Ուրբաթ, 9 Յուլիս 2021-ի երեկոյեան, Ն.Ս.Օ.Տ.Տ. Արամ Ա. Վեհափառ Հայրապետին այցելեցին Լիբանանի Խորհրդարանի փոխ նախագահ Էլի Ֆրզլի, Նախագահական Պալատի տեղեկատուական հարցերու նախկին պատասխանատու Ժան Ազիզ, Ուաշինկթընի մօտ Լիբանանի նախկին դեսպան Դոկտ. Ապտալլա Պու Հապիպ եւ ասորի համայնքի լիկայի նախագահ Հապիպ Աֆրամ:
Հանդիպման ընթացքին Վեհափառ Հայրապետին կողքին ներկայ էր Լիբանանի Հայկական Երեսփոխանական Պլոքի ներկայացուցիչ Յակոբ Բագրատունի:
Հանդիպումը առիթ հանդիսացաւ արծարծելու վերջերս Վատիկանի մէջ տեղի ունեցած Լիբանանի քրիստոնեայ հոգեւոր պետերու ժողովին եւ Լիբանանը յուզող հարցերուն առնչուած շարք մը խնդիրներ:
