Քէնթըրպըրիի նորընտիր Արք.ին գահակալութիւնը տեղի ունեցաւ երկու օրեր առաջ, Քէնթըրպըրիի (Անգլիա) մէջ: Ներկայ էին բազմաթիւ պետական թէ կրօնական անձնաւորութիւններ:
Գահակալութեան արարողութեան, յանուն Վեհափառ Հայրապետին ներկայ եղաւ՝ Գերշ. Տ. Մուշեղ Արք. Մարտիրոսեանը: Սրբազանը, նաեւ ներկայ գտնուեցաւ ի պատիւ նորընտիր Արք.ին տրուած պաշտօնական ճաշկերոյթին: Յաջորդ օրը, Առաջնորդ Սրբազանը շնորհաւորեց նորընտիր Արք.ը ու անոր փոխանցեց Ն.Ս.Օ.Տ.Տ. Արամ Ա. Վեհափառ Հայրապետին շնորհաւորութիւնն ու եղբայրական ողջոյնը:
Յայտնենք, որ Նորին Սրբութիւնը Քէնթըրպըրիի նորընտիր Արք.ին ուղղած իր յատուկ նամակին մէջ, շնորհաւորած էր անոր ընտրութիւնն ու գահակալութիւնը, մաղթելով, որ Մեծի Տանն Կիլիկիոյ Կաթողիկոսութեան եւ Անկլիքան եկեղեցիներու միջեւ էքիւմէնիք գործակցութիւնը աւելի ծաւալի:
