օ.Տ.Տ Արամ Ա. Կաթողիկոսին հովանաւորութեամբ եւ օրհնութեամբ, Մեծի Տանն Կիլիկիոյ Կաթողիկոսութեան Հայագիտական կեդրոնի 2024-2025 կրթական տարեշրջանի դասաւանդութիւնները պիտի սկսին Երկուշաբթի, 7 Հոկտեմբեր 2024-ին, նորահաստատ Խորէն Ա. կեդրոնին մէջ, Ֆանար:
Կրթական եռամեայ ծրագիրը կ՚ընդգրկէ հայերէն լեզու եւ գրականութիւն, հայերէն քերականութիւն, գրական գիտելիքներ, գրաբար, հայոց պատմութիւն, աշխարհագրութիւն, մատենագիտութիւն, բանահիւսութիւն, հայ եկեղեցւոյ պատմութիւն, հայ մշակոյթի պատմութիւն, ընդհանուր հոգեբանութիւն, մանկավարժութիւն եւ ժամանակակից հայոց պատմութիւն:
Այս տարեշրջանին պիտի ստեղծուի առցանց դասաւանդութիւններու դրութիւն՝ Սփիւռքի մեր հայրենակիցներուն համար: Դասաւանդութիւնները տեղի պիտի ունենան ամէն Երկուշաբթի, Չորեքշաբթի եւ Ուրբաթ օրերը, երեկոյեան ժամը 05։00-07։30 (Պէյրութի ժամանակացոյցով):
Նիւթերը կը դասաւանդուին Սփիւռքէն եւ Հայրենիքէն փորձառու ու վաստակաւոր ուսուցիչներու եւ յատուկ հրաւէրով կեդրոն ժամանող մասնագէտներու կողմէ:
Դասաւանդութիւններուն կանոնաւոր հետեւողները եռամեայ ծրագիրի աւարտին կը ստանան համապատասխան վկայագիր:
Յաւելեալ մանրամասնութիւններու համար հեռաձայնել Կաթողիկոսարան՝ 04 410 001 եւ 03 713 897 թիւերուն, կամ կապ հաստատել [email protected] հասցէին:
ՏԵՍՉՈՒԹԻՒՆ ՀԱՅԱԳԻՏԱԿԱՆ ԿԵԴՐՈՆԻ
