News

ՎԱՏԻԿԱՆԻ ԵՒ ՀԱՅԱՍՏԱՆԻ ԴԵՍՊԱՆՆԵՐԸ ԱՅՑԵԼԵՑԻՆ ՎԵՀԱՓԱՌ ՀԱՅՐԱՊԵՏԻՆ

13 August 2021

Ն.Ս.Օ.Տ.Տ. Արամ Ա. Վեհափառ Հայրապետը Ուրբաթ, 13 Օգոստոս 2021-ին, յաջորդաբար ընդունեց Լիբանանի մօտ Հայաստանի Հանրապետութեան դեսպան Վահագն Աթաբէկեանը եւ Վատիկանի մօտ Լիբանանի Հանրապետութեան դեսպան դոկտ. Ֆարիտ Ալ-Խազէնը։

 

Հայաստանի դեսպանին հետ հանդիպման ընթացքին քննարկուեցան Հայաստանի ներքին կացութեան եւ Հայաստան-Սփիւռք յարաբերութեան առնչուած հարցեր։

 

Վատիկանի մօտ Լիբանանի դեսպանին հետ Նորին Սրբութեան ունեցած հանդիպման առանցքը վերջերս Վատիկանի մէջ, Նորին Սրբութիւն Ֆրանսիս Պապին ներկայութեան, տեղի ունեցած Լիբանանի հոգեւոր պետերուն հանդիպումն էր եւ յատկապէս անոր յաջորդած աշխատանքները։ Այս ծիրէն ներս դոկտ. Ալ-Խազէն հանդիպում ունեցած էր Լիբանանի Հանրապետութեան նախագահին եւ մարոնիթ եկեղեցւոյ պատրիարքին հետ։