News

Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ԼԻԲԱՆԱՆԻ ԵՐԻՏԱՍԱՐԴՈՒԹԵԱՆ ԵՒ ՄԱՐՄՆԱԿՐԹՈՒԹԵԱՆ ՆԱԽԱՐԱՐԻ ՊԱՇՏՕՆԱԿԱՏԱՐ ՎԱՐԴԻՆԷ ՕՀԱՆԵԱՆ-ԳԷՈՐԳԵԱՆԸ

07 May 2021

Ուրբաթ, 7 Մայիս 2021-ին, Լիբանանի երիտասարդութեան եւ մարմնակրթութեան նախարարի պաշտօնակատարը՝ Վարդինէ Օհանեան-Գէորգեան Հայաստանէն վերադարձին այցելեց Ն.Ս.Օ.Տ.Տ. Արամ Ա. Վեհափառ Հայրապետին:

 

Յայտնենք, որ յանուն Լիբանանի Հանրապետութեան նախագահին նախարարի պաշտօնակատարը մեկնած էր Հայաստան մասնակցելու Ապրիլ 24-ի առիթով տեղի ունենալիք հրապարակային ձեռնարկներուն։ Իր այցելութեան ընթացքին, ան տեսակցութիւններ ունեցած էր Հայաստանի պետական ներկայացուցիչներու հետ: Ան Նորին Սրբութեան զեկոյց տուաւ այս իմաստով եւ Հայրապետը իր օրհնութիւնը եւ գնահատանքը յայտնեց անոր կատարած յաջող առաքելութեան: