News

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ԱԶՈՒՆԻԷԻ ԱԶԳԱՅԻՆ ԲՈՒԺԱՐԱՆԻ ԽՆԱՄԱԿԱԼՈՒԹԵԱՆ ԴԻՒԱՆԸ

08 September 2021

Չորեքշաբթի, 8 Սեպտեմբեր 2021-ին, Ն.Ս.Օ.Տ.Տ. Արամ Ա. Վեհափառ Հայրապետը ընդունեց Ազունիէի ազգային բուժարանի խնամակալութեան դիւանը: Հանդիպման ընթացին Նորին Սրբութիւնը զեկոյց մը ստացաւ վերջին ամիսներուն  բուժարանի գործունէութեան մասին:


Վեհափառ Հայրապետը իր գնահատանքը յայտնեց բուժարանի խնամակալութեան եւ տնօրէնութեան կատարած աշխատանքներուն, եւ ընդհանրապէս բուժարանին գործունէութեան գծով: Նորին Սրբութիւնը նաեւ գնահատեց Նիւ Եորքի խնամակալութեան կատարած հետեւողական նպաստը՝ յատկապէս տնտեսական լուրջ դժուարութիւններով լեցուն այս օրերուն:

 

Արդարեւ, Հայրապետը շեշտեց Մեծի Տանն Կիլիկիոյ Կաթողիկոսութեան ամբողջական զօրակցութիւնը առողջապահական բնագաւառէն ներս կարեւոր առաքելութեան լծուած ազգային այս կառոյցին: