17 Օգոստոսի, 2018

ՍԱՔԻԷԹ ԷԼ ՄԸՍԸՔ-ՊԱՀԸՐՍԱՖ ԵՒ ՊԻՔՖԱՅԱ ՇՐՋԱՆՆԵՐՈՒ ՔԱՂԱՔԱՊԵՏՆԵՐԸ ԱՅՑԵԼԵՑԻՆ Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ

Ուրբաթ, 17 Օգոստոս 2018-ին, Սաքիէթ Էլ Մըսըք եւ Պիքֆայա շրջաններու քաղաքապտները՝ Միշէլ Նասըր եւ Նիքոլ Ճըմայյէլ, այցելեցին Ն.Ս.Օ.Տ.Տ. Արամ Ա. Վեհափառ Հայրապետին, Ս. Աստուածածին Վանքին մէջ։ Անոնք Վեհափառ Հայրապետին յիշատակի նուէր մը փոխանցեցին եւ իրենց պատրաստակամութիւնը յայտնեցին օգտակար հանդիսանալաու Վանքին առնչուած ոեւէ մէկ ծրագիրի կամ խնդրի։

 

Նորին Սրբութիւնը իր գնահատանքը յայտնեց իրենց ցուցաբերած հոգածութեան ու աջակցութեան համար եւ իրենց ուշադրութեան յանձնեց քանի մը հարցեր, որոնք կը կարօտին անմիջական լուծման։

 

Հանդիպումին ներկայ էին Ս. Աստուածածին Վանքի շէնքներու եւ պարտէզի պատասխանատու՝ Հոգշ. Տ. Շնորհք Վրդ. Աշըգեան եւ Դպրեվանքի տեսուչ՝ Հոգշ. Տ. Պօղոս Վրդ. Թինքճեան։

More News