News

ՎԵՀԱՓԱՌ ՀԱՅՐԱՊԵՏԸ ԸՆԴՈՒՆԵՑ ԱԶԳԱՅԻՆ ԾԵՐԱՆՈՑԻ ԽՆԱՄԱԿԱԼՈՒԹԻՒՆԸ

21 April 2021

Օրեր առաջ, Ն.Ս.Օ.Տ.Տ. Արամ Ա. Վեհափառ Հայրապետին այցելեց Ազգային Ծերանոցը ներկայացնող պատուիրակութիւն մը՝ բաղկացած հաստատութեան տնօրէն Վերապատուելի Սեպուհ Թէրզեանէ եւ խնամակալութեան անդամ Տիգի Թորիկեանէ ու Թամար Տէր Պետրոսեանէ:

 

Ազգ. Ծերանոցի պատասխանատուները զեկոյց տուին Վեհափառ Հայրապետին ծերանոցի աշխատանքներուն ու յատկապէս անոր դիմագրաւած տնտեսական դժուարութիւններուն մասին: Նորին Սրբութիւնը իր բարձր գնահատանքը յայտնեց Ազգ. Ծերանոցին կատարած մարդասիրական ու ազգային ծառայութեան համար: Ան շեշտեց հոն կատարուող աշխատանքին կարեւորութիւնը մեր ժողովուրդին համար եւ կոչ ուղղեց նիւթապէս օգտակար հանդիսանալու ծերանոցի գործունէութեան՝ յատկապէս այս օրերուն, երբ ամբողջ Լիբանանը տնտեսական լուրջ դժուարութիւններ կը դիմագրաւէ: