12 Հուլիսի, 2021

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ԱՄԵՐԻԿԱՅԻ ՄԻԱՑԵԱԼ ՆԱՀԱՆԳՆԵՐՈՒ ՄՕՏ ԼԻԲԱՆԱՆԻ ՆԱԽԿԻՆ ԴԵՍՊԱՆԸ

Երկուշաբթի, 12 Յուլիս 2021-ին, Պիքֆայայի Սուրբ Աստուածածին Վանքին մէջ, Ն.Ս.Օ.Տ.Տ. Արամ Ա. Վեհափառ Հայրապետին այցելեց Ամերիկայի Միացեալ Նահանգներու մօտ Լիբանանի նախկին դեսպան Սիմոն Քարամը։ Այցելութեան նպատակն էր մօտէն իմանալ Վեհափառ Հայրապետին արժեւորումը վերջերս Վատիկանի մէջ տեղի ունեցած Լիբանանի հոգեւոր պետերուն հանդիպման շուրջ։

Նորին Սրբութիւնը անհրաժեշտ բացատրութիւնները տուաւ Սիմոն Քարամին՝ շեշտելով Վատիկանի ամբողջական յանձնառութիւնը կարգ մը բարեկամ երկիրներու հետ համախորհուրդ, շարունակելու իր զօրակցութիւնը Լիբանանի նկատմամբ։

Յայտնենք, որ թէ՛ լիբանանեան եւ թէ միջազգային մամուլը մինչեւ օրս կը շարունակէ արձագնգել Վատիկանի ժողովին մասին՝ շեշտելով նոր կառավարութեան կազմութեան հրամայականը։

More News