News

ՀՈԳՇ. Տ. ՊԱՐՈՅՐ ՎՐԴ. ՇԷՐՆԷԶԵԱՆ ՆՇԱՆԱԿՈՒԵՑԱՒ ԴՊՐԵՎԱՆՔԻ ՏԵՍՈՒՉ

27 January 2021

Ն.Ս.Օ.Տ.Տ. Արամ Ա. Վեհափառ Հայրապետը Մեծի Տանն Կիլիկիոյ Կաթողիկոսութեան Դպրեվանքի տեսուչ նշանակեց Հոգշ. Տ. Պարոյր Վրդ. Շէրնէզեանը։

 

Հայր սուրբը ձեռնադրուած եւ օծուած է 2012-ին։ Ան իր բարձրագոյն ուսումը ստացած է Պըրքլիի Graduate Theological Union համալսարանին մէջ՝ արժանանալով մագիստրոսի աստիճանին։ Հայր սուրբը Կաթողիկոսարանէն ներս ստնաձնած է Երիտասարդական Բաժանմունքի եւ Հայ Եկեղեցւոյ Համալսարանական Ուսանողներու Միութեան հոգեւոր խորհրդատուի եւ «Կիլիկիա» թանգարանի տեսուչի պաշտօնները, ինչպէս նաեւ եղած է Սան Ֆրանսիսքոյի Սուրբ Գրիգոր Լուսաւորիչ եկեղեցւոյ հոգեւոր հովիւը։