Շաբաթ, 4 Սեպտեմբեր 2021-ին, ասորի կաթողիկէ եկեղեցւոյ պետ Իգնատիոս Եուսեֆ Գ. Եունան Պատրիարքը ներկայացնող պատուիրակութիւն մը այցելեց Ն.Ս.Օ.Տ.Տ. Արամ Ա. Վեհափառ Հայրապետին: Պատուիրակութեան մաս կը կազմէին յիշեալ եկեղեցւոյ Պաղտատի եւ Գանատայի թեմերու առաջնորդ սրբազաններն ու Պատրիարքի օգնականը, իսկ Նորին Սրբութեան կողքին ներկայ էր Հիւսիսային Ամերիկայի Արեւմտեան թեմի առաջնորդ Գերշ. Տ. Թորգոմ Եպս. Տօնոյեանը:
Յայտնենք, որ պատուիրակութիւնը Եունան Պատրիարքին կողմէ նամակ մը փոխանցեց Վեհափառ Հայրապետին:
Հանդիպման ընթացքին արծարծուեցան Միջին Արեւելքի ու Լիբանանի դիմագրաւած տագնապներու եւ երկու եկեղեցիներու միջեւ յարաբերութեանց առնչուած հարցեր:
